26/02/2023
اذرع التحكم (المقصات):
______________________
اولا: مكوناته: بيتكون من (جلب) ودي بتكون مكونه من اطار كاوتش داخله (جلبه) صغيره حديد اللي بيمر من خلالها المسمار اللي بيثبت المقص بجسم السياره (الشاسيه) وذراع توصيل (بيض المقصات) بيتوصل فى محور العجله (الشمعدان) وفي بعض الموديلات بيكون في ذراع توصيل متصل من (المقص) للميزان بالبلدي (دراع الميزان)
ثانيا: وظيفته: هو جزء مهم جدا فى نظام تعليق السياره ووظيفته انه بيمنع تحرك العجله للامام وللخلف وبيكون مثبت احد اطرافه فى جسم السياره (الشاسيه) عن طريق مسمار بيمر من داخل (الجلبه) وطبعا وظيفة (الجلب) اللي بتكون راكبه فى (المقص) انها تمتص صدمات رد فعل السياره فى المطبات فيصبح في مرونه وفي نفس الوقت احكام فبالتالي حركة شغله بتكون لاسفل ولاعلى مع المطبات ، بالنسبه (لبيض المقصات) فهو الطرف الثاني المثبت فى محور العجله (الشمعدان) وحركة (بيض المقصات) بتكون فى جميع الاتجاهات بحيث توجد المرونه الكافيه
ثالثا: اعراض تقدر تقدر تعرف من خلالها ان فى تلف في (المقصات):
١- لو فى مثلا تلف في (الجلب) ، ده هيسبب عومان و حدفه لان زي ما وضحت في النقطه اللي فاتت ان (المقص) بيكون مثبت بجسم السياره (الشاسيه) عن طريق مسمار بيمر داخل (الجلبه) الحديد الصغيره اللي بتكون داخل (الجلبه) الكاوتش الكبيره فلما بيتم تأكل (الجلبه) الكاوتش بتقل درجه حكم الحركه فبيحصل ان حركة العجله بتزيد للامام والخلف وده اللي بيأدي للعومان او الحدفه وفي بعض الاحيان بيسبب صوت (طقه) مع طالعة السياره وده صوت ممكن يخدعك لان المعظم بيفتكر انه دايما بيحصل من قواعد المحرك بس ، ومثلا لو في تلف في (بيضة المقص) ده هيسببلك صوت (رجرجه) فى المطبات وده بينتج عن طريق تأكل بيحصل داخل (بيضة المقص) بيبدأ ان الذراع يتحرك للداخل وللخارج والتأكل ده بردو بيسب خفيه فى حركه الذراع وده يخلي الدريكسيون يكون خفيف اوي او يخف ويتقل
