30/01/2026
多謝 TaxiMan 嘅實測分享，真係估唔到的士都咁夾我哋隻 DENSO 偈油！
原來換咗之後引擎真係靜咗又爽咗，證明我哋嘅配方喺每日行車里數高之下都好幫得手。
想知詳細評價，大家可以入去 TaxiMan 嘅原文睇睇！
#偈油
【的士車經之偈油】
揸的士開工不時會載到有車階級，免不了會傾吓車經，最常被問到嘅問題之一係：「你哋的士幾耐換一次偈油？」
TaxiMan自己都養過車，喺香港揸私家車，一般建議係「每行駛5,000公里或每年換一次偈油」，但係的士日日喺條街行駛，每日行車少則200幾公里，生意好時有機會超過400公里（以特更計，如果日、夜更7/24運作，合計里數肯定更誇張），如果一年先換一次偈油，副偈輕則長期唔精神，重則好快打柴；但如果行夠5,000公里就去換油，分分鐘每個禮拜都要換，咁營運成本就會飊升。所以折衷嘅做法係：的士每個月換油至少一次，又或者每行夠10,000公里就去換油。
大部分師傅都會將車交俾幫襯開嘅車房換油，不過根據經驗，好多的士車房為節省成本，用嘅油都唔會係太講究嘅產品（即係唔夠靚），試過換完油開工搵食唔夠一個禮拜，副引擎好快又顯得唔精神，所以TaxiMan近期嘅做法係自攜偈油交俾相熟車房師傅更換（車房只收偈油隔錢及服務費）。的士換油換得密，正好趁機試用唔同牌子嘅偈油，睇下邊隻油有較好嘅效果，咁其實也算係一種樂趣。
最近「試油」目標係來自日本嘅DENSO，呢隻牌子嘅全合成偈油，加入咗高效清潔配方，能夠有效溶解引擎長時間運作引致嘅沉積物，令油路保持順暢，明顯減少引擎震動及降低噪音──呢點好重要，車頭靜，開工感覺都會舒服啲，甚至以為自己揸緊高級私家車。
用咗DENSO後另一項大改善，就係發覺比之前用其他牌子偈油慳氣咗，每缸氣平均行多三、四十公里，估計最大原因係DENSO偈油令引擎運作順暢咗，變相減低機件摩擦從而提升引擎工作效率，咁就自然較慳氣。小數怕長計，每日/每更入氣入少啲，一年下來節省嘅氣錢分分鐘夠買兩張機票同另一半飛一轉日本。
少少用家經驗同各位分享：雖然根據豐田原廠指引，建議「小露寶」用0W-20黏度嘅偈油，但香港冬天越來越熱，其實唔太需要太低黏度嘅偈油，最近試用嘅DENSO偈油，度數都係5W-30，已經足夠令引擎運作保持精神爽利，就算行車里數挨近一萬公里，車頭仍唔算嘈，加速時依然俾到反應，比以前用過嘅其他牌子偈油明顯較耐用。最近DENSO更提供期間限定優惠，到指定分銷商買全合成偈油可享特價，各位行家/車主正好趁機「試油」！
#偈油心得
#的士心法
