27/04/2026
جايك صيف وتريد تتفادى المشاكل و المصاريف بسيارتك ؟!
اتبع هاي #التعليمات المهمة تجنبك عطلات الصيف
1_ تغير زيت المحرك والفلتر من ٥٠٠٠ الى ٧٠٠٠ كم ( وهنا نقصد الزيت الاصلي ) واذا جنت تدخل بازدحامات بكثره هنا لاتعتمد على الـ (كم) وغير زيتها كل شهرين او ٣ او حسب تقديرك للمسافه و التوقف #بشرط زيت وفق الكود الي تنصحك بي الشركه او الي ينصحك بي شخص #مختص ويكون من شركة معتمده او وكيل لوكالة معروفة .
2_ تغيير فلتر الشوته والتبريد كل ٧٠٠٠ كم لمنع دخول الاوساخ والاتربة الى داخل اجزاء #المحرك
3_ فلتر البنزين لاتهمله ابداً بسبب ردائة البنزين ممكن يستهلك بسهولة ويسببلك اضرار ثانوية فحاول كل ١٠ الاف الى ١٥ الف كم تستبدله حتى تبقى نوزلاتك نظيفة وميحتاج تخسر بسببهن 200$ وممكن اكثر .
4_ البلكات استبدلهن اذا اصليات مثل وكالة بوش مو تجيب بوش من مصدر غير موثوق وتكول هذا وكالة لا كون تجيبه من وكيل يخاف الله وعندك ثقه بي حتى تبقى محافظ على عمر مكينتك وتتجنب مشاكل يسببها البلك بحجرة الاحتراق ف كل ٤٠ الف كم بدلهن او 30 الف كم حسب البانزين الي تستخدمه و سياقتك واذا السياره عليها برمجه او تزويد اخذ #حذرك من هذا الموضوع .
5_ زيت الكير والفلتر كل ٥٠ او ٤٠ الف كم بدلهن حتى لو كالتلك الشركة طول العمر امشي عليهن حتى تبقى بعيد عن العته والطبه وتآكل الكلجات ودمار التورباين ويبقى كيرك سليم وعمره طويل وزيت الكير لتاخذه من مصدر مو معروف واذا شفت علم المانيا او امريكا و رحت تاخذه كبل ( تره المطابع موجوده و تكدر تطبع اي علم تريد 😅 ) و كلمن يكلك عندي الاصلي كله انطيني دليل ؛ و #اعتمد شركة موثوقه ووكيل لشركة معتمده عالمياً بي شهادات جوده وفحص وداخل سيطره نوعية ذاك الوكت يلا تتقرب لدهن الكير وتبدله
6_ ماء الراديتر كل موسم نظف المنظومة بفلاش وبعدها استعمل ماء اصلي ماراح اكلك منين تاخذه فوك مفهمك كلشي😁 وحافظ على براد المحرك و الكير ونظافته الراديتر و المكينه من الداخل و تخلص من الترسبات .
7_ الدسكات والفلنجات كل 10 كم تفحصهن هذني روحك وروح احبابك بيهن الفلنجات تتصفر يم ابو تورنه محترف حتى ماياكلهن نصهن بالتورنه وعمرهن يبقاله شهرين والدسكات اكيد عرفت وين تبدلهن في حال تلفن
😉
8_ سائل البريك كل ٣٠ الف كم استبدله بسبب فقدان خواصه وانتهاء صلاحيته العملية مو فرحان بعده بيها مال الوكالة لان ماكو زيت ما يفقد خواصه بالاستخدام وهاي نقطه ميختلفون عليها اثنين .
9_ حجرة الاحتراق ادامتها ضرورية بسبب ردائة البنزين وكثافة الكربون داخل الحجره راح يسببلك دوانز ويقلل من عمر المحرك فحاول كل ٤٠ الف كم تديمها والفيول بمب كل ٣ اشهر افحصه اذا شفت بي ضعف بدله مباشرة بدون ما تخليها تصعد بكرين وتخسر بضعف سعره مرتين وهالشي هوه لسلامتك وسلامه جيبك .
10_ الماسحات وماطورهن ودبتهن لتستهين بيهن ممكن يكفنك شر حادث بالامطار افحصهن وديمهن
11_ اما بخصوص صدر السيارة والرباط والشمعات والفرممة وبوشها وشيال الصالنصه والدبلات ودجة الكير واذان المحرك ولقم الستيرن والرواط والطوبات هذني كل ٤٠ الف كم او اقل تفحصهن وتديمهن بسبب ردائة شوارعنا وبالالماني ماتبين عندك طركعه وهوسه بالصدر مثل الكوري تبقى السيارة ناعمه بس كل مايتلف شي بيهن يسبب ضرر لشي ثاني لحد ماتبدل صدر كامل بسبب حاجة او حاجتين تالفه
وشتحتاجون اخوتكم مركز MOTUL service بالخدمة اذا صيانة او ادامة او ادوات او نصيحة
07700265510
07735843258
