14/07/2019
Big story behind small pothole .
www.shramadaan.org
చిన్న గుంత వెనుక ఉన్న పెద్దకథ !
ఒక రోజు మేమిద్దరమూ
హైదరాషాకోట్ నుండి అమీర్ పేట వెళ్తున్నాము .
మెహిదీ పట్నం బస్సు స్టాప్ ఎదురుగ
పిల్లర్ నెం. 17 దగ్గర ఒక చిన్న గుంత .
బైకుపై వెళ్తున్న యువకుడు కి చిన్న బంప్.
పడకుండా చాకశక్యంగా తప్పించుకున్నాడు.
ఆ గుంతను వెంటనే పూడ్చేయాలనే అతృతతో ,
మా కారు ఆ గుంత దగ్గర ఆటోమేటిక్ బ్రేకు పడింది .
ఇప్పుడు మనకి అప్పాయింట్మెంట్ ఇఛ్చిన టైంకు
ఆసుపత్రికి వెళ్ళాలి . తిరిగి వచ్చేటపుడు ఈ గుంతను
పుడుద్దాం అన్నది నా శ్రీమతి . అంతేగా అన్నాను .
తిరుగు ప్రయాణంలో కారు స్టార్ట్ చేసిన వెంటనే
ఆ గుంతవిషయం గుర్తుకు వచ్చినట్లుంది శ్రీమతికి
సన్నగా సణుగుడు( క్లాసు పీకుడు) మొదలెట్టింది.
ఎక్కడైనా గుంత కనిపించటం ఆలస్యం
గుంత చూసిన వెంటనే మీరే పూడ్చేయటం ...
ఆ జీతాలు తింటున్నవారంతా ఎక్కడ చచ్చేరో
అని మునిసిపాలిటీ వారిని తిట్టటం ఎందుకండీ అన్నది .
అక్కడితో ఆగకుండా , మీరు వాళ్లకు గుంతలు పూడ్చే
అవకాశం ఇవ్వటంలేదు.. మీరు నాలుగు రోజులు ఆగితే
వారే పూడ్చేస్తారు కదా అని క్లాసు కాస్త గట్టిగానే ....!!
అంతేగా ...అంతేగా ....అన్నాను . ఇంటికి వచ్చేసాం !
ఆ తరువాత ఎక్కడెక్కడో కొన్ని గుంతలు పూడ్చేము కాని
ఈ గుంతను మాత్రం అలానే చూసుకొంటూ సుమారు నాలుగు
నెలలు గడిపేసాము !
ఒక రోజు రాత్రి 7 గంటల సమయంలో ఇంటికి వస్తుంటే
పిల్లర్ నెం.17 దగ్గర జనం గుంపు , పోలీసులు , అంబులెన్సు .
చూసిన నా శ్రీమతికి నాకంటే ముందుగానే అర్ధమయ్యింది.
రేపు ఉదయాన్నే వచ్చి ఆ గుంత పూడ్చేయాలండీ అన్నది .
కాసేపు ఆగి, ఉదయాన్నే నేనుకూడా మీతో వస్తానండి అన్నది .
ఎలాగూ ఆలస్యం చేసాము కదా ఇంకొక వారం రోజుల
తరువాత ఆ గుంతను పూడుద్దాం అన్నాను .
వారం రోజుల తరువాత వచ్చి చూస్తే, ఆ గుంత అక్కడ
క్షేమంగానే ఉన్నది. గుంత వలన ప్రమాదం జరిగిందని
తెలిసిన తరువాత కూడా పోలీసులు గుంతలు
పూడిపించటానికి ఎటువంటి చర్యలు తీసుకోలేదు .
బిజీ రోడ్డులో, గుంతలో పడినవారిపై వెనుక వస్తున్న ఏదైనా
వాహనం వారిపై పొతే కొందరికి పెద్ద పండుగ .
కొందరికి గుంతలు వద్ద ప్రమాదాలు పెద్ద ఆదాయమార్గము.
ఎక్కువ మంది ఛస్తే , రోడ్లమరమ్మత్తులకు ఎక్కువ ఫండు మంజూరు.
అందుకే ఎన్ని ప్రమాదాలు జరిగినా,
ఎందరు చచ్చినా ఆ గుంతలు అలానే ఉంటాయి.
ఆ విషయం నిర్ధారణ కొరకే
ప్రమాదం జరిగిన తరువాత కూడా ఆ గుంతను
పూడ్చటం ఇంకొక వారం రోజులు ఆలస్యం చేసేను.
జరిగిన ఆలస్యానికి మన్నించమని దేవునికి విన్నపం.
సర్వే జనా సుఖినో భవంతు.
