AFA Nós Oleiros

14/06/2026

🍽️ AXUDA AO COMEDOR ESCOLAR

Grazas á subvención para o comedor escolar cofinanciada pola Xunta de Galicia, este ano poderemos destinar esta axuda ás familias usuarias do servizo de comedor.

Por este motivo, a AFA NÓS OLEIROS, en colaboración coa Xunta de Galicia, asumirá o custo correspondente ao mes de xuño de todo o alumnado usuario do comedor escolar.

Con esta medida queremos que o beneficio desta subvención repercuta directamente nas familias, facendo efectiva unha axuda que é posible grazas á participación e ao apoio de toda a comunidade educativa.

Agardamos poder manter esta iniciativa nos vindeiros cursos, sempre que a contía das subvencións recibidas o permita.

Moitas grazas ás familias pola vosa confianza e colaboración.

09/06/2026

🎉 FESTA FIN DE CURSO 2025/26 AFA NOS OLEIROS

Boas familias!!

Este venres 12 de xuño, de 16:30 a 19:30, terá lugar no CEIP Juana de Vega a festa de fin de curso da AFA Nós Oleiros.

Vamos a poder desfrutar de xogos populares e tradicionais, inchábeis, música, animación…

Por parte do alumnado de 6º de EP, vaise dispor dun mercadillo, comida e bebida a prezos populares para recaudar de cara a excursión.

Esperámosvos, non faltedes!!

Colabora Concello de Oleiros

02/06/2026

Prestacións de apoio ao comedor escolar para o curso 2026/2027

A Concellería de Servizos Sociais e Igualdade do Concello de Oleiros publicou a convocatoria das prestacións de apoio ao comedor escolar para o curso 2026/2027.

Estas axudas están dirixidas ás familias empadroadas no Concello de Oleiros con alumnado matriculado en centros públicos do municipio e cuxo servizo de comedor escolar estea xestionado polas AFAs ou ANPAs.

O prazo de presentación das solicitudes está aberto desde o 1 de xuño ata o 30 de xuño de 2026.

Recoméndase consultar atentamente os requisitos, a documentación necesaria e os consentimentos que deben acompañar a solicitude.

Toda a información oficial está dispoñible na páxina web do Concello de Oleiros:
PRESTACIÓNS DE APOIO AO COMEDOR ESCOLAR CURSO 2026/2027 - Concello de Oleiros - oleiros.org

https://share.google/OB8adEI6RS5Sc7bmM

Saúdos!

28/05/2026

🎬 CAMPAMENTO DE VERÁN ACTIVA 2026 NO CEIP JUANA DE VEGA

🗓️ Datas: do 22 de xuño ao 31 de xullo de 2026
📍 Lugar: CEIP Juana de Vega
👧🧒 Dirixido a alumnado de Educación Infantil e Primaria

RECORDADE!
ℹ️ Actividade suxeita a un número mínimo de participantes

27/05/2026

📣 VACANTES CEIP JUANA DE VEGA!!

Avisamos a tódalas familias de que QUEDAN PRAZAS libres para o primeiro curso de INFANTIL.
Estas prazas poden ser solicitadas por familias de calquera concello xa que, ao non se cubrir o máximo de solicitudes, non se aplicará baremo de admisión.

Saúdos!

20/05/2026

FONDO LIBROS 2026/27

// //

📚 𝐀𝐛𝐞𝐫𝐭𝐨 𝐨 𝐩𝐫𝐚𝐳𝐨 𝐝𝐨 𝐅𝐨𝐧𝐝𝐨 𝐒𝐨𝐥𝐢𝐝𝐚𝐫𝐢𝐨 𝐝𝐞 𝐋𝐢𝐛𝐫𝐨𝐬 𝐞 𝐚𝐱𝐮𝐝𝐚𝐬 𝐝𝐞 𝐦𝐚𝐭𝐞𝐫𝐢𝐚𝐥 𝐞𝐬𝐜𝐨𝐥𝐚𝐫 (𝐜𝐮𝐫𝐬𝐨 𝟐𝟎𝟐𝟔/𝟐𝟎𝟐𝟕)

Dende o 19 de maio ata o 19 de xuño ábrese o prazo de solicitude do 𝐅𝐨𝐧𝐝𝐨 𝐒𝐨𝐥𝐢𝐝𝐚𝐫𝐢𝐨 𝐝𝐞 𝐋𝐢𝐛𝐫𝐨𝐬 𝐝𝐞 𝐓𝐞𝐱𝐭𝐨 𝐞 𝐝𝐚𝐬 𝐚𝐱𝐮𝐝𝐚𝐬 𝐩𝐚𝐫𝐚 𝐦𝐚𝐭𝐞𝐫𝐢𝐚𝐥 𝐞𝐬𝐜𝐨𝐥𝐚𝐫 destinado ao alumnado dos centros sostidos con fondos públicos.

💬 Este programa que, aínda sendo unha axuda necesaria, resulta insuficiente para garantir o que realmente defendemos: unha 𝐞𝐧𝐬𝐢𝐧𝐚𝐧𝐳𝐚 𝐭𝐨𝐭𝐚𝐥𝐦𝐞𝐧𝐭𝐞 𝐠𝐫𝐚𝐭𝐮í𝐭𝐚, sen parches que só alivian parcialmente o gasto. As familias seguen asumindo custos importantes en cada inicio de curso, o que evidencia que estas medidas non resolven o problema de fondo.

📌 Podes realizar a solicitude a través da seguinte ligazón:

👉 https://www.edu.xunta.gal/fondolibros/](https://www.edu.xunta.gal/fondolibros/) ou de maneira presencial no propio centro educativo.

👉 Podedes consultar a resolución completa en: https://www.xunta.gal/dog/Publicados/2026/20260518/AnuncioG0761-290426-0003_gl.html

💙 𝐂𝐨𝐧𝐟𝐞𝐝𝐞𝐫𝐚𝐜𝐢ó𝐧 𝐀𝐍𝐏𝐀𝐒 𝐆𝐀𝐋𝐄𝐆𝐀𝐒 𝐱𝐮𝐧𝐭𝐚𝐬 𝐝𝐞𝐟𝐞𝐧𝐝𝐞𝐧𝐝𝐨 𝐚 𝐞𝐬𝐜𝐨𝐥𝐚 𝐩ú𝐛𝐥𝐢𝐜𝐚.

Fapacel FANPO Fanpa Compostela Feanpas Foanpas Vigo Favalmi Anpas Redondela Federación de centros públicos de Cangas "A Gameliña" Fed. Provincial de ANPAS da Coruña - Costa da Morte

20/05/2026

BECAS NEAE 2026/27

08/05/2026

🎬 CAMPAMENTO DE VERÁN ACTIVA 2026 NO CEIP JUANA DE VEGA

🗓️ Datas: do 22 de xuño ao 31 de xullo de 2026
📍 Lugar: CEIP Juana de Vega
👧🧒 Dirixido a alumnado de Educación Infantil e Primaria

O campamento desenvolverase en horario de 09:00 a 14:00 h, con opción de acollida dende as 08:00 h e comedor ata as 16:00 h, facilitando a conciliación familiar.

Ao longo das semanas, as nenas e os nenos gozarán de deportes e xogos dinámicos, xincanas, actividades creativas, retos semanais e xogos de auga (unha vez por semana). Cada xornada está pensada para combinar diversión, aprendizaxe e convivencia.

💶 Prezos do campamento:
1 semana: 68 €
2 semanas: 136 €
3 semanas: 204 €
4 semanas: 272 €
5 semanas: 340 €
6 semanas: 408 €
Servizos opcionais: acollida (10 €/semana) e comedor (55 €/semana).

📝 Inscricións
Do 27 de abril ás 12:00 h ao 5 de xuño á mesma hora

Inscrición online:

https://campamentos.activa.org/inscripcion/campamento-activa-2026-juana-de-vega-150393/

📣 Reunión informativa
13 de maio ás 17:00 h no centro

✔️ Inclúe camiseta do campamento e informe final para as familias

ℹ️ Actividade suxeita a un número mínimo de participantes

07/05/2026

🎨 Mostra de pintura de NosArte: “A Primavera”

Desde a AFA Nós Oleiros queremos compartir esta actividade cultural na que participa alumnado do noso centro dentro da extraescolar de pintura NosArte.

Do 8 ao 23 de maio de 2026, o Centro Cultural A Fábrica acollerá a mostra de pintura “A Primavera”, organizada por NosArte.

Trátase dunha exposición de debuxo e pintura realizada por nenos e nenas dos CEIP Juana de Vega, Valle Inclán e A Rabadeira, que participan nas clases de arte dirixidas pola profesora Laura Gualda.

📍 Inauguración: venres 8 de maio ás 20.00 h
🗓️ Datas: do 8 ao 23 de maio
🕒 Horario de visita: De luns a venres: de 9.00 a 15.00 e de 17.00 a 21.30 h
Sábados: de 10.00 a 13.30 h

Animamos ás familias a achegarse e desfrutar desta exposición, que pon en valor a creatividade e o traballo artístico do alumnado.

🔗 Información na web do Concello de Oleiros:

https://share.google/IOrbFTrrk7SpQ4epe

https://share.google/ixUoWFqpCsPRg6dnP

05/05/2026

📣 Mobilización en defensa do ensino público – 6M

Mañá mércores 6 de maio terán lugar máis de 20 mobilizacións en toda Galicia, dando continuidade ás xornadas de protesta do 25 e 28 de febreiro.

📍 Convocatoria na Coruña
📅 6 de maio
🕕 18:00 h
📌 Parque de Catro Camiños (detrás do Remanso)

A comunidade educativa —familias, profesorado e estudantado— mobilízase de forma conxunta para amosar a unidade e transversalidade necesarias para defender o ensino público e visibilizar a situación actual dos centros educativos.

As mobilizacións están convocadas por federacións de ANPAs, ANPAs/AFAs dos centros, Asembleas Abertas do Ensino Público, sindicatos de profesorado (CIG, CUT, STEG, Solidariedade Obreira e CNT) e organizacións estudantís (Fervenza, Erguer e Sindicato de Estudantes), ademais doutros colectivos vinculados ao ámbito educativo.

Pódese consultar o mapa e o listado completo de mobilizacións no seguinte enlace:

https://asembleasensino.gal/mobilizacions/

Estas mobilizacións buscan visibilizar a situación actual do ensino público galego e a necesidade de introducir melloras nos centros educativos.