بەڕێوەبەرایەتی هاتووچۆی پارێزگای هەڵەبجە

  • Home
  • Iraq
  • Halabja
  • بەڕێوەبەرایەتی هاتووچۆی پارێزگای هەڵەبجە

بەڕێوەبەرایەتی هاتووچۆی پارێزگای هەڵەبجە Contact information, map and directions, contact form, opening hours, services, ratings, photos, videos and announcements from بەڕێوەبەرایەتی هاتووچۆی پارێزگای هەڵەبجە, Traffic school, مدریس, Halabja.

سەردانی چین و توێژە جیاوازەکان بۆ بەڕێوەبەرایەتی هاتووچۆی هەڵەبجە​ئەمڕۆ پێنجشەممە بەمەستی دەربڕینی پیرۆزبایی بە بۆنەی دە...
27/08/2026

سەردانی چین و توێژە جیاوازەکان بۆ بەڕێوەبەرایەتی هاتووچۆی هەڵەبجە

​ئەمڕۆ پێنجشەممە بەمەستی دەربڕینی پیرۆزبایی بە بۆنەی دەستبەکاربوونی بەڕێز عقیدی هاتووچۆ: ڕێباز کەمال محمد وەک بەڕێوەبەری نوێی هاتووچۆی هەڵەبجە ژمارەیەک لە چین و توێژە جیاوازەکانی شارەکە سەردانی بەڕێوەبەرایەتییەکەیان کرد.

​لە سەردانەکەدا، میوانەکان خۆشحاڵی خۆیان بە وەرگرتنی ئەم پۆستە لەلایەن ناوبراوەوە دەربڕی ​هیوای سەرکەوتن و بەردەوامییان لە ئەرکە نوێیەکەیدا بۆ خواست ​جەختیان لەسەر گرنگیی هاریکاری و هەماهەنگی نێوان هاووڵاتییان و بەڕێوەبەرایەتی هاتووچۆ کردەوە لەپێناو خزمەتکردنی زیاتری شارەکە ..

ڕێکخستنەوەی ناوبازاڕی بیارە لەپێناو خزمەتکردنی گەشتیاران و شۆفێران ...​ئەمڕۆ دووشەممە، لێپرسراوی بنکەی هاتووچۆی بیارە بە...
24/08/2026

ڕێکخستنەوەی ناوبازاڕی بیارە لەپێناو خزمەتکردنی گەشتیاران و شۆفێران ...

​ئەمڕۆ دووشەممە، لێپرسراوی بنکەی هاتووچۆی بیارە بە هاوکاریی کارمەندانی هاتووچۆ و شارەوانیی بیارە، هەڵمەتێکیان بۆ ڕێکخستنەوەی ناوبازاڕ ئەنجام دا.

​ئامانج لە هەڵمەتەکە ​جوانکردنی سیمای گەشتیاریی ناوچەکە بە شێوازێکی شایستە ​کارئاسانی وڕەخساندنی دەرفەت و ئاسانکاریی زیاتر بۆ هاتوچۆی هاووڵاتییان، گەشتیاران و شۆفێران لە ناوبازاڕدا ..

ڕاگـــەیـــاندن
٢٤ی ئابی ٢٠٢٦

ئاگادارییەک لە بەڕێوەبەرایەتی هاتووچۆی هەڵەبجەوە بۆ شۆفێرانی بەڕێز:​لە کاتی سەردانیکردنی بانکەکان و ئامێرەکانی ATM بۆ وە...
24/08/2026

ئاگادارییەک لە بەڕێوەبەرایەتی هاتووچۆی هەڵەبجەوە بۆ شۆفێرانی بەڕێز:

​لە کاتی سەردانیکردنی بانکەکان و ئامێرەکانی ATM بۆ وەرگرتنی مووچەکانتان تکایە ڕەچاوەی ئەم خاڵانە بکەن:

​ ئۆتۆمبێلەکانتان لە شوێنی گونجاو پارک بکەن و لەڕاگرتنی ئۆتۆمبێل بە نادروستی و نایاسایی لە نزیک بانک و ئامێرەکان دوور بکەونەوە.

​پەیرەوکردنی رێنماییەکان لە پێچەوانەی سایددا مەوەستن، چونکە دەبێتە هۆی دروست بونی ڕوداوی نەخوازراو قەرەباڵغی و ئاستەنگی هاتووچۆ.

​بۆ ڕێکخستنی شەقامەکان و بەرژەوەندی گشتی، پێویستە هەموولایەک هەماهەنگی بکەین.

​ڕاگەیاندنی هاتووچۆی هەڵەبجە

پاراستنی خاوێنی شار و ڕاگرتنی سەرپێچیکاران ...​بەیانی ئەمڕۆ، دووشەممە لە درێژەی هەوڵە بەردەوامەکان بۆ پاراستنی سیمای شار...
24/08/2026

پاراستنی خاوێنی شار و ڕاگرتنی سەرپێچیکاران ...

​بەیانی ئەمڕۆ، دووشەممە لە درێژەی هەوڵە بەردەوامەکان بۆ پاراستنی سیمای شار و خاوێنڕاگرتنی ژینگە، ڕووداوێکی پێشێلکاریی ژینگەیی لە شەقامە گشتییەکاندا تۆمار کرا. ڕووداوەکە کاتێک ڕووی دا کە شۆفێری ئۆتۆمبێلێکی بارهەڵگر لەجۆری (میکسەر)، بەهۆی بارکردنی زیاتر لە قەبارەی ڕێگەپێدراوی چیمەنتۆوە، بووە هۆی پیسکردن و فڕێدانی پاشماوەی چیمەنتۆ لە سەر شەقامی سەرەکی " دکتۆر ئامانج " کە کێشەی بۆ هاتوچۆی شۆفێران دروست کردبوو .

​دەستبەجێ و لەسەر فەرمانی بەڕێز : بەڕێوەبەر، تیمەکانی هاتوچۆ کەوتنە گرتنەبەری ڕێکاری یاسایی توند بەرامبەر شۆفێری سەرپێچیکار، بە مەبەستی ڕێگریکردن لە دووبارەبوونەوەی هەر کارێک کە زیان بە ژێرخانی شەقامەکان و پاکوخاوێنی شار دەگەیەنێت.

​لایەنی سەرپێچیکار شەقامەکە یان لە پاشماوەکانی چیمەنتۆ پاککردەوە و باری هاتوچۆیان ئاسایی کردەوە ...

ڕاگەیــاندن
٢٤ی ئاب ٢٠٢٦

ئەمڕۆ یەکشەممە، بەشی ڕاگەیاندنی بەڕێوەبەرایەتی هاتووچۆی هەڵەبجە سیمینارێکی هۆشیاریی بۆ خوێندکارانی " " لە سنوری پارێز...
23/08/2026

ئەمڕۆ یەکشەممە، بەشی ڕاگەیاندنی بەڕێوەبەرایەتی هاتووچۆی هەڵەبجە سیمینارێکی هۆشیاریی بۆ خوێندکارانی
" " لە سنوری پارێزگاکە ساز کرد.

​لەو چالاکییەدا، خوێندکاران لە ڕێگەی پێشکەشکردنی بابەتی ڤیدیۆیی و داتاشۆوە، بە شێوازێکی زانستی ئاشنا کران بە ڕێنماییەکان و یاساکانی ڕێگاوبان هەروەها تیشک خرایە سەر مەترسییە گەورەکانی هەڵە بەکارهێنانی ماتۆڕسکیل و پێویستیی پابەندبوون بە مەرجەکانی سەلامەتی لە کاتی بەکارهێنان ...

ڕاگەیاندن و هۆشیاری
٢٣ی ئابۍ ٢٠٢٦

ئەمڕۆ یەکشەممە پرۆژەی دانان و چاککردنەوەی (سیانە کردنی) هێماکانی هاتووچۆ لە ناو شاری هەڵەبجە و دەرەوەی شار ئەم هەنگاوە...
23/08/2026

ئەمڕۆ یەکشەممە پرۆژەی دانان و چاککردنەوەی (سیانە کردنی) هێماکانی هاتووچۆ لە ناو شاری هەڵەبجە و دەرەوەی شار ئەم هەنگاوە بە ئامانج و مەبەستی ڕێکخستنی زیاتری ڕێگاوبانەکان، کەمکردنەوەی ڕووداوەکان و پاراستنی سەلامەتی شۆفێران و هاووڵاتییان ئەنجام دەدرێت، کە تێیدا هێما تێکشکاوەکان نۆژەن دەکرێنەوە و هێمای نوێش لە شوێنە پێویستەکان دادەنرێن بەهیوای سودو سەلامەتی بۆ شۆفێران ...
ڕاگەیــاندن : ٢٣ی ئاب ٢٠٢٦

ئاگادارییەک لە هاتووچۆی هەڵەبجەوە ...​شۆفێرانی بەڕێز ئاگادار دەکەینەوە کە بەهۆی کارکردن و چاکسازی لە شەقامی بەردەم ( پەی...
19/08/2026

ئاگادارییەک لە هاتووچۆی هەڵەبجەوە ...

​شۆفێرانی بەڕێز ئاگادار دەکەینەوە کە بەهۆی کارکردن و چاکسازی لە شەقامی بەردەم ( پەیمانگای پزیشکی دادوەری هەڵەبجە ) بەشێک لە گۆڕەپانەکە، سایدی دەستەڕاست هەڵکەندراوە.

​لەپێناو سەلامەتیتان، تکایە لەو ناوچەیەدا زۆر بە وریایی و خێراییەکی کەمەوە شۆفێری بکەن تاکاتێک کارەکان تەواو دەبن.

​سوپاس بۆ هاوکاریتان.

بەڕێوەبەرایەتی هاتووچۆی پارێزگای هەڵەبجە

سەردانی فەرمی و کۆبوونەوەی هاوبەش بۆ خزمەتکردنی کەرتی هاتووچۆ لە سنوری ناحیەی خورماڵ ...​ئەمڕۆ یەکشەممە (١٦ی ئابی ٢٠٢٦)...
16/08/2026

سەردانی فەرمی و کۆبوونەوەی هاوبەش بۆ خزمەتکردنی کەرتی هاتووچۆ لە سنوری ناحیەی خورماڵ ...

​ئەمڕۆ یەکشەممە (١٦ی ئابی ٢٠٢٦)، بەڕێز (فەرەیدون محمود)، بەڕێوەبەری ناحیەی خورماڵ، بەیاوەری کاک تالیب ب. پۆستەوگەیاندن
سەردانی بەڕێوەبەرایەتیی هاتووچۆی هەڵەبجەیان کرد و لەلایەن
عقید ** (ڕێباز کەمال) **ـەوە پێشوازیی گەرمیان لێکرا. لەم سەردانەدا، سەرەڕای گەیاندنی پیرۆزبایی بە بۆنەی وەرگرتنی پۆستی نوێوە، ئومێدی سەرکەوتن و بەردەوامیان بۆ بەڕێوەبەری هاتووچۆ خواست.

​لە دیدارەکەدا، کۆمەڵێک پرسی گرنگ سەبارەت بە ڕێکخستنەوە و چاکسازی لە کەرتی هاتووچۆی شارۆچکەی خورماڵ و سەیرانگاکانی " زەڵم و ئەحمەد ئاوا " تاوتوێ کران. ئامانج لەم هەنگاوە کارئاسانیی زیاترە بۆ گەشتیاران و ڕێبواران؛ بە جۆرێک کە لەڕوی جوگرافی و گرنگیی ناوچەکەوە، سەردانیکەرێکی زۆر ڕووی تێدەکەن و پێویستە تیم و مەفرەزەکانی هاتووچۆ هاوکار بن بۆ دروستنەبوونی لۆد و گرفت، هەروەها ڕێکخستنی زیاتری کەرتی هاتووچۆ لە ناوبازاڕی خورماڵدا بە شێوازێک کە هەمووان وەک یەک تیم کار بکەن.

​ڕاگەیاندن و هۆشیاریی بەڕێوەبەرایەتیی هاتووچۆی هەڵەبجە

بەڕێوەبەری هاتووچۆی هەڵەبجە سەردانی بەشی هاتووچۆی ناوشاریان کرد ...​ئەمڕۆ یەکشەممە (١٦ی ئابی ٢٠٢٦)، بەڕێزان : (عەقیدی ها...
16/08/2026

بەڕێوەبەری هاتووچۆی هەڵەبجە سەردانی بەشی هاتووچۆی ناوشاریان کرد ...

​ئەمڕۆ یەکشەممە (١٦ی ئابی ٢٠٢٦)، بەڕێزان : (عەقیدی هاتووچۆ ڕێباز کەمال محمد)، بەڕێوەبەری بەڕێوەبەرایەتی هاتووچۆی هەڵەبجە، بە یاوەری (موقەدەم بەکر صلاح قادر)، بەڕێوەبەری کارگێڕی بەڕێوەبەرایەتییەکە، سەردانی بەشی هاتووچۆی ناوشاریان کرد و لەلایەن (موقەدەم ئامانج حمە علی)، بەڕێوەبەری بەشی هاتووچۆی ناوشارەوە پێشوازییان لێکرا.

​لە دیدارەکەدا، گفتوگۆ کرا دەربارەی چۆنیەتی بەڕێوەچوونی کارەکانی ناوشار، ڕەچاوکردنی ئەو گرفتانەی لە ناوبازاڕدا دروست دەبن، و دابینکردنی چارەسەری پێویست بۆ دواین گۆڕانکارییەکان. هەروەها تیشک خسترایە سەر پێویستییەکانی کارمەندانی هاتووچۆ و چۆنیەتی ڕاییکردنی کاروباری هاووڵاتییان و ئاسانکاریکردن بۆ هاتووچۆی گشتی.

​لە کۆتاییدا، بەڕێوەبەری هاتووچۆی هەڵەبجە خۆشحاڵی خۆی بەو سەردانە دەربڕی و ئامادەیی تەواوی بەڕێوەبەرایەتییەکەی نیشاندا بۆ پێشکەشکردنی هەر جۆرە هاوکاری و ئاسانکارییەک کە لە خزمەت پێشخستنی کەرتی هاتووچۆ و ئاسانکاری بۆ هاووڵاتییانی خۆشەویستدا بێت.

​ڕاگەیاندنی بەڕێوەبەرایەتی هاتووچۆی هەڵەبجە

ڕاگەیاندراوێک لە بەڕێوەبەرایەتی هاتووچۆی پارێزگای هەڵەبجە سەبارەت بە ڕێکخستنی نۆرەی بەنزینخانەکان​لە سەرەتای دروستبوونی ...
14/08/2026

ڕاگەیاندراوێک لە بەڕێوەبەرایەتی هاتووچۆی پارێزگای هەڵەبجە سەبارەت بە ڕێکخستنی نۆرەی بەنزینخانەکان

​لە سەرەتای دروستبوونی قەیرانی بەنزین لە بەنزینخانەکانی سنوری پارێزگای هەڵەبجەدا، لەسەر ڕاسپاردەی بەڕێز : بەڕێوەبەری هاتووچۆی پارێزگای هەڵەبجە، تیمەکانی هاتووچۆ بۆ مەبەستی ڕێکخستن و رێگریکردن لە نۆرەبڕینی بەشێک لە شۆفێران لە ئەرکدا بوون.

​ئەم تیمانەی هاتووچۆ بەردەوام و بێوچان لە خزمەت شۆفێرانی بەڕێزدا بوون لە هەردوو بەنزینخانەی (سان) و (سەرکۆ).

​ بەڵام وەک تێبینی دەکرێت، هەندێک جار بەشێک لە شۆفێران گرفت دروست دەکەن، یان بەهۆی زۆری ڕێژەی ڕاوەستان و نۆرەی دوورودرێژەوە، لۆدێکی زۆر لەسەر شەقامەکان و بەردەم بەنزینخانەکان دروست دەبێت بەڕێوەبەرایەتی هاتووچۆ سەرجەم شۆفێرانی بەڕێز ئاگادار دەکاتەوە کە هیچ شۆفێرێک مافی شۆفێرانی تر پێشێل نەکات، واتە بە هیچ شێوەیەک نۆرەبڕی نەکات.
وە لە نزیک بەنزینخانەکان ئۆتۆمبێل بە خێرایی بەکارنەهێنرێت؛ چونکە لەبەر قەرەباڵغیی زۆری بەردەم بەنزینخانەکان، لە هەموو کاتێک زیاتر ئەگەری دروستبوونی رووداوی نەخوازراو هەیە ​داواکارین هەموو لایەک پابەندبن، بەهیوای چارەسەری ڕیشەیی ئەم قەیرانە. سوپاس بۆ هاوکاری و پابەندبووناتان بە ڕێنماییەکانی سەلامەتی.
ڕاگـــەیـــــاندن
١٤ ئابۍ ٢٠٢٦

Address

مدریس
Halabja
نزیکیگۆرانستـی

Telephone

+9647501815754

Website

Alerts

Be the first to know and let us send you an email when بەڕێوەبەرایەتی هاتووچۆی پارێزگای هەڵەبجە posts news and promotions. Your email address will not be used for any other purpose, and you can unsubscribe at any time.

Shortcuts

Share

Category