14/01/2023
https://www.facebook.com/444760768933247/posts/5921256247950311/?sfnsn=mo&mibextid=VhDh1V
بەڕێوەبەرایەتی هاتووچۆی سلێمانی سەردانیکردنی بەشی مۆڵەت دەکات بەشێوازی ئەلیکترۆنی
پێش سەردانیکردنی بەشی مۆڵەت پێویستە ئەم بابەتە بخوێنیتەوە
بەڕێوەبەرایەتی هاتووچۆی پارێزگای سلێمانی لە پێناو کارئاسانی کردن بۆ هاوڵاتییان بڕیاریدا سەردانیکردنی بەشی مۆڵەت بکات بە شێوەی نۆرە نووسینی ئۆنلاین لە ڕێگەی ماڵپەڕی هاتووچۆی سلێمانییەوە.
پاش ئەوەی لە ماوەی ڕابردوودا لۆدێکی زۆر لە سەر بەڕێوەبەرایەتی هاتووچۆی پارێزگای سلێمانی دروست بوو بۆ دەرهێنان و نوێکردنەوەی مۆڵەتی شۆفێری، بەرپرسانی بەڕێوەبەرایەتی هاتووچۆی سلێمانی بەدوای چارەسەرێکی گوونجاودا گەڕان بۆ کارئاسانی کردن بۆ هاوڵاتییان تاکو ئەو هاوڵاتییانەی سەردان دەکەن لەهەمان رۆژدا کارەکانیان بۆ تەواو بکرێت، لەو ڕوانگەیەوە بڕیاردرا کە سیستەمی نۆرەگرتنی ئۆنلاین لە ڕێگەی ماڵپەڕی هاتووچۆی سلێمانیەوە بخرێتە کار کە پێشتر کار بەم سیستەمە کراوەو سەرکەوتنی بەدەست هێناوە لە ئاسانکاری کردن بۆ هاوڵاتییان.
پێش سەرداننکردنی بەڕێوەبەرایەتی هاتووچۆی سلێمانی ئەو هاوڵاتییەی دەیەوێت مۆڵەتی شۆفێری دەربکات یان نوێی بکاتەوە دەبێت چی بکات؟
سەرەتا و رۆژێک پێش سەردانیکردنی بەڕێوەبەرایەتی هاتووچۆی سلێمانی پێویستە هاوڵاتییەکە سەردانی ماڵپەڕی هاتووچۆی سلێمانی بکات بەمەبەستی نۆرە گرتن و دوای وەرگرتنی مامەڵەکەی لە بەشی بەدواداچوونی مامەڵە لە ماڵپەڕەکەدا بۆ رۆژی دواتر سەردانی بەڕێوەبەرایەتی هاتووچۆی سلێمانی دەکات و کارەکانی لەبەشی مۆڵەت بۆ ڕایی دەکرێت
- رۆژانە (٣٠٠) مامەڵە لە ماڵپەڕەکەدا وەردەگیرێت و هەر هاوڵاتییەک فریا نەکەوت کۆدی سەردانیکردنی وەربگرێت بۆ رۆژی دواتر دەتوانێت هەوڵ بداتەوە
- هاوڵاتی دەتوانێت مانگێک پێش بەسەرچوونی مۆڵەتەکەی داواکاری پێشکەش بکات بۆ نوێ کردنەوەی مۆڵەت.
- هاوڵاتی لە بەرواری بەسەرچوونی مۆڵەت تا ٣٠ رۆژ دوای بەسەرچوونی مۆڵەتەکەی هیچ سزایەک نادرێت.
- دوای ئەوەی هاوڵاتی لە بەشی بەدواداچوونی مامەڵە، داواکارییەکەی وەرگیرا دەتوانێت سەردانی بەڕێوەبەرایەتی هاتووچۆی سلێمانی بکات، ئەگەر لە ماڵپەڕی هاتووچۆی سلێمانی داواکارییەکەی هەڵبوەشێتەوە نابێت سەردان بکات و بۆ رۆژی دواتر دەتوانێت دووبارە هەوڵی وەرگرتنەوەی کۆدی سەردانیکردن بدات.
- کاتێک مامەڵەکە وەرگیرا لە بەشی بەدواداچوونی مامەڵە، پێویستە ئەو کۆدەی لە ماڵپەڕەکە وەری دەگرێت پێی بێت
ـ لەکاتژمێر ۷:٠٠ی شەو وەرگرتنی کۆد لە ماڵپەڕی هاتووچۆی سلێمانی دەست پێدەکات
ـ کاتی سەردان کردنی بەڕێوەبەرایەتی هاتووچۆی سلێمانی پێویستە لەکاتژمێر ۱۲:٠٠ ی نیوەڕۆ تێپەڕ نەکات
- لەکاتی سەردانیکردنی بەڕێوەبەرایەتی هاتووچۆی پارێزگای سلێمانی بۆ دەرکردن یان نوێکردنەوەی مۆڵەتی شۆفێرییەکەت پێویستە ئەم پێداویستییانەت پێبێت
کۆدی سەردانیکردنی ماڵپەڕی هاتووچۆی سلێمانی پێبێت
پشكنینی پزیشکی
كارتی نیشتمانی ئەگەر نەبوو رەگەزنامەی عێراقیو پێناسی باری كەسێتی
كارتی زانیاری
پاسپۆرت – یاخود ناوەكەی لای كەسێكی شارەزای زمانی ئینگلیزی بنوسێتو لەگەڵ خۆیدا بیهێنێت
ئەو كەسانەی كە بیانین، واتە عێراقی نین، پێویستە پشتگیری شوێنی نیشتەجێبوون بە پەسەند كراوی لە قائیمقامیەتی سلێمانی بهێنن.
پێویستە و مەرجە هاوڵاتی لەکاتی سەردانیکردن بەڵگەنامە رەسەنەکان ( ئەسڵییەکان)ی پێبێت.
◀️ کارکردن بەم سیستەمە لە رۆژی دوو شەممەوە جێبەجێ دەکرێت واتە هاوڵاتی پێویستە شەوی یەکشەممە لەسەر دووشەممە لە ڕێگەی ماڵپەڕی هاتووچۆی سلێمانی کاتژمێر ۷:٠٠ ی شەو ناو بنووسێت بۆ وەرگرتنی کۆدی سەردانیکردن بۆ
رۆژی دوو شەممە و رۆژانی دواتر بەهەمان شێوە
کلیک لەم لینکەی خوارەوە بکە بۆ کردنەوەی ماڵپەڕی هاتووچۆی سلێمانی
Www.sultraffic.com
