Maruti Driving School -Thodupuzha-Indus Motors

24/02/2022

23/12/2021

വാഹനാപകടങ്ങൾ കേസ് എങ്ങനെ?

1. വണ്ടിയുടെ ഇൻഷുറൻസ്‌ OK ആണെങ്കിൽ ഒരു സെറ്റിൽമെന്റിനും ശ്രമിക്കേണ്ടതില്ല, പരിക്കേറ്റ ആളെ ആശുപത്രിയിൽ എത്തിക്കുക, പോലീസ്‌ സ്റ്റേഷനിൽ (ഫോൺ വിളിച്ചോ മറ്റോ) അറിയിക്കുക.

2. നാട്ടുകാരും, പരിക്കേറ്റ ആൾക്ക്‌ പരിചയക്കാരുണ്ടെങ്കിൽ അവരും നിങ്ങളെ സമ്മർദ്ധത്തിലാക്കാൻ നോക്കും. ഒരു കാരണവശാലും പണം നൽകിയുള്ള ഒത്തുതീർപ്പിനു വഴങ്ങേണ്ടതില്ല.

3. പരാതിയില്ല എന്ന് എഴുതി വാങ്ങിയാലും പരാതിക്കാരനു കേസിനു പോകാൻ പറ്റും. ഫ്രാക്ചർ ഉണ്ടായാൽ അയാളെ ഏതെങ്കിലും വക്കീൽ ക്യാൻവാസ്‌ ചെയ്യും. ഫ്രാക്ചർ ഉണ്ടാകുമ്പോൾ ഗ്രീവിയസ്‌ ഹർട്ട്‌ ആയി പരിഗണിക്കും, നഷ്ടപരിഹാരത്തുക കിട്ടുകയും ചെയ്യും.

4. ഡ്രെസ്സിംഗ്‌ മാത്രം വേണ്ട മുറിവും, ചെറിയ സ്റ്റിച്ച്‌ ഇടാനും ഒക്കെ ഉള്ള പരിക്കേ ഉള്ളെങ്കിൽ മാനുഷിക പരിഗണന വെച്ചും, നിങ്ങളുടെ സാമ്പത്തിക ശേഷി അനുസരിച്ചും വേണമെങ്കിൽ ചെറിയ തുക ആശുപത്രി ബിൽ അടയ്ക്കാം. (1000, 2000, 3000 ഒക്കെ ആണെങ്കിൽ).

5. അപകടം പറ്റിയ ആൾ കേസിനു പോയാൽ വക്കീൽ ഫീസ്‌ കൊടുക്കേണ്ടതില്ല ഇപ്പോളത്തെ ഒരു നടപ്പ്‌ രീതിയിൽ ക്ലെയിം സെറ്റിൽമന്റ്‌ കിട്ടുന്ന തുകയുടെ ഒരു % ആണു വക്കീലിന്റെ ഫീസ്‌. അതിനാൽ മാക്സിമം ഇൻഷുറൻസ്‌ ക്ലെയിം വാങ്ങിത്തരാൻ വക്കീൽ ശ്രെമിക്കും അത്‌ കൊണ്ട്‌ തന്നെ. ആ ശതമാനം എത്ര എന്നത്‌ ആദ്യമേ വ്യെക്തമായി വക്കീലുമായി കരാറാകുക.

6. നിങ്ങൾക്കെതിരെ വരുന്ന കേസ്‌ റാഷ്‌ & നെഗ്ലിജന്റ്‌ ഡ്രൈവിംഗിനു എതിരേ ആയിരിക്കും. കോടതിയിൽ ഫൈൻ അടച്ച്‌ , കുറ്റം സമ്മതിക്കുന്നതോടെ ഡ്രൈവറുടെ കേസ് തീർന്നു. ബക്കി ഇൻഷുറൻസ്‌ കമ്പനി കേസ്‌ നടത്തിക്കോളും. അതിനു വേണ്ടി വക്കീലിനെ കമ്പനി ഏർപ്പാടാക്കിക്കൊള്ളും.

7. ഒരു വ്യെക്തിയേ ഇടിച്ചതിനു പകരം ഒരു ഇലക്ട്രിക്‌ പോസ്റ്റ്‌/ ട്രാൻസ്ഫോർമ്മറിൽ ഇടിച്ചെന്ന് കരുതുക. കെ.എസ്‌.ഇ.ബി യും പോലീസും കൂടി നിങ്ങളെ സമ്മർദ്ധത്തിലാക്കും നഷ്ടപരിഹാരം പണമായി അടയ്ക്കാൻ പറഞ്ഞ്‌. അടച്ചില്ലെങ്കിൽ കേസ്‌ വരും, റവന്യൂ റിക്കവറി വരും എന്നെല്ലാം പറഞ്ഞ്‌ ഭയപ്പെടുത്തും. അടയ്ക്കേണ്ടതില്ല, കേസ്‌ കൊടുത്തോളാൻ പറയുക, പൈസ കയ്യിൽ ഇല്ലെന്നും അറിയിക്കുക.

(Kdpd

23/11/2021

പലപ്പോഴും യാത്രകൾ ചെയ്യുന്നവരാണ് നമ്മൾ. അതുകൊണ്ടുതന്നെ യാത്ര ചെയ്യുമ്പോൾ പല കാര്യങ്ങളും ശ്രദ്ധിക്കുകയും വേണം. പ്രത്യേകിച്ച് ഡ്രൈവ് ചെയ്യുന്നവരാണെങ്കിൽ ഒരുപാട് കാര്യങ്ങൾ ശ്രദ്ധിച്ചാൽ മാത്രമേ സുരക്ഷിതമായി യാത്ര ചെയ്ത് ലക്ഷ്യസ്ഥാനത്ത് എത്താൻ സാധിക്കുകയുള്ളൂ. അത്തരത്തിലുള്ള ഒരു പോസ്റ്റാണ് ഇന്ന് പങ്കുവയ്ക്കുന്നത്.ഏറെ ഉപകാരപ്രദമായ അറിവ് മറ്റുള്ളവരിലേക്ക് കൂടി എത്തിക്കുവാൻ ശ്രദ്ധിക്കുക. അതിനുവേണ്ടി ഈ പോസ്റ്റ് ഷെയർ ചെയ്യുകയാണ് വേണ്ടത്. ഓട്ടോമാറ്റിക് ട്രാൻസ്മിഷൻ കാറോടിക്കുമ്പോൾ ഒഴിവാക്കേണ്ട കാര്യങ്ങളെപ്പറ്റി ആണ് പറയുവാൻ പോകുന്നത്.

നിരവധി ആളുകൾക്ക് സഹായം നൽകുന്ന ഒരു അറിവ് തന്നെ ആയിരിക്കും ഇത്. അതുകൊണ്ടുതന്നെ ഇത് മറ്റുള്ളവരിലേക്ക് എത്തിക്കാൻ ശ്രദ്ധിക്കണം. ഓട്ടോമാറ്റിക് ട്രാൻസ്മിഷൻ കാർ ഓടിക്കുവാൻ പ്രേത്യകിച്ച് ഡ്രൈവിംഗ് വശം ആകണമെന്നില്ല.. ചെറിയ രീതിയിലെങ്കിലും ഡ്രൈവിംഗ് അറിയാവുന്ന ആളുകൾക്ക് ഇത് ഓടിക്കുവാൻ കഴിയുന്നതാണ് ഇതിൻറെ പ്രേത്യകത. ഈ വാഹനത്തിൻറെ സ്റ്റിയറിങ് മറ്റും ചെയ്യുമ്പോൾ നമ്മൾ ചില കാര്യങ്ങൾ ഒഴിവാക്കേണ്ടതുണ്ട്. അത്തരം കാര്യങ്ങളെപ്പറ്റി ആണ് പറയുവാൻ പോകുന്നത് .ന്യൂട്രൽ മോഡിൽ ഒരു ചരിവിലൂടെ വേണം വാഹനം നിയന്ത്രിക്കുവാൻ. ഗിയറിലേക്ക് വരുന്നതിന് മുൻ ചില കാര്യങ്ങളൊക്കെ ശ്രദ്ധിക്കുക തന്നെ വേണം. എൻജിൻ കാര്യങ്ങളാണ് ഇതിൽ പ്രധാനമായും ഉള്ളത്.

ഇല്ല എന്ന് ഉണ്ടെങ്കിൽ നമ്മളെ കാത്തിരിക്കുന്നത് വലിയ അപകടം ആണെന്ന് പ്രത്യേകം പറയേണ്ടതില്ലല്ലോ. എഞ്ചിൻ ഭാഗങ്ങൾക്ക് കേടുപാടുകൾ ഒന്നും ഇല്ലെന്ന് ഉറപ്പു വരുത്തേണ്ടത് വളരെയധികം ശ്രദ്ധിക്കേണ്ട ഒരു കാര്യമാണ്. ഡ്രൈവ് ചെയ്യുന്നതിനിടയിൽ സൂക്ഷിച്ചുവേണം ബ്രേക്ക് ചെയ്യുവാൻ. ഇല്ലെന്നുണ്ടെങ്കിൽ കാറിന് വലിയതോതിൽ നഷ്ടങ്ങൾ വരുന്നതാണ് അറിയുവാൻ സാധിക്കുന്നത്. അതുപോലെ കാർ പൂർണ്ണമായും നിർത്തുന്നതിനു മുൻപ് അത് പാർക്കിംഗ് മോഡിലേക്ക് മാറ്റുവാൻ ശ്രദ്ധിക്കേണ്ടതാണ്. ഇല്ല എന്ന് ഉണ്ടെങ്കിലും വണ്ടിയുടെ കാര്യത്തിൽ വലിയ നഷ്ടങ്ങൾക്ക് കാരണമാകുന്നതായി ആണ് അറിയുവാൻ സാധിക്കുന്നത്.

ശൈത്യ കാലങ്ങളിലാണ് ഈ വണ്ടി ഉപയോഗിക്കുന്നത് എങ്കിൽ അത് എണ്ണ കട്ടി ആക്കാനുള്ള സംവിധാനമാണ് ഒരുക്കിക്കൊടുക്കുന്നത്. അതുകൊണ്ടുതന്നെ എൻജിൻ ചൂടാക്കാൻ ആ സമയങ്ങളിൽ ശ്രദ്ധിക്കേണ്ടത് ആണ്. എഞ്ചിൻ ചൂടാകാതെയുള്ള ഡ്രൈവിങ് ആ സമയങ്ങളിൽ ഇല്ല എങ്കിൽ തീർച്ചയായും വാഹനത്തിന് ചെറിയതോതിലെങ്കിലും ചില കേടുപാടുകൾ ഉണ്ടാക്കുന്നത് നമുക്ക് മനസ്സിലാക്കുവാൻ സാധിക്കും. പലർക്കും അറിയാത്ത ചില വിവരങ്ങൾ ഉൾപ്പെടുത്തി കൊണ്ടായിരുന്നു ഈ പോസ്റ്റ് ഷെയർ ചെയ്തിരിക്കുന്നത്. ഇതിന്റെ വിശദമായ വിവരങ്ങൾ കണ്ടു മനസ്സിലാക്കുക തന്നെയാണ് വേണ്ടത്.

പ്രത്യേകിച്ച് വാഹനമോടിക്കാൻ അറിയാത്തവർക്ക് പോലും ഇത് വളരെയധികം സഹായം നൽകുന്ന ഒരു വാഹനം ആയതുകൊണ്ട് തന്നെ കൂടുതൽ ആളുകൾക്കും ഈ വാഹനം പ്രിയമേറുന്നുണ്ട്. എന്നാൽ ഇതിന്റെ വിശദാംശങ്ങളെ പറ്റി പലർക്കും അറിയില്ല എന്നതാണ് സത്യം. ഈ ഒരു കാരണം കൊണ്ട് മാത്രം ഈ വാഹനം എങ്ങനെയാണ് ഉപയോഗിക്കുന്നത് എന്ന് മനസ്സിലാകാതെ പോകുന്നു. അതുകൊണ്ടുതന്നെ ഇത് കൂടുതൽ ആളുകളിലേക്ക് എത്തിക്കുവാൻ ശ്രദ്ധിക്കുക.

16/10/2021

#പ്രളയത്തെ ഒർമ്മ പെടുത്തിക്കൊണ്ട് പെരുമഴ വന്നിരിക്കുന്നു കേരളത്തിൽ..
മഴക്കാലം രസകരമാണ്. എന്നാല്‍ ഏറ്റവും കൂടുതല്‍ അപകടങ്ങള്‍ ഒളിഞ്ഞിരിക്കുന്നതും സംഭവിക്കുന്നതും മഴക്കാലത്താണ്. അത്‌കൊണ്ട് ഈ സമയത്ത് ഡ്രൈവിങ്ങില്‍ അതീവ ജാഗ്രത പുലര്‍ത്തേണ്ടത് അത്യാവിശ്യമാണ്. മുന്നിലുള്ള കാഴ്ച അവ്യക്തമാകുന്നതും റോഡില്‍ ഹൈഡ്രോപ്ലെനിങ്ങ് എന്ന പ്രതിഭാസവും ഡ്രൈവിങ്ങില്‍ അപകടം നാം അറിയാതെ ക്ഷണിച്ച് വരുത്തും
റോഡ് നിര്‍മാണത്തിലെ ഗുണനിലവാരക്കുറവും മഴക്കാലയാത്രകള്‍ക്ക് വെല്ലുവിളിയാണ്. മഴക്കാലമായാല്‍ റോഡുകള്‍ തകരുകയും ചില സ്ഥലങ്ങളിൽ കുഴികൾ രൂപപെടുകയും ചെയ്യും ഈ കുഴികളും വെള്ളക്കെട്ടും നിറഞ്ഞ റോഡുകളിലൂടെയുള്ള യാത്ര ഏറെ അപകടം പിടിച്ചതാണ്. (ഇരുചക്ര യാത്രികർ സൂക്ഷിക്കുക) മഴക്കാലത്ത് ഡ്രൈവിങ്ങില്‍ ധൃതികൂട്ടരുത്. തിരക്കിട്ട് പോകുമ്പോള്‍ പെട്ടെന്ന് സ്റ്റിയറിങ് വെട്ടിത്തിരിക്കുന്നതും ബ്രേക്ക് ചവിട്ടുന്നതും അപകടമാണ്. വേഗത ക്രമപ്പെടുത്തി മാത്രം വാഹനമോടിക്കുക. വെളളവും വാഹനങ്ങളില്‍ നിന്നുള്ള ഓയിലും ചേര്‍ന്ന് നനഞ്ഞുകിടക്കുന്ന റോഡുകളില്‍ വഴുക്കലുണ്ടാക്കിയേക്കാം. ഇത് വാഹനത്തിന്റെ നിയന്ത്രണം നഷ്ടപ്പെടാൻ കാരണമാകും
'ടയറുകളുടെ കാര്യക്ഷമത ഉറപ്പുവരുത്തണം, അല്ലെങ്കില്‍ അത് വാഹനത്തിന്റെ റോഡ് ഗ്രിപ്പ് കുറയ്ക്കും.
(ഹൈഡ്രോപ്ലെനിങ്ങിന്കാരണമാകും ) .അതുപോലെ ടയര്‍ പ്രഷര്‍ കൃത്യമാണെന്നും ഉറപ്പുവരുത്തണം.വൈപ്പര്‍ ബ്ലേഡുകളുടെ കാര്യക്ഷമതയും പരിശോധിക്കണം. ഹെഡ്‌ലൈറ്റ്, ബ്രേക്ക് ലൈറ്റ്, ഇന്‍ഡിക്കേറ്ററുകളും പരിശോധിച്ച് പ്രവര്‍ത്തിക്കുന്നുണ്ടെന്ന് ഉറപ്പുവരുത്തണം. വിന്‍ഡ് ഷീല്‍ഡ് വൃത്തിയാക്കി വയ്ക്കണം, എയര്‍ക്കണ്ടീഷനറിന്റെ പ്രവര്‍ത്തനവും പരിശോധിക്കുക.
പരിചയമില്ലാത്ത റോഡുകളിലൂടെ പോകുമ്പോള്‍ അതീവ ജാഗ്രത പുലര്‍ത്തണം. റോഡിന്റെ ഇരുവശങ്ങളിലുമാണ് വെള്ളം കെട്ടിനില്‍ക്കാന്‍ കൂടുതല്‍ സാധ്യത. അതിനാല്‍ റോഡിന്റെ മധ്യഭാഗത്തുകൂടെ വാഹനമോടിക്കുക..

ഒഴുക്കുള്ള റോഡിൽ നമ്മുടെയും കുടുംബത്തിൻ്റെയും ഭാഗ്യം പരീക്ഷിക്കരുത് .അതിലും നല്ലത് ലോട്ടറി എടുക്കുന്നതാണ്

( ശരിക്കും ദൂരയാത്രയിൽ അറിയാൻ പാടില്ലാത്ത റോഡുകൾ തിരഞ്ഞെടുക്കാതിരിക്കുക. അപകട സാധ്യത തോന്നിയാൽ ....ഗൂഗിൾ മാപ്പ് ഒഴിവാക്കി സ്ഥലവാസികളുടെയും ഓട്ടോ ചേട്ടൻമരുടെയും അഭിപ്രായം തേടുക..)

അപകടകരമായ ചെറു റോഡുകളിലൂടെയുള്ള യാത്ര ഒഴിവാക്കി പ്രധാന പാതകള്‍ തന്നെ തെരഞ്ഞെടുക്കുക. അതിശക്തമായ മഴയത്ത് മുന്നിലേക്കുള്ള കാഴ്ച തടസ്സമാകുന്നതിനാല്‍ വാഹനം ഓടിക്കാതിരിക്കുകയാണ് നല്ലത്.( ഹസാഡ് ലൈറ്റ് ഉപയോഗിക്കുക)
എന്‍ജിനിൽ വെള്ളം കയറിയാൽ എഞ്ചിൻ പണി വരും ബ്രേക്ക് പാഡുകളിൽ വെള്ളം കയറിയാല്‍ വാഹനത്തിന് ബ്രേക്ക് നഷ്ട്ട പെടാം. വെള്ളക്കെട്ടിലൂടെ യാത്രചെയ്യുമ്പോള്‍ വാഹനം ഒരിക്കലും നിര്‍ത്താതിരിക്കുക. വേഗം കുട്ടുകയും കുറയ്ക്കുകയുമരുത്. പെട്ടന്ന് ബ്രേക്കിടുകയും ചെയ്യരുത്. വെള്ളത്തില്‍ വച്ച് വാഹനം സ്റ്റാര്‍ട്ട് ചെയ്യരുത്. വാഹനം വെള്ളത്തിൽ പെട്ട് പോയാൽ വെള്ളമില്ലാത്ത സ്ഥലത്തേക്ക് കാര്‍ തള്ളിനീക്കുക.വെള്ളത്തിൽ വച്ച് നിന്ന് പോയാൽ .വാഹനം .തള്ളി നീക്കി .അതിനു ശേഷം സർവ്വീസ് സെൻ്ററിൽ കാണിക്കുക.. കാരണം സൈലൻസർ വഴി സക്ഷനിൽ നിൽക്കുന്ന.. സിലണ്ടറിനുള്ളിൽ വെള്ളം കയറും .നമ്മൾ സ്റ്റാർട്ട് ചെയ്യ്താൽ ക്രാങ്ക് ഷാഫ്റ്റ്...കണറ്റിങ്ങ് റാഡ് എന്നിവ വളയും .. വാൽവ് ബെൻഡാകും കാശ് പോക്കാ ഇൻഷുറൻസ് വരെ ചിലപ്പോൾ കിട്ടില്ല......അകത്ത് കുടുങ്ങിയാല്‍ പരിഭ്രാന്തരാകരുത്, നാം വിചാരിക്കുന്നപോലെ ഡോര്‍ തുറക്കാന്‍ സാധിക്കുന്നില്ലെങ്കില്‍ .ഡോർ ഗ്ലാസ് താഴ്ത്തി രക്ഷപെടുക .ഗ്ലാസ് താഴുന്നില്ല എങ്കിൽ..സീറ്റുകളിലെ ഹെഡ്‌റെസ്റ്റ് ഊരിയെടുത്ത് അതിന്റെ കൂര്‍ത്ത അറ്റംകൊണ്ട് വിന്‍ഡോകള്‍ തകര്‍ക്കുക... കാർ അപസമയം വെള്ളത്തിൽ പെങ്ങിക്കിടക്കും... ആ സമയം കൊണ്ട് ഗ്ലാസ് താഴ്ത്തി രക്ഷപെടുക... പെട്ടന്ന് ഡോറുതുറന്നാൽ കാറിനുള്ളിലേക്ക് കാറിൻ്റെ ഭാരം കാരണം വെള്ളം ഇരച്ച് എത്തും നാം കറങ്ങി കറങ്ങി പാനിക്കായി.. ജീവൻ വെടിയും... അതിനാൽ ഡോർ ഗ്ലാസ് വഴി രക്ഷപെടാൻ ശ്രമിക്കുക....( കഴിയുന്നതും വെള്ളം കയറിയ റോഡ് ഉപേക്ഷിക്കുക കുറച്ചധികം കൂടുതൽ ഓടിയാലും.. വാഹനവും .കീശയും നമ്മുടെ കുടുംബവും സുരക്ഷിതരായി ഇരിക്കും)

01/10/2021

How to increase life of tyre

1. ടയറിലെ മർദ്ദം കൃത്യമായി നിലനിർത്തുക

വാഹനനിർമാതാക്കൾ അനുശാസിക്കുന്ന മർദം ടയറിൽ നിലനിർത്തേണ്ടത് ടയറുകളുടെ ആയുസ്സ് വർധിപ്പിക്കും. ടയറിന്റെ ആയുസ്സു മാത്രമല്ല, വാഹനത്തിനു കൂടുതൽ സ്റ്റെബിലിറ്റി ലഭിക്കാനും, നല്ല മൈലേജ് ലഭിക്കാനും ടയറിൽ കൃത്യമായ മർദ്ദം നില നിർത്തേണ്ടതുണ്ട്. ഓരോ 2000 കിലോമിറ്റർ പിന്നിടുമ്പോഴോ രണ്ട് ആഴ്‌ച ഇടവേളകളിലോ ടയർ പ്രഷർ പരിശോധിക്കുന്നത് ശീലമാക്കുക. എത്രയാണ് ഒരു വാഹനത്തിന്റെ ശെരിയായ മർദം എന്ന് സാധാരണ ഗതിയിൽ ഡോറുകൾക്കിടയിലെ ഭാഗത്ത് രേഖപ്പെടുത്തിയിട്ടുണ്ടാകും. അല്ലാത്ത പക്ഷം ഓണേഴ്‌സ് മാന്വൽ പരിശോധിക്കു

2. പെട്ടന്നുള്ള ആക്സിലറേഷനും, ബ്രേക്കിങ്ങും ഒഴിവാക്കുക
ട്രാഫിക്ക് സിഗ്നനലിൽ മുന്നിൽ നിൽകുമ്പോൾ, പച്ച നിറമാവുന്ന പക്ഷം പെട്ടന്ന് ആക്സിലറേറ്റ് ചെയ്യുന്നതും, സ്പീഡിൽ പാഞ്ഞു വന്നു പെട്ടന്ന് ബ്രേക്ക് ചെയ്യുന്നതും ചിലർക്ക് ഹരമാണ്. ഇത് പക്ഷെ ടയറിന്റെ ആയുസ്സിനെ കാര്യമായി ബാധിക്കുന്ന ഒരു പ്രവർത്തിയാണ്. പെട്ടന്നുള്ള ആക്സിലറേഷനും ബ്രേക്കിങ്ങും ടയറിലെ റബ്ബർ ഘടകങ്ങൾ പെട്ടന്ന് തേഞ്ഞു തീരാൻ കാരണമാകും. ഫലം, ഉദ്ദേശിക്കുന്നതിനേക്കാൾ മുൻപ് വാഹനത്തിന്റെ ടയർ മാറ്റാൻ നിങ്ങൾ നിർബന്ധിതരാകും.
3. കൃത്യമായ ഇടവേളകളിൽ വീൽ അലൈൻമെന്റ് ചെയ്യുക
ടയറിന്റെ ഉയർന്ന ആയുസ്സിന് വീൽ അലൈൻമെന്റ് കൃത്യമായിരിക്കണം. പൊട്ടിപൊളിഞ്ഞ റോഡുകളിലും, ദുർഘടമായ പാതകളിലും, ഹൈറേഞ്ചിലൊമൊക്കെ സ്ഥിരമായി സഞ്ചരിക്കുന്നവരുടെ വാഹനങ്ങളുടെ വീൽ അലൈൻമെന്റ് ഇടക്കിടക്ക് പരിശോധിക്കണം. ടയറിന്റെ ഒരു ഭാഗം മാത്രം തേഞ്ഞു തീരുക, ടയർ വാളിൽ വിള്ളൽ വരുക എന്നിങ്ങളെ ടയറുമായി ബന്ധപ്പെട്ടുള്ള സ്ഥിരം പ്രശ്നങ്ങളുടെ പ്രധാന കാരണം വീൽ അലൈൻമെന്റ് കൃത്യമല്ലാത്തതാണ്. 5,000 കിലോമീറ്റര്‍ വാഹനം ഓടിയാൽ കാറിന്റെ വീല്‍ ഘടന പരിശോധിക്കുന്നത് നല്ലതാണ്.
4. ടയർ റോട്ടേഷൻ
ഇന്ന് ഇന്ത്യൻ വിപണിയിൽ ലഭ്യമായ ഭൂരിപക്ഷം വാഹനങ്ങളും ഫ്രന്റ് വീൽ ഡ്രൈവ് വാഹനങ്ങളാണ്. അതായതു മുൻചക്രങ്ങൾക്കിടയിലാണ് എൻജിൻ സ്ഥാപിച്ചിരിക്കുന്നത്. എൻജിന്റെ ഭാരം സ്ഥിരമായി താങ്ങുന്നതിനേക്കാൾ മുൻചക്രങ്ങൾക്ക് പിൻചക്രങ്ങളെക്കാൾ തേയ്മാനം കൂടുതലുണ്ടാകും. അതിനാൽ ടയർ റോടേഷൻ കൃത്യമായ ഇടവേളകളിൽ നടത്തണം. അതായത് പിൻചക്രങ്ങൾ മുന്നിലേക്കും തിരിച്ചും മാറ്റിയിടണം. ഓരോ 10,000 കിലോ മീറ്ററിന് ശേഷവും ടയർ റൊട്ടേഷൻ ചെയ്യുന്നതാണ് നല്ലത്. സ്പെയർ ടയറിന്റെ സ്പെസിഫിക്കേഷൻ റണ്ണിങ് ടയറിന്റേതിന് സമമാണെങ്കിൽ സ്പെയർ ടയറും ഇടയ്ക്ക് ഘടിപ്പിച്ചു ഓടിക്കണം. എല്ലാ വീലുകളുടെയും തേയ്മാനം ഒരു പോലെ മാത്രം സംഭവിക്കാൻ ഇത് കാരണമാകും.
5. അധികഭാരം ഒഴിവാക്കുക
'Less luggage more comfort' എന്നുള്ളത് യാത്രക്കാർക്ക് ടയറിന്റെ ആയുസ്സിനും ബാധകമാണ്. നിങ്ങളുടെ യാത്രക്ക് ആവശ്യമില്ലാത്ത എന്തെങ്കിലും വാഹനത്തിന്റെ ബൂട്ടിലോ, സീറ്റ് പോക്കറ്റിലോ, ഗ്ലോവ് ബോക്‌സിലോ ഉണ്ടെന്നു കണ്ടാൽ യാത്രക്ക് മുൻപായി ഒഴിവാക്കുക. കുട്ടികൾ ഒപ്പം യാത്ര ചെയ്യുന്നില്ലെങ്കിൽ ചൈൽഡ് സീറ്റ് അഴിച്ചു വക്കുക. ദൂരയാത്ര പോകുകയാണെങ്കിൽ ബാഗുകളിൽ അത്യാവശ്യം വേണ്ടുന്ന കാര്യങ്ങൾ മാത്രം നിറക്കുക.
6. ടയറുകൾ തിരഞ്ഞെടുക്കുമ്പോൾ വിദഗ്ധരുടെ അഭിപ്രായം തേടുക

പലരും വാഹനത്തിന്റെ വീൽ സൈസുകളിലും, ടയർ സൈസുകളിലും മാറ്റം വരുത്താറുണ്ട്. ഭംഗി എന്നുള്ള ഒരു കാര്യം മാത്രം മുൻനിർത്തി മാറ്റങ്ങൾ വരുത്തുന്ന പലർക്കും ഇതേപ്പറ്റി ഒരു ധാരണയില്ല എന്നതാണ് സത്യം. ഓരോ വീലിനും അതിനു യോജിക്കുന്ന ടയറുകളുണ്ട്. തെറ്റായ കോമ്പിനേഷൻ ടയറിന്റെ മാത്രമല്ല വീലിന്റെയും ആയുസ്സിനെ ബാധിക്കും. ഒരു പക്ഷെ അപകടങ്ങളും വിളിച്ചു വരുത്തിയേക്കാം. അതിനാൽ, വീലും ടയറും മാറ്റാൻ ഉദ്ദേശമുണ്ടെങ്കിൽ ഈ വിഷയത്തിൽ വിദഗ്ധരുടെ അഭിപ്രായം ആരാഞ്ഞ ശേഷം മാത്രം മാറ്റുക.
7. ഒരേ ടൈപ്പ് ടയറും, ഒരേ നിർമാതാവിന്റെ ടയറുകളും ഉപയോഗിക്കുക
റേഡിയൽ ടയറുകളാണ് നിങ്ങളുടെ വാഹനത്തിനെങ്കിൽ എല്ലാ നാലു ടയറുകളും അതെ ടൈപ്പ് തന്നെ ഉപയോഗിക്കുക. സാധിക്കുമെങ്കിൽ ഒരേ കമ്പനിയുടെ തന്നെ ടയറുകൾ ഉപയോഗിക്കുക. മാത്രമല്ല പുത്തൻ ടയറുകൾ ഘടിപ്പിക്കുമ്പോൾ, അതെ കമ്പനിയുടെ ട്യൂബുകൾ ഉപയോഗിക്കുന്നത് ശരിയായ ഫിറ്റിങ് നല്‍കും. ഏതെങ്കിലും ഒരു ടയർ ഷോപ്പിൽ ചെന്ന് ടയർ മാറ്റിയിടാതെ, ആധുനിക ഉപകരണങ്ങൾ ഉപയോഗിക്കുന്ന സെന്ററിൽ ചെന്ന് ടയർ മാറുക.
8. കോൺക്രീറ്റ് ചെയ്ത റോഡുകളിൽ വേഗത കുറക്കുക
കോണ്‍ക്രീറ്റ് റോഡുകളിൽ അമിത വേഗത്തിൽ സഞ്ചരിക്കുന്നത് കാറിന്റെ ടയറുകള്‍ വേഗത്തിൽ നശിച്ചുപോവാന്‍ കാരണമാവും. സിമന്റ് ചെയ്ത ഇടങ്ങൾ കൂടുതൽ ചൂട് പുറപ്പെടുവിക്കും. ഇത് ടയറുകളെയും എളുപ്പത്തില്‍ ചൂടാക്കുകയും അത് മൂലം ടയറിന് തേയ്മാനം സംഭവിക്കുകയും ചെയ്യും. അതിനാൽ ഇത്തരം സാഹചര്യങ്ങളിൽ വേഗത കുറക്കുക. പ്രത്യേകിച്ച് പെട്ടന്നുള്ള ആക്സിലറേഷനും, ബ്രേക്കിങ്ങും കോൺക്രീറ്റ് റോഡുകളിൽ പൂർണമായും ഒഴിവാക്കുക.

29/09/2021

വാഹനങ്ങളിൽ നിയമപരമായി എന്തെല്ലാം മോഡിഫിക്കേഷൻ ചെയ്യാം.

നിരവധി ആളുകൾക്ക് സംശയമുള്ള ഒരു കാര്യമാണ്. വാഹനങ്ങളിൽ നിയമപരമായി എന്തെലാം മോഡിഫിക്കേഷൻ വരുത്താം എന്ന്. ഇതു സംബന്ധമായ നിരവധി നിയമ തർക്കങ്ങളും കാലങ്ങളായി നടന്നുവരുന്നുണ്ട്.

2019 ൽ സുപ്രീം കോടതി യാതൊരു തരത്തിലുള്ള മോഡിഫിക്കേഷനുകളും വാഹനത്തിൽ പാടില്ല എന്നു വിധിച്ചു. എന്നാൽ നിയമപരമായി ചെയ്യാവുന്ന ചില മാറ്റങ്ങളും അവിടെ വ്യക്തമാക്കി.
വാഹനത്തിന്റെ രെജിസ്ട്രേഷൻ സെർട്ടിഫിക്കറ്റ് (RC) ൽ രേഖപ്പെടുത്തിയിട്ടുള്ള കാര്യങ്ങളിൽ മാറ്റംവരുത്താൻ ഉടമസ്ഥന് അവകാശമില്ല. എന്നാൽ RTO യോയുടെ അനുവാദത്തോടെ വാഹനത്തിന്റെ നിറം ഉടമസ്ഥന് ഇഷ്ട്ടാനുസരണം മാറ്റാവുന്നതാണ്,പക്ഷെ അത് RTO ഓഫീസിൽ ഫീസ് അടച്ചു ബുക്കിൽ രേഖപ്പെടുത്തണം.

ജീപ്പ് പോലുള്ള വാഹനത്തിൽ ഹാർഡ് ടോപ്പ് സോഫ്ട് ടോപ്പ് മാറ്റം വരുത്താം..ഓട്ടോറിക്ഷകളിൽ സൈഡ് ഡോർ പിടിപ്പിക്കാം.കാറുകളിലും മറ്റും സീറ്റുകൾ മാറ്റി പിടിപ്പിക്കാം.ഡ്രൈവിംഗ് സീറ്റും ഇടത് വശത്തെ സീറ്റും ഒഴികെ എടുത്തു മാറ്റുകയോ എണ്ണം കുറയ്ക്കുകയോ ചെയ്യാം..എന്നാൽ കമ്പനി പറഞ്ഞതിൽ കൂടുതൽ സീറ്റുകൾ പാടില്ല..

വാഹനത്തിന്റെ ടയറുകളുടെ വലുപ്പം മാറ്റാവുന്നതിനെ കുറിച്ച് നിരവധി ആളുകൾക്ക് സംശയമുള്ള ഒരു കാര്യമാണ്. വാഹനങ്ങളിൽ അടിസ്ഥാനമായി വരുന്ന ടയർ സൈസ് കൂട്ടുന്നതും, കുറയ്ക്കുന്നതും നിയമവിരുദ്ധമാണ്. എന്നാൽ നിങ്ങൾ ഉപയോഗിക്കുന്നത് ഒരു BASE മോഡൽ വാഹനമാണെങ്കിൽ അതെ വാഹനത്തിന്റെ ഫുൾ ഓപ്ഷൻ വാഹനത്തിൽ ഉപയോഗിക്കുന്ന അലോയിയും ടയറും ഉപയോഗിക്കാവുന്നതാണ്.വാഹനത്തിനു പുറത്തേക്കു തള്ളി നിൽക്കുന്ന അല്ലൊയ് വീലുകൾ നിയമ വിരുദ്ധമാണ്..ഇന്ത്യാ govt അനുവാദം കൊടുത്തിരിയ്ക്കുന്ന tyre & അലോയ് വീൽ മാത്രമേ ഉപയോഗിക്കാൻ അനുവാദം ഉള്ളു എന്നു ചുരുക്കം..

ഡോക്ടർ അഡ്വക്കേറ്റ് മധ്യമപ്രവർത്തകർ തുടങ്ങി ജോലി സംബന്ധമായി സ്റ്റിക്കറുകൾ അനുവദനീയമാണ്..എന്നാൽ പെട്ടെന്ന് ശ്രദ്ധിക്കുന്ന വലിയ സ്റ്റിക്കറുകൾ പാടില്ല..സർക്കാർ ബോർഡ് അനുവാദം ഇല്ലാതെ വെയ്ക്കാൻ പാടില്ല.

നമ്പർ പ്ലേറ്റ് വായിക്കാൻ കഴിയുന്ന രീതിയിൽ ആയിരിക്കണം..2019 ഏപ്രിൽ 1 മുതൽ ഹൈ സെക്യൂരിറ്റി നമ്പർ പ്ലേറ്റ് ആണ്..അതു മാറ്റാൻ പാടില്ല

കമ്പനികൾ ഘടിപ്പിച്ച സൈലെൻസർ മാത്രമേ ഉപയോഗിയ്ക്കാൻ പാടുള്ളൂ.

വാഹനത്തിന്റെ മുൻ പിൻ ഭാഗങ്ങളിൽ 70 ശതമാനവും ,വശങ്ങളിൽ 50 ശതമാനവും സുതാര്യത ഉറപ്പു വരുത്തുന്ന ടിന്റഡ് ഗ്ലാസുകൾ ആകാം..എന്നാൽ കാഴ്ച മറക്കുന്ന കൂളിംഗ് സ്റ്റിക്കർ പാടില്ല..
സർക്കാർ വാഹനം ഉൾപെടെ ഒരു വാഹനത്തിലും കർട്ടൻ പാടില്ല..Z class സുരക്ഷയുള്ള vip കൾക് സെക്യൂരിറ്റി ഭാഗമായി കർട്ടൻ ഉപയോഗിയ്ക്കാം.

വാഹനങ്ങളുടെ ഹെഡ് ലൈറ്റുകളിൽ മോഡിഫിക്കേഷൻ വരുത്തുന്നതും നിയമവിരുദ്ധമാണ്. എന്നാൽ അതെ വാഹനത്തിന്റെ ഫുൾ ഓപ്ഷൻ വേരിയന്റിൽ ഉപയോഗിക്കുന്ന ഹെഡ് ലൈറ്റ് ഉപയോഗിക്കാവുന്നതാണ്. അത് പ്രോജെക്ടഡ് ഹെഡ് ലാംപ് ആണെങ്കിലും ഉപയോഗിക്കാം.
50 60 വാട്‌സ് വെളിച്ചത്തിൽ കൂടാൻ പാടില്ല..hid ലൈറ്റുകൾ പാടില്ല.
വാഹനത്തിന്റെ ഹോൺ മാറ്റുമ്പോൾ 100 ഡെസിബിളിനും താഴെയുള്ള ഹോണുകൾ ഉപയോഗിക്കാം. വാഹനത്തിന്റെ മുന്നിൽ ക്രാഷ് ഗാർഡ് പിടിപ്പിക്കുന്നത് നിയമവിരുദ്ധമാണ്. ക്രാഷ് ഗാർഡ് വാഹനത്തിന്റെ സുരക്ഷയെ പ്രതികൂലമായി ബാധിക്കും.

നമ്മുടെ മാർക്കറ്റിൽ പലതും മേടിക്കാൻ കിട്ടും എന്ന് കരുതി അതു നിയമപരമായി നമുക്ക് ഉപയോഗിക്കാൻ പറ്റുന്നതാണോ എന്നു മനസ്സിലാക്കി ഉപയോഗിക്കുക..

19/07/2021

വാഹനാപകടങ്ങൾ കേസ് എങ്ങനെ?

1. വണ്ടിയുടെ ഇൻഷുറൻസ്‌ OK ആണെങ്കിൽ ഒരു സെറ്റിൽമെന്റിനും ശ്രമിക്കേണ്ടതില്ല, പരിക്കേറ്റ ആളെ ആശുപത്രിയിൽ എത്തിക്കുക, പോലീസ്‌ സ്റ്റേഷനിൽ (ഫോൺ വിളിച്ചോ മറ്റോ) അറിയിക്കുക.

2. നാട്ടുകാരും, പരിക്കേറ്റ ആൾക്ക്‌ പരിചയക്കാരുണ്ടെങ്കിൽ അവരും നിങ്ങളെ സമ്മർദ്ധത്തിലാക്കാൻ നോക്കും. ഒരു കാരണവശാലും പണം നൽകിയുള്ള ഒത്തുതീർപ്പിനു വഴങ്ങേണ്ടതില്ല.

3. പരാതിയില്ല എന്ന് എഴുതി വാങ്ങിയാലും പരാതിക്കാരനു കേസിനു പോകാൻ പറ്റും. ഫ്രാക്ചർ ഉണ്ടായാൽ അയാളെ ഏതെങ്കിലും വക്കീൽ ക്യാൻവാസ്‌ ചെയ്യും. ഫ്രാക്ചർ ഉണ്ടാകുമ്പോൾ ഗ്രീവിയസ്‌ ഹർട്ട്‌ ആയി പരിഗണിക്കും, നഷ്ടപരിഹാരത്തുക കിട്ടുകയും ചെയ്യും.

4. ഡ്രെസ്സിംഗ്‌ മാത്രം വേണ്ട മുറിവും, ചെറിയ സ്റ്റിച്ച്‌ ഇടാനും ഒക്കെ ഉള്ള പരിക്കേ ഉള്ളെങ്കിൽ മാനുഷിക പരിഗണന വെച്ചും, നിങ്ങളുടെ സാമ്പത്തിക ശേഷി അനുസരിച്ചും വേണമെങ്കിൽ ചെറിയ തുക ആശുപത്രി ബിൽ അടയ്ക്കാം. (1000, 2000, 3000 ഒക്കെ ആണെങ്കിൽ).

5. അപകടം പറ്റിയ ആൾ കേസിനു പോയാൽ വക്കീൽ ഫീസ്‌ കൊടുക്കേണ്ടതില്ല ഇപ്പോളത്തെ ഒരു നടപ്പ്‌ രീതിയിൽ ക്ലെയിം സെറ്റിൽമന്റ്‌ കിട്ടുന്ന തുകയുടെ ഒരു % ആണു വക്കീലിന്റെ ഫീസ്‌. അതിനാൽ മാക്സിമം ഇൻഷുറൻസ്‌ ക്ലെയിം വാങ്ങിത്തരാൻ വക്കീൽ ശ്രെമിക്കും അത്‌ കൊണ്ട്‌ തന്നെ. ആ ശതമാനം എത്ര എന്നത്‌ ആദ്യമേ വ്യെക്തമായി വക്കീലുമായി കരാറാകുക.

6. നിങ്ങൾക്കെതിരെ വരുന്ന കേസ്‌ റാഷ്‌ & നെഗ്ലിജന്റ്‌ ഡ്രൈവിംഗിനു എതിരേ ആയിരിക്കും. കോടതിയിൽ ഫൈൻ അടച്ച്‌ , കുറ്റം സമ്മതിക്കുന്നതോടെ ഡ്രൈവറുടെ കേസ് തീർന്നു. ബക്കി ഇൻഷുറൻസ്‌ കമ്പനി കേസ്‌ നടത്തിക്കോളും. അതിനു വേണ്ടി വക്കീലിനെ കമ്പനി ഏർപ്പാടാക്കിക്കൊള്ളും.

7. ഒരു വ്യെക്തിയേ ഇടിച്ചതിനു പകരം ഒരു ഇലക്ട്രിക്‌ പോസ്റ്റ്‌/ ട്രാൻസ്ഫോർമ്മറിൽ ഇടിച്ചെന്ന് കരുതുക. കെ.എസ്‌.ഇ.ബി യും പോലീസും കൂടി നിങ്ങളെ സമ്മർദ്ധത്തിലാക്കും നഷ്ടപരിഹാരം പണമായി അടയ്ക്കാൻ പറഞ്ഞ്‌. അടച്ചില്ലെങ്കിൽ കേസ്‌ വരും, റവന്യൂ റിക്കവറി വരും എന്നെല്ലാം പറഞ്ഞ്‌ ഭയപ്പെടുത്തും. അടയ്ക്കേണ്ടതില്ല, കേസ്‌ കൊടുത്തോളാൻ പറയുക, പൈസ കയ്യിൽ ഇല്ലെന്നും അറിയിക്കുക.

15/05/2021

ഈ ലോക്ക് ടൗൺ കാലത്ത് വാഹനം പുറത്തിറങ്ങാൻ പറ്റാത്ത അവസ്ഥയിൽ വാഹനത്തെ പരിപാലിക്കാൻ കുറച്ചു വിവരങ്ങൾ നിങ്ങളോട് പങ്കുവെക്കാം ഇത് എല്ലാവരിലേക്കും ഷെയർ ചെയ്യുക...

🏎️വാഹനം നിർത്തിയിടുന്ന ഈ സമയത്ത് നിങ്ങളുടെ വാഹനത്തിൻറെ ബ്രേക്ക് ജാം ആകാൻ(ബ്രേക്ക് ഷൂ ബ്രേക്ക് ഡ്രം ഇൽ,അല്ലെങ്കിൽ ബ്രേക് പാഡ് ഡിസ്കിൽ) സാധ്യതയുള്ളതിനാൽ ഹാൻഡ് ബ്രേക്ക് റിലീസ് ചെയ്ത് വെക്കാൻ മറക്കരുത് റിലീസ് ചെയ്ത ശേഷം ഫസ്റ്റ് ഗിയറിലോ റിവേഴ്‌സ് ഗിയറിലോ(ഓട്ടോമാറ്റിക് കാറിൽ പാർക്ക്'P' പാർക്ക് എന്ന ഓപ്ഷൻ ഇല്ലാത്ത വണ്ടിയിൽ ഡ്രൈവ് 'D' അല്ലെങ്കി റിവേഴ്‌സ്'R' ഇടുക ഗിയറിൽ അല്ലെങ്കിൽ നിങ്ങളുടെ വാഹനം പ്രഥലം അനുസരിച്ചു ഉരുണ്ടേക്കാം.
🚖നിങ്ങളുടെ വാഹനം കുറേ ദിവസം ഉപയോഗിക്കാതിരിക്കുന്നതിനാൽ പൊസിഷൻ മാറ്റി ഇടുന്നത് നല്ലതായിരിക്കും അല്ലെങ്കി മുറ്റത്തു കൂടെ ചെറുതായി ഓടിക്കുക(ഓടിക്കുന്നത് വണ്ടിക്ക് മൊത്തത്തിൽ നല്ലത്)ഇല്ലെങ്കി നിങ്ങളുടെ വാഹനത്തിന്റെ ടയർ ഫ്ലാറ്റ് സ്പോട്ട് ആകാൻ സാധ്യത കൂടുതലാണ് പൊസിഷൻ മാറ്റി ഇടുന്നതും നല്ലതാണ്.
🚜ഉപയോഗിക്കാതെ ഇരിക്കുന്ന വാഹനം വൃത്തിയായി സൂക്ഷിക്കുക അല്ലെങ്കി ഒരു തരം പൂപ്പൽ വാഹനത്തിന് ഉള്ളിലും പുറത്തും ഉണ്ടാകാൻ സാധ്യത കൂടുതലാണ് വാഹനത്തിന്റെ ഡോർ ഗ്ലാസ് ഇടയ്ക്ക് താഴ്ത്തി ഇടുന്നത് വാഹനത്തിന്റെ ഉള്ളിലെ ദുർഗന്ധം ഇല്ലാതാക്കാൻ സാധിക്കും.
🚐വാഹനത്തിന്റെ ബോണറ്റ് ഇടയ്ക്ക് പൊക്കി നോക്കുക അല്ലെങ്കിൽ എലിയുടെയോ മറ്റോ ശല്യം ഉണ്ടാകാൻ സാധ്യത ഉണ്ട് എലി വയറുകൾ കരണ്ട് തിന്നാൻ സാധ്യതയുണ്ട് ഇവയ്ക്ക് എലിക്ക് അടിക്കുന്ന സ്പ്രേ ഉപയോഗിക്കാം.
🚘ബാറ്ററി🔋:
വാഹനം ഇടയ്ക്ക് സ്റ്റാർട്ട് ആക്കി വയ്ക്കുന്നത് നന്നായിരിക്കും അല്ലെങ്കിൽ ബാറ്ററി ഡൗൺ ആയി വാഹനം സ്റ്റാർട്ട് ആകാത്ത അവസ്ഥയുണ്ടാകും. സ്റ്റാർട്ട്‌ ആക്കിയ സമയത്ത് എല്ലാ ലൈറ്റ്റുകളും ഒരു തവണയെങ്കിലും പ്രവർത്തിപ്പിക്കുക.രണ്ടോ മൂന്നോ ദിവസങ്ങളിൽ വാഹനം സ്റ്റാർട്ട് ആക്കി ഇത് ചെയ്യുന്നത് നല്ലതാണ്(ചെറുതായി മുറ്റത്തുകൂടെ ഓടിക്കാൻ പറ്റുന്ന സാഹചര്യം ഉണ്ടെങ്കിൽ അനക്കിയൊക്കെ ഇടുക) അല്ലെങ്കിൽ ബാറ്ററിയുടെ ലൈഫിനെ ബാധിക്കും.
🛻നിങ്ങളുടെ വാഹനത്തിൻറെ വൈപ്പർ ബ്ലേഡ് ഉപയോഗിക്കാതെ ഒരു പൊസിഷനിൽ മാത്രം നിൽക്കുമ്പോൾ വൈപ്പറിൻറെ റബ്ബർ കേടുവരാൻ സാധ്യതയുണ്ട് അതുകൊണ്ട് നിങ്ങൾസർവീസ് പൊസിഷനിൽ പൊക്കി വെക്കുന്നത് നല്ലതാണ്.
🚗വാഹനം വീണ്ടും ഉപയോഗിക്കുമ്പോൾ ശ്രദ്ധിക്കേണ്ട ചില കാര്യങ്ങൾ വാഹനത്തിന്റെ എ സി ഓഫ് ചെയ്തു സ്റ്റാർട്ട് ആക്കുക സ്റ്റാർട്ട് ആക്കിയ ഉടനെ ആക്സിലേറ്റർ പെട്ടെന്ന് അമർത്തരുത്(ഒരിക്കലും ചെയ്യാൻ പാടില്ലാത്ത കാര്യമാണ് ഇത്,രാവിലെ ഉള്ള ആദ്യത്തെ സ്റ്റാർട്ടിങ് അഥവാ കോൾഡ് സ്റ്റാർട്ടിങ് എൻജിൻ ഓയിൽ അടിയിൽ ഊറി നിൽക്കുന്ന അവസ്ഥയിലാണ് ആ സമയത്ത് സ്റ്റാർട്ട് ആക്കി പെട്ടെന്ന് ആക്സിലേറ്റർ കൊടുത്തു ഉപയോഗിച്ചാൽ എൻജിൻൻറെ പലസ്ഥലങ്ങളിലും കലക്രമേണ കേടുപാടുകൾ സംഭവികാൻ ഒരു കാരണമാകും)എസിയുടെ റീ സർക്കുലേഷൻ മോഡ് ഓഫ് ചെയ്ത് വെക്കാൻ മറക്കരുത് വാഹനം സ്റ്റാർട്ട് ആക്കി എസി ഓൺ ചെയ്തതിനുശേഷം ഡോർറിന്റെ ഗ്ലാസ്സുകൾ 2മിനുട്ട് താഴ്ത്തിയിടുകയോ പൊടി കേറാത്ത സാഹചര്യമാണെങ്കിൽ ഓടിക്കുകയോ ചെയ്യാം(ഇത് ഈ ലോക്ക്ഡൌൺ സമയത്ത് എന്നല്ല വെയിലത്തു കിടന്ന് ചൂടായി പഴുത്ത് ഇരിക്കുന്ന വണ്ടിയിൽ ചെന്ന് കേറുംബോളും ഇത് ചെയ്യുക അത് വാഹനത്തിലെ ചൂട് പെട്ടന്ന് ഇറങ്ങി പോവാനും നമക്ക് ഇങ്ങനെ ചെയ്യാത്ത പക്ഷം ഉണ്ടായേക്കാവുന്ന ആരോഗ്യ പ്രേശ്നങ്ങൾ ഉണ്ടാവാതിരിക്കാനും നല്ലതാണ്).
🚕വാഹനം പുറത്തിറക്കിയാൽ എയർ ചെക്ക് ചെയ്യാൻ മറക്കരുത് ഓടാതെ കിടന്ന് എയർ കുറേഞ്ഞേക്കാം(എയർ ചെക്ക് ചെയ്യുമ്പോ സ്റ്റെപ്പനി ടയർലെ കൂടി ചെക്ക് ചെയ്യുക വല്ലപ്പോഴും ഒക്കെ.നമ്മൾ ആരും ഒരിക്കലും അത് ചെയ്യാറില്ല ഇത് എന്നേലും ടയർ പഞ്ചർ ആയി വഴിയിൽ കിടന്നാ സ്റ്റെപ്പിനിലും എയർ ഇല്ലാണ്ട് വരുമ്പോ മൂഞ്ചാൻ ഇടയായേക്കാം)

ഈ ലോക്ഡൗണിൽ നിങ്ങളുടെ വാഹനം സുരക്ഷിതമായിരിക്കട്ടെ...

10/04/2021

*വാഹനമോടിക്കുമ്പോള്‍ ഉറങ്ങാതിരിക്കാന്‍..*

എത്ര മികച്ച ഡ്രൈവര്‍ ആണെങ്കില്‍ കൂടിയും, ഉറക്കത്തെ ഒരു പരിധിക്കപ്പുറം പിടിച്ചുനിര്‍ത്താന്‍ തലച്ചോറിന് സാധിക്കുകയില്ല എന്നുള്ളതാണ് സത്യം. കാറിന്‍റെ ഗ്ലാസ്സ്‌ താഴ്ത്തിയിടുന്നതോ, ഓഡിയോ ഫുള്‍ വോള്യത്തില്‍ വയ്ക്കുന്നതോ പ്രയോജനം ചെയ്യില്ല.

നന്നായി ഉറക്കം വരുന്നുണ്ടെങ്കിലും അവയെ നിയന്ത്രിക്കുവാന്‍ കഴിയുമെന്ന് ചിലര്‍ക്കെങ്കിലും ചിലപ്പോഴെങ്കിലും തോന്നാതിരിക്കില്ല. പ്രത്യേകിച്ച്, ദീര്‍ഘദൂര യാത്രകള്‍ക്കിടയിലും രാത്രി വൈകിയുള്ള ഡ്രൈവിങ്ങിനിടയിലും ചെറിയ മയക്കം അനുഭവപ്പെടുമ്പോള്‍ കാര്യമാക്കാതെയിരിക്കുന്നതിന്റെ മനശാസ്ത്രമാണിത്. *മിക്ക ഹൈവേകളിലും പുലര്‍ച്ചെയുണ്ടാകുന്ന അപകടങ്ങള്‍ ഡ്രൈവര്‍ പകുതിമയക്കത്തിലാകുന്നത് കൊണ്ടാണ്* എന്ന് മറന്നു കൂടാ.

ഒരാള്‍ക്ക് വാഹനമോടിക്കാന്‍ കഴിയാത്ത വിധം തലച്ചോര്‍ മയക്കത്തിലേക്ക് പോകുന്നത് ഏതു അവസ്ഥയിലാണ് എന്ന് എളുപ്പത്തില്‍ വിവരിക്കാന്‍ സാധിക്കുകയില്ല.

ഈ ലക്ഷണങ്ങള്‍ അനുഭവപ്പെടാറുണ്ടോ?

എങ്കില്‍, ഡ്രൈവിംഗ് അല്‍പ്പനേരത്തേക്കെങ്കിലും നിര്‍ത്തി വച്ചു തലച്ചോറിനെ വിശ്രമിക്കുവാന്‍ അനുവദിക്കുന്നതാണ് ഉചിതം.

*1. റോഡില്‍ ശ്രദ്ധ കേന്ദ്രീകരിക്കുവാന്‍ കഴിയാത്ത വിധം, കണ്ണുകള്‍ക്ക് ഭാരം അനുഭവപ്പെടുക,*

*2. തുടര്‍ച്ചയായി കണ്ണ് ചിമ്മി, ചിമ്മി തുറന്നു വയ്ക്കുന്ന സാഹചര്യം ഉണ്ടാവുക.*

*3. ഡ്രൈവിംഗില്‍ നിന്നും ശ്രദ്ധ പതറി, അന്നുണ്ടായതോ അല്ലെങ്കില്‍ അടുത്ത ദിവസങ്ങളില്‍ ഉണ്ടാകാന്‍ പോകുന്നതോ ആയ കാര്യങ്ങള്‍ മനപ്പൂര്‍വ്വമല്ലാതെ ചിന്തിക്കുക.*

*4. എളുപ്പത്തില്‍ ലഭിക്കാമായിരുന്ന ഒരു ഷോര്‍ട്ട് കട്ട് അല്ലെങ്കില്‍, ഇനി ഡ്രൈവ് ചെയ്യാനുള്ള ദൂരത്തെ കുറിച്ചു വ്യാകുലപ്പെടുക.*

*5. തുടര്‍ച്ചയായി കോട്ടുവായിടുകയും, കണ്ണ് തിരുമ്മുകയും ചെയ്യുക.*

*6. തലയുടെ ബാലന്‍സ്‌ തെറ്റുന്നത് പോലെ അനുഭവപ്പെടുക.*

*7. ശരീരത്തിനു മൊത്തത്തില്‍ ഒരു അസ്വസ്ഥത തോന്നുക.*

ഉറക്കത്തിലേക്ക് പൊടുന്നനവേ വഴുതി വീഴും മുമ്പ്, തലച്ചോര്‍ നല്‍ക്കുന്ന അപായസൂചനകളാണ് ഇതെന്ന് തിരിച്ചറിയണം. കേവലം സെക്കന്ടുകള്‍ മതി അപകടകരമായ സ്ഥിതിയിലേക്ക് കാര്യങ്ങള്‍ ചെന്നെത്തുന്ന വിധത്തില്‍ നിങ്ങളുടെ ശരീരം ഉറക്കത്തിന്‍റെ ആലസ്യത്തിലേക്ക് മയങ്ങി വീഴും എന്നുള്ള തിരിച്ചറിവാണ് പ്രധാനം.

ശരീരത്തിന്‍റെ വിവിധഭാഗങ്ങള്‍ ചെറുതെങ്കിലും ഒരേ താളത്തില്‍ ജോലി ചെയ്യുമ്പോള്‍ മാത്രമേ നല്ല രീതിയില്‍ വാഹനമോടിക്കാന്‍ കഴിയുകയുള്ളൂ. ഓരോ മൈക്രോസെക്കന്ടില്‍ തലച്ചോറിന്‍റെ ശരിയായ നിയന്ത്രണവും ഇതിനു ആവശ്യമുണ്ട്. *ജീവിച്ചിരിക്കുവാന്‍ നിങ്ങള്‍ക്ക് അര്‍ഹതയുള്ള ഒരു വലിയ ജീവിതത്തില്‍ നിന്നും ഒരു നിമിഷത്തെ അശ്രദ്ധ സമ്മാനിക്കുന്നത് എന്നത്തെക്കുമുള്ള ഒരു ദുരന്തമായിരിക്കാം.*

ഇനിയുള്ള ഡ്രൈവിംഗില്‍ ഇക്കാര്യങ്ങള്‍ കൂടി മനസ്സില്‍ വയ്ക്കുക

*ദൂരയാത്രാ ഡ്രൈവിംഗിന് മുന്‍പായി നല്ല ഉറക്കം ലഭിച്ചിട്ടുണ്ടെന്ന് ഉറപ്പാക്കുക.* ഏഴോ എട്ടോ മണിക്കൂര്‍ ഉറങ്ങിയതിനു ശേഷം മാത്രം നീണ്ട ഡ്രൈവിംഗിന് മുതിരുക.

*ഒഴിവാക്കാന്‍ പറ്റാത്ത സാഹചര്യങ്ങളാണ് എങ്കില്‍, ഡ്രൈവിംഗിനിടയില്‍ മേല്‍പ്പറഞ്ഞ ലക്ഷണങ്ങള്‍ അനുഭവപ്പെട്ടാല്‍, നിര്‍ബന്ധമായും *കുറഞ്ഞത്‌ 20 മുതല്‍ 30 മിനിറ്റ് വരെയെങ്കിലും ഒരു ലഘുനിദ്രയെടുക്കണം.* ജീവിച്ചിരിക്കുന്നതിലും വലിയ തിരക്കുകള്‍ ഇല്ലെന്നു ഓര്മ്മിക്കുക. ഇങ്ങനെ ഉറങ്ങിയെഴുന്നേല്‍ക്കുമ്പോളും അല്പനേരത്തേക്ക് ഒരു ചെറിയ മയക്കം അനുഭവപ്പെടാം എന്നുള്ളത് കൊണ്ട് വളരെ ശ്രദ്ധയോടെ, വാഹനത്തിന്‍റെ വേഗം നിയന്ത്രിച്ചു വേണം വാഹനം ഓടിക്കാന്‍.

*ഇങ്ങനെയുള്ള യാത്രകളില്‍ കഴിയുമെങ്കില്‍ ഡ്രൈവിംഗ് വശമുള്ള ഒരാളെ കൂടെ കൂട്ടാന്‍ ശ്രമിക്കുക.* നിങ്ങള്‍ക്ക് ഒരു കൂട്ടാകും എന്ന് മാത്രമല്ല, ഡ്രൈവിംഗ് അല്പം അനായസകരമാകുകായും ചെയ്യും. നിങ്ങള്‍ ശ്രദ്ധിക്കാതെ പോയ അടയാളങ്ങളും, വഴികളുമൊക്കെ ശ്രദ്ധയില്‍പ്പെടുത്തുവാനും ഇവര്‍ക്ക് സാധിക്കും. ഇനി ആവശ്യമുണ്ടെങ്കില്‍ ഡ്രൈവിംഗില്‍ സാഹയിക്കാനും ഇവര്‍ക്ക് കഴിയുമെല്ലോ.

*ഒരിക്കലും തിരക്ക് കൂട്ടരുത്. സുരക്ഷിതമായി ലക്ഷ്യസ്ഥാനത്തെത്തുന്നതാണ് കാര്യം.*

*യാത്രകളില്‍ അല്പം പോലും മദ്യപിക്കരുത്.* മദ്യത്തിന് തലച്ചോറിനെ മന്ദതയിലാക്കും എന്ന് പ്രത്യേകം പറയേണ്ടതില്ലെലോ.

*കഴിയുമെങ്കില്‍ രാത്രി ഏറെ വൈകിയും പുലര്‍ച്ചെ 5.30 വരെയും വാഹനമോടിക്കാതെയിരിക്കുവാന്‍ ശ്രമിക്കുക.*സ്വാഭാവികമായി ഉറങ്ങാനുള്ള ഒരു പ്രവണത ഈ സമയത്ത് ശരീരത്തിനുണ്ടാകും.
*യാത്രയില്‍ കഫൈന്‍ അടങ്ങിയ പാനീയങ്ങളോ, പദാര്‍ത്ഥങ്ങളോ കരുതുക.* തലച്ചോറിനെ ഊര്‍ജ്ജസ്വലമാക്കാന്‍ ചെറിയ തോതില്‍ കഫൈനിനു കഴിയും.

*അമിതമായ ആവേശവും ആത്മവിശ്വാസവും മാറ്റി വച്ചു, ശരീരം സ്വാഭാവികമായി ആവശ്യപ്പെടുന്ന വിശ്രമം അനുവദിച്ചുകൊണ്ട് ആസ്വാദ്യകരമായി വാഹനമോടിക്കു*
നല്ലൊരു ദിനം ആശംസിച്ചു കൊണ്ട്

Maruti Driving School
Thodupuzha

01/04/2021

Maruti suzuki 👍

22/03/2021

പലരും വരുത്തുന്ന ഒരു ഡ്രൈവിംഗ് തെറ്റിലേക്ക് ശ്രദ്ധ ക്ഷണിക്കാനാണ് ഈ പോസ്റ്റ്.

ഇടറോഡില്‍ നിന്നും പ്രധാന പാതയിലേക്ക് കയറി വലത് വശത്തേക്ക് പോകേണ്ട വാഹനങ്ങള്‍ പ്രധാന പാതയുടെ വലതു വശം ചേര്‍ന്ന് തിരിയുകയും, ശരിയായ രീതിയില്‍ പ്രധാന പാതയിലൂടെ ഇടതുവശം ചേര്‍ന്ന് വരുന്ന വാഹനവുമായി കൂട്ടിയിടിക്കാനും ഇടയാകും.
ഇതേ തെറ്റ് പ്രധാന പാതയില്‍ നിന്നും ഇടറോഡിലേക്ക് തിരിയുമ്പോഴും സംഭവിക്കാറുണ്ട്.
പലരുടെയും ധാരണ ഇതാണ് ശരിയായ രീതി എന്നാണ്.

ഏകദേശം 90 ഡിഗ്രി തന്നെ തിരിഞ്ഞാണ് മെയിന്‍ റോഡിലേക്ക് കയറേണ്ടത്.