الفؤاد

07/10/2024

أحدث تصميمات الكبائن VIP

26/08/2022

22/12/2020

مطلوب سياره اوتوماتيك حديثه للإيجار

22/10/2020

SSC Tuatara
امريكيه الصنع 5900 cc
1750 حصان
سرعه قصوى حوالى 533 كم ياعظمة 😜🤦
فرامل 16 انش امامى 6 بستم \ فرامل 15 انش خلفى 4 بستم \ slotted carbon ceramic
العفشه : Adjustable hydraulic system

كل دة وسعرها 1.9 مليون دولار بس 😳

17/08/2020

انا عايز اسأل سؤال هو أصحاب السيارات من كفار قريش!!
انا كنت في المرور (السلام) النهاردة بجدد الرخصة عربية عندي و رايح و معي شنطة الإسعافات و المثلث و القمع و الفيست الفسفوري و هناك اتفاجئت اني لازم اشتري غيرهم تاني إلى جانب بطاقة خدمات و كوبونات تخفيضات تابعة لبنزينة وطنية مع العلم ان هناك لافتة واضحة و كبيرة داخل المرور بتوضح أن شراء هذه الأغراض اختياري و ليس إجباري من ناحية أخرى ضابط الفحص لا يوقع على اورنيك الفحص بعد التأكد من وجود إيصالات شراء لهذه الأغراض(شوية زبالة) ثمنها 590جنيه.. و أثناء تسليم الأوراق و على الشباك اكتشفوا الاكتشاف الرهيب و الكبير وهو أن الملف بدون حافظة.. حاضر اروح اشتري حافظة وقتها اكتشفت اكتشاف أكبر من اكتشافهم و يعادل أكبر اكتشافات القرن الواحد و العشرين وهو ان حافظة الملف ثمنها 250جنيه و مع الحافظة ام سوسته علبة فيها جوانتي و كمامة و ازازة ميه بأسيتون المفروض انها كحول😊
هو المرور ده ملوش ظابط ولا رابط ولا السادة الضباط و الموظفين و الأكشاك (الشركات) لما راحوا اشتغلوا وفتحوا داخل المرور فهموهم انهم شغالين في الكويت مثلا!! ولا احنا اللي رخاص و دمنا مستباح غصب عنا و نشتري شوية زبالة كل سنة و اللي مش عاجبه بدون نقاش يطلع برة زي مكان السادة الأمناء اللي واقفين مع الضابط تحت الشجرة بالأمر و بررررة.... هو في ايه علشان اعرف و اعمل حسابي بعد كده انا ضد تكسير اللوائح و القوانين و زي ماعندي واجبات كذلك لي حقوق.. وحسبي الله ونعم الوكيل في كل من يستحل فلوس المواطنين... برجاء المشاركة على أوسع نطاق ليصل صوتنا إلى المسؤولين

22/07/2020

19/07/2020

اعرف عربيتك 🤩🤩🤨 خلي بالك وانته بتجدد الرخصه 😎🤔
وانت بتجدد رخصه السيارة في وحدات المرور
نصيحة وانت داخل على اي وحدة مرور ... لو ناوى ترخص عربيتك سواء جديدة او تجديد ترخيص إقرأ البوست ده عشان ماينضحكش عليك عينى عينك من شركات خاصة داخل وحدات المرور
لو عندك فحص:
▪ بعد ما حاتخلص البصمة وتروح تخلص موضوع طفاية الحريق ... ( إللى لازم حايحاول يبيعلك العبوة الكبيرة ال ٢ كيلو لانها أغلى من العبوة الواحد كيلو ... لازم تصر على الكيلو لو عربيتك لغاية ١٥٩٥ سى سى ) وديي أول عملية نصب ... ولو أصر روح للظابط اللى بيمضى الورق وقوله ... حايمضيلك بالأحمر خلف إيصال الطفايه وحتاخد طفايه كيلو غصب عنه .
▪بعد ما تشتري شنطة الاسعافات والمثلث حايبعتك للغرفة اللي جنبه وديي ثانى عملية نصب ... هنا حايقولك إنك لازم تشترى vest لونها اخضر فوسفورى و ٢ شريط عاكس ضوء ب ٧٠ جنيه أوعى تصدقه لأنها (إختيارى)
▪ بعد كده حاتلاقي شباب شيك واقفة قدامه ولابسين فيست شيك وحتلاقى واحد منهم ينادى عليك ويطلب منك الأوراق يبص فيها .... وهنا ثالث عملية نصب : حايقولك روح هنا حضرتك (للكشف على الموتور) وطبعا للأسف الناس بتصدق وياخد منك ١٥٠ جنيه ويديك ايصال ... وخلى بالك ارفض لان ده برضه (إختيارى)
وأول ماتخلص كشف الموتور حاتتعرض على طول لعملية النصب الرابعة وانت لسه سخن ... حايبعتك لزميله شاب شيك برضه واقف جنبه ويقولك حضرتك بعد كده تروح تعمل كشف الاطارات وده حايملالك الاطارات هواء لو محتاجة او حتى لو مش محتاجه ويطلب ٥٠ جنيه ويديك برضو إيصال ... أرفض لان ده برضو (إختياري).
▪ بعد كده يستلمك شاب شيك مختلف ويقولك دلوقت حضرتك اتفضل ده :
كتيب ارشادات وتعليمات وقوانين المرور الجديد لسنة 2020
ب ٢٠ جنيه وبرضه حايديك ايصال ، وديه عملية النصب الخامسة ، أرفض لأنه (إختيارى)
▪ بعد ماتخلص أوراقك وخلاص الموظف/الموظفة بيراجعوا الملف حايقولك روح بس الخزنة ادفع ١٥٠ جنيه للsticker (وده اصلا مجانا )... وهنا عملية النصب السادسة لانها بتبعتك تدفع ال ١٥٠ جنيه دول مقابل اشتراكك في خدمة خدمات الإنقاذ على الطريق عشان ينقل عربيتك بالونش لو احتاجت. أرفض لإن ده برضو (إختيارى)
ولو حاتجمع المبالغ دي كلها حتلاقيها تعدى ال ٥٠٠ جنيه من كل مواطن بيجدد رخصته وبدون وجه حق .
ده طبعا غير مبلغ تجديد الرخصة أصلاً ، والفكرة فى الاحترافية إللى الشباب دول بيتكلموا بيها مع الناس ... هو بيديك الاحساس أنه شغال فى المرور وأنه بيقولك الخطوة إللي بعد كده اللى لازم تعملها ، بينما هم فى الحقيقة تابعين لشركة خدمات خاصة متفقة مع المرور لعرض خدماتها داخل حدود منطقة المرور ... أنما للأسف هم مش بيقولوا أنها خدمات اختيارية ... طول ال ٥ ساعات اللى قضيتهم فى المرور أول امبارح كنت كل ما يبقى عندى فترة انتظار لأوراق كنت بافهم الناس اللى قاعدة منتظرة جنبى وللاسف كلهم اتضحك عليهم ... ناس كتير منهم قدروا يرجعوا الفيست وكتيب المرور بعد ما قلتلهم ... انما معرفوش يرجعوا الباقى للأسف .
بجد حزين لان كل الحاجات دي مكانتش موجودة في المرور لما جددت الرخصة من ٣ سنين ... وكنت فاكر انه حايتحسن مش حايزداد سوء .
اكيد غالبيتنا عنده عربيات ... بلغوا اصحابكم ومعارفكم واعملوا شير لو حبيتوا عشان مايتنصبش عليهم لما يجددوا رخصهم .