http://www.facebook.com/Dola2452

Bta3 Arbiat - بتاع عربيات, Mansoura, Mit Ghamr (2026)

18/12/2023

إستكمالا للبوست اللي فات لو عربيتك بتأخر دوارة خصوصا بعد ما تحط بنزين وممكن تدور مرتين او تلاتة لحد ما العربية تدور معاك ولفيت كتير علي الصنايعية وكل واحد يغيرلك حاجة شكل وما زال العيب موجود ! 🧐

١- ( صمام الكانستير ) canister purge valve
ايه البتاع دا !!
دا صمام تبع Evap system وظيفته تصريف بخار البنزين اللى فى التانك ويدخله ع غرف الحريق ولما بيبقى بايظ وفاتح علي طول فـ حضرتك لما تفول بتزود البخار دا والعربيه بيدخلها بنزين وهواء وبخار البنزين كمان وطبعا هيبقي البخار اكتر وهيقضي ع الاكسجين فيبقى صعب ان الخليط يحصله Combustion.
ودا من العيوب الخبيثة في تشخيصها ✖️✖️
٢- فلتر الهواء لو مكتوم العربيه هتتاخر ف الدواره.

٣- فلتر البنزين لو مكتوم اكيد يعنى العربيه هتتاخر ف الدواره ومتستناش منها سحب.

٤- مننسساش طبعا ان سلوك الموبينة عليها عامل اساسى فى الموضوع دا ولو عندك حاجة منهم فيها تلف هتاخر العربيه فى الدواره.

كل اللى فات دا كوم واللى جاى دا كوم تاني

لو كبس محرك العربية ضعيف او العربيه بتدخن دخنه بيضه او فيها طقم شمبر متسالش هى ليه بتتاخر ف الدواره عشان دا بيبقى طبيعى 🤷‍♂️

شير و فيد غيرك بمعلومه ممكن تفرق معاه 🚧

17/12/2023

🚨🚨 طبعا اغلبنا فى الشتاء بيعاني من تأخير العربيه ف الدواره او حتى مش ف الشتاء فى الصيف كمان فـ انا النهارده هقولك كل اسباب التاخير دا 🫵

👇👇
١- بوجيهات مرطبه او بقالك كتير ناسيها بتخلى الموتور يتأخر فى الحريق وطبعا حلها ف تغيرها.

٢- موبينه ضعيفه او تعبانه بتدى شرارة ضعيفة للبوجيهات فمتقدرش تحرق شحنة الوقود والهواء داخل الموتور كويس وحلها فى تغيرها 😊

٣- طلمبة البنزين ضعيفة والـ pressure regulator بتاعها تالف ف بتخلى البنزين اللى موجود ف مسطرة الرشاشات يرجع تانى للتانك وعشان كده العربيه بتاخد وقت لحين ما تحضر الضغط تانى وحلها فى تغير قلب الطلمبة.

٤- لو عندك تأخير دواره مصحوب بتعتيل فى الدواره يعنى الموتور بيلف ببطى دا بيبقى غالبا بطاريه بتشيع او مارش فيه مشكله وانت تقدر بنفسك تحكم دا عيب مارش ولا بطارية.

٥ - الرشاشات لو مكتومة هتسبب تاخير فى الدواره ودا حلها انك تختبرها وتنضفها ع الجهاز.

شير و فيد غيرك بمعلومه ممكن تفرق معاه 🚧

14/12/2023

🟥 كيف اتأكد ان فرامل سيارتي سليمة ؟؟

🟢 عندما يكون المحرك مطفأ قم بالضغط على دواسة الفرامل عدة ضغطات متتالية اذا لقيت دواسة الفرامل ( حجرت) قم بابقاء الضغط على الدواسة بقوة ثم شغل المحرك ...هنا يجب ان تلين الدواسة تحت قدمك وتنخفض نحو الاسفل وهذا دليل على سلامة منظومة الفرامل لديك .

✅يجب ان لاينقص زيت الفرامل نهائيا طوال عمر دائرة الفرامل لان الدائرة مغلقة ولايجب ان يحدث فيها اي تسريب واي نقص في هذا السائل يعني وجود مشكلة ما يجب البحث عنها .

✅ارفع السيارة في المغسلة وانظر داخل الاطارات يجب ان لا تشاهد اي آثار لسائل الفرامل على العجلات من الداخل .

✅يجب ان لايسمع صوت صفير عند الضغط على الفرامل وان حصل دا فيعني ذلك ان التيل أوشك علي الانتهاء او انه سيئ الصنع وغير اصلي.

✅يجب ان لايحدث رجة في السيارة اثناء الضغط على الفرامل وفي حال حدوث رجة فان ذلك دليل على ان الدسك فيه التواء وينتج هذا الالتواء عن تعرض الدسك للماء وهو حامي جدا لذلك يجب الانتباه الى وقوف السيارة 10 دقائق او اكثر قبل غسيلها.

✅في علبة سائل الفرامل يوجد مستويين للسائل MAXو MIN...يجب ان يكون السائل بين هذين المستويين .

✅يجب ان يكون السائل صافيا وشفافا وفي حال تغير لونه او وجود رغوة على وجهه يجب تغييره فورا .

🔷 دي شوية حاجات تدل على وجود مشكلة في فرامل عربيتك
١- انخفاض مستوى زيت الفرامل.
٢- إضاءة لمبة الفرامل.
٣- دواسة الفرامل منخفضة أو قاسية.
٤- اهتزاز دواسة الفرامل أو الدركسيون عند الفرامل.
٥- أصوات حادة عند الضغط على دواسة الفرامل
٦- العربية تحدف منك عند الضغط على دواسة الفرامل.
٧- سرعة الاستجابة عند الضغط على دواسة الفرامل بقوة.
ربنا يسترها علينا جميعا 🤲🏻

شير و فيد غيرك بمعلومه ممكن تفرق معاه 🚧

13/12/2023

“ Auto Hold “ 🚧

" إذا كانت سيارتك مزودة بـ زر Auto Hold ، فيمكنك استخدام هذه الميزة لتحسين أمان قيادتك وراحة رُكبتك "

🖇️ لو انت ماشي في طريق زحمة وكل شوية تضطر تدوس فرامل وترفع رجلك وتدوس بنزين وترجع تدوس فرامل تاني وممكن عن طريق الخطأ رجلك تتزحلق من علي دواسة الفرامل وتخبط في اللي قدامك وعندك الخاصية دي ومكنتش بتستخدمها فـ انا جاي اقولك ان Auto hold من اكتر الاوبشنز اللي ممكن تريحك في عربيتك.

🔗 يعمل زر أوتو هولد عن طريق استخدام فرامل اليد الكهربائية، حيث يقوم النظام بتطبيق ضغط الفرامل تلقائياً عند إيقاف السيارة وإبقاء السيارة واقفة حتي بعد رفع القدم من علي دواسة الفرامل وهنا هتلاقي كلمة Auto hold اتحول لونها بالطابلوه للون " الاخضر " ويتم التحرير عند الضغط علي دواسة البنزين 👌

استخدامات Auto hold :-

🔷 في المناطق المزدحمة.
🔷 عند التوقف في إشارات المرور.
🔷 عند التوقف على المنحدرات.

شير و فيد غيرك بمعلومه ممكن تفرق معاه 🚧

12/12/2023

🚨🚨 فلتر الهواء
من الحاجات اللي مفيش فيها مجاملة ، بمعني انك اثناء الصيانة تطلب واجب او خصم ع الفاتورة ف يقولك يا باشا احلي واجب .. هنضفلك فلتر الهواء ومش هنغيره المرة دي ساعتها الفرحة بتبقي مش سيعاك✖️✖️✖️

اعرف دور الفلتر دا كويس وبعدين شوف هتفرج بعدم تغييره ولا لا 🤔🤷‍♂️

🖇️ فلتر الهواء بيعمل على تنقية الهواء الداخل الى محرك السيارة من أي ملوثات زي الأتربة والغبار والأوراق قبل الدخول الي بوابة هواء المحرك ، وبيكون مصنوع من ألياف صناعية تشبه الورق.

طيب ايه اللي هيحصل إذا لم تغيير الفلتر بانتظام 🚧�
- إذا تشبع فلتر الهواء الموجود بسيارتك بالأتربة والملوثات أو إذا حدث انسداد في الفلتر سيكون محرك سيارتك غير قادر على امتصاص ما يكفي من الهواء إلى غرف الاحتراق و سوف يتم تشغيل المحرك بــ دخول الكثير من الوقود مقابل قليل من الهواء ودا لما يحصل سوف تفقد السيارة العزم والقوة وتفقد الكثير من تجميعها وسرعتها وأيضا ربما تضئ لمبة الاعطال في السيارة.��- إذا كان الفلتر متسخا تماما وتالفا ومعبأ بالأتربة والملوثات يحدث الانسداد ويحدث معه تدفق الأتربة والملوثات داخل غرفة الاحتراق(الاسطوانة) مما قد يؤدي إلى تلف داخل غرف محرك السيارة.

فـ متفرحش بحاجة تزعلك بعدين 👌

10/12/2023

🚨🚨 أضرار إهمال تغيير فلتر البنزين

فلتر البنزين من الاجزاء المهمة جدا في السيارة ودا لأنه العنصر المسئول عن التخلص من الرواسب والشوائب الموجودة في البنزين ويمنعها من الوصول للرشاشات.

🖇️طيب ايه اللي هيحصل لو قعدت فترة طويلة بدون تغييره 🤔
🔷 وصول كمية من الشوائب للرشاشات هتتسبب في كتمانها وهيأثر علي سحب العربية وطبعا حريق العربية مش هيكون طبيعي ودا هينور معاك لمبة الاعطال.
🔷 تلف طلمبة البنزين ( قلب الطلمبة ) ودا بسبب ان مفيش كمية بنزين كافية طالعة للموتور فـ بيخلي الضغط يزيد علي الطلمبة ويتسبب في تلفها.
🔷 في حالة حدوث حمل زيادة علي موتور الطلمبة .. فيوز طلمبة البنزين هيقطع وبالتالي العربية هتبطل بشكل مفاجئ معاك وهتضطر تحملها علي ونش لمركز خدمة.
🔷وصول بنزين غير كافي للرشاشات.
🔷تقطيع اثناء المشي وارتفاع صوت المحرك عن الطبيعي.
🔷توقف المحرك عن الدوران او صعوبة الدوران في البداية.

✅ فلتر البنزين بيتغير كل ٢٠-٤٠ الف كيلو حسب البراند.

✅ أحد الاجزاء المهمة في دايرة الوقود واللي اهماله بيكون سبب في مشاكل انت في غني عنها 👌

اعمل لايك و شير لو استفدت تفاعلك بيفرق معانا ❤️✔️✅

09/12/2023

" أهم أسباب ضعف عزم المحرك " 🚧

🔷 تلف او سوء حالة البوجيهات.
🔷 تلف احد موبينات او سلوك موبينات السيارة.
🔷 انسداد فلتر الهواء.
🔷 انسداد فلتر البنزين.
🔷اتساخ بوابة هواء المحرك.
🔷 ضعف طلمبة البنزين.
🔷 كتمان علبة البيئة.
🔷 قراءة خاطئة من احد الحساسات.
🔷 مشكلة داخلية بالفيتيس ✖️✖️
🔷 مشكلة داخلية " ميكانيكية " بالمحرك ( تفويت كبس ). ✖️✖️✖️

عندك مشكلة في سحب العربية امشي بالترتيب دا وبلاش تخلي حد يشتغلك وتبقي المشكلة عندك بسيطة وهو يكبرهالك لمجرد انك متكونش فاهم 🤷‍♂️

شير و فيد غيرك بمعلومه ممكن تفرق معاه 🚧

06/12/2023

« طريقة الحفاظ على طلمبة البنزين من التلف »

🔷 تغيير فلتر البنزين في ميعاده ودا مش بيزيد عن ٤٠ الف كيلو وفي عربيات ٢٠ الف وافتكر ان دي اهم نقطة👌
🔷 الحرص على تزويد السيارة بالبنزين قبل أن يوشك على الانتهاء، لتجنب ارتفاع درجة حرارة طلمبة البنزين وحفاظا على استمرار نظام التبريد بالطلمبة.
🔷 الحرص على وضع البنزين من محطات بنزين معروفة وموثوق فيها.
🔷 القيام بغلق محرك السيارة والانتظار قليلا قبل وضع البنزين بالسيارة لركود الرواسب.
🔷 بلاش تدور العربية بعد ما تفوّل مباشرة وحاول تنتظر نص دقيقة بس لنزول الشوائب للاسفل وتجنب تعكر البنزين وتحرك الرواسب الموجودة بالتانك.
🔷 عدم الضغط على مسدس البنزين للداخل حتي لا ترتفع الرواسب في طلمبة البنزين.
🔷 تنظيف تانك البنزين لو في الامكان.
🔷 في فصل الصيف والأجواء الحارة يفضل وضع البنزين بالسيارة مساءً، لتجنب تبخر البنزين.
🔷 التصاق الرواسب والأوساخ بتانك السيارة نتيجة ارتفاع درجة حرارة الجو في الفترة الصباحية.

شير و فيد غيرك بمعلومه ممكن تفرق معاه 🚧

05/12/2023

" شوية حاجات لو عملتها عربيتك هتعيش معاك اطول فترة ممكنة شبه بدون مشاكل كبيرة "
👇👇

✅ الحرص علي عمل الصيانة الدورية للمحرك.
✅ تغيير زيت المحرك بشكل دوري بدون تأخير لعدم التأثير علي كفاءة المحرك.
✅ الحرص والكشف بصفة دورية علي عدم وجود تسريبات ( زيت او سائل تبريد ).
✅ فحص حالة السيور وتغييرها بموعدها سواء سير كاتينة او سيور مجموعة خارجية.
✅ التأكد من وصول كمية كافية من الهواء للمحرك.
✅ مراجعة كفاءة نظام تبريد المحرك.
✅ معالجة الصوت المرتفع للمحرك فور سماعه.
✅ تجنب الوقف المتكرر وعمل Kick down بشكل مستمر.
✅ تغيير فلتر الوقود بشكل دوري.
✅ ملء خزان الوقود قبل فراغه.
✅ الحرص علي عدم ترك السيارة بدون تشغيل لاكثر من يوم للحفاظ علي كفاءة البطارية خاصة في فصل الشتاء.

اعمل لايك و شير لو استفدت تفاعلك بيفرق معانا ❤️✔️✅

05/12/2023

🚨🚨غلطه صغيره تكلفك كتير..

🚨غلطه معظمنا بيعملها بشكل يومي و محدش بيقدر حجم المشكله اللي ممكن تتسبب فيها و تكلفة تصليحها العاليه..

🚨تعليق مفاتيح كتير مع مفتاح العربيه في الكونتاكت مع هزة المطبات بيعمل بوش جوا الكونتاكت نفسه و ده يبوظ الكونتاكت نفسه و ممكن تعطل في محطة بنزين في نص طريق و ده بيحصل مع ناس كتير ..

🚨طبعاً اتكلف ونش يشيل العربيه و اتكلف فك و تغيير الكونتاكت ده غير الوقت اللي ضاع..

🚨🚨🚨ناهيك بقى عن الكارثه الأكبر و هي ان الكونتاكت يبوظ و انت سايق او العربيه تبطل منك و انت على طريق و ده طبعاً هيخلي الباور يفصل من الدركسيون او تحصل الكارثه الأكبر مثلاً و الدركسيون يعمل lock !!!

🚨سيناريوهات كتير انت في غنى عنها.. بلاش إهمال و خليك فاكر الإهمال في تفاصيل صغيره زي كده بيعمل مشاكل كبيره انت في غنى عنها 👌🏼

شير و فيد غيرك بمعلومه ممكن تفرق معاه 🚧

04/12/2023

" المياه العادية VS سائل التبريد الاخضر ، الاحمر "

ناس كتير بتستخدم المياه العادية لدورة تبريد عربياتها بدلا من سائل التبريد ود غلط كبير بيعملوه عن جهل بأضراره وتوابعه.
🖇️ تعالي كدا فـ دقيقتين اعرفك الغلط فين 🫵

الفرق بين الماء العادي والماء الأخضر، بيعتقد البعض أنه من الأفضل استخدام الماء العادي كمبرد داخل رادياتير السيارة دون علمهم بالأضرار التي قد يسببها ذلك، ودا لأن الماء العادي بيحتوي على الكثير من الأملاح التي قد تتراكم على الأسطح وبالتالي تسبب تآكل ( الرادياتير ) وتلف بعضاً من أجزائه، وقد يؤدي استخدام الماء العادي إلى تكون الصدأ والتكلس بسبب تفاعله مع الحديد والنحاس ودا هيساعد طلمبة المية عندك ان يحصل فيها تآكل وتلف بشكل اسرع، كما تتأثر المياه العادية بالحرارة بشكل سريع ولن تكون قادرة على تبريد أجزاء السيارة عندما تكون درجة حرارتها مرتفعة، مما يسبب تلف لأجزاء المحرك وعدم قدرة المحرك على إعطاء أفضل أداء ممكن.
وعلشان كدا بننصح دايماً باستخدام ماء الرادياتير الاخضر والاحمر لأنها مخصصة للتبريد وتحافظ على سلامة المحرك وأجزاءه الداخلية.

شير و فيد غيرك بمعلومه ممكن تفرق معاه 🚧

04/12/2023

🔴 زيت الفرامل 🤔
➖➖➖➖➖
👈 زيت الفرامل ثلاثة أنواع هي :
‏1- DOT3
‏2- DOT4
‏3- DOT5

يستخدم DOT3 و DOT4 في السيارات الصغيرة والمتوسطة.
أما DOT5 فيستخدم في الشاحنات الكبيرة لأنه يتحمل درجات حرارة عالية.

🔶 مواصفات زيت الفرامل:
1 : يتحمل درجة حرارة عالية جدا وغير قابل للغليان الا عند وصوله الى الدرجة 260 مئوية فما فوق

2 : يتحمل ضغط عالي جدا فهو يتعرض لضغط عالي جدا اثناء عمله في فرامل السيارة تصل الى 1200 PSI

3 : يمتص زيت الفرامل الرطوبة من الهواء المحيط به ولذلك يمكننا أن نلاحظ عند فتح غطاء الزيت الخاص بالفرامل في سيارة ولم يسبق أن تم تغيير الزيت فيها لفترة بوجود طبقة غير زيتية تطفو فوق الزيت. لذا فمن الضروري تجنب ترك علبة زيت الفرامل بغطاء مفتوح ولا ليوم واحد حيث يمكن للزيت امتصاص الرطوبة في ليلة واحدة بما يكفي لأن يصبح الزيت غير صالح للاستخدام.

🔶 بعد مرور 12 شهر على شراء سيارة جديدة واستخدامها تصبح نسبة الماء في الزيت 2% وبعد 18 شهر تصبح 3% وهذه النسبة لوحدها كفيلة بتخفيض درجة غليان الزيت بنسبة 25%.

🔷 ينصح بتغيير زيت الفرامل مع تنسيم النظام كاملاً كل 24 ألف كم أو بعد مرور سنتين ويقل ذلك في المدن الساحلية ذات الرطوبة العالية.

🔶 إضافة زيت الفرامل عند انخفاض منسوبه في علبة زيت الفرامل أمراً خاطئاً لأن انخفاض منسوب سائل الفرامل بيدل ان عندك تسريب وفي العربيات الحديثة اللي راكب فيها حساس علي القربة هتلاقي لمبة مستوي زي الفرامل نورت قدامك او عندك تآكل تيل الفرامل وهنا لازم الاول معالجة المشكلة ثم تعبئة العلبة بزيت جديد.

🔴 بلاش تتهاون في موضوع زيت الفرامل والفرامل بشكل عام لان دا أمر متعلق بسلامتك وسلامة اللي بيركب معاك و سلامة عربيتك.

Bta3 Arbiat - بتاع عربيات

18/12/2023

17/12/2023

14/12/2023

13/12/2023

12/12/2023

10/12/2023

09/12/2023

06/12/2023

05/12/2023

05/12/2023

04/12/2023

04/12/2023

Address

Website

Alerts

Shortcuts

Share

Category