NileMotors Technology Shop نايل موتورز تكنولوجي شوب

17/09/2026

السلام عليكم
شكرا لكل اللي استفاد بعرض ال 99
ونبلغكم ان اخر يوم للعرض هو السبت 19/9
ومفيش اوردر هيتعمل بعد كده
فلو عايز منتج شرفنا
او لو تطلبه يكون قبل السبت الساعه ١٢
او تستلمه من المحل بعدين
تحول فلوسه كامله قبل السبت ١٢ بليل

تحياتي

12/09/2026

من اغرب الحاجات اللي قابلتنا في عرض ال 99
ان في ناس متخيله اننا بنبيع كومبريسور او جامب ستارتر او طقم ليد ب 99 جنيه
عرض ال 99 اتسمي بكده عشان كل الارقام بتنتهي ب 99 . واللي مسيف اسعارنا وعارفها قبل كده
عارف قد ايه العرض قوي ومنزلين في اسعارنا كتير
لدرجه ان في كابلات شحن موبايل ريماكس سريعه جدا منزلينها ل 99 جنيه. لكن ده مش مبرر انك تدخل تشتم وتقول علينا نصابين وحراميه

في فتره في بائع بيبيع ميكرويف علي منصه امازون
غلط وبدل ما يحط السعر 5000 جنيه نسي صفر وبقي ب 500 جنيه . كميه الناس اللي دخلت خدت الاوردر وخلصته وهي عارفه انه غلطه مش طبيعيه
البائع لما اتبعتله الاوردرات كنسلها واتحمل غرامه الالغاء. تعرفوا اللي اشتروا عملو ايه. دخلو شتموه واتهموه بالاحتيال ونزلو الرفيوهات بتاعته
مستوعبين ان في ناس ممكن تاكل اموال الناس بالباطل ؟

هو انا لما عملت عرض اجبرتك ؟ غشيتك ؟ انت دخلت سالت عن السعر وبعتلك الاسعار . عجبتك . نفذ معجبتكش براحتك يا افندم . ايه اللي يزعل مش فاهم

من اول امبارح لما بدانا العرض المحل مفضيش من الناس ما شاء الله . كميه الرسايل مهوله وكميه الاوردرات اللي اتعملت بتدل علي ناس عارفه ان العرض حقيقي . ليه تشتم وتقل ادبك علي بائع بينفذ اوامر

مره اخيره شكرا لثقتكم
واللي بيشتم مش هنرد باسلوبه (كل إناء ينضح بما فيه) واديتهم تعليمات اللي يشتم رسالته تروح الاسبام لان ده مش عميلنا ابدا

كريم منير

11/09/2026

تم حذف بوست طلب فيديو من التحويل
لكن رجاء ارسال صوره من التحويل من داخل البرنامج نفسه
ولن يتم شحن الاوردر
الا بعد التاكد من اداره الحسابات من وصول التحويل
التحويل من داخل الحساب مرفق به
تاريخ وساعه التحويل
وريفرانس التحويل مثل الصوره المرفقة
شكرا لتفهمكم

10/09/2026

وصلت المكنسه المحموله
المكنسه واخدها ستوك برضه
مش تصنيع خاص بينا
وسعرها كويس جدا
وكمان هوفرلك عليها ضمان 6 شهور
وفيها ميزه هايله
من ناحيه مكتسه
ومن الناحيه التانيه بلاور نفخ
ينفخ التراب من المزانق
المكنسه مش قويه واو . قوتها متوسظه
بالنسبه لسعرها هي صفقه حلوه

لو مهتم سيب كومنت وهنرد عليك بالتفاصيل

الناس اللي بتعمل اسبريسو وبتطحن بن
خدلك واحده اشفط بيها بواقي البن
هتنفعك قوي

واللي متجوز
خدلك واحده للمدام تلم بيها التراب الرفيع من المطبخ

المكنسه بتمن ساندوتش كومبو من ماك
سعر مش هيتكرر تاني
لانها ستوك . بنص تمنها بجد

10/09/2026

ازاي تعمل اوردر في العرض بسرعه
من غير ما تستني كتير
سعر الشحن
قاهره كبرى
مدن قناه
دلتا
اسكندريه
١٢٠ جنيه (لغايه ١.٥ كجم)
اي مكان تاني . اسال البائع

تحياتي

09/09/2026

عرض ال 99
عندي حاويه كبيره جايه باذن الله
عليها جمارك كتير
فبدل ما افك مبلغ متجهز يتحول لموردين للاوردرات الجديده
قولت اعملكم عرض قوي جدا
منتجات (تصفيه) والله اقل من سعر التكلفه
ومنتجات بسعر التكلفه عشان اسيل فلوس
العرض لمده اسبوع فقط او كميه محدده
ليه اسمه 99 . كل الاسعار تنتهي ب 99
وفعلا اللي عنده الاسعار في الشات هيشوف فرق السعر
العروض علي :
الجامب ستارت وكومبريسور
الكومبريسور الجديد اللي يساوي ١ بيستون
الكومبريسور القوي اللي يساوي 2 بيستم
الكومبريسور ال ٢ بيستون ايرمان الماني تقفيل صيني (مناسب جدا للعربيات التقيله وال suv والنص نقل والجيب ولكل الناس اللي بتحب ال old school )
لانه قوي وشديد وبتاع العمر الطويل
كل الكابلات بتاعت الموبايل
كل شواحن الموبايل للعربيه
كل العدسات بريزم وليزر
الميني ايجل led bar ابيض وابيض واصفر
الداش كاميرا النوعين السنجل والتريبل

وكمان ١٠٪؜ علي اي فاتوره لمبات ليد
واكيد مينفعش تجمع عرضين مع بعض
متاخدش خصم وبعدها تقولي خصم فاتورة
ملحوظة
ده اقوي واكبر عرض اتعمل في تاريخ تكنولوجي شوب
ومش هيتكرر

لو مهتم بمنتج
سيب كومنت وهنرد عليك بالتفاصيل

لو مهتم بالعرض كله
اكتب في الكومنت
مهتم بالعرض كله

01000002924
01158561212

09/09/2026

عربيتك اورجينال ليد
نور ضعيف جدا. بتطلع عالطريق مش شايف
في ناس بتنصحك تعدل الفوانيس
ده ينفع لو الفوانيس عدسات ليد
لكن لو تشيبات ليد مطبوخه علي عواكس
ملهاش تعديل
وعشان تعدل العدسات. هتفتح الفوانيس
تقطع الفوانيس من جوه. تثبت العدسات الجديده
تقفل الفوانيس
تطلع من الضمان فورا. احمال زياده علي الضفيره لان كنترول العربيه مصمم يدي الوات بالمللي . ويحطو كانباص يخرس الكنترول بس تفضل المشكله موجوده
تيجي تبيع العربيه محدش يشتريها
طقم الفوانيس الجديد تمنه من ١٥٠ ل ٢٠٠ الف جنيه
اسال في التوكيل واعرف
بعد من ٣ ل ٥ سنين هتعيد المأساة دي تاني
لو فرضا متحرقش بعد سنه ولا اتنين

وليه كل ده لما تكنولوجي شوب وفرتلك اضاءه
تتثبت في الشبكه. حجم صغير. يتوصل علي بطاريه عربيتك بضفيره خارجيه . معاك ريموت يشغل ويطفي
ولو حد جاي في وشك رافع العالي
تقدر تشغل الفلاش. يقلب نور في عينه زي البرق يجبره يطفي نوره.
ومتخرجش عربيتك من الضمان
ولما تيجي تبيع عربيتك. انقله العربيه الجديده
وعمره طويل لان التبريد مراوح وجسم المونيوم عالي التبريد. وضد الميه والتراب متقلقش من الغسيل
وفي عدسات واطي وعالي وكمان بريزوم ليزر مداه الف متر. ومتوفر عدد محدود العالي بتاعه اصفر مش ابيض للناس اللي بتمشي في شبوره كتير . بس العالي الاسفر مش بريزوم ليزر

الموجود عندنا لومين عالي جدا جدا من واط قليل
ممكن تلاقي في السوق شبهه عادي
بس مستحيل يكون نفس الاضاءه
متستخسرش في عربيتك وامانك
اقل فرده كاوتش بتمن طقم النور مش هقولك فرده جنط ولا كارتيره زيت ولا اي حاجه في عربيتك لو خدت خبطه من تحت هتزعلك قوي غير ركنتها
شوف النور
هحطلك شكل التيتان ليد في اول كومنت

غير مناسب للعربيات اللي لمباتها قابله للفك
لان ارخصلك تاخد طقم ليد عادي
لان التيتان منتج غالي وموجه لفئه معينه

لو مهتم سيب كومنت ونرد عليك بالتفاصيل

01000002924
01158561212
رسايل صفحه بس
معندناش واتساب

06/09/2026

تعديل
تم حذف الفيديو بناء علي طلب اصحاب المحل
لانتهاء الموضوع بالصلح

الفيديو مش من عندنا
الفيديو من محل ملابس منعرفوش
العميله زورت صوره تحويل انستا في دقيقه واحده
خلته من جنيه ونص ل 1050
انا نزلت الفيديو
عشان تعمل شير ومنشن لكل صاحب بيزنس تعرفه
يكون بيستعمل انستا باي في شغله
انه ضروري يتاكد من وصول المبلغ. مش مجرد يشوف صوره التحويل . لان تعديل الصوره ب chat GPT خد اقل من دقيقه زي مانتو شايفين

04/09/2026

03/09/2026

وأنا بتمشى في مدينة شنزن، مدينة التكنولوجيا، دخلت مكتب تابع لمصنع عنده شوية منتجات، لقيت بينهم منتج إحنا معندناش منه.

سألت عن سعره، فاستغربت جدًا من السعر! مسكته وجربته وفتحته، ولما شفت الخامات والجودة قولت لصاحب المصنع: إزاي السعر ده؟ 😄

قالي إن المنتج معمول أساسًا لشركة بتبيعه في دولة أوروبية، وبتنزله هدية مع عربياتها. المصنع كان عامل كمية كبيرة، وزوّد عليها شوية كـ overproduction احتياطي، والكمية الزيادة دي موجودة عنده ستوك.

قالي: لو عايزهم زي ما هما خد الـ900 قطعة دول بالسعر ده، لكن لو عايزهم باسمك واللوجو بتاعك السعر هيزيد 40%.

حسبتها في دماغي… مجرد طباعة اسمي على المنتج والكرتونة هتزود السعر 40%، وكمان هتبطّأ عملية البيع. طب ليه؟ 😄

قلت له: هاتهم زي ما هما… ويلا بينا!

المنتج: كومبريسور نفخ عجل ديجيتال صغير وشيك جدا 🚗💨

رغم حجمه الصغير، جواه بطارية كويسة، وفيه خاصية الفصل التلقائي عند الوصول للضغط المطلوب.

وكمان فيه:
🔹 كشاف LED صغير للطوارئ أو الاستخدام بالليل
🔹 مخرج USB يعمل كباور بنك، تقدر تستخدمه لشحن الموبايل وقت الطوارئ
🔹 كابل يتوصل بولاعة العربية 🔌
يعني لو بطارية الكومبريسور خلصت، مش هتتعطل ولا تستنى تشحنه… وصّله بالعربية وانفخ العجلة وكمل طريقك.

والأهم إن سعره حقيقي ملوش منافس في الفئة دي.

أنا مجربه بنفسي بقاله حوالي 4 شهور، وبنستخدمه كتير في المحل، والكمية وصلت من يومين.

وهديك عليه ضمان 6 شهور.

بصراحة شايف إن وجوده في العربية مهم جدًا… عربيتك، عربية مراتك، بنتك أو والدك. وكمان ينفع هدية جدًا، خصوصًا إن سعره ممتاز مقابل الجودة والإمكانيات.

✅ مناسب جدًا لعجل من 13 لـ16 بوصة
✅ ممكن يشتغل مع 17 بوصة، لكن هيحتاج وقت أطول
❌ أكتر من 17 بوصة أنصح بالكومبريسور الأقوى بتاع تكنولوجي شوب

لو مهتم تعرف السعر والتفاصيل، سيب كومنت وهنرد عليك.

وهحطلك فيديو ليه في الكومنتات 👇