Rack Rider Hong Kong Club

23/08/2025

【盛夏・沉浸式城市露營Hong Kong City Camping】

Hello 各位Rack Rider 🙌🏻 摩天輪下面玩露營？
多謝 邀請合作，為大家展示汽車露營仕樣玩法！
我地將會喺活動期間展示車頂營及車尾營玩法！
部分gear介紹：

車頂營 ADA OVERLAND出品超薄硬頂車頂營

車側帳 .hk 車會自家出品3米側帳幕（硬殼款）

車頂橫桿 日本牌子橫桿

以上產品可以到車會網頁瀏覽：
Rackriderhk.com
-------

全港首個城市露營活動，多個互動享樂體驗，讓你沉浸在香港城市中露營與野餐中。精彩體驗包括：運動遊戲體驗區、fujifilm instax即影即有體驗區、現場表演⋯

📆 日期： 8月23-24 及 30-31 （星期六、日）
⏱️ 時段A : 2:00-4:30pm
⏰ 時段B : 5:30-9:30pm
🧭 地點： 香港摩天輪及AIA Vitality公園

【Hong Kong City Camping】
The first city camping event in Hong Kong, featuring multiple interactive and fun experiences that immerse you in camping and picnicking within the city. Highlights include: Sports activities、Fujifilm instax photo experience、Live performances...and more!

08/03/2025

-Go Out Fest 2025-
Rack Rider HK出咗幾架車，向大家展示下露營仕樣玩法～
西沙Gopark係全新地標，有寵物公園、勁多特色餐飲、潮流市集同埋唔同嘅活動，好適合大家過黎Chill下！

我地仲會係到到9號，然後隔一星期到下星期五再擺，16號就完結啦，快啲過黎打卡😎

📷
Go Out 戶外文化潮流市集

21/02/2025

即影即有
攝影服務由 提供🙌🏻

19/02/2025

[Rack Rider Show car event]

由展覽集團主辦及香港旅遊業議會協辦的「香港旅遊博覽會 2025」於 2025 年
2 月 20 至 23 日假香港會議展覽中心展覽館 5BCD 舉辦，彙聚來自全球的知名
企業如國泰航空、國泰假期、KKday、專業旅運、澳門旅遊局、泰國政府旅遊局及日本多個縣市及機構包括東武鐵道、東急酒店集團等。其他參展商還包括 （排名不分先後）東瀛遊、TCI 勝景遊、尊賞假期、捷旅假期、金怡假期、中國旅行社、永安旅遊、Travel Resources、翠明假期、永東旅行社、永東直巴、美味假期、美麗華旅遊、新華旅遊、大航假期、新怡旅遊、GLO Travel、無待壯遊、創
富遊等，同時更得到本地商界包括（排名不分先後）1010/CSL、Mastercard、
花旗銀行、順豐速運等的支持，更特設明報遊學團展示區，展現了業界的多樣性與創新。
本次旅遊博覽會設有超過 300 個展位，專為滿足您的旅遊需求而設計。參加者將有機會親身體驗最新的機票和酒店優惠、獨家旅行團折扣、旅遊裝備展示、景點美食推介及豐富的旅遊資訊分享。今年博覽會首次獲得太古資源的支持，特別邀請到香港最大的多品牌運動用品連鎖店之一 「馬拉松」現場展出，參加者可即時以低至 1 折購買多元化的旅遊裝備，滿足您的旅行運動需求。無論您計劃本地
遊還是深度遊，都能在此找到全面、多元化的旅遊解決方案，實現即買即玩、即飛即住的理想旅程。
現場將設有超過 40 場旅遊相關講座及表演，而有獎活動區更送出超過 4,700 份豐富禮品 ，價值超過 HK$53 萬 。 每日首 500 名參加者更有機會獲得旅遊 Sim 卡
＊，更特設吉祥物巡遊及見面會。我們誠邀各界人士前來參觀，探索無限旅遊可能性，並與來自全球的旅遊專家交流，開啟您的下一次冒險！
＊派發詳情和條款及細則，請留意大會官網公佈。

香港旅遊博覽會 2025
展覽地點：香港會議展覽中心 Hall 5BCD (會展站 B3 或灣仔站 A5 出入口)
展覽日期：2025 年 2 月 20-23 日（星期四至日）
開放時間：上午 11:00－晚上 8:00 (每日閉館前 30 分鐘停止發售/換領入場券)

10/12/2024

23/11/2024

#香港戶外用品及運動博覽2024


玩車有種Style叫做
露營仕樣😁 ＃香港頂架組 頂架車會
RackRiderhk.com

想同大家分享下戶外用品展區嘅相，週未好去處～
【附上展會資料】
香港戶外用品及運動博覽 暨 健身科技及器材博覽2024
展會日期：2024年11月22-24日 (星期五至星期日)
地 點：灣仔會議展覽中心 Hall 3DEFG
開放時間：上午11:00 – 晚上8:00
*每日閉館前30分鐘停止發售/換領入場券

可以留言分享下大家既露營車setup嗎？

22/11/2024

快啲過黎🫶🏻

22/11/2024

#香港戶外用品及運動博覽2024


終於開放到放20張相啦🙈比大家睇下我地車會一年一度會參加嘅戶外用品展嘅現場畫面先！

每年我哋都會向大眾介紹車頂裝備嘅唔同玩法，藉住擺唔同類型嘅車款、唔同嘅車頂裝備、唔同嘅改裝風格等等，同大眾示範 ！

如果想睇唔同頂架嘅實物，想知點樣安裝、點樣購買裝備等，過黎會展舊翼3樓睇下啦！

rackriderhk.com

03/04/2024

【關於運輸署 說明事項 第34號 － 加裝儲物箱 公告】

知道好多會友見到此公告都會感到有擔心，特此出Post希望大家如有問題可以集中討論。

Q1: 公告指裝頂箱就勾車嗎？
A: 未必！
在網上搜尋 檔號（5）TD VCTC 50／162／6 Pt.1 未能找到相關公告，亦未能於電子版香港法例主頁查詢到有相關的檢控法例有更新，亦沒有在第374章《道路交通條例》01/03/2024版本找到有關車頂行李箱相關的法例。

簡單解讀：相信此公告只是供驗車中心參考，並不是給予交通部作為新的檢控法例指引，只是指驗車不能裝上車頂箱驗車，情況如替換了非原廠大燈都有機會驗車失敗一樣。

而勾車原因很多，車頂箱並非見光死。

Q2:裝車頂箱不合法？
A: 運輸署(2023 年 6 月 30 日修訂)指
如你有需要進行車輛改裝，你必須遵循法定車輛標準和有關許可改裝的規則，並參考有關指引。包括有關規則以及「需予通知的改動指引 ─ 汽車」和「改動或改裝車輛該做與不該做」。
而摘要內容簡單講，確保你建議的改裝不會違反任何法例或規則，包括道路交通條例第 374 章及道路交通（車輛構造及保養）規例 374A 章。

以上是官方說明，我講人話，就是指引叫你諮詢，但諮詢與否警方都可以檢控你，只要有改裝就有權檢控。
而這份第34號加裝儲物箱公告指，只要是加裝車廠的原裝配件就沒有問題了。

Q3:有甚麼車輛製造商原廠配件可選？
例如MINI有原廠橫桿及車頂箱
https://www.minihk.com/en_HK/home/accessories/find-an-accessory.mini-roof-rack.html
Mercedes Benz都有原廠車頂架、頂箱及單車架
https://accessories.mercedes-benz.com/en-DK/accessories/passengercars/eqa-h243-4601/carrier-systems/roof-carrier
Tesla Model 3都有原廠車頂架
https://shop.tesla.com/en_hk/product/model-3-roof-rack
以上只是部份例子，請參考自己車款的官方說明。

Q4: 現在運輸署會開始針對我地車友嗎？
A：不會，我們只是星斗市民，只是香港汽車社群之中一小拙的微塵，我們絕對不是甚麼十惡不赦的罪犯，請各位車主不要過份擔心。
每日出車前檢查好自己裝備的穩固度，不要對任何其他道路使用者造成任何不必要的影響。尤其不要加裝影響到其他道路使用者的燈光或凸出物。只要大家玩得安全就可以！
早於2021年已經有新聞報道，關於車頂安裝單車架或其他載物帶來的影響。以下節錄「根據運輸署《道路使用者守則》規定，只要單車架及單車伸出車前不超過一點五米、車後一點四米、闊度逾二點五米，或貨物離地高度不逾四點六米，即不屬違法。」
而當時的運輸署發言人表示：「私家車可配合單車架運載單車，惟須注意穩固載物、安全性及符合法例要求，而貨物亦不可接觸路面，並確保不會對司機、乘客或其他道路使用者造成危險。」
可以理解到運輸署取態是安全第一，但並沒有持負面意見，並沒有立例阻止大家加裝單車架，相信對車頂架取態類似。

車會近年積極向主流大眾推廣車頂文化，希望大家玩得開心的同時亦玩得安全。在不同展覽場合都用實物（車友每天日常座駕）作為示範，讓大眾知道車頂架裝備屬於提昇生活品質之物，絕非任何危險之物。相信大家作為用家都知道，安裝後車頂架有多穩固，當大家對車頂架有相應的認識，任何危險都能避免。

以上回應只代表本Admin立場，不代表任何Rack Rider會友或任何駕駛人仕的意見。
希望各位如有疑問，歡迎多留言討論！

26/02/2024

【活動感謝長文】
一個活動要成功，必須要有嘅成份就係大家嘅支持！始終搞車會同埋搞活動唔係我地正職，身為一個為興趣嘅搞手，深知道一個人嘅力量係永遠都唔足夠架，所以今次展出多得一眾商戶嘅支持同埋合作。
包括今次展出主題 － 汽車露營場地
排名不分次序：
1） Autocamper 汽車露營 .hk
三個場地分別是紅花嶺景盛農莊、怡樂大江埔、羅漢園
我地第一次搞車會露營大聚就係去左大江埔，剛過去第五屆就係紅花嶺，
相信黎參加過活動嘅車友都覺得場地好好，值得多多支持。

紅花嶺

大江埔

羅漢園


2）Park Nature 世外公園
今次活動佢地都出心出力，送出不少優惠同埋紀念品，
為大家介紹真．露營車Recreational Vehicle (RV) 租住。
有興趣係香港體驗就不要錯過。


3）四季休閒農莊
位於粉嶺八仙嶺郊野公園旁邊，非常容易去而且地方好大，
相信不少營友都有去過，場地大到咁要揸車入去玩當然無難度了！


4）山林里＋森之谷
集多種露營服務於一身，不論係租借營具定想玩蒙古包，還是參加導賞或旅行團都有包辦，絕不是三言兩句可以介紹得哂，一定要去佢地IG或網頁慢慢了解先得！



除左營地之外，仲有我地Show car合作既商戶：

5） Monoduo Custom
Mono係指一個人，Duo係指兩個轆；無錯，佢地係集電單車美裝及設計嘅本土藝術鋪頭黎，大量自家製精品同埋服飾，絕對係玩車之人必須要認識。
當然，要達到我地擺Show car嘅要求 － 有頂架＋有態度，佢地絕對係合格有餘啦！

6） Soul Cal Piston
現場極為吸晴之一嘅Mooneyes 仕樣 bB，亦係一間同電單車裝備有關嘅店黎，有玩Scooter或鍾意Mooneyes嘅車友對佢唔會陌生！
今次為大家帶黎一架露營仕樣bB，充份表達大家玩車嘅共嗚感，就係要哩啲態度！

仲有一啲幕後支持者例如
7）永高行 supremecohk
講到對露營最熟點可以唔提到佢地呢！多得永高行老闆幫手先可以串合到咁多露營場地，非常感謝！|


8） Kazu Production
大家有見到Hong Kong K-car Club會長聰哥架Every吧！
上次如心廣場Show car都有邀請到聰哥大力支持，佢架車咁正梗係唔會托手肘，
關於展覽製作同協調佢都功不可沒！

9) No Standard Co.
攝影紀錄都需要大量體力同技術支持，希望大家喜歡帶來嘅畫面同埋繼續支持一直以來默默為大家紀錄嘅攝影攝錄工作，可以既話請Share 相同片出去，比大家認識多啲我地，咁就唔會白費我地嘅努力了！
謝謝大家睇到哩度，我地會努力再搞更多活動，請繼續多多支持！

#香港頂架組 #香港車會 #露營車會 #收費場地 #揸車上草 #世外公園 #香港旅遊博覽會2024 #香港旅遊博覽會 #香港旅遊 #博覽會

25/02/2024

私心推介，露營燈我用緊 @嘅 吊燈系列 （利申冇贊助🤣） 可以扭支燈出黎差電幾方便，當然重點係夠哂靚🙌🏻

📷

25/02/2024

連續4日，喺香港會展Hall 3FG同大家介紹車頂架裝備同埋汽車露營場地選擇！

感謝車友們、各界商戶、媒體同埋網上留意我地車會嘅大家走過黎同我地傾計，
好開心可以為大家解答玩車頂架嘅疑問，亦都有不少媒體想合作一齊推廣香港汽車文化，我地非常榮幸！

Rack Rider係注重好生活品質，希望玩車都玩得有品味。借住今次展覽旅遊主題機會，為大家講多啲香港玩車好地方 － 汽車露營場；
其實露營場地真係唔少，但係可以揸車上大草地，而且環境夠大夠靚嘅就唔係個個場都得。我地今次只係有限地介紹幾個場地比大眾，好期待同更加多營地／露營裝備公司合作，一齊推廣汽車露營文化出去！

車友們，如果想了解多啲車頂裝備同埋玩車風格資訊，請繼續留意我地！
商戶們，如果你想一齊推廣汽車用品／露營資訊，歡迎與我地車會合作！
將來會搞更多活動，好野益大家，請大家繼續多多支持！

地點：香港會議展覽中心Hall 3FG 展位N70
日期：2024年2月22-25日(星期四至日)
時間：上午11:00－晚上7:00

hk








hk

HONG KONG K-CAR CLUB 小車會
Rack Rider #香港頂架裝備市集
Rack Rider Hong Kong Club
📸🎥：

#香港頂架組 #香港車會 #露營車會 #收費場地 #揸車上草 #世外公園 #香港旅遊博覽會2024 #香港旅遊博覽會 #香港旅遊 #博覽會