22/05/2023
ملخص اللى بيحصل في سوق السيارات
واحد اشترى ازازة ميه من الكشك ب ٣ جنيه هي سعرها الفعلي ٢ جنيه و الراجل بتاع الكشك كسبان جنيه و مرضي و زي الفل و طول النهار بيحر_ق في كراتين .. قام صاحبنا واقف في نص الشارع و قال ازازة الميه دي ب ٣٠ جنيه فا وقف واحد يسأله متمشيش ب ٢٨ و راح واقف واحد اهط_ل لأمؤخذه بعده راح مشتريها ب ٣٠ جنيه .. قام صاحبنا بتاع الكشك شاف المشهد! رجعلوا الراجل قالوا هات ١ كمان و بيديلوا ٣ جنيه قالوا لاء بقيت ب ٢٥ ما انت لسه بايعها ب ٣٠ قدامي 😊 قالوا ماشي هات و راح راجع واقف تاني يهلل ازازة الميه ب ٤٠ جنيه!!! قام واقف واحد جانبه عندي ب ٣٥ و وقف واحد بعده معايا ب ٥٠!! و دارت الحكايه يا عم الحاج لحد ما وصلت ازازة الميه امه ٣ جنيه ل ٥٠ جنيه .. و اصبح صاحبنا بتاع الكشك بيبيعلوا ازازتين كل حين و مين بعد ما كان في اليوم بيحر_ق بال ١٠ كراتين و اصبح داير مزاد وهمي لا حد معاه يشتري ولا السلعه بقيت تناسب السعر
