30/05/2024
أسعد الله مسائكم 🌹
معلومة من ضمن المعلومات الخاطئة و المتداولة بين الناس
إن في زيت موتور بيمشي
3 آلاف كم ، 5 آلاف كم ، 10 آلاف كم ... أو أكثر أو أقل 🤔
ودي للأسف معلومة غلط خالص
طيب إيه الصح ؟ أو إزاي نحكم على نوع زيت معين إنه بيمشي كذا ألف كم ؟
في الحقيقة المسؤول الأول والأخير عن كدة
هو الموتور نفسه !
بمعنى :
إن كل موتور ليه ظروف خاصة بيه غير أي موتور تاني
بمعنى أفضل :
لو استخدمت نوع زيت معين ، لموتور جديد زيرو بيكون عُمر الزيت فيه أطول
لإن حالة الموتور جيدة ومش بيحرق الزيت 👍
نفس نوع الزيت هو هو لو استخدمته لموتور مفوت وعاوز عمرة ، هتلاقي الزيت اتحرق بسرعة ولونه اسود وفقد لزوجته
بسرعة 🤨
وعشان كدة استحالة تلاقي جركن زيت مكتوب عليه من المصنع هو بيمشي كام ألف كيلو ، لإن المصنع مش عارف مدى كفاءة الموتور بتاعك ، ووقتها ممكن حضرتك تقاضي المصنع ده وتاخد منه تعويض مالي كبير
المقياس الحقيقي في كدة هو إن حضرتك تتابع مقاس الزيت باستمرار وتتابع لون و لزوجة الزيت وتعرف الزيت هيبدأ لونه يتغير إمتى ويفقد لزوجته إمتى ، وتغير الزيت قبل ما لون الزيت يسود ، لإن اللون الأسود في الزيت معناه إن الزيت فقد لزوجته كلها وبقى زي المياة ومبقاش بيقوم بوظيفته وده فيه خطورة جامدة على الموتور
أتمنى تكون المعلومة دي فادتكم
