د خديجة سيد استشارى جراحة أوعية دموية طبيبات جراحة وفريق طبي نسائى متكامل

27/03/2026

15/03/2026

https://youtube.com/watch?v=Jle1OhOWyB0&si=OnKTZH5XLOFrTEMU

03/03/2026

"هو أنا كده خلصت؟"

السؤال ده بتسأله سيدات كتير أول ما بيخلصوا رحلة استئصال الورم…

بتبقى كسبت المعركة الطبية، بس لسه واقفة قدام المراية بتسأل سؤال تاني أهم:

"هو أنا ينفع أرجع زي ما كنت؟"🤔😔

والإجابة… آه 🤍 ينفع.

إعادة بناء الثدي مش رفاهية…

هي جزء من العلاج النفسي قبل ما تكون تجميلي.

القرار مش بس علشان الشكل…

ده قرار علشان ترجعي ثقتك بنفسك ، و ترجعي للحياة بطريقتك إنتِ.

وأهم حاجة تعرفيها 👇
إعادة البناء مش خطوة إجبارية… لكنها فرصة متاحة.

والأهم إنك تختاري بعد ما تفهمي كل التفاصيل بهدوء ومن غير ضغط.
و هنا يجي دورنا علشان نختار معاكي أنسب حاجه ليكي🌷

لأن الرحلة مش بس إننا نبعد المرض…
الرحلة إننا نرجعلك إحساسك بنفسك 🤍✨

لو عندك سؤال أو محتارة بين الخيارات…

كلمينا ، واحجزي و احنا هنكون معاكي في كل خطوة.

03/03/2026

"هو أنا هاصحى ألاقي نفسي ناقصة حاجة ؟"

قالتها وهي بتضحك…
بس الضحكة كانت مخبية خوف كبير.
كانت جاية تعمل استئصال ورم.
وأكتر حاجة شاغلاها مش الألم…
ولا حتى النتيجة.

كانت بتبصلي وتقول:
"أنا مش خايفة من العملية… أنا خايفة أبص في المراية بعدها."
قعدنا نتكلم عن الجراحات التجميلية لعلاج أورام الثدي
و إيه هي أنسب طريقة ليها

عن شكل الثدي بعد الجراحة.
عن إن جراحة الثدي علم بيتطور كل يوم …
وإن إحنا مش بس بنعالج و ورم وبننقذ حياة …

إحنا بنحافظ على إحساسك كأنثى.

يوم العملية دخلت وهي متماسكة جدًا.

ولما فاقت… سألتني أول سؤال:
"ها يا دكتورة … شكلي بقى عامل إيه؟"

ابتسمت وقلت لها:
"إنتي زي ما إنتي… بس أقوى."

عدت 6 شهور.
جتلي في زيارة متابعة…
لابسة فستان جديد وبتضحك من قلبها.
وقالتلي جملة جميلة:
"أنا كنت فاكرة إني هفقد جزء مني…
طلعت باكتسب قوة ماكنتش أعرف إنها جوايا."

🌙 في رمضان…
بنفكرك إن الابتلاء مش نقص…
أوقات بيبقى بداية لاكتشاف قوة جديدة.

03/03/2026

"أنا مش هعمل عينة… الإبرة هتنشر الورم."

قالتها بحسم.
وعينيها مليانة خوف مش عناد.
كانت مقتنعة إن أول ما الإبرة تدخل…
الورم “ينتشر”. 🤷‍♀️

قعدنا نتكلم بهدوء.
علشان أفهم مصدر خوفها .

شرحتلها إن العينة بالإبرة القاطعة
مش بس علشان نعرف في ورم ولا لأ.

العينة كمان بتقولنا:
* نوع الورم إيه
* درجته
* بيستجيب لأي علاج

و اذا كان هيفيد معاه علاج قبل الجراحة ولا لأ

وفي بعض الحالات 👇
بنبدأ بعلاج قبل العملية
علشان نصغّر الورم
و نختبر استجابة الورم للعلاج
ونزوّد فرص نجاح الجراحة.
و كمان…
العينة ممكن تكون هي السبب إننا
🤩 نحافظ على الثدي.
بدل استئصال كامل…
و نقدر نعمل استئصال تحفظي
ونحافظ على الشكل التجميلي 🤍

لو طلع نوع بيستجيب للعلاج ماقبل الجراحة

سألتني بعدها:
"يعني الإبرة دي ممكن تنقذ صدري؟"
قلت لها:
طبعاً و الأهم من كده هو انها تنقذك إنتي 🩷

الخوف طبيعي.
لكن القرار الصح لازم يكون مبني على العلم و المعرفة الكاملة …
مش على إشاعة.
لو سمعتِ قبل كده إن العينة بتنشر الورم…
قوليلي مين قالك المعلومة دي؟ 👇
خلينا نصحح المفاهيم مع بعض 🌙✨