TopCars

21/06/2026

city drive

20/06/2026

27/05/2021

🌍ប្រវត្តិខ្លីៗរបស់រថយន្ត TOYOTA FORTUNER

TOYOTA FORTUNER បានវិវឌ្ឍន៍ខ្លួនមកពីកំពូលរថន្ត Off Road-Hilux Sport Rider ដែលមានកំណើតនៅឆ្នាំ ១៩៩៨ មកដល់ឆ្នាំ២០០៤ ហើយបានអភិវឌ្ឍន៍រូបរាង និងប្តូរឈ្មោះមករថយន្ត Toyota Fortuner ជំនាន់ទីមួយនៅឆ្នាំ ២០០៥ មកដល់ឆ្នាំ ២០១៥ ។ រយៈពេល១០ឆ្នាំនេះ Toyota Fortuner បានបំពាក់បច្ចេកវិទ្យា តិចតួចបំផុត តែអ្វីដែលអតិថិជនគាំទ្រនោះ គឺសមត្ថិភាព Off Road ភាពធន់ជាមួយជើងក្រោម រួមទាំងម៉ាស៊ីន និងសុវត្ថិភាពនៃការរថយន្តលើដងផ្លូវ។

🌍នៅក្នុងឆ្នាំ២០១៥ Toyota Fortuner បានបំពាក់មកជាមួយនូវ៖
- ម៉ាស៊ីន 1KD 3.0L, 163hp,
- ស៊ីម៉ាស៊ូត ចន្លោះពី ៨លីត្រ ទៅ ៩លីត្រ
- ប្រអប់លេខៈ អូតូ៤វគ្គ
- បំពាក់ប៉ុង២ មានកាពីតាស
- សោចាក់ធម្មតា
- អេក្រង់ DVD-Touch Screen
- ចង្កៀងមុខ HID Projector
- ហ្វ្រាំង ABS
- កាមេរ៉ា ក្រោយមួយ
- ពោងសុវត្ថិភាព ២គ្រាប់

🌍មកដល់ឆ្នាំ២០១៦ តូយ៉ូតាបានបញ្ចេញ Toyota
Fortuner ជំនាន់ទី២ ហើយបំពាក់មកជាមួយនូវ៖
- រូបរាងមានការផ្លាស់ប្តូរទាំងស្រុង ជាមួយនឹងបច្ចេកវិទ្យាទំនើបៗ និងប្រព័ន្ធសុវត្ថិភាពជាច្រើន តែតូយ៉ូតានៅបំពាក់ម៉ាស៊ីន និងប្រអប់លេខដដែល ព្រោះវាមានសមត្ថិភាពខ្ពស់ស្រាប់ហើយ ប៉ុន្តែអ្វីដែលប្លែកនៅមានជាច្រើនដូចជា៖
- សោ Smart Key (បញ្ឆេះរថយន្តដោយមិនប្រើសោចាក់)
- អេក្រង់ DVD-Touch Screen ទំហំធំ និងមានមុខងារច្រើនជាងមុន
- ប៊ូតុងបញ្ជា ជាច្រើននៅលើដៃចង្កូត
- ចង្កៀងមុខ និងក្រោយជាប្រភេទ LED ជាពិសេសចង្កៀងមុខជាប្រភេទ Bi-Beam LEDដែលមានសមត្ថិភាពខ្ពស់ជាងរថយន្តបំពាក់ចង្កៀងធម្មតា
- បើកទ្វារក្រោយ អូតូ
- ម៉ាស៊ីនត្រជាក់អូតូ ៣ជួរដល់ក្រោយ
- ប្រអប់ត្រជាក់ ដើម្បីក្លាសេទឹក
- ប្រព័ន្ទការពារគាបដៃនៅលើកញ្ចក់ទាំង៤ និងទ្វារក្រោយ
- ហ្វ្រាំង ABS, BA, EBD, EBS, BOS, HAC, DAC, VSC, TRC, A-TRC
- កាមេរ៉ា ក្រោយមួយ
- ពោងសុវត្ថិភាព ៩គ្រាប់ មួយជុំរថយន្ត

🌍ក្រោយមកនៅឆ្នាំ២០១៨ ដល់ឆ្នាំ២០២០ តូយ៉ូតាក៏បានផ្លាស់ប្តូរនូវម៉ាស៊ីន និងប្រអប់លេខថ្មីទាំងស្រុងនោះគឺៈ
- ម៉ាស៊ីនជំនាន់ថ្មី GD-Engine 2.8L, 175hp, 450Nm
- ស៊ីម៉ាស៊ូត ចន្លោះពី ៦លីត្រ ទៅ ៧លីត្រ និងមានប្រព័ន្ទបែងចែកកំលាំងម៉ាស៊ីនតាមស្ថានភាពផ្លូវ គឺ ECO Mode ដើម្បីសន្សំសម្ចែការស៊ីប្រេង, Standard Mode បើកបរកម្រិតធម្មតា និង Power Mode ដើម្បីបង្កើនកំលាំង និងសន្ទុះអោយរថយន្តបន្ថែមទៀត។
- ប្រអប់លេខៈ ៦វគ្គ លេខអូតូ និងលេខដៃអាចឆ្លាស់ទៅមកបាន និងបំពាក់នូវចង្កិះលេខជំនួយនៅលើដៃចង្កូត
- បំពាក់ប៉ុង២ មានកាពីតាស និង បច្ចេកវិទ្យា Shift On The Fly ដែលចូលប៉ុង២ដោយពុំឈប់រថយន្ត
- កាមេរ៉ា និងសេនស័រក្រោយ

🌍ការផ្លាស់ប្តូរដ៏អស្ចារ្យនៅឆ្នាំ២០២១ របស់ Toyota Fortuner
នៅថ្ងៃទី០៨ ខែឧសភាឆ្នាំ២០២១ តូយ៉ូតាបានសម្ភោធជាផ្លូវការនូវរថយន្ត Toyota Fortuner ២០២១ ដែលលើកនេះមានការផ្លាស់ប្តូរយ៉ាងច្រើនហួសពីការស្មានរបស់អតិថិជន រួមទាំងបុគ្គលិកផងដែរ ក្នុងនោះរួមាន៥ចំនុចធំៗដូចជា៖
- ការផ្លាស់ប្តូររូបរាង ស្អាត អំណាច និងទាន់សម័យ
- ម៉ាស៊ីនខ្លាំង ស្ងាត់ និងស៊ីប្រេងតិចជាងមុន
- បច្ចេកវិទ្យាទំនើបៗ និងឆ្លាវៃ
- ប្រព័ន្ទសុវត្ថិភាពខ្ពស់ និងដំណើរការដោយស្វ័យប្រវត្តិ
- ការកែសម្រួលប្រព័ន្ធជើងក្រោម និងចង្កូតអោយមានផាសុខភាពជាងមុន

🌍សរុបការផ្លាស់ប្តូរតូចៗមានរហូតដល់៣៥ចំនុច ខុសពីឆ្នាំ២០២០ ។
- ម៉ាស៊ីនជំនាន់ថ្មី GD-Engine 2.8L, 201hp, 500Nm កាត់បន្ថយកម្រិតស៊ីប្រេងបាន ៤%បន្ថែមទៀត
- ស៊ីម៉ាស៊ូត ចន្លោះពី ៦លីត្រ ទៅ ៧លីត្រ និងមានប្រព័ន្ទបែងចែកកំលាំងម៉ាស៊ីនតាមស្ថានភាពផ្លូវ គឺ ECO Mode ដើម្បីសន្សំសម្ចែការស៊ីប្រេង, Normal Mode បើកបរកម្រិតធម្មតា និង Sport Mode ដើម្បីបង្កើនកំលាំង និងសន្ទុះអោយរថយន្តកាន់តែខ្លាំងដូចឡានសាំង ។
- ប្រអប់លេខៈ ៦វគ្គ លេខអូតូ និងលេខដៃអាចឆ្លាស់ទៅមកបាន និងបំពាក់នូវចង្កិះលេខជំនួយនៅលើដៃចង្កូត
- បំពាក់ប៉ុង២ មានកាពីតាស និង បច្ចេកវិទ្យា Shift On The Fly ដែលចូលប៉ុង២ដោយពុំឈប់រថយន្ត
- ប្រព័ន្ធ Auto L*D ដែលអាំចបែងចែកកំលាំងកងឆ្វេង និងស្តាំដោយពុំចូលកាពីតាស់
- សេនស័រមួយជុំរថយន្ត និងកាមេរ៉ា៣៦០ដឺក្រ (មើលគ្រប់ទិសនៃរថយន្ត)
- ចង្កៀងមុខ ជាប្រភេទ គុជLED ម្ខាង៣គ្រាប់ និងភ្ជាប់ជាមួយភ្លើងស៊ីញ៉ូប្រដេញយ៉ាងទាន់សម័យ
- ស្តុបក្រោយជាប្រភេទLED ភ្ជាប់ជាមួយភ្លើងស៊ីញ៉ូប្រដេញ
- បច្ចេកវិទ្យាបើកទ្វារក្រោយ ដោយគ្រាន់តែគ្រវាសជើង
- សោឆ្លាតវៃ (Smart Key)
- បច្ចេកវិទ្យាបង្ហាញទិសដៅនៃកង់មុខរថយន្តនៅលើអេក្រង់MID
- ម៉ាស៊ីនត្រជាក់អូតូ មុខ និងក្រោយ ទាំង៣ជួរ
- អេក្រង់ JBL Touch Screen ធំជាងមុន៩អ៊ីង អាចមើលផែនទីបាន អាចភ្ជាប់Screenទូរស័ព្ធដៃទៅScreenរថយន្តបាន និងបំពាក់ឧបករណ៍បំពោងសម្លេងជាមួយបច្ចេកវិទ្យា Speaker JBL 11 គ្រាប់
- កៅអីស្បែក អូតូឆ្វេងស្តាំ និងមានប្រព័ន្ធបញ្ជាអោយចេញខ្យល់ត្រជាក់
- កៅអីក្រោយ ជួរទី២ និងទី៣ អាចទម្រេតសំរាប់ផ្អែក និងបត់បែនបាន
- កញ្ចក់កណ្តាលសំរាប់មើលក្រោយមានបច្ចេកវិទ្យាកាត់ពន្លឺ ការពារចាំងភ្នែក
- បច្ចេកវិទ្យាសាកថ្មអត់ប្រើខ្សែ Wireless Charger នៅខាងមុខ និង Fast Charger ២គ្រាប់នៅផ្នែកកណ្តាលកៅអីជួរទី២ និងកន្លែងសាកថ្មនៅកៅអីជួរទី៣
- ប្រអប់ត្រជាក់ សំរាប់ក្លាសេទឹកនៅខាងមុខ និងកន្លែងដាក់ដបទឹកនៅគ្រប់ទីតាំងកៅអី
- កញ្ចក់ទាំង៤ និងទ្វារក្រោយបំពាក់បច្ចេកវិទ្យាការពារគាប
- បំពាក់ពោងសុវត្ថិភាព៩គ្រាប់
- មានប្រព័ន្ធហ្វ្រាំង ABS, BA, EBD, EBS, BOS
- ប្រព័ន្ធហ្វ្រាំងទប់តួររថយន្តមិនអោយរអិលថតយក្រោយពេលឡើងចំណោត (HAC)
- ប្រព័ន្ធអមហ្វ្រាំងទប់តួរថយន្តដោយស្វ័យប្រវត្តិពេលចុះចំណោត (DAC)
- ប្រព័ន្ធទប់លំនឹងរថយន្តពេលរត់លើផ្លូវកោង និងរអិល (VSC & TRC)
បច្ចេកវិទ្យាប្រព័ន្ធសុវត្ថិភាពចុងក្រោយរបស់តូយ៉ូតា ចូលជាមួយ Lexus (TSS) មានដូចជាៈ
- ប្រព័ន្ធផ្តល់សញ្ញាគ្រោះថ្នាក់ និងជាន់ហ្វ្រាំងស្វ័យប្រវត្តិ
- ប្រព័ន្ធរក្សាទីតាំងរថយន្តអោយរត់នៅលើគន្លងរបស់ខ្លួន
- ប្រព័ន្ធរក្សាល្បឿន បន្ថែមល្បឿន និងបន្ថយល្បឿនដោយស្វ័យប្រវត្តិតាមស្ថានភាពចរចរណ៍ខាងមុខ
អ្វីដែលផ្លាស់ប្តូរកាន់តែពិសេសនោះ គឺតម្លៃទាប តែបានបច្ចេកវិទ្យាឡានទំនើប និងខ្លាំង ។