05/12/2016
ازاي تكون كابتن ناجح ؟!!!!
1- طالما انت نازل شغل يبقي لازم تلتزم بكل حاجة و تكلم الناس و العملاء بأسلوب كويس و كتير من العملة بتكون نظرتهم للكابتن فيها احترام جدا فدايما حافظ على النقطة دي
2- نضافة العربية طبعا حاجة اساسية مش بس برا و جوا و كمان تضيف للعربية فواحات و لازم اي حد يركب ينبهر بالتجربة دي مش مجرد توصيلة و السلام
3- اسأل دايما العميل اذا كان عاوز ييقفل و لا يفتح الشباك, يفتح و لا يقفل الراديو, و بلاش تتكلم معاه من نفسك كتير الا لو هو سألك
4- اختار مكان شغلك فى اليوم كويس جدا من اهم الأماكن (مصر الجديدة - المعادي - التجمع الخامس - 6 اكتوبر - وسط البلد - الرحاب - المهندسين - الزمالك) و يفضل تكون عارف الطريق لأن ال GPS فى مصر ممكن يلخبطك
5- حاول دايما يكون عندك لمسة زيادة فى العربية WIFI مثلا او شوكولاته حتي لو لبان او بومبوني و كل ما تقدر تسعد العميل هيكون حاجة افضل
6- دايما تابع الأماكن الى فيها حفلات ومواعيد ممكن تاخد منها حد اعرف امتي معادها و روح على مواعيد النهاية
7- الجارانتية الصباحي حاجة اساسية تصحي الصبح بدري من 6 لحد 11 هتقدر تاخده بسهولة جدا
8- متزعلش خالص من ال Free Ride او لما العميل ميدكش فلوسك كاش مفيش اي سبب لكدا
9- لو مش هتقدر تستحمل التعامل مع البني ادمين عامة خدها من قاصرها و بلاش تشتغل اي حاجة اصلا كل الوظايف لازم تتعامل فيها مع الناس باحترام جدا و تتحمل مشاكلهم و تكون حريص على سعادتهم
10- حاول متجهدش نفسك و تقول انا هاشتغل 12 ساعة كل يوم هيجي عليك ايام مش شايف قدامك و مش هتقدر تكمل لأخر الاسبوع
11- الخميس ثم الخميس ثم الخميس بس كدا
12- كل ما تكون مذاكر دورك كويس و متسألش العميل خالص كل ما هو هينبسط جدا لو مسألتش مثلا عن السكة و اعتمدت على ال GPS , او على نفسك
و بلاش كل شوية تسألوا انتا رايح فين بظبط او تعدل على المكان بدون سبب
13- اركب مع الكباتن التانية مرة فى الاسبوع على الأقل عشان تشوف غيرك بيتعامل ازاي و تتعلم منهم لو عندهم حاجات كويسة و تتجنب الحاجات السيئه و كمان عشان تحس احساس العميل و تفهمة اكثر
14- خلي عندك حلول ذكية للمشاكل يعني لو في طفل بيقطع فى فرش العربية اديله مصاصة مثلا هيبعد عن الفرش و لو فى عميلة بترمي فى الارض بواقي الاكل خلي دايما معاك Basket و اديهولها من غير احراج
15- خد فاصل بين كل رحلة و التانية و لو وصلت فى مكان انت مش عاوز تشتغل فيه اطلع منه الأول عشان تتحكم فى رحلاتك مش رحلاتك الى تتحكم فى طريقك
16- مفيش حاجة اسمها اكسب 30 الف جنية فى الشهر من العربية بس فى نفس الوقت انت مش بتكسب 700 جنية خليك فى الوسط فى حسبتك و تقديرك للأمور
17- غلو البنزين عامل اضافي لك عشان تشتغل اكثر مش عامل يمنعك لأنك لازم تزود دخلك لأن مش بس البنزين الى غلي
18- يفضل تتعرف على الكباتن التانيين و لو فى عندم مشكلة فى اليوم نفسة اسألهم عملوا اية و اية الحل
19-ابعد عن الاشعات الى بتطلع من ناس كتير زي سواقين التانيين او الناس الى مش عاوزة تخليك تشتغل و بالنسبة للسواقين و الكباتن التانية الموضوع رزق و محدش بياخد رزق حد
20- اوعي تخلي العميل يدفع اي اجرة الا الرقم الي مكتوب فى ال application
اخيرا لو مشيت على الكلام دا نضمنلك التوفيق :)
