24/11/2013
نصائح هامة لسائقى السيارات بمناسبة فصل الشتاء
أولا البطارية :
من اكثر الاعطال شيوعا بسبب برودة الشتاء .
دايما تيجى فى فصل الشتاء وتعملها وانت بتدور الصبح بعد ليلة باردة
وتلاقى العربية مش عاوزة تدور والبطارية فاضية خصوصا لو البطارية قديمة
-----------------------------------------------------------------------------
ودة ليه تفسير علمى
ابسط ما فيه ان لزوجة زيت المحرك وزيت الفتيس بتكون اعلى برودة من الجو فتجعل معدن المحرك ينكمش فتكون نسبة الاحتكاك اعلى فى بعض اجزاء المحرك مما يجعل المارش يحتاج اكبر أمبير قادم من البطارية علشان يرمى بعزم اكبر ليواجة تلك التغيرات , بخلاف
ان طبيعة تركيب البطارية الخاصة بالعربية سواء جافة (وهو مسمى غير علمى وغير دقيق لانها تحوى حمض الكبريتيك عادى ولكنها مغلقة باحكام ولا تحتاج صيانة فى الشتا نسبة استبدال البطاريات ضعف سبتها فى الصيف
المطلوب عمله :
أكشف على بطارية عربيتك توجه الى الوكيل لة بتتعامل مع التوكيل او
الى معرض بطاريات سمعتة كويسة او كهربائى محترم واطلب قياس البطارية ومدى سلامتها والقياس بيكون قصاد عينك فى اجهزة بتقيس بابرة عداد قيمة الفولت اثناء التحميل على البطارية بيكون الجهاز مزود بزرار يضغط بصفة مستمرة 10 ثوان ليحاكى لحظة تدوير المحرك والابرة لو خرجت خارج المنطقة الخضراء تبقى البطارية بايظة
- نصيحة : دائما قبل استبدال البطارية تأكد أولا من شحن الدينامو يجب ان يكون بين 13ونصف فولت الى 14 ونصف فولت لا اكثر ولا اقل فى موديلات معينة 13 فولت ترتفع قليلا مع الضغط على البنزين خصوصا القديم ولكن لو الشحن زائد يبقى منظم الشحن بايظ او بلغة الصنايعى كتاوت الشحن .
________________________________________________________________
ثانيا الفرامل :
أكشف على الفرامل لو التيل محتاج تغير او قرب يخلص غيرة والطنابير وخلافة وتأكد ان فرامل سيارتك تعمل بكفاءة ولا يوجد ضوء تحذير خاص بالفرامل مضاء على التابلوة وتشد الهاند بريك واكشف عالتيل الخلفى الى ديما كلنا بننساه .
_________________________________________________________________
ثالثا الإطارات :
أحرص فى الشتاء ان تكون اطارات سيارتك سليمة والنقشة موجودة خصوصا واليومين دول مطر وممكن تمطر فى اى وقت طوال فصل الشتاء الاطارات المهترئة والقديمة والى نقشتها مهترئة النقشة مهمة جدا فدورها الاساسي اصلا فى الطرق المبتلة بالمياة فشكل النقشة الذى نراه ما هو الا نقشة مبعده للمياه من تحت مداس الاطار تعمل
تماما بنظرية مساحة سيراميك الحمام بس بدال ما انت بتنزح بالمساحة دوران الاطار مع النقشة بينزح المياة من فوق الاسفلت باستمرار ليسمح للمداس باسفلت اقل ابتلالا وضغط الاطارات وضبط الزوايا والاتزان كى تضمن تحكمك فى السيارة جيدا .
_________________________________________________________________
رابعا المساحات :
طبعا غني عن الذكر ان الشتاء دخل معلش تعالى على نفسك واشترى شفة مساحة او المساحة كلها حتى لو مش موجودة المهم يكون عندك مساحات الزجاج الامامى تعمل بكفائة دة مهم جدا وكذلك املئ خزان رشاش المساحات بسائل المساحة افضل بكتير من المياه العادية هو بيكون زى منظف الزجاج جلانس ولكن مركز يأتى فى علبة 6 اونصات كل اونصة تخفف بلتر مياه وسعه قربة مساحة اى عربية لتر مياه واحد ولا تعبأ القربة حتى رقبتها بل المفروض ان تكون رقبة القربة مفيهاش مية اكتر من نصها.
________________________________________________________________
خامسا الأضواء والمصابيح :
بديهيا حيث ظروف الرؤية السيئة فى الصباح الباكر على الطرقات وخاصة طرق السفر الشبورة بيكون اهم عنصر سلامة فيها انك مشغل اضواء السيارة واالانتظار بخلاف القايدة اليلية فى الامطار مثلا
__________________________________________________________________
سادسا طريقة قيادتك فى حالة الامطار او الشبورة :
ترك مسافة كافية بل واكتر من كافية ان امكن اثناء القيادة فى الامطار الغزيرة والشبورة والقيادة بتأني وتركيز فى تلك الظروف الجوية حاول تكون مسترخي وسوق على مهلك سلامتك فى المقام الاول وربط الحزام دائما ننصح به
_______________________________________________________________________
سابعا إحماء محرك السيارة قبل التحرك بها والتاكد من عدم وجود قطط نائمة فوق العجلات او داخل المحرك حيث تكثر تلك الظاهرة فى فصل الشتاء لما بتركن عربيتك وموتورها سخن تيجى القطة تنام جنب الدفا وحتى لو مش سخن كدة كدة العربية جوة الرفارف او احيانا جوة المحرك حماية ليها من الهوا والمطرة ممكن تفتح غطا الكبوت تكشف عالزيت والمياة وتتاكد من عدم وجود قطط قبل ما تدور وممكن زمارتين كدة يفزعوا القطة فتهرب وبعدها دور محركك والاحماء مهم جدا فى الشتاء او حتى الصيف لاطالة عمر المحرك ولكن فى الشتاء طبعا لابد من
احماء المحرك قبل التحرك ايا ما كان نوع السيارة ما لم يؤكد لك الصانع انها لا تحتاج الى احماء او تسخين موتور يعنى من الاخر....
