12/03/2026
⚠️ إوعى تقتل موتور عربيتك بإيدك وأنت مش داري! 🚗💥
كتير مننا لما بيروح يغير زيت، بيبص بس على الأرقام زي (5W30) أو (20W50)، بس الحقيقة إن فيه سر تاني أخطر مكتوب على العلبة بالانجليزي ومعظمنا بيطنش يقرأه.. السر ده هو "تصنيف الـ API"! 🧐
بوست النهاردة هاحكيلك فيه ليه الحروف اللي زي (SP, SN, SQ) دي هي اللي بتحدد عمر موتورك، خصوصاً لو عربيتك حديثة أو "تيربو":
✅ إيه الحكاية؟
المعهد الأمريكي للبترول (API) كل شوية بيطور في مواصفات الزيت عشان يواكب التكنولوجيا. زمان كان فيه تصنيفات قديمة وراحت عليها، والنهاردة وصلنا لأحدث حاجة وهي الـ SQ.
✅ ليه الـ SQ مهم جداً؟
لو عربيتك "تيربو" أو بنظام حقن مباشر (GDI)، فيه وحش مستخبي جوه الموتور اسمه LSPI (الاشعال المبكر). ده ببساطة انفجارات صغيرة بتحصل في وقت غلط ممكن ودى اللى صوتها بنسميه "كركرة"
الظاهرة دى قادرة تكسر لك "البستم" فوراً! 😱 التصنيف الجديد SQ بيضمن لك حماية الموتور حتى والزيت قديم وخلاص قربت تغيره.
✅سير الكاتينة فى أمان:
التصنيف الجديد بيحافظ على سير الكاتينة الجنزير إنه ما "يرخي" أو يتمط، لأن لو طوله اتغير شعرة واللى لو حصل سحب العربية هيضعف واستهلاك البنزين هيزيد. 📉
✅كل ماتصنيف الزيت بيكون متقدم بيكون فيها الزنك أقل وبالتالى إنبعاثات أقل وعمر أطول لعلبة البيئة ولموتور عربيتك.
✅ نصيحة "الخلاصة":
لو عربيتك موديل السنة، خليك دايماً في التصنيفات الحديثة (SP أو SQ).
لو عربيتك قديمة جداً (من السبعينات مثلاً)، الزيوت الحديثة ممكن متناسبهاش عشان المواد المنظفة فيها قوية زيادة عن اللزوم على المعادن القديمة.
دايماً بص في كتالوج عربيتك وشوف الصانع طالب تصنيف إيه.. ده أضمن طريق عشان موتورك يعيش معاك العمر كله. 🛠️
يا ترى آخر مرة غيرت فيها زيت، بصيت على الحروف دي ولا كنت مهتم باللزوجة بس؟ 🤔
لو حابب تفهم عربيتك اكتر دوس على الهاشتاج ده👇
لا تنسانا بالدعاء❤️
A2z مش مجرد غيار زيت - المعادى
01111921389 📞
