15/08/2026
الموتوسيكل ده عليه كلام كتير ومبدأيا هو لسا نازل مكملش شهر في مصر .
فتقريبا مفيش حد في مصر لحق يجربو تجربه كاملة
بس الموتوسيكل ده في الهند منتشر بطريقة رهيبة واغلب المستخدمين ليه بيشكرو فيه تقريبا مشوفتش يوتيوبر واحد مصري او غير هندي عيب في المتوسيكل ده الا حجات بسيطة جدا عيوب ممكن تعدلها فيما بعد.
طب اي هي مميزاته .✅
التوب سبيد تقريبا ١٢٠ كيلو متر /ساعة
ماتور ١٢٥ سي سي ٣ صباب بيطلع تقريبا ١٣ حصان
في سايلنت ستارت من غير صوت مارش
كشفات ليد امامي وخلفي
ممكن يكون اكتر موتوسيكل بيوفر في البنزين في فئته بيوصل ل ٦٥ كيلو في اللتر
تسارعة حلو جدا علي حجم الماتور
تبريد هواء وزيت
في تكنولوجيا حديثة زي GTT اللي بتخليك تطلع من غير متزود بنزين يدوب تسيب ايدك من ع الدبرياج المكنه بتمشي ومش بتبطل وده حلو اوي في الزحمة ولو لسا بتتعلم
وفي تقنية igo اللي بيحسن استجابة الماتور حسب سواقتك
عداده حديث TFT ملون بيظهر كل حاجه محتاجها واهمها الغيارات اللي الاباتشي مش بيظهرها وممكن تربطو بالموبايل .
