一角工房電單車 Tencents Motorcycle Workshop

Call Directions Website Contact the business

一角工房電單車 Tencents Motorcycle Workshop 《歡迎車友及同業了解，傳送訊息說hihi》
**以下業務可索價目
+偈油等消耗品保養及零售
+原廠零件維修及零售
+電單車用品零售及批發
+歐美台精品及部品
+電腦檢查車輛
+保險及文件代辦服務

【​🚨 搵食車，搵食姐，唔洗拎條命黎較飛！ 🚨】​噚日幫客睇車拆開一睇，真係嚇到心都離一離……阿哥，你塊尾皮同尾碟到底係開車定開玩笑？😂​👉 迫力皮磨到見鐵：煞車變「鐵磨鐵」，除咗有刺耳怪聲，再磨落去分分鐘連卡鉗都報廢，仲邊有迫力可言？👉 ...
10/10/2026

【​🚨 搵食車，搵食姐，唔洗拎條命黎較飛！ 🚨】

​噚日幫客睇車拆開一睇，真係嚇到心都離一離……
阿哥，你塊尾皮同尾碟到底係開車定開玩笑？😂

​👉 迫力皮磨到見鐵：煞車變「鐵磨鐵」，除咗有刺耳怪聲，再磨落去分分鐘連卡鉗都報廢，仲邊有迫力可言？

👉 尾碟薄到好似張紙：你同我講呢啲叫「極致輕量化」？！碟薄到咁隨時過熱變形斷開，煞車碟變飛碟就真係大鑊！

​明白大家日曬雨淋分秒必爭，但「命仔得一條，安全大過天」！如果踩煞車有金屬聲、手感腳感變深，唔好死頂。得閒揸過嚟飲杯水，等我哋幫你睇睇塊皮、驗驗隻碟，換個安心再繼續接單！

​歡迎whatsapp 預約 55485044

​ #搵食車 #電單車保養 #迫力皮 #安全第一

【二手車入手第一步：搞掂怪聲，安心出發！】 🏍️💨新車主啱啱接手呢架超型 R3，點知一 dup brake，份頭就傳出怪異撞擊聲，嚇到心都離一離，即刻揸上黎搵我哋檢查！雖然上手好有心換咗波子盤，但始終有啲位需要特別跟進。經我哋師傅細心檢查同...
05/10/2026

【二手車入手第一步：搞掂怪聲，安心出發！】 🏍️💨

新車主啱啱接手呢架超型 R3，點知一 dup brake，份頭就傳出怪異撞擊聲，嚇到心都離一離，即刻揸上黎搵我哋檢查！

雖然上手好有心換咗波子盤，但始終有啲位需要特別跟進。經我哋師傅細心檢查同快速處理，異響即刻消失晒，手感順返，安全感都返晒黎！

既然到咗車房，緊係順手做埋「交接大保養」，等部愛驅精靈精神：
⚡ NGK 火咀
🌪 原廠風隔
🛢 Silkolene 機油＋油隔
🛑 全車迫力油更換
🔋 MotoBatt 高效電池

買二手車有古怪異響千祈咪死忍，揸上黎幫你執返靚，出車放心又好玩！歡迎 whatsapp 55485044 預約～🔧

#電單車保養 #二手車檢查 #專業跟進

【迫力唔夠好，條命點算好？】今日又有位好錫車（同埋好驚死 🤣）嘅 KRV 180 車主殺到一角工房！一除頭盔，撥一撥頭髮就同我講：「師兄，幫我搞搞佢，我份人無乜大要求，最緊要停得住同夠順就得！」🛵💨收到！檢查完即刻安排「保命三件套」侍候：換...
02/10/2026

【迫力唔夠好，條命點算好？】

今日又有位好錫車（同埋好驚死 🤣）嘅 KRV 180 車主殺到一角工房！

一除頭盔，撥一撥頭髮就同我講：「師兄，幫我搞搞佢，我份人無乜大要求，最緊要停得住同夠順就得！」🛵💨

收到！檢查完即刻安排「保命三件套」侍候：

換晒前後 SBS 迫力皮 🛑：望下張相就知幾厚肉！舊皮薄過張紙，換咗佢即刻咬得實個碟，以後唔好再同我講停唔切喇。

換過晒啲新鮮迫力油 💧：清走晒啲污糟舊油，brake果陣唔會再好似揸住嚿海綿咁軟腍腍，手感即刻返晒嚟！

啪返支 Silkolene 10W40 靚機油 🛢️：同部車換個靚血，扭油順滑又有保護，引擎行起上嚟爽皮好多。

搞掂！交返架又順又好收嘅車畀車主出去繼續chill～ 😎✨

你部車brake果陣係咪都軟腍腍？

快啲 whatsapp一角工房 傾傾佢啦！💬👉55485044

#一角工房 #電單車日常 #光陽 #換機油

【用屁股感應胎壓嘅最高境界：10 psi 盲試挑戰 🫥】​客嚟到車房，好輕鬆咁自爆：「師傅，我頭先覺得條胎好似扁扁地，特登兜咗轉大山試下係咪真係冇氣……」​我聽完心諗：？？？唔夠氣你走去試彎？一隊個胎氣錶入去——胎壓得返唔夠 10 psi ...
29/09/2026

【用屁股感應胎壓嘅最高境界：10 psi 盲試挑戰 🫥】

​客嚟到車房，好輕鬆咁自爆：
「師傅，我頭先覺得條胎好似扁扁地，特登兜咗轉大山試下係咪真係冇氣……」
​我聽完心諗：？？？唔夠氣你走去試彎？
一隊個胎氣錶入去——胎壓得返唔夠 10 psi 💀
師兄，你知唔知 10 psi 係咩概念？你真係命大，差少少就唔係揸去車房，係叫拖車！

​提醒大家：條胎扁咗千祈唔好用條命去試，呢個世界有樣嘢叫「胎氣錶」㗎 🥹
​想穩陣啲直接裝個 CarPlay：
即時胎壓 Sensor，唔使靠屁股盲測 ⚡
前後高清 Cam 紀錄行車 📹
一舉「兩 duck」🦆🦆，安全至上！

​ #一角工房 #差啲嚇死師傅 #行車安全 #胎壓監測

【上手爛攤子我哋搞掂！Ninja 400 安全重生 ⚡】​恭喜師兄入坑 Ninja 400！🎉買二手車最怕買著「驚喜包」，行得走得唔代表冇事。上手粗用你唔知，但出街行，命仔擺第一！​部車嚟到 一角工房，即刻拆彈：​🛞 前後換 Bridges...
28/09/2026

【上手爛攤子我哋搞掂！Ninja 400 安全重生 ⚡】

​恭喜師兄入坑 Ninja 400！🎉
買二手車最怕買著「驚喜包」，行得走得唔代表冇事。上手粗用你唔知，但出街行，命仔擺第一！

​部車嚟到 一角工房，即刻拆彈：

​🛞 前後換 Bridgestone S23
出街最緊要對好「鞋」！舊胎硬晒似踩冰，換對新 S23，咬地貼地，行得正企得正！

​🛑 換前後迫力油
咪等出事臨急先嚟「迫」！舊油吸水易氣阻收唔到。抽乾換新，手感即刻扎實返。

​🖐️ 升級 Moto-Tron 左右拉桿
爛牛角咬手，不如趁早「放手」！換 Moto-Tron 極力子座加右牛角，角度有得調較，隻手唔使受罪。

​🛢️ Fuchs Silkolene 機油 + 油隔
將啲墨汁放乾淨，倒入全新全合成機油，轉數順返晒。

​打好底子先長玩長有！唔知部車有冇暗病？隨時推過嚟照肺！

​📍 一角工房
📲 歡迎預約檢查whatsapp: 55485044
​ #電單車維修 #安全第一 #電單車日常

【做車房最怕唔係爆鑊，係老友夜晚打電話嚟……🫠】​「喂？我條胎好似有啲漏氣……」​本來收咗工準備返去食飯，但邊個叫你係兄弟？無得推，即刻帶齊工具、補胎牛筋飛去現場救駕。拔釘、通窿、塞膠條、打氣一氣呵成，順利救返條命，唔使推車推到抽筋。​車友...
25/09/2026

【做車房最怕唔係爆鑊，係老友夜晚打電話嚟……🫠】

​「喂？我條胎好似有啲漏氣……」

​本來收咗工準備返去食飯，但邊個叫你係兄弟？
無得推，即刻帶齊工具、補胎牛筋飛去現場救駕。
拔釘、通窿、塞膠條、打氣一氣呵成，順利救返條命，唔使推車推到抽筋。

​車友們，平時行慢線或者地盤附近真係要帶眼泊車。
​適逢佳節，順便祝各位車友中秋節快樂！人月兩團圓，出車平平安安，行車千里都「粒釘不沾」！🥮🌕✨

​ #車房日常 #講義氣 #老友限定 #中秋節快樂 #人月兩團圓

【一年一度「拖車巡禮」：一年行唔夠 100km 嘅 CBR600RR】​呢架 CBR600RR 每年都會好似候鳥咁坐拖車嚟搵我哋。望望錶板，上年至今年……好似連 100km 都未行夠。​🫅好有心：「今年想保養多少少嘢，仲有咩換？」🧑‍🔧：「...
25/09/2026

【一年一度「拖車巡禮」：一年行唔夠 100km 嘅 CBR600RR】

​呢架 CBR600RR 每年都會好似候鳥咁坐拖車嚟搵我哋。
望望錶板，上年至今年……好似連 100km 都未行夠。

​🫅好有心：「今年想保養多少少嘢，仲有咩換？」
🧑‍🔧：「放咁耐，除咗電池，迫力油吸水一定要換，最多換埋機油油隔。」
🫅：「仲有無？」
🧑‍🔧望住架新到發光嘅車，忍唔住笑：「如果你肯揸多啲，迫力皮都可以換嘅。」
🫅好認真：「到期未？」
🧑‍🔧：「……厚到同新嘅一樣，未到期。」
🫅：「換埋啦！」

​有種保養，叫「車主覺得你應該換」😂
雖然里程少，但油水有時效性，放到過期同磨損過期一樣要搞；至於件未到期我哋一定講明唔夾硬 sell。不過既然你咁錫車，我哋梗係專業搞掂！

​你架車又擺咗幾耐？得閒推佢出嚟郁下啦！
​ #車房日常 #良心車房 #電單車保養

【ZX-4RR 停燈位狂跳轉？原來個肺油過塊煎堆 🫁🧈】​呢部 ZX-4RR 行咗 20 分鐘熱車後，停燈位怠速喺 1000–2000 轉跳十字步 扯晒蝦，起步仲好易窒油！ ​一拆開即刻破案 🔍：​超滋潤高流量風隔：塊風隔油淋淋似啱啱油鑊...
24/09/2026

【ZX-4RR 停燈位狂跳轉？原來個肺油過塊煎堆 🫁🧈】

​呢部 ZX-4RR 行咗 20 分鐘熱車後，停燈位怠速喺 1000–2000 轉跳十字步 扯晒蝦，起步仲好易窒油！

​一拆開即刻破案 🔍：

​超滋潤高流量風隔：塊風隔油淋淋似啱啱油鑊撈出黎 🍳，保濕度極高！唔知係咪落油果時手鬆得濟，後面節氣門閥仲積咗層厚油泥，怠速入風唔順，電腦一路補油收油救命，轉數咪發羊吊咁跳囉。📉📈

​萬八公里舊火嘴：行咗 18,000km 電極耗損，點火效率大打折扣，低轉起步自然有氣無力。

​舊電池老化：夾錶測到內阻偏高⚡，電池老化隨時影響電腦/感應系統反應！

​今次直接幫佢洗節氣門污積、換新火嘴兼換新電池——順手踢走塊「油淋淋風隔」換返原廠，乾爽清涼又吸得順 🌬️，起步低扭即刻返晒黎，唔使再驚個肺油淋淋浸到咳！

​車主拎車試完即讚 👍：「成架車順返晒，低轉好力咗，停燈位怠速終於肯乖乖企定定！」

​💡 師傅提示：
呢類 16,000 轉先紅區嘅高轉四缸玩具 🚀，唔好日日當綿羊仔幾千轉慢行。熱晒車後，間唔時都要高轉轟下佢通下氣 🔥，副偈先會精神唔積碳！

​你架車又係咪停燈位扯晒蝦？隨時 whatsapp 搵我哋跟跟佢啦 📲55485044！

​ #四缸 #電單車維修 #怠速不穩

【二手車界天花板！呢位舊車主請受小弟一拜 🙇‍♂️💚】​平時啲人賣車前恨不得一蚊都唔使，但呢位 Ninja 400 舊車主簡直係「極品良心前任」！ ​佢過戶前自掏腰包入嚟大保養，一句：「架車陪咗我咁耐，想下家接手係最精神、最安全嘅狀態。」...
22/09/2026

【二手車界天花板！呢位舊車主請受小弟一拜 🙇‍♂️💚】

​平時啲人賣車前恨不得一蚊都唔使，但呢位 Ninja 400 舊車主簡直係「極品良心前任」！

​佢過戶前自掏腰包入嚟大保養，一句：「架車陪咗我咁耐，想下家接手係最精神、最安全嘅狀態。」型到裂！買家真係上世拯救咗銀河系先遇到佢！🤝

​舊車主咁有心，我哋手藝自然畀足 100 分：

​換頭尾迫力油 💧：抽走水氣，煞車手感飽滿扎實。

​換頭尾迫力皮 🛑：厚實新皮上陣，安全感畀足下家。

​換 Fuchs Silkolene 全合成機油 🛢️：順滑清脆，接手一扭油就知有幾錫車。

​換全新頭尾胎 🛞：落地即咬地，轉彎落雨心定神安。

​騎士最型嘅唔係跑幾快，而係交車嗰刻有幾有品。祝舊車主新玩具更上一層樓，新車主接手人車平安！✨

​放車想做個有品前任？定接咗「盲盒」想大驗身？隨時過嚟搵我哋！

📞 WhatsApp 預約：55485044

​ #二手車天花板 #良心舊車主 #安全第一 #電單車保養

【出車第一件事：保命兼防撞！P 牌仔嘅終極護身符 🛡️】​新手落地，最緊要唔係改喉，係裝車 Cam！😂今次呢位 Haojue DN150 新車主夠哂精明，掛得塊 P 牌出街，緊係要裝返部行車記錄儀安心兜風。今次客人揀嘅係 Mio 最新勁系列...
21/09/2026

【出車第一件事：保命兼防撞！P 牌仔嘅終極護身符 🛡️】

​新手落地，最緊要唔係改喉，係裝車 Cam！😂

今次呢位 Haojue DN150 新車主夠哂精明，掛得塊 P 牌出街，緊係要裝返部行車記錄儀安心兜風。今次客人揀嘅係 Mio 最新勁系列旗艦款 —— MiVue™ M820 Pro！

​📦 客問：「師傅，呢部嘢有咩咁把炮？」
好，等我哋講下點解呢部機咁受歡迎：

​前後雙 2K HDR 同步錄影：高解析度之餘，HDR 逆光過曝/暗位平衡做得極好！

​Sony 新 2 代星光級感光元件 (STARVIS™ 2)：夜晚黑媽媽出車，車牌依然清清楚楚。

​全機 IP67 防水防塵：主機、前後鏡頭連接頭全防水，就算黃雨紅雨落湯雞都唔怕罷工。

​SuperMP4 格式以秒寫入：萬一真係有碰撞斷電，檔案都唔會壞檔，保證有片交代。

​內建 WiFi：有咩事開手機 App 幾秒就 download 到片，唔洗周圍搵讀卡器。

​🔧 【車房的手藝堅持】
好嘅車 Cam，安裝更講究！
成部車咁靚，如果啲線「飛嚟飛去」似蜘蛛網，師傅自己都過唔到自己個關。
👀 睇下實裝圖（向左滑 👉）：
1️⃣ 前鏡頭完美收納喺車頭下方，隱蔽又唔遮擋視線。
2️⃣ 後鏡頭座正尾牌燈上方，角度居中，走線收得貼貼服服。
3️⃣ 降壓取電全部跟足安全標準，唔偷雞、唔破壞原裝線路！

​行得正企得正，出車自然無後顧之憂！不論你揸復古街車、羊仔定跑車，想裝車 Cam 隨時搵我哋傾傾～

​💬 查詢 / 預約安裝：歡迎 WhatsApp 55485044

​ #電單車 #行車紀錄儀

Address

黃竹洋街15-21號
Hong Kong

Opening Hours

Tuesday 12:00 - 19:00
Wednesday 12:00 - 19:00
Thursday 12:00 - 19:00
Friday 12:00 - 19:00
Saturday 12:00 - 19:00

Telephone

+85255485044

Website

Alerts

Be the first to know and let us send you an email when 一角工房電單車 Tencents Motorcycle Workshop posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 一角工房電單車 Tencents Motorcycle Workshop:

Shortcuts

Share

Category