01/01/2023
مصر الصناعية تتحدث عن نفسها
🔻 خبر ممتاز لمحبين السيارات الكهربائية ... هيتم الإعلان رسميا عن طرح أول سيارة كهربائية ( إيليوس E70 برو) مقدمة من شركة مصر حلوان للسيارات ⚡️
✴️ العربية ديه تعتبر الشكل المحسن ( Face-lift ) للعربية اللي موجودة واتجربت فترة كبيرة في مصر .. مع إضافة بعض التعديلات والتحسينات لرفع الكفاءة والجودة.
🔹️ ايليوس E70 برو الكهربائية .. بتقدملك مساحات داخلية ممتازة وجيدة كسيارة عائلة ... وهتنزل بأحدث التكنولوجيا والدلع بالاضافة الى كل أنظمة الفرامل المتطورة .. والعربية واخدة ٥ نجوم في اختبارات الأمان الصينية C-NCAP
🔸️ موتور العربية بيولد قوة ١٦٠ حصان وعزم ممتاز ( ٢٣٠ نيوتن.متر ) .. وهتنزل ببطارية LFP سعة ٥١ كيلووات ممكن تمشيك متوسط ٤٠٠ كيلومتر في الشحنة الواحدة
( طبعا مدى الشحن بيتغير .. حسب طريقة سواقتك والتحميل وكده )
▪️غالبا .. هيتوفر مع السيارة شاحن منزلي متغير القدرة ٣٢ أمبير / ٧ كيلووات ممكن يشحن البطارية بالكامل وهي فارغة في ٨ ساعات
▪️وممكن تشحن العربية عبر محطات الشحن اللي شغالة بالنظام الأوروبي وبيتوفرلك كابل شحن AC للتحويل من TYPE II ( الأوروبي ) إلى نظام GB/T الصيني .. والشحن السريع ممكن في خلال ١٠ دقائق تشحن اللي يمشيك ١٠٠ كيلومتر ... وهتقدر تشحن من ٣٠ : ٨٠% في خلال ٣٠ دقيقة فقط !!
✅️ العربية هتنزل بضمان ٦ سنوات أو 150,000 كم بالإضافة إلى ضمان كبير وممتاز = ٨ سنوات أو 500,000 كيلومتر على البطارية
🔺️ طبعا ميزة العربيات الكهرباء تعتبر ببلاش كمصاريف تشغيلية مقارنة بعربيات البنزين خصوصآ مؤخرا مع استهبال معظم التوكيلات في الاسعار التشغيلية + انتشار أكثر من ٣٤٠ محطة شحن على مستوى مصر
