عربيتي

09/02/2026

28/01/2026

https://www.facebook.com/share/r/18UDVrVfXE/?mibextid=wwXIfr

29/03/2024

#عربيتي
جوان وش السلندر : Gasket Cylinder Face
ما هو :
طبقة رقيقة من مواد شبه لينة تتحمل الحرارة العالية وبه اماكن لمرور الزيت والماء وبه فتحات لغرف الاحتراق
مكانه :
يكون فى المنطقة الفاصلة بين الجزء العلوى والسفلى للمحرك ويكون مثل الحجاب الحاجز بينهما
وظيفته :
يعمل على فصل مسارات الزيت والماء بالمحرك ويكون طبقة حاكمة بين الجزء العلوى والسفلى ويساعد على أحكام ربط المسامير بين الجزئين السفلى والعلوى للمحرك
اسباب تلف جوان وش السلندر :
1- نقص المياه داخل المحرك مما رفع درجة حرارته واستمرار العمل عليه مما أدى إلى تمدد الجوان بشكل كبير وظهور تشققات فيه
2- ارتفاع درجة حرارة المحرك نتيجة لمشاكل فى دورة التبريد واستمرار العمل عليه
3- قصور فى دورة التزييت مما أدى إلى عدم تبريد المحرك داخليا
علامات تلف جوان وش السلندر :
1- وجود مياه داخل الزيت مما يؤدى إلى عمل طحينة اثناء تشغيله
2- نقص المياه بصورة مستمرة وملحوظة
3- ارتفاع حرارة المحرك مع ان كل دورة التبريد سليمة بدون مشاكل
4-غليان المياه داخل الردياتير بعد تشغيل المحرك بفترة قصيرة
5- وجود دخنة زرقاء
6- الشكمان به مياه فى غير أوقات البرودة والمطر
كيفية إصلاحه:
1- فك الجزء العلوى من المحرك بالكامل
2-تغير جوان وش السلندر ويفضل تغير المسامير الخاصة به لاحتمال وجود مشاكل بها بسبب الحرارة
3- تركيب الجزء العلوى بالكامل وضبط وش التقسيمة وضبط التاكيهات والصبابات
4- فحص دورة التبريد بالكامل لمعرفة من سبب ارتفاع درجة الحرارة ومعالجته
5-تغير الزيت وفلتر الزيت ويفضل فلاتر الديزل
6- يفضل تغير الزيت بعد 50 ساعة تشغيل للتأكد من تنظيف دورة الزيت من اى رواسب
7- العمل بالمحرك على الأحمال الخفيفة لمدة 50 ساعة تشغيل للتأكد من سلامة الجوان وربط المسامير بشكل جيد

12/03/2024

الكلمتين دول هياخدوا من وقتك ٣ دقايق لكن والله حرفياً من أهم وأعظم الكلمات اللي مُمكن تكون قرأتها في أخر كام يوم لأنك هتفهم معلومات جديدة عليك تمااااااماً 👌🏻👌🏻👌🏻👌🏻👌🏻👌🏻⚠️
👨🏻‍🔧

فيه عامل مُهم جداً من عوامل كفاءة المُحرك وهي كفاءة المُحرك الحرارية engine thermal efficiency وهي إن مُحرك الإحتراق الداخلي سواء ديزل أو بنزين لا يملُك القدرة علي تحويل مُجمل الطاقة الناتجة من التفاعل الكيميائي داخل المُحرك (ناتج إحتراق الهواء والوقود) إلي طاقة ميكانيكية يصلح إستخدامها كطاقة حركة..

بالتالي جزء كبير من الطاقة الناتجة عن الحريق بتفقد وبيكون ناتج الطاقة المستخدم من المُحرك بيتراوح ما بين ٣٠٪؜ الي ٣٥٪؜ كحد أقصي وما تبقي بيكون مفقود ❌
طب بيفقد في إيييييه؟ 🥹🥹🥹

زي ما هو واضح في الصورة رقم ١ هنلاقي إن:

📌 الجزء الأول هي الطاقة المفقوده في العادم ودي بتتراوح ما بين ٣٥٪؜ الي ٤٢٪؜ ودي تُعتبر أكبر جزء مفقود من قدرة المُحرك.

📌 الجزء التاني هي الطاقة الحرارية المفقودة في منظومة التبريد و دي تقريباً بتتراوح ما بين ٢٣٪؜ الي ٣٠٪؜.

📌 الجزء التالت هي الطاقة الميكانيكية اللي بتتولد نتيجة تحرك البستم وإنتقال الطاقة الحركية إلي عمود الكرنك وتعتبر دي طاقة الشغل اللي انت بتستفيد بيها بس خليك عارف إنك مش هتستفيد بكُل الطاقة دي كمان 😳🙂

لأن حوالي ١٧٪؜ منها بيفُقد نتيجة إحتكاك أجزاء المُحرك ☹️
وحوالي ١٥٪؜ بتفقد نتيجة إدارة أدوات التغذية الخاصة بالمُحرك زي الدينمو وكمبريسور التكييف وطلمبة الباور وطلمبة المياه وطلمبة الزيت.

يعني كده دفعنا فلوس و مخدناش بفلوسنا كلها طاقة؟! 😔

فعلا ده حقيقي علشان كده أغلب الأبحاث بتحاول توجد حلول لرفع كفاءة المُحرك الحرارية عن طريق تقليل كل الحاجات اللي فوق دي وإعادة إستخدام الطاقة المُهدرة دي زي مثلاً إستخدام التربوشارجر لطاقة العادم في رفع الكفاءة الحجمية للمُحرك 👌

و من أهم مصادر فقد الطاقة هي الطاقة المفقودة في منظومة التبريد واللي بتفقد نتيجة إن سائل التبريد الخاص بالمُحرك بيتمتع بسعة حرارية كبيرة specific heat capacity بالتالي بيقدر يمتص جزء كبير من حرارة المُحرك واللي كانت مُفترض تتحول إلس طاقة ميكانيكية مفيدة وبعد كدة يفقدها داخل الريدياتير ومنها إلي الهواء الجوي 😩

طبعاً منظومة التبريد بتقوم بدور رئيسي وهو تبريد أجزاء المُحرك والسوائل الأخري للحفاظ علي المُحرك من الإجهاد الحراري بس برضو هي سبب رئيسي في فقد جزء كبير من طاقة المُحرك 🔞

علشان كدة كان لازم يتم إيجاد طريقة للتحكُم في معدل إنتقال الحرارة من المُحرك إلي منظومة التبريد وطبعاً الطريقة الوحيدة لتقليل معدل إنتقال الحرارة بين جسمين هو الحفاظ علي تقارُب درجات حرارة الجسمين بالتالي ينخفض معدل إنتقال الحرارة 🤓😎.. طب إزاي؟؟!

علشان نوضحها أكتر لو فرضنا إن إيدك سقعة وحاولت تمسك كوباية شاي سخنة هتلاقي إن ايدك سخنت ✋ وكوباية الشاي هي اللي ابتدت تبرد بشكل سريع وده نتيجة وجود إختلاف كبير بين درجة حرارة إيدك والكوباية فا معدل إنتقال الحرارة كان كبير من الكوباية إلي ايدك وبالعكس لو كانت إيدك سخنة ومسكت كوباية الشاي السخنة هيكون معدل إنتقال الحرارة منخفض وهتفضل كوباية الشاي سخنة لفترة أطول 👌🏻🤟🏻

علشان نعمل كده في المحركات لازم تعمل ٣ نُقط مهمين:

📌 الأولي إن المُحرك يوصل لدرجة حرارة التشغيل بسرعة يعني تقلل wurm-up time أو زمن التسخين بإنك ترفع درجة حرارة الحريق بشكل سريع.

📌 التانية إنك تقلل كمية سائل التبريد اللي في دايرة التبريد علشان ترتفع درجة حرارتة بسرعة وميستهلكش طاقة حرارية كبيرة من المُحرك أثناء فترة التسخين.

📌 التالتة إنك تفضل محافظ علي درجة حرارة سائل التبريد في درجة قريبة من درجة حرارة المُحرك وتمنع إنخفاضها (تبريدها) بشكل كبير علشان تحافظ علي مُعدل إنتقال الحرارة.

وعلشان نحقق الأهداف دي تم إستخدام #الثرموستات واللي واضحة في صورة رقم ٢ واللي بتكون وظيفتها بإختصار حبس سائل التبريد داخل المُحرك ومنعه من الوصول للريدياتير..
والإكتفاء بدوران سائل التبريد داخل المحرك لحد ما يوصل لدرجة حرارة التشغيل بعدها يفتح الثرموستات المسار للريدياتير لتتم عملية تبريد السائل وبكدة نكون قللنا كمية سائل.

🚨🚨 وللأسف لحد دلوقتي بنلاقي برضو ناس بتلغي الثرموستات بحجة إنه بيرفع درجة حرارة العربية 😂 وإنه مُصمم فقط للدول اللي درجة الحرارة فيها منخفضة 🥴 وطبعاً الكلام ده كُله هبل وأحب أقولك إن إلغاء الثرموستات هيتسبب في حدوث ظاهرة اسمها overcooling وده معناه إن المُحرك وسائل التبريد بيفشلوا في الوصول لدرجة حرارة التشغيل ودي بتكون النتيجة: 👇

📌 إنخفاض الكفاءة الحرارية للمُحرك.
📌 إرتفاع إستهلاك البنزين بشكل جنوني.
📌 إرتفاع معدل الانبعاثات والملوثات.
📌 إنخفاض كفاءة عمل علبة البيئة لعدم وصولها لدرجات حرارة التشغيل اللي المفروض تكون 450 درجة مئوية تقريباً.
📌 عدم وصول زيت المُحرك لدرجة حرارة التشغيل مما يؤثر علي لزوجته.
📌 عدم وصول زيت الفتيس لدرجة حرارة التشغيل.

بلاااااش ❌❌❌❌ موضوع الإستغناء عن الثرموستات ولازم تضمن إن العربية توصل لدرجة حرارة التشغيل بشكل سريع قبل إستخدامها 👌😇

26/02/2024

عرض خاص لأهالي سوهاج بمناسبة شهر رمضان المبارك 🌙

مركز عربيتي يهنئكم بحلول شهر رمضان المبارك ✨

نظرا لغلاء الأسعار مركز عربيتي يقدم لكم خصومات وعروض خاصة لأهالي سوهاج الكرام

- خصم ٣٠٪ علي مصناعيات العمره و وش السنلدر
- عرض البنزين لسه متاح
( تنظيف الرشاشات - تنظيف بوجيهات - تنظيف البوابه
تنظيف الفلاتر )

و مع كل صيانه هنعمل كبس للموتور عشان نعرف لزوجة الزيت المناسبه للعربيه
وكمان هنعمل كبس لدورة المياه عشان نطمن لو في تسريب ميه

العنوان📍: طريق اسيوط سوهاج بجوار قاعه فيستيفال
الرقم للتواصل ☎️ : 01007434131 - 01149376687
#عربيتي


كل عام وانتم بخير 🌙♥️✨

26/02/2024

عرض خاص لأهالي سوهاج بمناسبة شهر رمضان المبارك 🌙

مركز عربيتي يهنئكم بحلول شهر رمضان المبارك ✨

نظرا لغلاء الأسعار مركز عربيتي يقدم لكم خصومات وعروض خاصة لأهالي سوهاج الكرام

- خصم ٣٠٪ علي مصناعيات العمره و وش السنلدر
- وكمان عرض البنزين لسه متاح
( تنظيف الرشاشات - تنظيف بوجيهات - تنظيف البوابه
تنظيف الفلاتر )

و مع كل صيانه هنعمل كبس للموتور عشان نعرف لزوجة الزيت المناسبه للعربيه
وكمان هنعمل كبس لدورة المياه عشان نطمن لو في تسريب ميه

العنوان📍: طريق اسيوط سوهاج بعد كمين سوهاج البحري بجوار قاعه فيستيفال
الرقم للتواصل ☎️ : 01007434131 - 01149376687
#عربيتي


كل عام وانتم بخير 🌙♥️✨

29/01/2024

البوست مهم جدا..اسف للاطاله بس
بالنسبه للناس اللى بتعانى من مشاكل سخونيه العربيه
دلوقتى عشان نقدر نقول مشاكل السخونيه لازم اديك نبذه سريعه عن دورة التبريد ونقول مشاكل كل قطعه
اولا موتور العربيه فيه اجزاء ميكانيكيه بتسبب احتاك وكمان بحصل جوا الموتور انفجارات نتيجة احتراق العادم وبيخسر جزء من طاقته ع صورة حراره
فدا كله بيسخن الموتور فعشان كده بنيدهله مياه تبرده تجنبا لسيحان او تلف أجزاءه من ارتفاع درجة الحراره
دورة التبريد بتشمل

_ طلمبة المياه
دورة المياه زى اى دوره ف الدنيا محتاجه مضخه او طلمبه تحركها وتضخها ف الدوره وهو دا اللى بنقصد بيه طلمبة المياه وهى بيبقى ليها طمبوره بتلف مع الموتور عشان تفضل تقلب المياه باستمرار مع دوران المحرك
وممكن يكون التوربينه بتاعته تآكلت من الصدا وساعتها التقليب هيبقى ضعيف و العربيه تسخن
وعيبها المميز أن العربيه تدورها وتسخن طبيعى واول ما المراوح تشتغل متفصلش بسهوله

١_ الرادياتير
مجرد علبه بها مدخلين للمياه وبتمشى المياه ف مواسير الومنيوم رفيعه وبينها ريش الومنيوم للتبريد بحيث الهواء لما يعدى منها يبرد الريش دى وهى تبرد المواسير والمواسير تبرد للمياه اللى جواها وع فكره الرادياتير دا معرض انه يتسد وف الحاله دى هتلاقى الحراره بتاعتك بتعدى النص ف المشى وساعتها بتفكه وتوديه لفنى رادياتير يسلكه ويسيخ وبغسله من جوا
الرادياتير دا بيكون من الالومنيوم ف معظم العربيات الجديده وكان فيه منه نحاس ف العربيات القديمه
٢_اكواع المياه
دى خراطيم مياه قطرها كبير شويه ووظيفتها نقل المياه من جزء لجزء ولازم تكون كلها طريه ومش ناشف عشان متفرقعش
٣_ مراوح التبريد اللى بتبرد الرادياتير
ودى عباره عن مراوح بتشتغل بالكهرباء لما الكنترول يدى للكتاوت بتاعها اشاره تشتغل تبرد الرادياتير
احيانة المراوح دى بتتعب وممكن توقف خالص اوسرعتها تقل عن عدد اللفات الطبيعى وفى الحاله دى العربيه هتسخن معاك ف للمسافات الطويله او مع القرص ع العربيه
٤ _ حساس الحرارة
ودا مكون مهم من مكونات حساس الحراره وهو بيعرف قيمة الحراره بتاعة الموتور اد ايه ويبعت بيها اشاره الكنترول
الحساس دا لو تعب او اتراكن عليه صدا من المياه العاديه اللى بتتحط للرادياتير بياخر نقل الاشاره وبالتالى المراوح هتتاخر عقبال ما تشتغل والعربيه هتسخن

٥_سائل التبريد
دا من للعوامل المهمه اللى بيعتمد عليها اداء التبريد ف العربيه لا ينصح باستخدام مياه الحنفيه لانها لما بتسخن بتخلى الدوره تصدى من جوا وبتعمل رواسب تسد الدوره
وهنا بيجى وظائف المياه الملونه
فهى مياه تمنع الصدا وتمنع التجمد ف البلاد اللى فيه سقيع وهى موصل للحراره اسرع من المياه يعنى بتستقبل الحراره اسرع وتبرد اسرع
نوعه اللى بيحدده المصنع للعربيه سواء حمرا او خضرا او زرقاء

٦ _جوان وش السلندر
دا جوان بيركب بين جزئين ف الموتور اللى هما البلوكه ووش السلندر وبيعدى منه مجارى مياه مابينهم
دا لما بيبوظ بتلاقى ف ارتفاع ف درجة الحراره فوق الطبيعى ولما تفتح الرادياتير تلاقى نفخ وفقاقيع مياه ف للرادياتير باستمرار وهتلاقر المياه بتتبخر وبتنقص
وفى مراحل متاخر العربيه بطحن يعنى المياه بتدخل ع الزيت و يختلطوا ببعض
وممكن المياه تدخل ع البساتم وتمنع دواره للعربيهاو كبس البساتم يتسرب للدوره ويسبب الغليان او انفجار الرادياتير او الاربه

٧ _ ترموستات الكوعه
ودا مجرد بلف ف الدوره وظيفته انه يوصل الموتور لدرجة حراره معينه مينزلش عنها وهى درجة الحراره اللى الوقود هيتحرق فيها بشكل أفضل ويخرج افضل اداء
البلف دا بيفضل قافل المسار ف الدوره لحد ما يسخن يقوم فاتح المسار لسائل التبريد
تلف انه يقفش وف الحاله دى مش هيفتح المسار وبالتالى العربيه هتسخن وف حالات كتير بيجيب جوان وش سلندر

٨ _طبات المياه
مجرد طبات موجود ف جسم الموتور وهى نقط صيانه لدورة المياه الداخليه ف البلوك ومع الزمن او استخدام مياه الحنفيه الطبات دى بتدوب وتسبب تنفيس للمياه ويلزم تغيرها

دى كده معظم المكونات وشرحها وشرح اسباب تلفها
دلوقتى لما يحصل مشكلة سخونيه ف عربيتك بعد اذنك روح لحد متخصص يكشف عليها بعنايه كويس لان للاسف الاعراض كلها شبه بعض
ولما تيجى تعمل غسيل لدورة التبريد المفروض الرادياتير يطلع يروح لفنى يسلكه مش يتغسل وهو ف مكانه

#عربيتي

20/01/2024

لأهالي سوهاج الكرام
مركز عربيتي لصيانة السيارات وفرلك عرض البنزين 🔥

عرض البنزين بيتعمل عشان:
- استهلاك بنزينك يقل
- عشان تعرف تسحب بعربيتك
- عشان سكعه الماتور تختفي

ودا بيتعمل فيه :
- تنظيف رشاشات
- تنظيف بوجيهات
- تنظيف فلاتر
- تنظيف بوابة

كل دا وبسعر ٣٠٠ جنيه بس 🔥✨

وكمان لو هتعمل عمره
او صيانة كاملة ( تغير سيور و زيت و فلاتر ) هتاخد العرض مجانا 🔥🔥

العنوان📍: طريق اسيوط سوهاج بجوار قاعه فيستيفال
الرقم للتواصل ☎️ : 01007434131 - 01149376687

10/01/2024

👌👌👌بعض الأعطال التى قد تتعرض لها سيارتك

١_ صوت طقطقه في الملفات ( كوبلن )
٢_ صوت طقطقه وانت بتلف الدركسيون شمال ويمين وانت واقف ( علبة دركسيون او بارات علبة دركسيون )
٣_ تخبيط وشخلله في الارض المكسره ( جلب مقصات او بيض مقصات )
٤ _ رعشه في الدركسيون وهزة في الموتور وانت واقف او علي السلانسية او مدي غيار ودايس فرامل قواعد موتور
٥_ العربية مكتومه والسحب ضعيف معاك ( تنضيف بوابه - فلتر بنزيز - فلتر هوا - قلب طلمبة بنزين ضعيف - بوجيهات )
٦ _ استهلاك البنزين عالي عن الطبيعي ( حساس شكمان - فرن الشكمان مشروخ - بوجيهات - رشاشات )
٧ _ هزة في العربية علي سرعه من ٣٠ لـ ٩٠ مثلا ترصيص عجل امامي
٨ _ هزة او رعشه مع دوسة الفرامل طنابير
٩ _ العربية بتعوم معاك علي السرعات او في الملفات وانت علي سرعه (شدادات خلفيه او مساعدين خلفي)
١٠_ لمبة الـ D بتنور وتطفي معاك وانت ماشي ( سوتش نقلات او فيوز )
١١ _ رجه وغربله في العربية في الطالعه في المانوال ( طقم دبرياچ )
١٢ _ صوت تكتكه مستمر من ناحية الموتور كستبانات
١٣ _ العربية بتسقط غيار وال Rpm بيعلي في منازل الكباري او المنحدرات (ده عادي سيفتي في الفتيس عشان تساعد من تقليل سرعة العربية مساعده مع الفرامل )
١٤ _ العربية بتسخن وترجع لدرجة الحرارة العاديه بسرعه ( تنضيف دورة التبريد او تاخد هوا لدورة الميه )
١٥ _ العربية بتحدف يمين او شمال ( ضبط زوايا او كاوتش )
١٦ _ العربية بتاكل زيت والزيت بينقص باستمرار ودخانه سوده من الشكمان ( طقم شنبر )
١٧ _ خبطه وانت بتدي غيار او بتنقل من p لـ r او من n لـ d ( قاعدة فتيس )
١٨ _ العربية بتبطل وانت ماشي ومش بتدور علي طول وبعد دقيقتين تدور عادي وتمشي شوية وتبطل ( قلب طلمبة بنزين ) لما بيسخن بتبطل ولما بتقف شوية يبرد بتدور تاني
١٩ _ لما بتلف الدكسيون في الملفات والدركسيون مبيردش لماكنه تاني (صليبة دركسيون او علبة الدركسيون )
٢٠ _ صوت طقه وانتي بتهدي تاخد مطب او في الطلعه بتروح وتيجي بارات علبه دركسيون
٢١ _ صوت تزييق في المطبات او الطرق المكسره ( لف شكرتون علي مفصلات الشنطه وقفل الكنبه الخلفيه _ او علي الكاسيت )
٢٢ _ صوت تزييق في التاره وتحس بتقل في التاره ( بطاحات )
م: أحمد السيد

09/01/2024

مشكل نقص المياه في العربيه مش موضوع بسيط 💧💧
راجع علي دوره التبريد كل فتره و متهملهاش علشان متخسرش متور عربيتك 🔥😢
مركز عربيتي 🚘 هيساعدك في الكشف علي دوره التبريد باحدث الاجهزه و علاج اسباب نقص المياه و تنظيف دوره التبريد بالكامل 😍
للاستفسار
☎️ 0114 9376687
العنوان📍: طريق اسيوط سوهاج بعد الكمين البحري بجوار
قاعه فيستيفال