08/06/2026
بيان واعتذار من القلب.. لكل عملاء مركز فابريكا العزاز"
بقالنا ١١ سنة شغالين مع بعض،
عشنا فيها أيام بحلوها ومرها
، وبفضل الله ربنا جعلنا سبب في خدمة الآلاف منكم.
طول السنين دي، كان هدفنا الأول والأخير والوحيد هو (الاسم والسمعة)، وأننا نشتغل بالحلال فقط وبما يرضي الله
، والعميل يخرج من عندنا راضي ومطمن.
لكن الأصول علماتنا إن "اللي يغلط لازم يتحمل غلطه ويتأسف".
في الفترة الأخيرة، حصلت شوية تجاوزات وتقصير في حق بعض العملاء..
تقصير لا يشبه أصولنا، ولا يشبه الطريق اللي عاهدنا ربنا عليها من أول يوم فتحنا فيه المكان ده.
وبصفتي صاحب المكان والمسؤول الأول والأخير قدام ربنا وقدامكم،
أنا باعتذر اعتذار رسمي وعلني لأي عميل زعل مننا أو حس بلحظة استهتار في خدمته.
حقكم فوق راسي.
المركز ده متبناش بالساهل، اتبنى بالتعب والمجهود والالتزام بالكلمة.. والتضحية المادية و الجسدية وكامل طاقتى حرفيا
وعشان كده، أنا مبقبلش بنص نظام، ولا بقبل إن اسم (فابريكا) اللي عشنا بنكبر فيه يتهز بسبب لحظة استهتار أو غياب مسؤولية.
المكان اللي ميريحش عملاءه وميشيلش صاحبه ويرفع راسه في غيابه قبل وجوده يبقى ماشى غلط .
ديه ثقافتى وسياستي بالعمل
وانا مبعرفش اشتغل غلط
فوجب عمل نقطة نظام والاعتذار
السمعة أغلى عندي من أي مكسب مادي.
بشكر كل عميل وثق فينا
، وبكرر اعتذاري لأي شخص قصرنا في حقه.. وربنا يعلم إننا طول الـ ١١ سنة ما قصرناش مع حد،
ولا بخلنا بنصيحة أو مجهود او بدعم
نراكم على خير.. وللحديث بقية.
