مركز المهندس لخدمة السيارات

13/12/2018

اسباب الاستهلاك الزائد للبنزين.

1- حساس الشكمان تالف أو يعطي قراءة غير صحيحة (بيقلل سحب السيارة).
2- الرشاشات مسيلة او رشاشات واسعة تعطي بنزين زيادة (عمل اختبار كل 50 الف كم).
3- الموتور خفيف ويؤدى الي تراكم الزيت علي البوجيهات (يجب تغيير البوجيهات كل 20 الف كم).
4- الموبينة شرارتها ضعيفة ويجب عمل اختبار لاطراف الموبينة عن طريق استخدام جهاز افوميتر .
5- بلف الراجع الموجود علي مسطرة الرشاشات تالف.
6- صمام (EGR) مفصول اومعلق يحتاج للتغيير أو التنظيف
7_ حدوث تلف أو عطل في حساس الهواء الموجود بخرطوم العمة السوستة .
8_فلتر الهواء لو مكتوم او متسخ ويحتاج الي تنظيف أو تغيير كل 20 الف كم.
9_ تشغيل التكييف في السرعات البطيئة.
10_ تلف في طقم الدبرياج (الديسك أو الاسطوانة) وعند حدوث تأكل هذة الأجزاء بيؤثر علي قوة و عزم السيارة وبالتالي تحتاج انك تدوس علي دواسة البنزين اكتر علشان تزيد من سرعة السيارة وبالتالي استهلاك اكتر للبنزين.
11_حدوث تلف في حساس (TPS) لأن دة اللي بيحدد مقدار فتحة البوابة .
12_البوابة . لو مش راكبة كويس أو تلف في الجوان بتاعهاراكب غلط ودة ممكن يحدث عندما تكون رايح تغيرمثلا طبب مياة خلفية للماتور وتم فك البوابة وتركيبها بشكل خاطئ أو كانت محتاجة تغير الجوان بتاعها.
13_ وأخيرا وليس آخرا ممكن يكون السبب من جوان المانفولد أو انك بتستخدم نوع زيت غير مناسب لحالة وكفاءة عربيتك.

والي اللقاء في موضوع اخر إن شاء الله .
مع تحيات مركز المهندس لصيانة السيارات (مهندس/احمد عكاشه

06/12/2018

ما هي وظيفة صفاية البنزين في السيارة ؟ ومتى يجب تغييرها ؟

يعد الوقود للسيارة بمثابة الأكسجين للإنسان ؛ فهو ما يمنحها القدرة على العمل وأداء مهمتها بالشكل الأفضل ، وبدون هذا العنصر تتحول السيارة إلى قطعة من الحديد لا تحرك ساكناً ، ونظراً للأهمية الكبيرة الذي يحتله عنصر الوقود في دورة حياة محرك السيارة ، فمن البديهي عندما تتعرض السيارة إلى حالة من الضعف في عزمها أن يفكر الإنسان في دورة الوقود بالسيارة ، وكافة الأجزاء التي تتعلق بها ، وعادة وفي مثل هذه الاحوال ، فأول ما يقوم به قائد السيارة هو القيام بشراء عبوة من أحد السوائل المنظفة إلى البخاخات الموجودة في السيارة ، وتفريغها بداخل خزان الوقود في السيارة .

مما لا شك فيه أن الخطوة السابقة قد تأتي بنتائج فعالة في بعض الحالات ، ولكن هناك حالات آخرى تتطلب الاستعانه بأحد المتخصصين للوقوف على أسباب ضعف محرك السيارة ، وهنا قد يقع الشخص فريسة لأحد الأشخاص المجردين من الضمير والذين يحاولوا تحقيق أقصى استفادة مادية من خلال تغيير بعض القطع السليمة في السيارة .

من خلال التقرير التالي ، سنشير إلى أهم القطع بدورة الوقود والتي يجب الاهتمام بفحصها بين الحين والآخر لتجنب التعرض إلى مشكلة ضعف العزم في السيارة ، وهذه القطعة هي الصفاية الخاصة بالوقود

حيث تقع هذه القطعة بداخل المضخة الخاصة بالوقود في السيارة ، أما عن وظيفة صفاية الوقود في السيارة، ومتي يجب تغييرها في السيارة ؟ كان لنا هذا التقرير

ما هي وظيفة صفاية الوقود في السيارات ؟

عن الدور الذي تقوم به صفاية الوقود في السيارات ، فيؤكد المتخصصون على أن دورها يتخلص في القيام بتصفية الوقود الموجود بداخل خزان الوقود في السيارة قبل أن يصل إلى البخاخات، وعن السبب وراء وجود هذه القطعة فيرجع إلى أن أي شائبة تدخل في هذه الأخيرة، قد تؤدي بالضرورة إلى حدوث ضعف في عزم المحرك ، وبالتالي يؤدي هذا الأمر إلى ضعف أداء السيارة على الطرق ، ومن هذا المنطلق ، ينصح خبراء السيارات بضرورة فحص هذا الجزء الهام في السيارة بين الحين والآخر

و بعد أن تحدثنا عن وظيفة الصفاية الخاصة بالوقود في السيارة ، بالتأكيد سيقفز إلى أذهان الكثيرين ذاك السؤال البديهي وهو متي يجب تغيير الصفاية الخاصة بالوقود في السيارة ؟ وكم يبلغ العمر الأفتراضي لها ؟

متى يجب تغيير صفاية الوقود في السيارة ؟ وما هي العمر الافتراضي لها ؟

يؤكد أحد خبراء السيارات على ضرورة فحص صفاية الوقود في السيارة بعد قطع 15 الف كيلومتر بالسيارة ، و من ثم تغييرها إذا لزم الأمر ذلك ، و مشيراً إلى أن هذا الأمر نسيباً ويتوقف على درجة الأوكتان الموجودة في الوقود الخاص بالسيارة ، لذلك فمن الأفضل لك دائماً أن تقوم بتغيير صفاية الوقود كل 15 ألف كلم، كما ينصح ايضاً باستخدام السوائل الخاصة بتنظيف البخاخات في السيارة والتي تتوافر في جميع محطات الوقود وبداخل المتاجر الكبرى ، و حتى يتم تذكر هذا الأمر ، ينصح بوضع دفتر صغير في السيارة يشير إلى عدد الكلوميترات التي قطعتها، لتقوم بتغيير زيت المحرك كل 5 كلم ولتغيير فلتر البنزين كل 15000 كلم ، وفي النهاية عليك دائماً أن تتذكر أن قوة السيارة مرتبطة كثيراً بمدى الاهتمام الدائم بها ، فلا تهمل في زيارة مراكز الصيانة لفحص السيارة وتغيير صفاية الوقود و الكشف على البخاخات الموجودة بها بين الحين والاخر .

16/11/2018

بسم الله الرحمن الرحيم
موضوعي معاك النهارده عن اسباب تأخير دوران المحرك في جميع الأحوال اذا كان المحرك بارد او ساخن

نبدأ امتى نقول ان العربيه بتأخر في الدواره؟
اقول كده لما الاحظ ان عربيتي بدل ماكنت بدور من اول ثانيه بدأت تدور بعد كام ثانيه او بعد كام محاوله لتدوير السياره
طيب ايه هي المسببات؟
المسببات كثيره وهقولهلكم بالتدريج وأسبابها
1-البطاريه ضعيفه
2-المارش بيعتل
3-بوجيهات مش كويسه
4- رشاشات بتسييل
5-فلتر البنزين
6-حساس حراره مياه التبريد
7- حساس الكرنك (بفتح ال ر)
8 - تقسيمه الكاتينه خالفه
9- وجود تهريب لضغط البنزين بماسوره البنزين
10- منظم ضغط البنزين

طيب انا كفني او صاحب عربيه اقدر احكم ازاي علي الاعطال دي كلها وأقدر اقول ان العطل من المكان ده

هقولك ازاي

1- البطاريه ضعيفه : ودي اكيد كلنا نعرفها وبتكون انك تيجي تدور تلاقي صوت تكتكه من المارش والانوار ضعيفه والكلاكس ضعيف او مش شغال وانوار الطابلوه بتطفي مع محاوله التدوير

2- المارش : بيكون عطله قريب من عطل البطاريه بس بعكس ان الانوار بتكون قويه والكلاكس قوي بس بيحصل ان المرش بيعتل وتحس ان ضعيف في اللف وتلاقي ان الموتور بيلف براحه

3- البوجيهات : ليها دور جامد في انه يخلي دواره العربيه كويسه او وحشه بحيث ان البوجيهات اللي عليها رواسب كربونيه او رواسب زيتيه او احتراق غير كامل للبنزين ده كله كفيل انه يأخر الدواره وتكشف علي البوجيهات بأنك تفكها وتشوف شمعتها عامله ايه هل نضيفه وحارقه كويس ولا عليها رواسب

4- الرشاشات : من المفترض ان الرشاش بيكون قافل علشان ميدخلش بنزين للموتور غير لما الكنترول يقوله افتح ودخل كميه كذا , لو حصل ان هناك تسريب للبنزين هيحصل ان هيكون عندي تسريب لضغط البنزين في الماسوره اللي جايه من التانك وهتلاحظ الموضوع ده اكتر والعربيه بارده او ركنتها شويه كتير وده يبان لما افك البوجيهات والاقي عليها هباب اسود وممكن بردو افك مسطره الرشاشات واسيب ماسوره البنزين راكبه فيها وافتح واقفل كونتك كذا مره وابص علي الرشاشات هل بينزل منها بنزين ولا لا

5- فلتر البنزين : فلتر البنزين لو مخروم او الأورنجات الخاصه بيه وطلمبه البنزين مش راكبه كويس او مقطوعه وده ممكن تختبره عن طريق انك تفتح وتقفل كونتاك مرتين تلاته وتدور في المره الرابعه ولو دارات بسرعه يبقي الفلتر مخروم او بيهرب ضغط

6- حساس حراره المياه : في المحركات الحديثه يعتمد الكنترول علي معرفه درجه حراره المياه ليقوم بالتالي بضخ كميه البنزين اللازمه لتلك الحراره وفي حاله تلف الحساس يعتقد الكنترول ان المحرك ساخن ويقوم بضخ كميه بنزين قليله لا تكفي لتدوير الموتور وده ممكن يتعرف عن طريق جهاز كشف الأعطال

7- حساس الكرنك: بيظهر معاك والعربيه سخنه او بارده عادي
وده عطل شائع في السيارات الكوري وبيكون اعطال تلفه كالتالي ان العربيه تبطل منك وانت ماشي ولما تبرد تدور او عداد RPM ميشتغلش ساعات وساعات
تأخير في الدواره واحيانا تحط العربيه علي الجهاز وميقراش معاك اعطال

8- الكاتينه خالفه : وده مش بيظهر معاك غير لما تكون غيرت الكاتينه وبعد تغيرها تبدأ تعاني من المشكله دي واحيانا بيكون مصاحب ليها صوت فرقعه في المانفول وعدم دوران المحرك بسلاسه والسحب ضعيف

9- تهريب في مواسير البنزين : مواسوره بنزين بدايه من طلمبه البزنين في التانك الي المسطره في المحرك لازم يكون جواها ضغط عالي بيكون تقريبا 3 بار واذا كان عندك اي تسريب في المواسير ده هتلاقي عندك تأخير في الدواره
وده تعرفه عن طريق انك هتشم ريحه بنزين ولما تمشي مع الماسوره هتلاقي مكان بيهرب بنزين منه
او عن طريق جهاز اختبار ضغط طلمبه البزنين وده بيكون جهاز بمؤشر بيركب عن مقدمه الماسوره ويتم فتح الكونتاك وملاحظه الضغط كام ولو الغضط بيقل تدريجا يبقي عندك تسريب بالماسوره وطبعا ده بعد الكشف علي فلتر البنزين

16/09/2018

● خد عندك 5 نصايح لو عاوز توفر بنزين 😃

1 - نضف ديما الفلاتر ب استمرار و كل 20 الف غير فلتر الهوا و البنزين كل 40 ..
2 - غير البوجيهات كل 20 - 25 الف كيلو
3 - حط بنزين من بنزينة موثوق منها
4 - متخليش العربية تمشى على اخر ربع فى التانك عشان دة بيبوظ الرشاشات مع الوقت و بيضعف الطلمبة ..
5 - لو عندك مثبت سرعة استخدمة فى طرق السفر لانة بيوفر حوالى 14% من البنزين من الاستهلاك العادى ..

● شوية نصايح خاصة بالفرامل ..

1 - لو الفرامل عندك بتحجر و ساعات تبقى ناشفة و ساعات تبقى ناعمة يبقى عندك مشكلة فى السيرفو و الاحسن يتغير ..
2 - لو بعد سرعة 100 - 120 الدريكسيون بيتهز مع الفرامل يبقى عاوز ظبط زوايا او تغيير طنابير
3 - متركبش تيل فرامل صينى او اى ماركة مجهولة انت متعرفهاش

● مواعيد تغيير الفلاتر و البوجيهات ..

1 - فلتر الهوا بيتغير كل 20 الف كم و الاحسن كل شهر تفكة تنضفة ب اى بلاور ( هوا ) لحد لما ال 20 الف كم يخلصوا هتفرق معاك فى الاداء اوى 😃

2 - فلتر التكييف كل 35 - 40 الف كم و الاحسن برضة كل فترة تنضفة مع فلتر الهوا
3 - فلتر البنزين يتغير كل 40 الف كم
4 - البوجيهات كل 20 - 25 الف كم

5 - فلتر الزيت يتغير بعد كل تغيرتين زيت
يعنى لو بتحط زيت 5 الاف يبقى كل 10 الاف تغير فلتر لو بتحط زيت 10 الاف يبقى كل 20 الف فلتر

● كام نصيحة كدة لو عاوز تحافظ على عفشة و باور عربيتك

1 - مـتلفش الدريكسيون للاخر و أنت بتركن او بتاخد ملف من الواسع حاول متخليش الدريكسيون يخبط لحد الاخر و يكسر و دة عشان تحافظ على الباور و الكبالن

2 - حافظ برده على قد ما تقدر على ضغط الهوا فى الكاوتش على قد ما تقدر اوعي تكسل وتنسي

3 - خـلى فى تـعامل سلس مع الدريكسيون يعنى متاخدش الملف قفش جامد واكشن و ملفات من على الضيق قولي لية لان الضغط المفاجئ و التعامل الناشف مع الدريسكيون بيخلى الضغط الزيادة و المفاجئ بيعمل تلف بسيط فل و طلمبة الباور

● الفتيس الاوتو

1 - الزيت بتاع الفتيس بيفقد خواصة ذى اى زيت
و الصح انة كل 50 الف كيلو يتغير بالفلتر و المصفى بتاعتة

2 - بلاقى ناس كتير لما بتيجى تركن مثلا
و هو بيرجع بضهرة طبيعى بيكون على ال R
يحب يطلع لقدام يروح و هو بيرجع جايب على ال D مرة واحدة ..
يعنى بينقل من R لل D بدون توقف و العكس برضة دة غلط جدا على تروس الفتيس مع الوقت التروس بتتاكل و برضة انت كدة بتعمل ضغط علية
مع الوقت هتلاقى عمر فتيسك بيقل و ترجع تلعن فى العربية و هى ملهاش ذنب الحوار كلة سوء استخدام منك ..
_____________________________________________

15/08/2018

2- حساس وضع الخانق Throttle Position Sensor (TPS ) :

وظيفٌته:

ويسمى ايضا حساس البوابة – حساس دوسة البنزين

هو الحساس المسؤل عن ضبط خليط كمية الوقود والهواء لتحقيق افضل احتراق ممكن عن طريق التحكم فى كمية الهواء الداخلة للموتور عن طريق البوابة .

طر قٌة عمله:

نقل البياٌنات إلى الكومبيوٌتر عن وضع صمام الخانق(البوابة) فى حالات التشغيل المختلفة حتى يتمٌكن الكومبيوٌتر من التحكم ف الآتى :
•زمن فتح الرشاشات لحقن الوقود.
•التحكم فى تقد يمٌ و تأخيرٌ زمن الشرارة.
•فصل التكيؾٌف عند التسارع بقوة لتوفيرٌ اكبرعزم لدوران للمحرك.

مكانه فين:

يركب حساس TPS على البوابة

13/08/2018

الأسباب اللي تـخلي طقم الدبرياج يخلص معـاك

1 – الطـلعـات الامريكـاني و التـخميس و الفرك و أنك تـنطر الدبرياج مرة واحدة عشان العربية تـنط منك
2 – الضغط المتواصل على الدبرياج في حالة التوقف الطويل فى إشارات المرور بعض الناس بتفضل حاطة رجليها على الدبرياج و دة بيعمل حمل شديد على اسطوانة الدبرياج , والافضل هو فصل الحركة نهائيا عن طريق أن تحرك الفتيس الى وضع المور .
3 – أنك مـع كل فرملة تدوس دبرياج الصح انك تدوس دبرياج قبل ما العربية تـقف بكام ثانية بس عشان متبطلش منك
4 – مش لازم تسند رجلك علي الدبرياج حتي و لو كنت ملمسها لان دة برضة بيعمل جهد علي الفاضي و خلاص
طب أية أعراض تـلف الاسطوانة ؟
1 – إن العـزم يـضعف لما تيجي طالع اي كوبري او مطلع
2 – يبقي في رعشة في الطلعة
3 – العربية متـبقاش حساسة لدوستك زي الاول و تبطل منك كتير

11/08/2018

هنتكلم انهارده عن حاجه مهمه واساسيه فى العربيه
كله يركز معايا بقى 😎😃
هنتكلم انهارده عن طقم الشمبر فى العربيه

طقم الشمبر دا عباره عن حلقات من المعدن بيركب على البستم عشان البستم وهو طالع ونازل فى الشميز يكون محكوم ويولد كبس محترم عشان يحصل حريق فاجر وقادر 😂😉
طقم الشمبر بيتكون من ٣ فرد شمبر
الفرده الاولى اسمها فردة الحريق ودى وظيفتها انها تولد كبس قوى عشان الكبس لما البستم يضغط وتحصل الشرارة يكون الانفجار قادر وفاجر زى ماقولنا
وكمان من وظائف الكبس انه يسحب خليط الهوا والرنزين فى شوط السحب ويطرد العادم فى شوط الطرد 😃
الفردة الثانية بقى اسمها فردة الكبس ودى وظيفتها انها تمنع الكبس اللى عملته فردة الكبس انه يخرج ويروح على الكارتيرا من تحت ويطلع فى صورة فايز 😉

الفردة التالته اسمها فردة الزيت ودى وظيفتها انها تعمل مسح لأى زيت فى الشميز وتخليه ينزل تحط يروح للكارتيرا 😃
طب اعرف منين ان الطقم دا خلص او فيه مشكلة يا ادمن وهبه ؟ 😕
بص ياسيدى 😃
من عيوب ان طقم الشمبر يخلص ان:

هتلاقى دخنه فى الشكمان مستمره ولونها ابيض مائل الى الزرقه 😕

لو مفيش دخنه والشمبر خلص هتلاقى العربيه عزمها قل وبالذات فى المطالع
هتلاقى الزيت بينقص معاك بطريقه ملحوظه بسبب ان
الشمبر خلص 😑

هتلاقى كمان الفايز عندك فى الموتور بيطلع بخره بصوره عاليه عن الطبيعى مع احتمال ترسب زيت فى البخره دى😕

هتحس انك راكب عربيه من غير روح وكمان لو الكبس ضعيف هتتاخر فى الدوارة معاك 😑

طيب ايه اللى يبوظ طقم الشمبر ياوهبه 😐
اول حاجه ان عمره الافتراضى يخلص
تانى حاجه القرص على العربيه يعنى عرق فان ديزل بيضرب عندك وتفضل تدوس بنزين عمال على بطال 😂

عدم الانتظام فى تغير الزيت ودا عليه عامل اساسى مش بس بس للشمبر دا لكل الموتور 😥

السخونيه الزيادة
يعنى تكون مشيت بالعربيه حبه حلوين كده من غير مياه ودا بيخلى الشمبر يلزق ويتاكل بسرعة 😤

نوعية الشمبر نفسها وحشه ووممكن كمان بسبب كده يتكسر 😨

نخش على شوية نصايح بقى 😎😉

اكشف ع البساتم كويس بعد ماتفكها وع البنوز بتاعتها وبص بردوا ع السبيكه بتاعته ولو البساتم البنوز بتاعتها فيها بوش يبقى انت كده محتاج تغير طقم بستم جديد

مينفعش تعمل طقم شمبر والشميز عندك فى تجريح او جرح طولى على شكل قلم ولا يكون فى عندك عتب عالى ✋ لازم تغير الشميز الاول عشان القلم دا ميسربش زيت للحريق ويبقى كده كأنك يأبو زيد ماغزيت 😕

وانت بتعمل

فتحه الشمبر دى اسمها خلوص تمام
لما نيجى نقيس الشمبر الجديد فى الشميز ونلاقى الخلوص دا زيادة دا معناه ان الشميز نفسه هو اللى متآكل وهيبقى فيه عتب بارز
ومحتاج انت بقى تفك الموتور وتطلع بيه على الخراط يعمل شمايز جديدة 😀

طقم الشمبر لما بيركب على البستم بيبقى له تقسيمه
بحيث ان كل فرد الشمبر تكون عكس بعضها ودا عشان نمرمط معنا الكبس شوية بحيث انه يبقى مشواره طويل اوى ومش يروح للكارتيرا بسرعه 😂

دلوقتى الحمد لله عملنا طقم الشمبر بنجاح والعربيه دارت
لازم نقعد نلين فتره ونحرق فى الفتره دى صفيحه على الاقل عشان الشمبر الجديد يطبع على الشمايز ويملى مركزه كده 😃

يعنى فى الفتره دى ميطلع ش عرق فان ديزل وحيات عيالك يا شيخ وتعقد تدوس بنزين وتحرق
هاااارش هاااارش 😂😂

طبعا مش هوصيك بقى بعد ما تخلص تلين بقا تطلع على الاسطى دومه بتاعك تخليه يغيرلك زيت وفلتر عالطول 😊

لو العربيه بتدخن وانت عملتلها طقم شمبر ودورتها هتفضل تدخن يومين عشان تنضف العلب بتاعة الشكمان لانها بتكون مخزنة 😃
فمتقلقش وتروح تضرب الميكانيكى الغلبان وتقوله انت ضحكت عليا ومعملتش طقم شمبر 😂😂😂

ونصيحه اخيره وانت بتعمل طقم شمبر غير اويل سيل الصباب بالمره عشان لو هو كان مسبب تسريب زيت بسيط مينزلش على البساتم ويظهرلك دخنه خفيفه وياريتك تكشف ع الصباب بالمره وتخلى الميكانيكى او الخراط يعمل روديه لصباب ويبص ع القواعد والدلائل ☺

كده موضوع انهارده خلص

11/08/2018

السلام عليكم

موضوع هااااااااااام للغاية ...

كيف تتصرف اذا ارتفعت حرارة محرك السيارة ؟؟؟

خطاء صغير يتسبب في عدد لا يحصي من الحروق و الاصابات سنويآ ، وكلها يمكن تنجنبها بخطوات بسيطة ان شاء الله .

اولآ الوقاية خير من العلاج :-

* الاهتمام بالصيانة الدورية و مراجعة السوائل و الزيوت بصورة دورية يجنبنا الكثير من المتاعب .

* استخدام سائل التبريد الموصي به من الصانع و الابتعاد عن استخدام ماء الحنفية يمنع تكون الاملاح و الصداء داخل منظومة التبريد ويطيل عمر المحرك .

* يجب الانتباه للعدادات و الاضواء التحذيرية اثناء القيادة و ملاحظة القراءات الغير طبيعية .

* اهمال و تأجيل صيانة الاعطال البسيطة يؤدي تفاقمها و يجر الي ضياع الكثير من الوقت و المال .

ثانيآ : ماهو التصرف الصحيح :-

٩٩٪ من السائقين يعتبرون ان التصرف الصحيح هو ايقاف السيارة وفتح غطاء الرديتر و محاولة تبريد المحرك بالماء او سائل التبريد وهو تصرف خاطى تمامآ و قد يتسبب في تعرض السائق لاصابة خطيرة لان سائل التبريد يكون تحت ضغط و حرارة عالية .

ايضآ قد يزيد من تضرر المحرك خاصة اذا استغرق احضار الماء او سائل التبريد وقت طويل .

اذن ماهو التصرف الصحيح عند ملاحظة ارتفاع مؤشر حرارة المحرك عن الوضع الطبيعي ؟

الخطوة الاولي :-

ايقاف السيارة في مكان مناسب .

الخطوة الثانية :-

قم بايقاف المحرك و اذا لا يوجد بخار متصاعد من غطاء المحرك قم بفتحه بحذر شديد و تاكد من ثلاثة اشياء :-

١/ في ٩٠٪ من السيارات يقوم سير المحرك بتشغيل مضخة الماء ( طلمبة الماء ) و عند انقطاع السير يتوقف ضح سائل التبريد داخل المحرك لذلك يجب التاكد من سير المحرك ( انظر الصورة رقم ٥ ) .

٢/ في بعض السيارات مثل دايو و فلوكس واجن و اسكودا توجد علبة بلاستيكية شفافة يوضع بها سائل التبريد تسمي القربة و البعض الاخر مثل تويوتا وهيونداي يوجد جوار الراديتر علبة فائض تاكد من القربة او علبة الفائض هل بها سائل التبريد ام لا لكن دون فتحها .

٣/ تاكد من عدم وجود تسريب لسائل التبريد لاحظ غطاء الراديتر و في انابيب الماء وتحت السيارة .

الخطوة الثالثة :-

* بعد التاكد من ان المحرك قد برد تمامآ ( اكرر تمامآ ) قم باخذ قطعة قماش ويفضل ان تكون سميكة و مبللة بالماء ( انظر الصورة رقم ٣ ) وقم بفتح غطاء الراديتر بصورة تدريجية لتسمح للضغط بان يتسرب ( تنفيس الراديتر ) وبعد التاكد من ان الضغط قد زال قم بفتح الغطاء و انظر لمستوي سائل التبريد اذا وجدت ان مستوي السائل ناقص او لا يوجد قم بتشغيل المحرك و ابداء باضافة سائل التبريد او الماء مع ملاحظة مؤشر الحرارة هل انخفض ام لا.

* لاحظ ايضآ هل مراوح التبريد تعمل ام لا واذا كانت لا تعمل جرب تشغيل المكيف لفترة قصيرة ولاحظ اذا اشتغلت ام لا ( واذا كانت لديك خبرة بسيطة في ميكانيكا السيارة يمكنك سحب فيشة حساس حرارة سائل التبريد ومن المفترض ان تعمل المراوح مباشرة ).

* اذا انخفضت حرارة المحرك قم بقيادة السيارة بحذر مع عدم تشغيل الاحمال الاضافية مثل المكيف ، والافضل ان تذهب بالسيارة لاقرب ورشة للمراجعة ، واذا لم تنخفض الحرارة او استمرت بالارتفاع يجب عدم المخاطرة لانها يمكن ان تسبب اضرار كبيرة للمحرك و تكاليف مالية كثيرة لذلك الافضل قطر السيارة الي اقرب ورشة .

طيب اذا كانت حرارة المحرك طبيعية لكن المشكلة كهربائي في حساس حرارة سائل التبريد او في المؤشر ؟

تصبح المسألة تقديرية و يرجع تقييمها لسائق السيارة لانه ادري بسيارته .

طيب اذا كنت في كوبري او في مكان لا يسمح بالتوقف ؟

يمكنك الحصول علي راديتر اضافي بخدعة بسيطة يساعد علي تبريد المحرك بنسبة قد تصل الي ٣٠٪ وهي بتشغيل نظام التدفئة بعد ان توجه فتحات المكيف بعيدآ عنك لان نظام التدفئة يعمل بنفس فكرة راديتر تبريد المحرك وعند تشغيله يمر ماء ساخن في راديتر صغير تحت الطبلون ، ويساهم تشغيل نظام التدفئة في تبريد المحرك لكن سيسخن مقصورة الركاب ( انظر الصورة الاخيرة ) .

ملحوظة:-

اذا كان مستوي سائل التبريد اعلي من المسموح به سوا في القربة او علبة الفائض يؤدي الي ارتفاع حرارة المحرك ايضآ

10/08/2018