29/07/2024
صباح الخير صباح الأمل
اسمحولي اكلم بصفه الجمع احنا ليه اخترنا السيارات الكهربائيه اولا خلينا نكلم بصراحه وبدون تزيف
كل واحد فينا ليه متطلبات واحتياجات يوميه والسياره النهارده
في كل بيت مش للترفيه هيا وسيله أساسيه في الحياه اليوميه
أنا ومعظم من امتلكوا سيارات كهربائيه هدفنا الاول وبكل
صراحه هو التوفير علي المدي القريب والبعيد وكلنا درسنا
الموضوع كتير جدا وحسبناها مليون مره وهنا خليني اشرحلك
الجوانب المهمه لامتلاك السياراه الكهربا وهشرح بعض السلبيات كمان
أنا هتكلم عن نفسي أنا وعن طبيعت شغلي واحتياجاتي اليوميه
كل الناس عارفه اني كتير الحركه وكل يوم في مكان يعني بمشي
في اليوم 500 km بشكل شبه يومي يعني طلع 4 ايام اجازه من
الشهر يبقي بمشي في الشهر 13000km شهريا
يعني محتاج 15000 جنيه بنزين في الشهر.
ومحتاج 10000 جنيه صيانه في الشهر
يعني الإجمالي 25000 جنيه شهريا. بالسياره البنزين
طيب بالسياره الكهربا لو همشي نفس المسافه 26 يوم
13000 الف km
الشحنه الواحده هتكلف في البيت خليها 150جنيه كهربا
يعني نصرف في الشهر 3900 جنيه
يعني معدل التوفير الشهري 21100 جنيه
يعني معدل التوفير السنوي 253200 جنيه
الرقم ده يستاهل اني احول لسياره كهربا وبدون نقاش
طيب هعمل صيانه للسياره الكهربا طبعا كل 40000km
هصرف علي السياره الكهربا صيانات تقريبا 2000 جنيه
ياسيدي قول 6000 جنيه في ألسنه يعني صافي التوفير
247200 جنيه
طيب الأجزاء المهمه في السياراه الكهربا اهم جزء البطاريه
غاليه مش رخيصه بس مش نص ثمن السياره وليها عمر
افتراضي مش اقل من 10 سنين يعني بعد كل المصاريف
لو حسبنا او كم التوفير في 10سنين
247200 x10
2،472،000
لو البطاريه في الوقت ده ربنا يدينا ويديكم طوله العمر ثمنها
600 الف جنيه وهغيرها كامله هطلع موفر او شاري سياره
ثانيه او شاري شقه 😂 بمبلغ 1،872،000
اظن كدا الامور واضحه
تعال بأه نكلم. في الأشياء المشتركه بين الكهربا والبنزين
الاثنين هيغيروا كاوتش بس الكهربا عمر الكاوتش اطول عشان
مفيش حراره في الجزء الامامي ووزن العربيه متوزع كويس
بحكم وسطيه البطاريه
الاثنين هيغيروا تيل فرامل بس الكهربا عمر التيل فيها اطول
عشان عندنا منظومه عمل مختلفه تماما في نظام البريكات
والشحن العكسي
متور البنزين وارد بدخل عمره مكلفه جدا عشان أسباب كتير
متور الكهربا رخيص ونادر انك تحله أصلا و اجزائه محدوده جدا
مش عايز اصدمك واقولك ممكن سعره يكون 600 دولار🤣
السياره البنزين حراره تلوث ازعاج
السياره الكهربا راحه. صديقه للبيئه هدوء
لحظه الحقيقه السياره الكهربا فيها عيوب وممكن تكون غير
مناسبه لكل الناس نعم
اولا لو معندكش مكان ثابت تشحن فيه متستريش كهربا
ثانيا لو سفرك مسافات طويله تفوق 800 km بدون توقف
متشتريش كهربا
من عيوب السياره الكهربا ايضا ضعف البنيه التحتيه علي بعض
الطرق
قطع غياره
اسعارها عاليه ومش كلها متوفره
أنا اتكلمت بصراحه. وامانه بدون تحيز متنساش بعد ماتخلص
