27/07/2026
٧ أنواع من السائقين هتقابلهم على الطريق وركز معايا 😂 عفاريت الاسفلت 😂😂💔
بسم الله:
لو بتسوق عليه كل يوم أكيد حفظت الأبطال دول:
١. ملك الميكروباص
أسرع كائن على وجه الدائري. بيظهر من العدم، بيكسر عليك عشان يحمل، وبيختفي في الزحمة. فاكر الطريق ده GTA والمهمة بتاعته يلم الزباين قبل ما الإشارة تفتح. الحل: سيبله مسافة، ما تحاولش تعانده.
٢. عازف الكلاكس
الكلاكس عنده مش أداة تنبيه، دي لغة كاملة. كلاكس صغير يعني "صباح الخير"، كلاكس طويل يعني "انت فين"، وكلاكسين ورا بعض يعني "هعدي". هتسمعه أكتر ما هتسمع الراديو.
٣. مخترع الحارة الخامسة
الطريق ٣ حارات؟ هو شايفهم ٥. الخطوط البيضا دي بالنسبة له مجرد زينة. دايماً بيلاقي خرم إبرة بين عربيتين ويصنع لنفسه حارة جديدة ويدخل فيها وش.
٤. المشاة الفدائيين
ده البطل الحقيقي. اللي بيعدي الدائري وهو ٨ حارات والعربيات طايرة ١٢٠. بيرفع إيده ويقول "السلام عليكم" ويعدي كأن العربيات هتقف احتراماً. قلبك بيقف وانت بتتفرج عليه.
٥. كابتن أوبر التايه
ماشي ٤٠ في الحارة الشمال وفاتح الـ GPS وماسك الموبايل وبيبص يمين وشمال. هو مش تايه من الطريق، هو تايه من الـ Location اللي العميل باعتهوله على الواتساب.
٦. الأجنبي المصدوم
ده بتعرفه من أول نظرة. ماسك الدركسيون باديه الاتنين، عينه مبرقة، ومش فاهم هو ليه مفيش إشارات ومحدش ملتزم بحارة. بيبقى سايق وهو بيقول "يا ماما".
٧. السائق الشبح
المحترف اللي بيعمل كل الغرز الخطيرة بس بهدوء ونضافة. لا بيكلكس ولا بيدي نور، يعدي جنبك هوا وانت تحترمه غصب عنك.
عشان تنجو؟ قاعدتين بس:
خليك هادي، وتوقع أي حاجة في أي لحظة. والكلاكس بتاعك استخدمه للتواصل، مش للخناق.
انت بقى أنهي واحد فيهم بيستفزك أكتر ع الطريق 😂😂؟
