Toyota Shram ElSheikh

04/09/2026

عشان الأصلي ممكن يكون غالي عليك، حلينا لك المعادلة الصعبة! 🤩

إحنا في مركز تويوتا شرم الشيخ - مجدي محمد ابراهيم
جبنالك "البديل المضمون" بضمان Toyota Egypt، عشان تحافظ على كفاءة وأداء عربيتك من غير ما تشيل هم الميزانية. 💯

ولأن الموتور هو قلب العربية، وفرنالك أقصى حماية مع زيوت تويوتا الأصلية اللي بتضمنلك نعومة في الحركة وعمر أطول للمحرك والفتيس 🛢️✨

ليه تعمل صيانتك عندنا؟
✅ بنوفرلك بدائل موثوقة بضمان Toyota Egypt.
✅ بنستخدم زيوت تويوتا الأصلية 100%.
✅ كل ده بأسعار تنافسية جداً وخصومات حصرية مش هتلاقيها في أي مكان تاني!

صيانة عربيتك الكورولا (وكل موديلات تويوتا) في أمان وبأفضل سعر ممكن 🚗💨

شرفنا في مركز تويوتا شرم الشيخ— مجدي محمد ابراهيم ، وخلي صيانة عربيتك علينا.
📞 للحجز والاستفسار تواصل معنا على: [01001626534]
📍 العنوان: [شرم الشيخ - المنطقة الصناعية الجديدة - قطعة رقم ١٥]

16/08/2023

يعلن مركز صيانة تويوتا شرم الشيخ - مجدي محمد ابراهيم -
عن حاجته الي الوظائف التالية :
- مهندس صيانة👷‍♂️
- فني ميكانيكا👨‍🔧
- فني كهرباء ⚡️
- فني سمكرة 🚘⚒
- فني دوكو 💈🔫
انضم الينا الان وتواصل معنا علي رسائل الصفحة او التواصل على الرقم التالي :
01001626534
المدير ‏المسؤول 👨‍💼  : مجدي محمد ابراهيم

07/11/2021

يسر مركز صيانة تويوتا شرم الشيخ بالرويسات أن يقدم لعملائه أجود الخدمات بأحدث المعدات وأمهر الفنيين من سمكرة ودهان وميكانيكا وكهرباء وتكييف بأقل تكلفة وأعلى جودة ...

24/09/2021

في موضوع شائك حبتين هنتكلم عليه براحه و من غير خناق لان دي وجهة نظر علمية تحتمل الصواب و تحتمل الخطاء

الموضوع الي هنتكلم عليه هو رواسب الكربون الي بتتكون داخل المحرك زي مهو واضح في الصورة 1 و 2 بسبب عوامل كتير منها :

📌 عدم اكتمال الحريق بصورة طبيعيه نتيجة سوء كفاءة الاشعال او الخليط (الوقود و الهواء).
📌 نوع زيت المحرك المستخدمة و الاضافات الموجوده عليه
📌 نوع الوقود و الاضافات الموجوده عليه
📌 معدل ابخرة الزيت Blue by gases
📌 التصميم الداخلي لغرفة الاحتراق و الصبابات
📌 ظروف التشغيل زي درجة حرارة و حمل المحرك.

🚨🚨 ملحوظه :الابحاث اثبتت ان السبب الرئيسي لتكوين الرواسب الكربونية في المحركات هو الاضافات الخاصه بزيت المحرك و المركب الاكثر انتشارا هو الكالسيوم (calcium) زي مهو واضح في الصورة رقم 3 لتحيل الرواسب الكربونية علي اجزاء المحرك و كنا شرحنا الموضوع ده قبل كده

طبعا و نتيجة اختلاف التكوين الداخلي للرواسب الكربونيه خطورتها بتختلف و تقاس خطورتها بمدي قدرتها علي الاشتعال الزاتي او بتحولها الي نقطة وميض (flash point) وده بيحدد عند اي درجة حرارة ممكن للرواسب الكربونية انها تشتعل و تتحول الي نقطه حرارية (hot spot) و تكون سبب لحدوث ظاهرة الاشعال المبكر Pre-ignition الي اكيد عرفين تاثيره

طبعا في اجرائات ممكن تساعد علي الحد من تكون الترسبات الكربونية منها :
📌 الالتزام بموعد الصيانه و تغيير زيت المحرك و فلتر زيت و فلتر الهواء و البوجيهات بنتظام.
📌 استخدام الزيوت المطابقة لمواصفات API SN Plus or SP وكنا شرحنا النقطه دي قبل كده
📌 عدم استخدام اضافات علي الوقود غير معلومه المصدر و المكون
📌 عدم توقيف المحرك فجاة بعد التشغيل علي احمال كبيره و ترك المحرك علي سرعة الاحمل لدقائق لضمان استمرار عملية تبريد المحرك و تجنب ظاهرة الاكسدة الحرارية Coking الي شرحناها قبل كده
📌 الكشف علي السيارة في حالات عدم انتظام المحرك او ظهور اي لو للعادم غير طبيعي

نيجي للنقطه الي اغلب الناس بتسال عنها ماهي الطريقة الافضل لازالة الترسبات الكربونية ؟
في ثلاث طرق متحاة لازالة الترسبات الكربونية
📌 اضافة مزيلات الكربون علي تنك الوقود
📌 أدخال مزيلات الكربون من مسلك الهواء intake manifuld
📌استخدام اكسيد الهيدروجين او المعروف باسم HHO

افضل طريقة من ((وجهة نظري)) و خلينا متفقين ان من حق كل شخص نتيجة تحليله للمعطيات المتاحة انه يختار الطريقة الافضل ليه

⬅️ هي استخدام اكسيد الهيدروجين في التنظيف HHO

و خلينا الاول نفهم سريعا هو ايه اكسيد الهيدروجين في سنة 1960 في راجل محترم اسمة برون عرف يعمل محلل كهربي electrolyzer يفصل المياه الي ذرات اكسجين و هيدروجين منفصله بدون الحاجة لفصلهم في خزانات منفصله و عمل خليط يسمي اكسيد الهيدروجين Oxyhydrogen او HHO و تم تسميت الغاز ( برون غاز Brown's Gas) وجد ان المركب ده ليه خواص احتراق ممتازه الهيدروجين بيعمل كوقود و الاكسجين كمحفز للحريق بس في مشكله انه لايمكن تخزينه لفترات طويله ️ ويجب استخدامه بعد انتاجة فورا بالاضافه ان الكمية المولده من المحلل الكهربي غير كافيه لتشغيل المحرك بالتالي جت الفكره التانيه ان يتم استخدامه كمحفز للحريق لتحسين استهلاك الوقود و تقليل الانبعاثات و فعلا في منه انظمه بتتركب مع المحرك باستمرار زي الي في صورة رقم 5 بس عليها شويت تحفظات لان التحكم فيها لسا موصلش لافضل شئ بس في اتجاة لتطوير المنظومات دي.

🚨لكن نتيجة الاختبارات اظهرت معلومه جيده انه بينظف الرواسب الكربونية بشكل كبير جدا

عمليت التنظيف بتم نتيجة ان بمجرد الاشتعال و احتراق الغاز بيرجع الغاز إلى الماء في أجزاء من الثانية في صورة بخار شديد السخونة يقوم بتنظيف الاجزاء الداخل للمحرك بالاضافه ان وجود بخار الماء بيوفر زرات الاكسوجين الي بتقوم باكسدة زرات الكربون و تحولها الي ثاني اكسيد الكربون و بيتم خروجها مع العادم بصورة طبيعية وكده عمليت التنظيف بتم من غير اي اضافات كميائة وهو ده سبب تفضيلي لعملية التنظيف بالطريقه دي

🚨 بس طبعا كثرة استخدام الطريقه دي غير مفيد لان ارتفاع معدلات بخار المياه دخل الغرفه ممكن يسبب مشاكل كثير بالاضافه ان تكرار العمليه اكثر من مره بتضعف من كفاءة الكتلتك catalytic converter و طبعا لازم الي بيعمل عمليه التنظيف يكون فاهم لان معايرة كمية غازات HHO الي بتدخل للمحرك شئ مهم جدا كمان استخدام الغاز لفترات طويله ممكن يؤدي لرتفاع درجة حرارة المحرك و تلف اجزائه

في عمليت التنظيف بيتم استخدام مكانه منفصله مخصصه لتوليد HHO و بيتم حقن HHO من مسلك الشحن intake maifould و بيتم تشغيل المحرك علي سرعة اللاحمل او السلنسيه لمدة نص ساعة كحد اقصي و خلال الوقت ده ممكن كل 10 دقائق نرفع سرعة المحرك الي 3500 RPM بصورة لحظيه و طبعا من الطبيعي ان ينتج عادم اسود اللون اثناء عمليت التنظيف لان ده دليل علي خروج مركبات الكربون

🚨 لو الطريقه دي غير متوفره بيكون البديل هو استخدام المنظفات الي بتحقن من مسلك الهواء intake manifold و في شركات كبيره و معروفه بتنتج النوع ده من المنظفات و متوفره في السوق.

10/09/2021

في اطار حملة الدفاع عن التربو حابب اوضح نقطه هامه جدا اظن انها هتنفي كتير من الاتهامات الموجه للتربو بخصوص استهلاك زيت المحرك

وهي ان استهلاك التربو من زيت المحرك اوقات كتير بيكون كبير لكن مبيكونش عيب التربو في الاساس ولكن بيكون نتيجة و طبعا التربو بيلبس القضيه طب ازاي

هنشرح اكتر من سبب يخلي التربو ياكل زيت بدون مايكون السبب الرئيسي في المشكله

لازم نذكر معلومه مهمه أن زيت المحرك بيدخل للتربو لتزييت عمود ادارة التربو الي رابط بين تربينة الهواء compressor و تربينة العادم Turbine زي مهو واضح في الصوره 1

دائرة التزييت لعمود ادارة التربو بسيطه مكونه من مدخل واحد للزيت بيتوزع علي مسارين في نهاية كل مسار سبيكه بتلف في فلم زيت و بعد كده مسارين للخروج بيتجمعوا عند فتحة خروج واحده بتتصل بكرتيرة زيت المحرك عن طريق مسورة زي مهو واضح في الصورة 2

في نهايت اطراف عمود ادارة التربو اتنين اويل سيل او شنابر Oil rings زي مهما واضحين في الصوره 3 بلون الاخضر و ظفتهم منع الزيت من الوصول لتربينه الهواء او العادم لمنع اختلاط الزيت بالهواء الداخل او العادم الخارج و بالتالي فقط الزيت ... وطبعا هندسيا احنا عرفين ان عمود بيدور جوه اويل سيل oil ring ده مش معناه انه مش هيمنع خروج الزيت بنسبة 100% يعني طبيعي جزء من الزيت هيعدي بالتالي طبيعي ان التربو ياكل جزء من زيت المحرك

كده احنا عيزين نفهم الاسباب الي ممكن تخلي الزيت يعدي من اويل سيل بتاع التربو بشكل كبير يسبب نقص زيت المحرك بشكل كبير

📌اول سبب ان ممكن يكون مستوي زيت المحرك زياده زي مهو واضح في الصوره 4 بالتالي خط الزيت الراجع من التربو مش هيقوم بوظفته و بالتالي ضغط الزيت علي شنابر التربو هيكون كبير و هيحصل تسريب للزيت بشكل كبير او ان يحصل سدد لمسورة خط زيت الراجع سواء سدد داخلي نتيجة شوائب او خارجي نتيجة انبعاج المسورة نتيجت اي مؤثر خارجي زي مالصورة موضحه 5

📌 تاني سبب ممكن يكون نتيجة وجود تلف في بلف التنفس الخاص بالكرتيره PCV و الي بيادي لرتفاع ضغط الزيت داخل الكرتيره و بالتالي بيحصل ضغط عكسي في مسورة الزيت الراجع من التربو و بالتالي بيرتفع ضغط الزيت عند اويل سيل التربو ويحصل تسريب الزيت و ممكن يكون PCV سليم بس معدل ابخرة الزيت (Blow-by gases) المتجه لكرتيرة زيت كتير نتيجة تلف او ضعف شنابر البستم بالتالي ده بيرفع ضغط الزيت داخل كرتيرة الزيت ويؤدي الي نفس النتيجه تسريب من اويل سيل التربو و ده واضح في الصورة 6

📌 السبب التالت ان في كتير من الاحيان اويل سيل الخاص بتربينة الضغط compressor بيتعرض لمشكله وهي انخفاض الضغط في جانب مسلك الهواء intake system وده بيؤدي لحدوث خلخله بتعمل شفط للزيت و تخليه يخرج بصوره كبيره في دائرة الهواء الخاصه بالمحرك طب ايه الاسباب الي ممكن تعمل انخفاض في ضغط مسلك الهواء عن تربينه الضغط اول حاجة هي انسداد فلتر الهواء و ده طبعا نتيجة عدم تغييره بانتظام فيكون مانع لدخول الهواء ومع حركة التربينه بيحدث خلخله ثانيا هو غلق بوابة الهواء throttle valve بشكل مفاجئ وده بيحصل لما يكون السواق دايس بنزين علي الاخر و فجئه يشيل رجله ودي بنسمية Engine braking فرملة المحرك ️ اه في صباب موجود للتقليل من تاثير الموقف ده بس ده مش بيمنع تاثيرة بنسبة 100%

📌 اخيرا واهم نقطه وهي استخدام مواصفة زيت مناسبه لمحركات التربو و المقصود بالموصافة هي SN or SN Plus ل API و 5W30 ل SAE طب وهو الزيت هياثر علي التربو ازاي ؟؟؟
اولا استخدام نوع غير مناسب ممكن يزود معدل تبخر الزيت Blow-by gases و بالتالي يزود تاكل الزيت من خلال التربو زي مشرحنا في الاول
ثانيا ان استخدام زيت محرك بكثافة عاليه بيرفع من درجة حرارة و الضغط داخل مسارات سبايك التربو و بالتالي بيزيد معدل تسريب الزيت الي مسلك الهواء و العادم

الخلاصه مش معني انك تلاقي زيت خارج من التربو ان التربو بايظ او عايز يتغير لازم تراجع كل الاسباب قبل متقرر أن المشكله في التربو لان زي مشوفنا في اسباب ليها علاقة بالصيانه و اسباب ليها علاقه باسلوب القياده و اسباب ليها علاقه بنوع الزيت و دائه و اسباب ليها علاقه بتلف اجزاء اخري في المحرك

ولازم تعرف ان تقليل فترة الصيانه مهم جدا للحفاظ علي اداء التربو وده لتجنب وجود شوائب في الزيت لفترات كبيره ولان التربو بيزود من درجة حرارة الزيت بالتالي بيفقد خواصه بسرعه واخيرا علشان معدل استهلاك الزيت و تجنب انخفاض مستوي الزيت

11/03/2021

الحمد الله لدينا اكبر واحدث كابينة دهان فى جنوب سيناء

08/03/2021

مراحل السمكرة والدهان من لحظة استلام السيارة من العميل وحتى التسليم بمركز تويوتا شرم الشيخ مجدى محمد

16/02/2021

اعمال السمكرة والدهان بمركز تويوتا شرم مجدى محمد خدمتكم وثقتكم هدفنا

11/02/2021