02/03/2023
يا جماعة نظرا للظروف الاقتصادية الصعبة التي تمر بها البلاد بأجد ان ناس افاضل بتكلمنى عوزين يعرفو سعر السمكرة والدهان بالتليفون
انا عازر الكل عشان كدة عملت فكرت التقسيط ٦ شهور بدون فوائد لثلاث بنوك ودخلت value & premium ولكن يا جماعة مفيش تكلفة سمكرة ينفع تتحدد بالصور ولا تكلفة دهان ينفع تتحدد بالصور ولكن اللي بيتحدد هو ان حضرتك تتوجة للمركز او الورشة اللي حضرتك بتتعامل معاها ويشوفوها بأعينهم ولو العربية محملة كلها معجون لازم العربية تيجى علي الصاج عشان تشوف اية اللي محتاج يتسمكر ومدارى بالمعجون الكتير او باروما حد كان حط معجون عليها سواء كان بدون فهم او قلة ضمير او ان حضرتك دايس علية في الفلوس وهو مش عايز يجي علي نفسة ويدفع من جيبة
او السؤال الآخر وهو ان حضرتك اللي عايز تتدهن بكام بناء علي الفلوس هيتحدد اية اللي هيحصل في عربيتك
١ - هتبقي عارف انتا هتروح لحد مش فاهم صنعة صح ولا لا
٢ - هتبقي عارف انتا عايز الشغل اللي فيها شغل لم ولا شغل صح
٣- هتبقي عايز عليها خامات نضيفة ولا خامات اقتصادية ولا خامات مغشوشة
هو حضرتكم فاكرين تفاوت الأسعار مثلا بتبقي نفس الخامات ونفس الكميات
خالص يا فندم
علي سبيل المثال ناخد خامة اقتصادية زى خامات شركة كابسي مثلا
الأسعار في السوق كلة في الخامات الكابسي فقط بتلعب من ٣٠٠٠ الي ٨٠٠٠ ( في الكابسي فقط ) في دهان سيارتك دهان كامل حضراتكم عوزين تتعملو مع ابو كام
طيب دة بيفرق في اية حضرتكم او تختارو بناء علي اية
انا اقول لحضراتكم السعر بيفرق في
١ - مقدار الخامات المستخدمة اثناء الدهان
٢- مقدار الخامات المستخدمه في التجهيز
٣ - طريقة التجهيز
٤ - الكابينة اللي هيترش فيها العربية نضيفة ولا دون المستوي
٥ - الصنيعي اللي شغال بيفهم ومرتبة عالي ولا شغلة اى كلام وبيستخدم معجون كتير في شغلة وبالتالى مرتبة ضعيف
بالنسبة لعامل الوقت
١ - في ناس بيخلصو عربية كاملة في ٤ ايام ( لو حابب تتعامل معاهم برحتك )
٢ - انا محبب عليا اسلملك العربية في اقل وقت ولكن هل حضرتك فكرت في جودة الشغل
اولا المفروض تاخد لقطة علي العربية في السمكرة قبل ما تبتدي مراحل الدهان
ثانيا المفروض تسيب كل حاجه تاخد حقها في انها تنشف مش كلة ورا بعضة يا فندم
ثالثا المفروض بعد ما بتسنفر البطانة المفروض ليها لقطة تانية وبتراجع علي جنبها
رابعا اطمنت ان كلة تمام العربية بتدخل الكابينة
خامسا بعد ما البويا تعضم بنسحق ونلمع العربية
فبتستلمها زيرو
اتمنى حضرتكم تكونو فهمتوني ان النصاحة مش انك عملت شغل في اسرع وقت واقل تكلفة . دة كدة حضرتكم بترمو الفلوس علي الأرض
وبعتذر لحضراتكم علي الإطالة بس واجبنا يحتم علينا توعية العملاء
وبشكر سعادتكم علي سعة صدوركم في قراءة ما ذكر من نصائح
