بروفشنال المنيا الجديدة لصيانة السيارات

07/07/2022

الان بمركز بروفيشنال المنيا الجديده لصيانه السيارات يوجد تلميع فوانيس وتلميع كامل للسيارات
مواعيد العمل من 10 صباحا الي 8 مساء

10/05/2019

العرض الاول في رمضان
لمده 3 ايام من السبت الي الاثنين من 11ص :5م
تغيير زيت و تغيير دوره المياه والكشف علي السوائل مجانا
كشف وتربيط عفشه ب 20 ج
كشف جهاز 20 ج
كشف ميكانيكا 20 ج
ده العرض الاول وترقبو العروض القادمه

10/05/2019

بشري لاهالي المنيا الان وحصريا لدي مركز رينو بروفيشنال المنيا الجديده
زيت موتور ايسن 10w40و 5w40 ومياه خضراء وحمراء بتركيز 50%و 100% ياباني

19/03/2019

الان وحصرياً مفاجئات عيد الام مقدمة من مركز رينو بروفشنال لصيانة السيارات بالمنيا الجديدة عندنا عرضين :
الاول : عرض خاص للامهات فقط:
1. خصم ٥٠٪؜ علي المصنعيات اي ما كانت.
2. كشف كمبيوتر مجاناً.
3. كشف عفشة مجاناً.
4. خصم ٢٠٪؜ علي جميع قطع غيار الرينو.
5. هدية لاول ٥ امهات هيشرفونا يوم عيد الام.
العرض الثاني: عرض لباقي الناس:
1. خصم ٢٥٪؜ علي المصنعيات اي ما كانت.
2. كشف كمبيوتر ٢٠ ج.
3. كشف عفشة ٢٠ ج.
4. خصم ١٠٪؜ علي جميع قطع غيار الرينو.

العرض ساري يوم الخميس ٢١ مارس فقط.
اغتنم الفرصة.
بروفشنال بتقول لست الحبايب شكراً
العنوان : المنيا الجديدة - الحي الرابع - مول السيارات بجوار جراج كاستور.
للحجز والاستعلام : م/ محمد : 01020636003
م/ احمد : 01000256353
أ/ احمد : 01093995055

27/02/2019

29/01/2019

البوست دا مهم جدا اقسم بالله
وهيتقال فيه اسرار المهنه والله
مشاكل السحب والاستهلاك
مشاكل منتشره ومتواجده بصفه مستمره ف العربيات
وعشان كده من بداية عمل المركز عندنا احنا عاملين برنامج صيانه لحل المشاكل دى اسمه برنامج صيانة بروفيشنال
بيشمل خطوات كتيره لحل المشكله من منبعها وبالاضافه لانك بتشكف ع مكونات دورة الحريق ومعرفة كفاءتها
هنقول الخطوات ونشرح كل خطوه ايه

١ _ اولا معرفة حالة الفلاتر :
فلتر البنزين ودا لانه لو مكتوم هيقلل عملية تدفق البنزين الرشاشات ويخنق العربيه
فلتر الهواء ودا لانه لو مسدود هيقلل عملية التنفس المحرك ومش هيحصل خلط للهواء بالوقود بصوره صحيحه وهيخلى العربيه مخنوقه وفى نفس الوقت كمية ضخ البنزين هتزيد ويبقى استهلاك عالى
فلتر زيت الفتيس بالنبسة العربيات الاوتوماتيك
الفلتر دا لو مكتوم هيقلل عملية سحب زيت الفتيس الفتيس وبالتى مش هيبقى فى عزم او سحب وبالتالى حضرتك هتضطر تدوس اكتر عشان العربيه تجر فسحب البنزين هتزيد

٢_ التاكد من سلامة البوجيهات ومعاد تغييرها :
البوجيهات فى دورة الحريق هى الجوكر ودا لان هى اللى بتسبب عملية الحريق فى غرفة الاحتراق
لو البوجيهات متغيرتيش لفتره طويله هتسببلك تاخير ف الدواره وكذلك ضعف الحرق وهزه ع السلانسيه بالاضافه لممكن تحس أن العربيه متلته
فتحة البوجيهات بتفرق ليها استندر لكل العربيات تقدر تعرفه من الكتالوج بتاعها
ومن المهم بردوا معرفة حالة سلوك البوجيهات وعمرها اد ايه ؟!!

٣_ المابين :
من المهم جدا الكشف ع المابين وعلى مقاومتهم ومعرفة حالة الشراره اللى بتخرجه هل هى قويه ولا ضعيفه
ولما بتبوظ هتلاقى العربيه بتتاخر ف الدوره وسحبها ميت
بالاضافه لوجود رعشه وتقطيع ع السلانسيه

٤- الرشاشات عنصر اساسى في دورة حريق :
هى المسئوله عن توصيل البنزين لغرفة الحريق علي هيئه بخه مثلا ومن المهم جدا الكشف عليها وتنضيفها علي الجهاز المختص بكده
لو رشاش مكتوم هيعملك كتمه في السحب
لو رشاش بيسيل وبيرمى زياده عن المعتاد هيعمل استهلاك بنزين عالى

5-المانفولد والبوابه :
هو عباره عن مجمع بيسحب هوا ويدخله لغرف الاحتراق عشان يتخلط بالبنزين ويتم حرقه
بيتكون جوا رواسب كاربونيه بسبب مرتجع الحريق ودا لان مفيش اى عملية حريق بتم بنسبة ١٠٠ % ابدا لازم يكون ليها راجع ولو بسيط بسبب التفاوت ف اغلاق الصبابات البسيط
فبيحصل تجمع لرواسب الحريق دى ع صورة تراكمات كربونيه داخل المانفولد وبما أن المانفولد بيقع فيه حساس زى حساس الماب ( حساس الضغط المطلق ) اللى بيحس بتخلل الهواء جواه ومن خلال كده بيعرف الكمبيوتر كمية الهواء المسحبه باشارات كهربائيه يقدر الكمبيوتر من خلالها يحدد كمية البنزين اللى تكافئ كنية للهواء دى ويخلى الرشاشات تنزلها
وبالتالى الحساس دا لو عليه ترسبات كربونيه مش هيقدر يحسب صح وهيسبب استهلاك بنزين عالى

وكذلك عملية تنضيف البوابه مهمه بردوا
لو هى عاديه وعلى واير بتتنضف عادى جدا وتركب تانى باستخدام اسبراى مخصص للعمليه دى
لو هى كهرباء بتتنضف وتعملها حاجه اسمها برمجه او ليرن ليهان عشان تتظبط بعد التنظيف

6-طلمبة البنزين
الضغط بتاعها هو اللى بيخلى فى عزم ف العربيه لانها بتاخد البنزين من التانك وتضخه لمسطرة الرشاشات وتخلى الرشاشات دائما تحت ضغط دائم عشان تضخه لغرفة الحريق
ومن الضرورى جدا ف اى صيانه قياس الضغط بتاعها بجاهز مخصص لكده ولو لاقيناها واقع بنضطر نغير قلب الطلمبه
وفى عربيات بتبقى مجبرين لتغيير الطلمبه بالكامل
ودى لما هتتعب هتلاقى العربيه مفبهاش عزم وتوصل لسرعه معينه متزيدش عنها مهما دوست
بالاضافه لتاخير ف الدوره ملحوظ جدا

7- كبس الموتور
السبب الخبيث اللى محدش بياخد باله منه خالص
وهتلاقي العميل بيقولك أن غيرت كل حاجه تخطر ع بالك ومفيش فايده
تيجى تقيس الكبس تلاقى الكبس تعبان جدا
بالتلى مش هتلاقى اداء من العربيه ودا بيرجع لسببين ياما صبابات وش السلندر فيها تنفيس ياما طقم الشمبر ذات نفسه خلص ومحتاج يتغير
هتلاحظ الكلام دا واسبابه بتكون تاخير ف الدواره بردوا
وتسقيف ظاهر جدا ف الموتور مع اى حمل خفيف وتاخير ف الاستجابة بتاعة الموتور

8-حساس الشكمان ( حساس الاكسجين ) :
ودا وظيفته يحس بنسبة الاكسجين اللى خارجه ف العادم اللى ناتج من عملية الاحتراق داخل بالموتور عن طريق ماده جواه اسما ثانى اكسيد الذركنيوم بيتفاعل مع الاكسجين ويتولد منها شحنات كهربائيه نتيجة التفاعل الكيميائي دا وبيخرج منه اشاره تروح للكمبيوتر بتاع العربيه يعرف من خلالها هل نسبة الاكسجين اللى ف العادم كده صح ولا لا طب هل كده الخليط بين الوقود والهواء صح ولا لاء وهل محتاج يخلى الرشاشات ترش بنزين زياده ولا لا ولا تقلل الرش شويه ولا لا ولما بيبوظ بسببلك معدل استهلاك بنزين عالى ودخنه واحيانا هينورك لمبة check engine
وفى بعض الحالات النادره تقطيع ع السلانسيه

9- حساس درجة حراره سائل التبريد للمحرك :
الحساس دا معظم الناس فاهمه أن وظيفته انه يخلى مراوح الرادياتير تشتغل كده وبس ولما بيبوظ مش بتشتغل
ابدا خالص فى حاجات تانيه الحساس دا اشارته بتعمل حاجات تانيه زى مثلا أن الكنترول بيعرف منه درجة حراره المحرك وبيشغل منها المراوح وقت ما تغلى عشان تبرد ودى معروفه
الحاجه التانيه انه المعلومه دى الكنترول بيظبط منها كمية الوقود يعنى مثلا لو العربيه بارده بيخلى الرشاشات ترش زياده لحظه ما تسخن العربيه وبعد كده يقلل الرش للمعدل الطبيعى
ودا لان ف حاجه اسمها درجة حراره الحريق المثاليه ودى درجة حراره لما الخليط بيتحرق فيها بيوفر احسن كفاءه الموتور وبيبقى مطلوب من الكنترول أن أول ما العربيه تدور يخليه يوصلها ومينزلش عنها ولو زادت عن المعدل دا يشغل المراوح ترجعه ليه تانى وعشان كده دايما نقول بلاش نلغى ترموستات الكوعه لانها هى اللى بتخلى درجة الحراره دى ثابته ومش هتنزل
الحساس دا بيدى قراءة غلط يسبب استهلاك بنزين ولغبطه بسيطه ف الموتور
10- جهاز كشف الاعطال والحساسات :
من المهم جدا بعد الانتهاء من البرنامج دا هو انك تكشف بجهاز كشف الاعطال وتدخل ع حاجه اسمها لايف داتا ودى بتظهرلك الاشارت والقراءات اللي جايه من الحساسات ولكل قراء قيمه معينه تقدر من خلالها تحكم هل الحساس دا اداءه نظامى ولا لا يعنى بيشتغل صح ولا لاء ومدينى قراءة مظبوطه ولا لا

الحمد لله الموضوع كده خلص
اعذورنا لو الموضوع طويل جدا بس انا بحب اشرح كده عشان المعلومه توصل للكل بسهوله
وفضلا وليس امرا الموضوع دا بنجهز فيه بقالنا ٣ ايام
فبعد اذنكم تفاعلوا معاه بالمشاركه بالتعليقات
وكلمه اخيره والله مش بنقول الكلام دا عشان نقولكم تعالوا المركز ولا هو دعايا لينا بس احنا شرحنا وقولنا اللى بيتم عندنا وعشان كده بفضل الله سمعتنا كويسه وبندى ضمان ع اعمالنا واحنا مطمنيين
ممكن حضرتك تروح لمركز فاهم وبالله عليك يكون فيه اجهزه وتعمل عنده الكلام
لان الكلام دا مبيحلصش فى اى توكيل نهائى
ودا لان الكلام دا ف الطبيعى بياخد من ٤ ساعات ال. ٦ وممكن يبقى اكتر لو فى حاجات هتتغير
مستحيل التوكيل يعمل كده عشان هو عايز صيانات سريعه يبيع بسببها قطع غيار وياخد اكبر عدد من العربيات
#بروفيشنال

27/11/2018

18/11/2018

م/احمد 01000256353
م/محمد 01020636003

31/08/2018

زيارتكم تسرنا
جميع قطع غيار الرينو
صيانه جميع موديلات الرينو
لا يوجد لدينا اي منافذ بيع خارج المركز وخارج المنيا الجديده والمركز غير مسئول عن قطع الغيار من خارج المركز