NANO CARE

11/10/2026

بي ام دبليو الفئة التالته في جيلها التامن الجديد ..
انا شايف شكلها خطير 💯

06/10/2026

🚨 ليه نستنى الدهان يبوظ ونقول يا ريتنا حمينا العربية من الأول؟!
لما تكليح الدهان يوصل لمرحلة متقدمة، الموضوع مش مجرد تلميع أو بوليش وخلاص ❌
في حالات كتير بيكون الحل النهائي هو إعادة الرش… وده معناه تكلفة ووقت وتأثير على دهان العربية الأصلي.
💡 طب ليه نستنى نوصل للمرحلة دي؟
الحماية من البداية بتوفر عليك مشاكل وتكاليف أكبر بعدين.
🛡️ أفلام الحماية والنانو جرافين بيساعدوا في الحفاظ على الدهان الأصلي ومظهر العربية لأطول فترة ممكنة، خصوصًا مع الشمس والحرارة والعوامل الجوية.
احمي عربيتك وهي لسه جديدة…
ما تستناش لحد ما الضرر يظهر! 🚘✨
📍 نانو كير – حماية عربيتك تبدأ قبل ما تحتاج ترشها.

03/10/2026

👌هقولك معلومه عن افلام الحمايه
ممكن انت وصحبك تركب اسكرينا علي الموبيلات ونفس النوع بس صاحبك الاسكرينا بتاعته تبوظ قبل الاسكرينه بتاعتك ده بيعتمد برضو علي الاستخدام
يعني....

🔥 نفس فيلم الحماية… بس مش شرط يعيش نفس العمر! 🔥
ممكن نفس نوع فيلم الحماية يتحط على عربيتين في نفس اليوم…
وبعد فترة تلاقي واحدة لسه الفيلم عليها ممتاز ولمعته حلوة ✨
والتانية بدأت تظهر عليها علامات إجهاد واستخدام.
السر مش دايمًا في الفيلم… السر كمان في طريقة المحافظة عليه! 👌
🚗 عربية بتتركن في الشمس طول الوقت ☀️
🚗 وتتغسل بفوطة مش نظيفة أو خشنة
🚗 ويتستخدم عليها شامبو ومنظفات مش مخصصة للسيارات
🚗 ويتساب عليها تراب وأوساخ لفترات طويلة

👈مقابل عربية صاحبها: ✅ بيحاول يركنها في الظل أو مكان مغلق
✅ بيستخدم طريقة غسيل صحيحة
✅ بيستخدم منتجات مخصصة للفيلم والدهان
✅ وبيحافظ عليها بشكل مستمر
أكيد مش هتكون النتيجة واحدة!
فيلم الحماية استثمار في عربيتك…
لكن طريقة استخدامك وحفاظك عليه هي اللي بتحدد قد إيه هيكمل معاك ويحافظ على شكله وأدائه. 💎
🔥 احمي عربيتك صح… وحافظ على الحماية صح.

01/10/2026

نيسان تيكتون
هي شراكه من شركه نيسان وشركه رينو
بتيجي ب ٤ سلندر ١٣٠٠ لتر تيربو بتولد ١٥٣ حصان
فيها شويه دلع في الانظمه
وبتيجي بسقف بانوراما واضاءه محيطيه
جنوط ١٨
طولها حوالي ٤.٣٤ يعني هي بين الماجنيت والقشقاي
من المتوقع تنزل مصر في أول ٢٠٢٧
لو العربيه دي اتسعرت كويس مش سعر هبل
هتبقي اختيار كويس

من رائيك اي السعر المناسب الي تنزل بيه 🤔

01/10/2026

حصل معايا موقف حابب احكيه ليكم ..
كونت مسافر وواحد معرفه كان بيوصلني المطار وكان معايا الاسره ..
وبالرغم ان خارج بدري بس الطريق كان زحمه جدا وقبل المطار ب اقل من ٥ دقايق العربيه مسكت حراره وعطلت ومكنش ناقص علي الطياره غير ساعه ونص تقريبا ..
طبعا ارتبكت لقيت تاكسي وقف وقالي انا هوصلكم قولتله تمام والي انت عايزه قولت مش فارقه ياخد الي ياخده ..
الهم ركبنا وكان معاه واحد راكب قدام قالي هوصله بس وبعدين اوديك هو مشواره قريب من المطار متقلقش ..
قولتله بس بسرعه بس عشان متأخر ..
المهم وصل الراجل والراجل حط ايده في جيبه لما نزل واداله الفلوس السواق نزله وقعد يزعق ويقوله لا ياحبيبي مش ده الي اتفقنا عليه وقام حاطط ايده في جيب الراجل وطلع الفلوس وزود علي الي كان الراجل مديهم ليه اكتشفت ان الراجل كفيف وكان لابس نظاره شمس عشان كده مخدتش بالي قومت نازل قولتله انت ازاي تحط ايدك في جيبه وتاخد الفلوس منه بالعافيه
قالي أصله راجل اعمي وكداب كمان مش ده الي اتفقنا عليه قولتله عيب انت ازاي تقول كده وقومت دافع الزياده الي عايزها وقولت للراجل انت اتكل علي الله حقك عليا ..
بعد مركبنا قاعد يقولي انا اسف يا استاذ بس والله وحياه عيالي ده كداب وحرامي ومش ده الي اتفقنا عليه قولتله ياعم حصل خير ..
المهم وصلنا نزلت قولتله حسابك كام قالي ٨٥٠ طبعا كتير جداااا ده انا جمب المطار اصلا بس قولت مش مهم انا اصلا متأخر ومعايا العيال مش فارقه المهم ان وصلت قومت مطلع ٩٠٠ وقولتله ياعم خالي ٥٠ مش عايزها ..
قام الظريف بقي انه لقيته بيزعق وبيقولي هو الي خالي انا بقولك عايز ٩٥٠ انا لسالي ٥٠😂😂 وقاعد يقول ويهلل ويقول وحياه عيالي ومش وحياه عيالي طبعا انا لولا ان كونت متأخر والله مكنت سبته ..
عمري مشوفت بجاحه بالشكل ده..

30/09/2026

🚨 ليه نستنى الدهان يبوظ ونقول يا ريتنا حمينا العربية من الأول؟!
لما تكليح الدهان يوصل لمرحلة متقدمة، الموضوع مش مجرد تلميع أو بوليش وخلاص ❌
في حالات كتير بيكون الحل النهائي هو إعادة الرش… وده معناه تكلفة ووقت وتأثير على دهان العربية الأصلي.
💡 طب ليه نستنى نوصل للمرحلة دي؟
الحماية من البداية بتوفر عليك مشاكل وتكاليف أكبر بعدين.
🛡️ أفلام الحماية والنانو جرافين بيساعدوا في الحفاظ على الدهان الأصلي ومظهر العربية لأطول فترة ممكنة، خصوصًا مع الشمس والحرارة والعوامل الجوية.
احمي عربيتك وهي لسه جديدة…
ما تستناش لحد ما الضرر يظهر! 🚘✨
📍 نانو كير – حماية عربيتك تبدأ قبل ما تحتاج ترشها.

29/09/2026

🚨ده بالضبط الي بيحصل لشاشه العدادات لما نسيب عليها لزق المصنع ..
مش بس العدادت الي ممكن يحصلها كده ده اي جزء في العربيه سواء خارجي او داخلي ..
🚨قبل كده نبهنا ان ده مجرد لزق محطوط علي العربيه عشان يحفظها اثناء النقل والكلام ده ..
بس ده مش حمايه انه يتساب علي العربيه مع الحر بيبدا يسيح علي الأجزاء وشيله بيبقي مقرف جداا وساعات بيبوظ الجزء ده ..
اي حد شاري عربيه جديده لازم تشيلهم علي طول في ناس بتسبهم بالسنين عشان يقولك العربيه لسه زيرو 😃..

27/09/2026

🚘✨ عربيتك تستاهل أكتر من مجرد غسيل ولمعة!
تخيل إن لون عربيتك يفضل لامع، عميق وفخم… وفي نفس الوقت تاخد طبقة حماية تساعد تحافظ على الدهان من العوامل اليومية. 🔥
💎 NANO GRAPHENE مش مجرد لمعة… دي حماية وفخامة في طبقة واحدة!
✅ لمعان قوي وعميق
✅ مقاومة للمياه والأوساخ
✅ يساعد على حماية الدهان من العوامل الخارجية
✅ يخلي تنظيف العربية أسهل
✅ يحافظ على شكل الدهان وفخامته لفترة أطول
🔥 الفرق مش هتسمعه… هتشوفه بعينك!
لو عربيتك غالية عليك، متسيبش دهانها للظروف.
📩 ابعتلنا صورة عربيتك واعرف أنسب نظام حماية ليها.
Nano Care | نانو كير
💎 حماية تحافظ على قيمة عربيتك وشكلها.

26/09/2026

📱ظاهره التصوير دي زادت عن حدها واصبحت حاجه مستفزه ..
الاول كانت مفيده واحد بيصور حد بيسرق واحد بلطجي واحد بيتحرش..
دلوقتي انت ممكن تتصور عادي وانت قاعد في امان الله
ده في ناس بتنزل من بيتها مخصوص تستفز في خلق الله لحد ميجيب آخره ويقوم فاتح الكاميرا ..
ناس فاضيه والله ..
دلوقتي بنزين العربيه يخلص ولا ان الموبيل يفصل شحن عشان نشوف مين هيستفز التاني اكتر ويلحق يصور ..

13/06/2020