EGY CAR

25/09/2022

اصلاح كنترول الفرامل الالكترونيه Park Break

15/09/2022

سبب تكون الاملاح على أقطاب بطارية السيارة 🤔 ؟
تتكون الاملاح علي الأقطاب بسبب التفاعل بين غاز الهيدروجين الذي ينبعث من البطارية أثناء عمليات الشحن و التفريغ المتكررة ، يتفاعل غاز الهيدروجين مع مادة النحاس أو الالمنيوم او الرصاص التي تصنع منها الأقطاب و تكون ترسبات ملحية
وتعتبر هذه الترسبات دلالة على أن منظومة السيارة الكهربائية ليست في حالة جيدة فإذا كان الترسب علي القطب السالب معناه أن البطارية شحنها أقل من المطلوب أما إذا كان على القطب الموجب فهاذا معناه ان البطارية شحنها اعلى من المطلوب
أما إذا كان علي القطبين و يحدث بعد فترات طويلة سته شهور مثلا فهو طبيعي و لديه علاقة برطوبة الجو واذا حدث بصورة متكررة في فترات قصيرة فهو دليل علي ان التوصيلات الكهربائية قد تكون ضعيفة أو أنها غير مثبته جيدا
🔴 الحل في ثلاثة خطوات ✅
👈 أولا تنظيف الترسبات و تتم بثلاثة طرق 👇🏻
1- يمكنك تنظيف الترسبات بواسطة فرشاة اسنان و صابون إن وجد
2-يمكن أيضا استخدام فرشاة بلاستيكية و ماء ساخن
3-يمكن استخدام المشروبات الغازية فهي فعالة جدا في إزالة الترسبات الكربونية
👈 ثانيا حماية الأقطاب من تكون الترسبات الملحية من جديد ♻️
1-الطريقة الأسهل باستخدام المشتقات النفطية مثل الشحم و مسح الأقطاب بها
2-أقراص الحماية فعالة في منع تكون الترسبات الملحية من جديد
3- استخدام بخاخ الحماية و هو نوع من البخاخات مصمم لحماية الأقطاب من الترسبات الملحية
👈 ثالثا التأكد من سلامة المنظومة الكهربائية بقياس مولد الشحن ( الدينامو ) و قياس البطارية ويفضل القيام بهذه في ورشة متخصصة
🔴 احتياطات السلامة ⚠️
١- يجب ارتداء قفزات عند التعامل مع البطارية
٢-يجب ارتداء نظارات واقية
٣-تجنب أن يلامس ملابسك لأنه سيتلفها

14/09/2022

05/09/2022

دا حرفيا اللى بيحصل اليومين دول البيبيع عاوز يبيع باعلى سعر واللى بيشترى مستغلى على الحاله ولا دا بينفذ ويبيع ولا التانى بينفذ ويشترى وبقينا نسمع ارقام خرافيه فحجات متستاهلش ولنا الله
https://fb.watch/flB5mAJ9I0/

30/08/2022

معلومات مهم ناخد بالنا منها و احنا بنشترى اى كاوتش جديد
1. Traction قدرة الاطار على التماسك بالارض
من الافضل للاسوأ
AA A B C
متقلش عن A، اقل من كدة العربية بتتزحلق قبل فرامل ABS ميشتغل
2. السرعة
Y 300 km/hr
W 270
V 240
U 200
يفضل متقلش عن V
صحيح مش هتمشى على ٢٤٠ بس مع الطرق بتاعتنا و اهتراء الكاوتش بتقل القيمة الفعلية للسرعة الى بيتحملها الاطار قبل ميفرقع او يتقطع فمتقلش عن V
3 Temperature
A B C
متقلش عن A علشان تحمل الاطار للحرارة
4. وزن تحمل الاطار
لو بتحمل العربية اوزان تقيلة سواءا ركاب او شنط اختار اطار يستحمل وزن اكتر.
رمز 90... 315 kg
91....325 kg
92...335 kg
93...345 kg
94....355 kg
5. Treadwear
سرعة تآكل الاطار، كل اما الرقم بيكون اعلى يكون افضل.
بس ده مش هياثر على سلامة العربية
400
360
320
300
6. تشترى ٤ فرد كاوتش جداد نفس النقشة و الماركة مع بعض علشان اداء العربية اثناء السواقة و الفرملة
7.سنة الصنع بتاعة الكاوتش بتتكتب على الكاوتش الشهر و السنة
0922
الرقم ده معناه الاطار اتصنع فى تاسع اسبوع من سنة ٢٠٢٢
مهم الاطار يكون جديد، يعنى مفاتش على صنعه اكتر من ٦ شهور من يوم الشرا و يفضل اقل
متنساش
ضغط الاطارات مهم جدا جدا جدا
لو الضغط بتاع الكاوتشات قل، العربية بتكون مش متماسكة على الطريق و انت سايق و كمان ساعة الفرملة ممكن تعوم او تتزحلق او تفرمل فى مسافة اكبر من الطبيعى غير ان الاطار بيبوظ اسرع و العفشة كمان.
لو ضغط الاطار زاد، العربية ناشفة جدا، هتحس بالمطبات و الطريق فى ظهرك، و تحكم اقل فى العربية.
مهم يكون عندك جهاز تقيس بيه ضغط الاطارات بنفسك من وقت للتانى لان الاجهزة المستخدمة ساعات بتكون غير دقيقة، او بايظة من كتر الاستخدام و الخبطات و خلافه.
جهاز نضيف جديد معاك مش هيخسر.
الله يحفظنا جميعا

24/08/2022

معلومه ف السريع 😀
⛔ اعطال خلي بالك منها
١_ صوت طقطقه في الملفات ( كوبلن )
٢_ صوت طقطقه وانت بتلف الدركسيون شمال ويمين وانت واقف ( علبة دركسيون او بارات علبة دركسيون )
٣_ تخبيط وشخلله في الارض المكسره ( جلب مقصات او بيض مقصات )
٤ _ رعشه في الدركسيون وهزة في الموتور وانت واقف علي السانسية او او مدي غيار ودايس فرامل قواعد موتور
٥_ العربية مكتومه والسحب ضعيف معاك ( تنضيف بوابه - فلتر بنزيز - فلتر هوا - قلب طلمبة بنزين ضعيف - بوجيهات )
٦ _ استهلاك البنزين عالي عن الطبيعي ( حساس شكمان - فرن الشكمان مشروخ - بوجيهات - رشاشات )
٧ _ هزة في العربية علي سرعه من ٣٠ ل ٩٠ مثلا ترصيص عجل امامي
٨ _ هزة او رعشه مع دوسة الفرامل طنابير
٩ _ العربية بتعوم معاك علي السرعات او في الملفات وانت علي سرعه ( شدادات خلفيه او مساعدين خلفي )
١٠_ لمبة ال D بتنور وتطفي معاك وانت ماشي ( سوتش نقلات او فيوز )
١١ _ رجه وغربله في العربية في الطالعه في المانوال ( طقم دبرياچ )
١٢ _ صوت تكتكه مستمر من ناحية الموتور كستبانات
١٣ _ العربية بتسقط غيار وال Rpm بيعلي في منازل الكباري او المنحدرات ( ده عادي سيفتي في الفتيس عشان تساعد من تقليل سرعة العربية مساعده مع الفرامل )
١٤ _ العربية بتسخن وترجع لدرجة الحرارة العاديه بسرعه ( تنضيف دورة التبريد او تاخد هوا لدورة الميه )
١٥ _ العربية بتحدف يمين او شمال ( ضبط زوايا او كاوتش )
١٦ _ العربية بتاكل زيت والزيت بينقص باستمرار ودخانه سوده من الشكمان ( طقم شنبر )
١٧ _ خبكه وانت بتدي غيار او بتنقل من p ل r او من n ل d ( قاعدة فتيس )
١٨ _ العربية بتبطل وانت ماشي ومش بتدور علي طول وبعد دقيقتين تدور عادي وتمشي شوية وتبطل ( قلب طلمبة بنزين ) لما بيسخن بتبطل ولما بتقف شوية يبرد بتدور تاني
١٩ _ لما بتلف الدكسيون في الملفات والدركسيون مبيردش لماكنه تاني ( صليبة دركسيون او علبة الدركسيون )
٢٠ _ صوت قطه وانتي بتهدي تاخد مطب او في الطلعه بتروح وتيجي بارات علبه دركسيون
٢١ _ صوت تزييق في المطبات او الطرق المكسره ( لف شكرتون علي مفصلات الشنطه وقفل الكنبه الخلفيه _ او علي الكاسيت )
٢٢ _ صوت تزييق في التاره وتحس بتقل في التاره ( بطاحات )
٢٣ _ لمبة البطارية نورت وانت ماشي والباور فصل والعربية سخنت ( سير مجموعه )
٢٤ _ العربية بطلت وانت ماشي ومش عايزة تدور اول حاجه تعملها
تبص علي سير الكاتينه
منقول

20/08/2022

عرض الصيف ، عرض خاص جداً من EGY CAR! ✅
ضروري جدآ فى الحر الشديد لازم التكييف يكون مشحون و تتأكد من سلامة تبريد الموتور عن طريق كبس دورة المياه للتأكد من سلامة الخراطيم والريداتير والقربة وكل مكونات الدورة لتجنب الاعطال المفاجأة و كمان تعمل كشف أعطال كامل للكمبيوتر 🚨
✅4 خدمات فقط بسعر 450 جنيه !
☑️ شحن فريون تكييف السيارة .
☑️ كشف كمبيوتر اعطال .
☑️ مراجعه كاملة للعفشة .
☑️ كبس دوره المياه .
📞 01014551660
📍العنوان : طنطا / شارع نايف عماد - بجوار مدرسة مودرن سكول .

09/08/2022

كله الا الزيت ياعم الحاج

09/08/2022

بعد مدورنا العربيه وعرفنا حساستها كلها الحمد لله نحب نتعرف بقى على الدورات المساعده للمحرك واللى موجوده بشكل اساسى فأى عربيه زى دورة التبريد ودورة الزيت والبنزين والمكيف ومجموعة التعليق (العفشه)
وهنتكلم انهارده عن دورة التبريد فالعربيه
زى مالصوره موضحه كدا بالظبط عندك موتور مياه علشان يحرك الميه داخل الدوره وعندك سربنتينه خارجيه للتبريد والتانيه داخليه فالتكييف علشان الهوا السخن فالتكييف
عندك خراطيم توصيل وثرموستات الكوعه وهنتكلم عن وظيفة كل حاجه بشكل سريع
أول حاجه الموتور وظيفته الرئيسيه تحريك المياه داخل الدوره ودا اعراض تلفه هيكون تسريب فالميه او تآكل فالريش الداخليه وفالحاله دى هيبقى تقليب المياه ضعيف او معدوم
تانى حاجه السربنتينه الخارجيه ودى وظيفتها انها تبرد المياه عنطريق التبادل الحرارى لما المياه تعدى فالمواسيه والهوا يعدى على المواسير دى فالحراره تقل ودا اللى بيحصل فيه تسريب او انسداد وفالحالتين الياه هتقل فالدوره
ثرموستات الكوعه وده وظيفته ان الدوره تتقفل طول المياه برده او المحرك بارد أول مالمحرك يسخن المياه تسخن الثرموستات تفتح واعراض تلفه بيكون ارتفاع حرارة المحرك وبيعمل نفخ او غليان فقربة المياه بتاع الدوره
وفى ناس بتلغيه ودا طبعا غير صحى للمحرك لان لما تلغيه انتا مش هتدى فرصه للمحرك انه يوصل لدرجة حرارة التشغيل الطبيعيه وهيفضل المحرك فحالة بارده وده هيستهلك بنزين اكتر
السربنتينه الداخليه دى موجوده لدلع حضرتك لمان تكون فالشتا وعاوز تدفى تقوم قالب التكييف على السخن يجى مدخلك الهوا على السربنتينه الداخليه دى وزى مبيحصل فالخارجيه بالظبط الهوا يعدى على مواسير سخنه فيسخن ويخرجلك سخن فيدفى سياتك وده طبعا الصنيعيه اللى عندنا فمصر علمو على الخواجه و بيلغوه ويقولك ملوش لزمه ياباشا
طبعا عندنا قربة الميه ودى لتخزين المياه الخارجه من الدوره لحين الاحتياج اليها ولازم نكون عارفين ان الدوره دى غلقه مينفعش فيها اى تسريب لان لما المياه بتسخن بتزود الضغط وبيحصل تبخر ودا طبعا بيخرج فالقربه ويتكثف لما يبرد وفيه طبعا تفاصيل هندسيه انتا فى غنا عن الوش بتاعها بس لو عاوز تعرف الموضوع بالتفصيل ممكن تدخل على اليوتيوب وتدور وتقولنا لقيت ايه فالكومنتات وشكرا لوقتك

؟

29/07/2022

نتكلم بقى عن حساس الكرنك وحساس الكامه مع حساس الشكمان وايه وظيفة وأهمية كل واحد فيهم
نبدا بالاهم سعاتك اللى هو حساس الكرنك ودا سعاتك بيبقى راكب على ترس الحدافه او على ترس الكرنك طب احنا ليه بنقول عليه ترس لانه شبه الترس بس فيه سنه مفوته علشان الحساس يقدر يميز من السنه المفوته دى ان الكرنك دا كدا لف لفه كامله ومنها يبقى الكامه لفت نص لفه فالكنترول ياخد قراية الكرنك اللى بيميز منها امتى يدى شراره من خلال الموبينه وامتى يدى امر للرشاش علشان يدى البخه بتاعته للهوا علشان يدخل خرفة الحريق خليط وعرفنا قبل كدا ان الكنترول بيحدد كمية البنزين من كمية الهواء اللى قدر يعرف كميته من حساسات الهوا اللى قبل وبعد البوابه اللى اتكلمنا عليهم قبل كدا بس يا سيدى هى دى وظيفة حساس الكرنك
طب لو حصل اى حاجه للحساس ده اه اللى هيجرى للعربيه مش هتدور
لان الكنترول ساعتها مش هيعرف ان الكرنك بيلف فمش هيدى اشاره للمباين انها تدى شراره ولا هيدى اشاره للرشاشات انها تخرج بنزين وبالتالى العربيه مش هتدور وربنا ميعطلكو عربيه
تانى حاجه حساس الكامه وده بيدى تاكيد للكنترول ان كدا الدوره مظبوطه وان الكرنك فعلا بيلف وهو فالمكان الفلانى لان الكامه فالمكان الفلانى ومنه بيعرف الكنترول هو هيدى اشاره لاى موبينه واى رشاش ن حساس الكامه يعنى الاتنين بيكملو بعض طب من غيره العربيه متدورش لا تدور عادى بس هتسجل معاك عطل ومش هتبقى مظبوطه
نيجى بقى للى مغلب تلات تربع شعب مصر وتلات تربع الصنايعيه فمصر الا وهو حساسا الشكمان
بيركب حساس الشكمان قبل علبة البئة وبعد مخارج الشكمان من المكنه علطول وهو عباره عن سخان وحساس فنفس الوقت اتنين فواحد زى بتاع الاير ماس كدا حساس حراره وحساس كمية هوا فحساس واحد المهم ان حساس الشكمان مبيشتغلش غير لما بيسخن علشان كدا حطو فيه سخان بيشتغل أول مالعربيه تدور و بيفصل اول مالعربيه تسخن طب هو بيعمل ايه هو بيقرى كمية البنزين اللى خارجه فالعادم هيا زياده ولا ناقصه ويبلغ الكنترول وبناء عليه الكنترول يزود او يقلل كمية البنزين من خلال الرشاشات
طب هو بيظبطها عند مستوى معين مثلا
لا ابدا دا طالع نازل مره يخلى البزين زياده ومره يخليه قليل ومحيرنا ومحير نفسه ومحير الكل معاه
طب ايه الفايده من ده
الفايده يا سيدى ان العلماء اكتشفو ان علبة البيئه بتشتغل بافضل حالتها لما كل شويه نغير حالة العادم اللى خارج من المحرك وبالتالى نحافظ على البيئه من التلوث
خد بالك ان الحساس ده بيعمل الكلام ده فى حالة السلانسيه فقط مش وانتا دايس وماشى بالعربيه
وبكدا نكون خلصنا موضوعنا ازاى عربيتك بتدور وهنتكلم عن الدورات اللى فالعربيه من البوست الجاى باذن الله

؟

25/07/2022

انهارده هنتكلم عن موضوع بيسبب مشكله لكل العربيات واللى بتنتج مع الوقت والتشغيل لسياره واللى حلها بيكون بسيط جدا لدرجة انك ممكن تعملها بنفسك فالبيت
بوابة دخول الهوا فالعربيه واللى مسئوله عن فتح وغلق منفذ الهوا بناءً على الدوسه بتاعت حضرتك على دواسة البنزين
البوابه دى لما بتتوسخ زى مانتو شايفين فالصور كدا بتسبب برجله للعربيه وتخلى ال RPM يعلى ويوطى بشكل ملحوظ وأحيانا بتوصل لان العربيه تبطل منك وحلها من المكنه بسيط كدا لانها فأغلب العربيات بتبقى راكبه بعد عمة الهوا بأربع مسامير 10 ممكن تحلهم وتفك الفيش اللى راكبه عليها وتنضفها وترجع تركبها تانى هتلاقى العربيه ظبطت معاك وفل الفل وكل عام وانتم بخيير


؟

19/07/2022

بعد ماتكلمنا على المفتاح وازاى بيشتغل
والمارش وطريقة عمله
والدينمو ازاى بيشحن البطارية وايه وظيفة البطارية
هنتككلم بقى انهارده عن أهم الحساسات اللى موجوده على محرك العربيه بتاعتك علشان تبقى عارف مسئولية كل واحد وأهميته فعربيتك
تعالى ناخدها من أول متفتح كبوت العربيه والحساسات اللى بتقابلك فالوش واللى بتبقى موجوده على مدخل الهوا بتاع العربيه
- وهما حساس قياس كمية الهواء(air MAS) وحساس قياس درجة حرارة الهوا والاتنين غالبا بيبقو فحساس واحد بيعمل الشغلانتيت الاتنين اللى هما موضحين من اسمهم يقيس كمية الهواء الداخل ودرجة حرارته ودا بيبقى موجود بعد عمة الهوا وفلتر الهوا قبل البوابه علطول ومش شرط يبقى موجود فكل العربيات موجود فعربيات وعربيات لا على حسب المصنًع
- تانى حساس ال idle واللى بيبقى راكب على بوابة الهوا مباشرة واللى مسئول عن التحكم فى كمية الهواء اللى بيدخل للمحرك و مسئول عن ال RPM كمان
- فى حساس تانى اسمه ال MAP ودا بيقيس الضغط اللى داخل للسياره ومنه بيقدر يعرف الكميه ودا هتلاقيه فأغلب السيارات ودا بيبقى موجود بعد البوابه على الثلاجه (المانيفولد) بتاع العربيه وبيبقى معاه حساس الحراره فى حالة عدم وجود حساس قياس كمية الهواء الداخل (air MAS)
طب الحساسات اللى اتكلمنا عنها فوق دى كلها ايه لزمتها فالعربيه ؟
هقولك يا سيدى الحساسات دى عامله زى الجواسيس بالظبط تشوف مين رايح فين وتبلغ عنه للكنترول فيقوم الكنترول حاسب حسبته وباعت اشاره للبخاخات يفتح يدخل كمية بنزين قد كدا على حسبة الهواء اللى داخل لحظتها فتلاقى العربيه دايره مظبوطه والدنيا تمام التمام
طب كل دول لو حصل لواحد فيهم حاجه يخلى العربيه مش مظبوطه ومبرجله وتبطل كمان بعد دوسه جامده شويه

؟