24/05/2026
تعالي اكلمك عن كارثه هتشوفها الفتره الجايه
اننا نخسر الفنيين اللي باقيين لصالح الذكاء الاصطناعي
بص علي الصور كده، زي مانت شايف الفني قال للعميل ان المشكله ان دا كنترول جولف ٧ مش سيات ليون وعشان كده مثبت السرعه مش شغال
لما انا شوفت البوست وقولت اساعد ، وبدأت اشوف ، لقيت ان سيستم الشركه بيقولي ان دا كنترول سيات ليون طبيعي جدا 😅 والادهي كمان انه مش بتاع جولف ٧ خالص ولا عمره ركب فيها
طب جت منين جولف ٧ دي والتشخيص دا
والحقيقه لثواني قررت اعمل سيرش علي جوجل ، عشان يطلع الفني جاب للعميل رد من جوجل زي ما واضح في الصوره 😅😅
فاطبعا التشخيص كله راح في حته تانيه والعميل هيقعد يلف حوالين نفسه وطبعا ال Ai مبيقولش معرفش ابدا
وطبعا لسه صاحب العربيه هيسمع فتي كومنتات قد كده
انت في حاجات كتير ممكن تمشي معاك غلط لما بتختار الطريق الغلط من البدايه
وعشان كده دايما بقولك ان
"صحيح كل السمك في البحر بيعوم ، لكن كل سمكه علي الميزان ليها سعر"
