فاميه فك وتركيب Evo Famih Creative

مهم جدا جدا جدا وضرورى قبل الشراء :-
بالنسبه لنظام الشحن
الدفع عندى كامل مقدما عن طريق فودافون كاش
او بتبعتلى حد مكانى يحجز ويدفع عربون ويجي يستلمه اول لما يخلص
لان دى حاجه بتتصنع ليك مخصوص بالمنتج

بعد ما بتحول بتبعتلى عالواتس
صورة اثبات الدفع وبيانات الشحن ونوع وموديل عربيتك
ولما بشحن ببعتلك صورة بوليصه الشحن


اللى قلقان أو هيقول اضمنك منين
مكاني ف المنصوره وشغلى مالى النت من ٢٠١٠
ابحث برقم الموبايل عنى على جوجل بس أو اسال اى حد من الناس القديمه ف المجال عن محمد Evo
بتاع الفاميه والاستيكرات ورسومات الكبوت
مش هجازف بسمعتي اللى عملتها ف سنين

لو مقتنعتش بلاش اونلاين مالاساس وشرفنى احجز واستلم ف خلال اسبوع

مليش غير رقم موب واحد فقط
اللى بيتم التعامل عليه موب وواتس وكاش
01007895003
مليش فروع فرع دمياط اتقفل
ولا وكلاء ولا اى حد
عشان النصابين كتير


ف كام حاجه مهمه كده عايزك تعرفه قبل ماتشترى

اولا
انا بشتغل باكتر من خامه أهمها
- الخامه الواحد ملى مبتموجش ولابتسيح ولابتقفع مالشمس مصنعه مخصوص للسيارات بتستحمل درجة حرارة لحد٦٠ درجه وركز ف أنها بتستحمل درجة حرارة دى لان ف خامات ف السوق واحد ملى مبتستحملش وبتبوظ

المنتج ده نوعين:-
- نوع اول وده بيكون الباغه نفسها فاميه منه فيه ودى بيبقى دارك ملون فابريكا عسلى

- نوع تانى وده بيكون الباغه شفافه ملزوقه اى درجة فاميه انت بتختارها نفس درجات الفاميه
وساعتها بتكون الباغه وشين
وش ملزوق عليه فاميه وبيبقى عليه فاميه عادى تايوان أو لو عايز حراري بتكلفه اضافيه وده على حسب اختيارك
ميزاتها انك تقدر تغير الفاميه ف اى وقت فبالتالي الخامه بتعيش وقت اطول معاك
عيوبها أن الفاميه ممكن يحبب لانه فامية ملزوق على باغه ولو اتركب العكس الفاميه بيبوظ وبيحتاج يتغير



ثانيا
نيجي بقا للخامات الرخيصه ودى بتكون ع مسؤليتك سواء ساحت أو موجت مالشمس أو اتقطعت لانها
(نص ملى) زى ورقة الاشعه
وف منها نوعين
-النوع التالت ملون منه فيه
-النوع الرابع شفاف ملزوق



ثالثا
اساسيات لازم تعرفها
- الباغه بتتخربش لان مفيش بلاستيك مبيتخربش حتى أعلى منتج بيتخربش برده
- الفاميه الواحد ملى مبياثرش ع حاجه ف العربيه طول مانا بعتلك مقاس العربيه صح وسايب المسافه المناسبه النص سم شمال والنص سم يمين
- الفاميه فكرة مشتركه بين الستاير والفاميه يعنى بيبقى فيه فروقات بسيطه
نظرا لاننا بنشتغل قص بمكن يدوي ع اسطمبات
- الباغه بتتلزق بدبل فيس شفاف



رابعا
- بالنسبه لطريقة التركيب
لما بتستلم المنتج بتقيسه ع عربيتك من برا قبل ما بتشيل ورقه الحمايه عشان لو مش نفس المقاسات تقدر تبدله
لقيته تمام ومقاساتك مظبوطه بتشيلها
بعدها تمسح الباغه والازاز بمنديل مبلول ووراه منديل ناشف
بعدها تنزل الازاز لحد الربع وتيجى من الحته الواسعه تقوم معديه ورا الازاز وبعدها تلزق الدبل الفيس وتطلع الازاز وتنزله برحتك بقا
- الطرف بتاع الباغه لو مش مظبوط قوى فى ناس مش بتحب شكله بنقوم لزقين شريط اسود رفيع ع طرف الازاز عشان يبان انه فاميه وميبنش شكل الدبل فيس ولا طرف الباغه من فوق
-وف عربيات بتحتاج الباغه تنزل نص سم عن الزجاج عشان الزجاج يقفل بالكامل وبرده دى بنلزقلها شريط اسود



خامسا مهم
-لو المنتج مقاساته مختلفه بيتم تبديله
-لا يوجد استرجاع للمنتج لانه بيتقص مخصوص ليك
-للعميل الاحقيه ف اختيار طريقه الشحن
موقف محافظات أو شركة شحن ع مسؤليتك
انا بفضل طريقة الشحن عن طريق موقف المحافظات عشان اضمن ان الحاجه تجيلك سليمه وفى اسرع وقت
اما شركة الشحن ممكن تبهدل او تاخر المنتج عليك