لوب إكس - Lube EX

لوب إكس - Lube EX 🇯🇵موزع معتمد زيوت تويوتا الأصلية🇯🇵

مجموعة زيـوت تـويـوتـا الأصـلـيـة لمحركات الديزل[٣٠٠٠ كم / 20w-50 CF] :حماية عالية لمحركات الديزل بكافة أنواعها، أكسدة ج...
02/05/2024

مجموعة زيـوت تـويـوتـا الأصـلـيـة لمحركات الديزل
[٣٠٠٠ كم / 20w-50 CF] :
حماية عالية لمحركات الديزل بكافة أنواعها، أكسدة جيدة واستقرار حراري، الحفاظ على القوة والأداء، يمنع وجود الرواسب والصدأ والتآكل.
[٥٠٠٠ كم / 15w-40 C-IV] :
حماية عالية لمحركات الديزل بكافة أنواعها، يتحمل ظروف التشغيل في درجات الحرارة العالية ومقاوم والتآكل، يطيل عمر المحرك ويحسن من كفاءة التشغيل، ضمان أفضل أداء للمحرك تحت ظروف التشغيل المختلفة.
[١٠٠٠٠ كم / 5w-40 CF] :
زيت تخليقي بالكامل يوفر أعلى أداء، حماية فائقة، ضمان عمر أطول لمحركات الديزل.

Lexus [5w-40 SP / ١٠٠٠٠كم]متوفر حاليا زيت محرك بنزين لـكـزس، بمعيار جودة API-SP و لزوجة SAE 5w-40 لضمان افضل أداء لسيارا...
02/05/2024

Lexus [5w-40 SP / ١٠٠٠٠كم]
متوفر حاليا زيت محرك بنزين لـكـزس، بمعيار جودة API-SP و لزوجة SAE 5w-40 لضمان افضل أداء لسيارات الخدمة الشاقة و الأداء العالي.

مجموعة زيـوت تويـوتا الأصلـية لمحركات البنزين [٣٠٠٠كم / 20w-50 SJ] : - بمعيار جودة API-SJ ينصح باستخدامه في السيارات مود...
30/04/2024

مجموعة زيـوت تويـوتا الأصلـية لمحركات البنزين
[٣٠٠٠كم / 20w-50 SJ] :
- بمعيار جودة API-SJ ينصح باستخدامه في السيارات
موديل ٢٠٠١ كحد أقصى.
[٥٠٠٠كم / 20w-50 SL] :
- بمعيار جودة API-SL ينصح باستخدامه في السيارات
موديل ٢٠١٠ كحد أقصى.
[١٠٠٠٠كم / 5w-30 SP GF-6] :
- بمعيار جودة هو الأعلى عالميا API-SP / ILSAC GF-6
ينصح باستخدامه في السيارات موديل ٢٠١١ او أحدث.

[ دلوقتي (الشحن مجانا) + (خصم ٥٪) لأول ١٠٠ عميل ]إلحق سجل و اسأل عن باقي العروض الحصرية...
26/04/2024

[ دلوقتي (الشحن مجانا) + (خصم ٥٪) لأول ١٠٠ عميل ]
إلحق سجل و اسأل عن باقي العروض الحصرية...



📏 قياس زيت الفتيس الأوتوماتيك 📏❌ من العادات المتوارثة الغلط إن زيت الفتيس بيتقاس و انت جايب R و ده غلط شائع عند ناس كتير...
15/01/2019

📏 قياس زيت الفتيس الأوتوماتيك 📏

❌ من العادات المتوارثة الغلط إن زيت الفتيس بيتقاس و انت جايب R و ده غلط شائع عند ناس كتير مش مبني علي أي أساس علمي ❌

⬅ شوف أي كتالوج عربية جديدة هتلاقي مكتوب فيه قياس الزيت لازم تكون العربية علي P أو N لو الكتالوج كاتب قيس علي R مفيش مشكلة بس تقريباً كل العربيات دلوقتي مكتوب القياس علي P و N

🔔 العربية لو علي R هيفتح سولونويد يغذي مسار reverse clutch و سولونويد يغذي أي مسار تاني brake أو clutch علي حسب التصميم و القياس هيكون ناقص بسبب الزيت اللي في المسارات و لما تزوده و الزيت ده يرجع تاني هيبقي الزيت أكتر من المطلوب و ممكن يسبب مشاكل

⚠ لو بتتحرك لقدام و وقفت عشان تجيب مارشدير بلاش تحط الغيار قبل ما العربية تقف خالص و العكس برضو ⚠⬅ عشان بيكون عمود الخرج...
11/01/2019

⚠ لو بتتحرك لقدام و وقفت عشان تجيب مارشدير بلاش تحط الغيار قبل ما العربية تقف خالص و العكس برضو ⚠

⬅ عشان بيكون عمود الخرج بيلف في إتجاه و العمود الوسيط بيلف عكس الإتجاه و ترس عكس الحركة بينهم هيتأثر بقوتين عكس بعض و ممكن في مرة يتكسر

⚠ ناس كتير لما حساس الشكمان أو حساس علبة البيئة يبوظ بيشيلوا فيشته بدل ما يشتروا واحد جديد عشان بيكون غالي ⚠⬅ لما تلغي ا...
08/01/2019

⚠ ناس كتير لما حساس الشكمان أو حساس علبة البيئة يبوظ بيشيلوا فيشته بدل ما يشتروا واحد جديد عشان بيكون غالي ⚠

⬅ لما تلغي الحساس ده و تمشي من غيره هتصرف فلوس بنزين أكتر من تمن الحساس ده بكتير عشان ده اللي بيظبط نسبة البنزين اللي بيتم حقنها

⬅ البوجيهات هيتكون عليها طبقة كربون و الشرارة مش هتخرج مظبوطة و هتلاقي العربية بتبرجل منك

⬅ هتضر البيئة جداً بسبب إنبعاث غازات سامة زي CO/NO/HC

✔✔ لو مش معاك فلوس تغيره إركن العربية و إركب مواصلات هتوفر فلوسك و مش هتضر البيئة ✔✔

⛔ فلتر البنزين لو مسدود هيقلل الضغط اللي رايح لمسطرة الرشاشات و هيقل عزم العربية عند السحب و في السرعات و الأوساخ المترس...
01/01/2019

⛔ فلتر البنزين لو مسدود هيقلل الضغط اللي رايح لمسطرة الرشاشات و هيقل عزم العربية عند السحب و في السرعات و الأوساخ المترسبة فيه هتروح للرشاشات و تسدها ⛔

✔✔ لازم تغير فلتر البنزين كل ٢٠ ألف كيلو أو علي حسب كتالوج العربية ✔✔

✔✔ تيل الفرامل لازم يكون خشن و مابيلمعش ✔✔⛔ تيل الفرامل لو بيلمع و ناعم يبقي نوعه وحش و معامل الإحتاك بتاعه قليل و مش مع...
29/12/2018

✔✔ تيل الفرامل لازم يكون خشن و مابيلمعش ✔✔

⛔ تيل الفرامل لو بيلمع و ناعم يبقي نوعه وحش و معامل الإحتاك بتاعه قليل و مش معني إنه يعيش كتير إنه كويس لا بالعكس كده القوة الفرملية مش هتتنقل كويس و هتكون ضعيفة ⛔

🚗 إزاي تحافظ علي طقم الدبرياج لأكبر فترة ممكنة 🚗🔔 طقم الدبرياج هو الجزء المشترك بين المحرك و الفتيس اللي بينقل الحركة من...
27/12/2018

🚗 إزاي تحافظ علي طقم الدبرياج لأكبر فترة ممكنة 🚗

🔔 طقم الدبرياج هو الجزء المشترك بين المحرك و الفتيس اللي بينقل الحركة من المحرك ⬅ للفتيس ⬅ للعجل 🔔

⚠ إزاي بتتنقل الحركة ⚠
⬅ الحركة بتتنقل من المحرك عن طريق ضغط الديسك بقوة كبيرة جداً علي الإسطوانة عشان تتغلب علي قوة المقاومة الناتجة عن وزن العربية و تعشق الجسمين ببعض و يتحركوا حركة واحدة مع بعض

⚠ إزاي بيتاكل و يبوظ ⚠
⬅ لما تدوس دبرياج بتقل قوة الضغط و مابتقدرش تتغلب علي قوة المقاومة و بيتفصل الجسمين عن بعض بس مش كلياً و بيكون فيه إحتكاك كبير بينهم بياكل في التيل و المعدن طول ما انت دايس دبرياج
⬅ الناس اللي بتفرك لما تدوس بنزين جامد و العربية لسه واقفة مكانها بيكون وزن العربية عالأرض كبير جداً و حركة المحرك كبيرة جداً و الحركة مش هتتنقل من المحرك للعجل غير لما تتغلب علي قوة المقاومة فبتتنقل الحركة لأضعف مكان فيه مقاومة و هيحصل تآكل بين الديسك و الإسطوانة و بين الكاوتش و الأرض

✔✔ تحافظ علي طقم الدبرياج إزاي ✔✔
⬅ بلاش تدوس دبرياج غير لو هتمسك عصاية الفتيس و تنقل من غيار لغيار بس عشان فيه ناس بتدوس دبرياج مع الفرامل و هي بتهدي
⬅ لازم تقلل المدة بتاعة الدوسة جداً يعني ماتزيدش عن الثانيتين اللي هتشيل فيهم غيار و تحط التاني
⬅ بلاش تفرك خالص عشان دي أكتر حاجة بتاكل طقم الدبرياج

⛔💧 سائل الفرامل 💧⛔❌ معظم الناس فاكرة إن زيت الفرامل مابيتغيرش و بيتزود بس و لما بتشتري سائل الفرامل مابتقراش نوع الزيت ا...
25/12/2018

⛔💧 سائل الفرامل 💧⛔

❌ معظم الناس فاكرة إن زيت الفرامل مابيتغيرش و بيتزود بس و لما بتشتري سائل الفرامل مابتقراش نوع الزيت المكتوب عالعلبة ❌

⬅ سائل الفرامل فيه تلات أنواع مشهورة
⬅ هما dot 3/dot 4/dot 5 بس dot 5 ده لعربيات النقل التقيل ماحدش يستخدمه في العربيات العادية

✔ كل نوع بيكون مختلف في درجة إمتصاصه للرطوبة و درجة غليانه و درجة تجمده و الأفضل إنك تشتري زيت درجة غليانه عالية ✔ بس طبعاً لازم تشوف كتالوج العربية مكتوب ايه النوع اللي لازم تستخدمه ⚠

⚠ دايما و انت بتزود زيت إستخدم نفس نوع الزيت الموجود عشان ماتتغيرش خصائصه و تفقدها فالأحسن تخلي علبة الزيت معاك في الشنطة عشان لو هتشتري تاني تجيب نفس النوع الموجود ⚠

🔔 الزيت لازم يتغير كل سنتين حتي لو العربية ماتحركتش عشان بيكون قلت درجة غليانه بسبب الضغط عالفرامل و إمتص رطوبة من الجو و زادت نسبة المية فيه و بيفقد كل خصائصه 🔔

🔔 لو فيه هوا في دايرة الفرامل لازم تسحبه بسرعة ماتصبرش عليه عشان هيتفاعل مع الزيت و هيفقده خصائصه و لازم تقفل قربة زيت الفرامل كويس و تقفل علبة الزيت لو باقي فيها حبة كويس عشان الزيت مايمتصش رطوبة 🔔

⛔ زرار الO/D في الفتيس الأوتوماتيك ⛔زرار مضاعفة السرعة over drive ⬇لو دوست عليه هيظهرلك في شاشة العدادات شكل الزرار OD/O...
23/12/2018

⛔ زرار الO/D في الفتيس الأوتوماتيك ⛔

زرار مضاعفة السرعة over drive ⬇
لو دوست عليه هيظهرلك في شاشة العدادات شكل الزرار OD/OFF و مش هيسمح للعربية تنقل لأخر غيار في الفتيس يعني لو عربيتك أربعة غيار ده يقفل الغيار الرابع و العربية ماتجيبش غير الغيار التالت و لو خمسة غيار يقفل الغيار الخامس و ماتجيبش غير الغيار الرابع و هكذا

Address

Ramsis Street
Ismailia

Opening Hours

Monday 10am - 10pm
Tuesday 10am - 10pm
Wednesday 10am - 10pm
Thursday 10am - 10pm
Friday 2pm - 10pm
Saturday 10am - 10pm
Sunday 10am - 10pm

Telephone

+201141555390

Website

Alerts

Be the first to know and let us send you an email when لوب إكس - Lube EX posts news and promotions. Your email address will not be used for any other purpose, and you can unsubscribe at any time.

Contact The Business

Send a message to لوب إكس - Lube EX:

Shortcuts

Share

Category