23/05/2026
عملت معاه الجدعنة وهو ما طلبش.. واكتشفت عيب خبيث في العفشة! 😱🛠️
حواراتنا ما بتخلصش.. والأمانة والصنعة أصول مش مجرد تغيير قطع غيار! 💪🔥
صاحب العربية الدايو نوبيرا دي كان جاي لي عشان حاجة واحدة بس: يغير تيل فرامل وطنابير. وهو ما طلبش مني أبص على أي حاجة تانية..
لكن أنا قلت في نفسي لازم أعمل معاه الصح وأبص بصه وأطمن وأقرط على عَفشة العربية بالمرة والفرامل مفكوكة. وأول ما نزلت تحت عشان أقرط على العفشة وأتطمن.. كانت الصدمة الخبيثة اللي هو نفسه ما يعرفهاش! 🤯
الجنب اليمين سليم وزي الفل، لكن الجنب الشمال واخد خبطة قديمة وراجع كله لورا، والخواص (الخوصة) اللي بتمسك العفشة ناقصة ومش موجودة أصلاً! 🤦♂️
لو كنت غيرت التيل والطنابير وقفلت من غير ما أنزل وأبص الضمير ده، كانت العربية هتفضل تِحدف منه والغلط هيفضل راكب العربية ويهدد أمانه. العربية دي محتاجة شدة زرجينة لِقدام ونقفل الخواص الناقصة وترجع فابريكا مية مية.
الصنايعي مش اللي بيفك ويركب وخلاص.. الصنايعي اللي عينه صاحية وبيخاف على روح زبونه! 😉
🛠️ تشرفونا في ورشة دكتور ميكانيك (سكر الميكانيكي)
📍 العنوان: العروبة - المحولات - ترسا.
📞 للتواصل والاستفسار وجدول الصيانة:
011113590084
01011741684
#طنابير #ترسا #العروبة
