02/08/2023
هل استخدام الصابون سواءا صابون الإيد أو الصابون السائل أو الشامبو بدون ماء هيديك رغاوي (فوم)؟؟...
بيقولك أحلى حاجة لتنظيف موتور السيارة الفوم اسبري عشان مفهوش مياه ممكن تأثر على الكهرباء والحساسات...وتلاقي منتجات صينيه بالهبل وأسعارها تعتبر مش رخيصة..
أحب أقول لحضرتك أن العبوة دي بتحتوي أصلا تلت هواء مضغوط(بيوتان) وتلت ميه وتلت المادة الفعالة ال surfactant و-الدجريزر - يعني بتبقى مخففة بالماء وجاهزة للاستخدام.
وبدون المياه مش هتطلعلك فوم أصلا..ويدوب تكفي عربيه أو اتنين بالكتير..
يعني لو استخدمت أي منتج موتور وخفيته بالميه وحطيته في مسدس الفوم ..هيديك نفس النتيجة بس اوفرلك بكتير في السعر.. وهيغسلك كذا عربية على حسب نسب تخفيف المنتج لكل شركة..