Misyon nou se kreye opòtinite pou jèn atlèt yo devlope potansyèl yo.
OUCA angaje l pou devlopman espò nan kominote Petit-Goâve lan. Nou kwè ke nou ka itilize espò a pou chanje lavi jèn yo, ankouraje solidarite, epi bati yon kominote ki pi soude ak pi solid. Misyon nou:
Kreye opòtinite pou jèn atlèt yo devlope tout potansyèl yo nan yon anviwònman ki favorize ekselan
s, entegrite, ak fair-play. Valè nou:
-Respè : Nou fè pwomosyon respè pou pwop tet ou, pou lòt moun, ak pou règ jwèt yo.
-Disiplin: Pwen sa gen anpil enpòtans pou nou, Se ak disiplin n'ap reyalize objektif yo.
-Pèseverans: Nou motive atlèt yo pou pa janm abandone rèv yo, kèlkeswa difikilte yo.
- Espri ekip: Nou mete yon gwo enpòtans sou kolaborasyon ak solidarite. Aktivite nou yo:
- Òganize konpetisyon espòtif nan plizyè disiplin.
- Ofri pwogram antrènman ak fòmasyon pou devlopman jèn atlèt yo.
- Sensibilize kominote a sou enpòtans espò pou sante ak devlopman. Objektif nou:
- Fè espò a vin aksesib pou tout jèn nan Petit-Goâve.
- Ede jèn atlèt yo devlope kapasite yo pou yo ka reyalize ekselans nan nivo nasyonal e entènasyonal.
- Patisipe nan devlopman sosyal ak ekonomik Petit-Goâve atravè espò.
