وش سلندر - Wesh Cylinder

وش سلندر - Wesh Cylinder تعرف أيه عن السيارات ؟ متعرفش حاجة .. إحنا هنعرفك ونفهمك كل حاجة عن السيارات يبقى خليك معانا
(4)

تـعرف أية عـن العـربيات ؟
لو متعرفش خليك معانا هتستفاد كتير و لو تعرف برضه خليك معانا عشان نستفاد من خبرات بعض

تخيل لما تحل موتور يجيلك في فرع اسكندريه و تحله و تتفاجئ بالمناظر ديزيت مجلمط و تأكل في كل حاجه في الموتور و صدأ و سيلكو...
29/06/2026

تخيل لما تحل موتور يجيلك في فرع اسكندريه و تحله و تتفاجئ بالمناظر دي
زيت مجلمط و تأكل في كل حاجه في الموتور و صدأ و سيلكون سادد مصفي الزيت بالكامل
حافظ على صيانه موتور عربيتك عشان متوصلش للمنظر ده و تاكل كيلو و نص زيت في المشوار الواحد 😐😞😞
استنوا بوست تفصيلي عن العربيه دي قريب

ايه هو حساس ال Maf او ال Maf Sensor ده قاعد كده جايب عدسه مكبره و نضاره مراقبهبيحسب كميه الهوا اللي داخله للموتور اول لم...
25/06/2026

ايه هو حساس ال Maf او ال Maf Sensor

ده قاعد كده جايب عدسه مكبره و نضاره مراقبه
بيحسب كميه الهوا اللي داخله للموتور اول لما الهوا يدخل الحساس ده يبعت اشاره للكمبيوتر بتاع العربيه يقوله الموتور دخله ٢ كيلو هوا دلوقتي دخلي قصادهم كميه البنزين المناسبه عشان الحرق يتم بشكل سليم

كلمه Maf دي اختصار لأيه؟ 🚫
اختصار ل Mass Air Flow Sensor ✅️

مكانه بيكون راكب علي الانتيك علطول علي عمه الهوا و قبل البوابه عشان يضمن حسبته للهواء بعد ما يكون اتفلتر و بقي نقي ⚠️

لما بيبوظ ❌️ ايه اشهر اعراضه⁉️
1️⃣ زياده استهلاك بنزين
2️⃣ برجله و تفتفه في الموتور خصوصا ع السلانسيه و تلاقي ال rpm بيعلي و ينزل و ممكن تبطل منك عادي
3️⃣ لمبه الاتشيك هتنور و غالبا بتظهر اكواد بتبدأ ب P0100 او P0104

بس كده خلصنا كل يوم معلومه جديده مبسطه مركز وش سلندر بيقدمها ليكم عشان تعرف عربيتك بشكل مبسط اكتر 🥰🥰
أعمل لايك ✅️ و شير و كومنت خلي غيرك يستفيد و تفاعل معانا لأننا بنتعب قصاد المعلومات دي ❤️

تعالي هقولك اشهر خرافه الصنايعية عودتك عليها و بقيت بترددها منغير ما تعرف هي صح ولا غلط1️⃣ زيت الفتيس مش بيتغير ده بيتزو...
24/06/2026

تعالي هقولك اشهر خرافه الصنايعية عودتك عليها و بقيت بترددها منغير ما تعرف هي صح ولا غلط

1️⃣ زيت الفتيس مش بيتغير ده بيتزود بس و لو غيرته الفتيس هيبوظ
اللي قال الكلام ده اي حد بيفهم نفسه يمسكه يقتله في ميدان عام عشان جمله زيت الفتيس مش بيتغير دي هي كانت السبب ان الفتايس تبوظ اصلا طب ليه ‼️
عشان الزيت ده عبارة عن مركبات كيمائيه و معروف ان اي مركب كيميائي بيتأثر بالحراره و العمر و الضغط و كل شئ زيت الفتيس مع الوقت لازم يفقد خواصه
طب هو امتي فعلا بيكون تغييره خطر ؟
لو سيادتك ماشي ع الفتيس فوق ال ١٥٠ الف كيلو و عمرك ما غيرت زيت الفتيس ساعتها هقولك اه تغييره بيبقي في نسبه مخاطرة بس ليه ؟
لان الزيت ده مش بيكون عايش في قلب الفتيس ؟ 🤔
هقولك اه و مش وظيفته انه يزيت الأجزاء المعدن اللي جوه الفتيس ؟ 🫠
برضه هقولك اه
يعني هو بيزيت عشان يقلل درجه الحراره جوه الفتيس و عشان و يقلل الاحتكاك صح ؟ اه بظبط طيب دلوقتي انت ماشي بتاع ١٥٠ الف كيلو ع نفس زيت الفتيس يعني الاحتكاك من جوه بقي بيعمل رايش جوه الفتيس
يجي ربنا ينور بصيرتك بعد ما تكون هبدت ١٥٠ الف كيلو بالعربيه و اكتر تغير زيت الفتيس تلاقي الفتيس بينتش معاك بيهبد معاك الأداء مبقاش زي الاول
تروح انت تعيط و تقول ياريتني ما غيرت زيت الفتيس و من هنا خرافه و بدعه زيت الفتيس انه مش بيتغير انتشرت و ظهرت☠️☠️💀
خلاص كده اتفقنا ان زيت الفتيس بيتغير تمام ؟ تمام ✅️

طب بيتغير كل اد ايه ؟
من ٦٠ الف ل ١٢٠ الف حسب الشركة المصنه و كتالوج عربيتك بيقول ايه 🚫
و طبعا كل عربيه و كل فتيس له نوع الزيت و المواصفه بتاعته مش اي حاجه بتتحط علي اي فتيس ⚠️

اخر نقطه ان حد يجي يقولك ياعم انت بتفتي ده في شركات كاتبه في كتالوج العربيه ان زيت الفتيس عباره عن Life time او Filled for life يعني ممتد لمدي الحياه 🔝🔄
هقولك الكلام ده تسويقي بحث لعده اسباب و ياريت تفهم ⚠️
1️⃣ وجهه نظر مصنعين العربيات اللي بتقول كده ان العمر الافتراضي في العرف الهندسي و التجاري بتكون من ٧ ل ١٠ سنين او مسافه من ١٥٠ الف ل ٢٠٠ الف كيلو و ان الفتيس يبوظ او الموتور بعد العمر ده و الكيلوات دي فا عادي بالنسبة ليهم و وجهه نظرهم

2️⃣ تقليل تكلفه الصيانه الافتراضيه الشركات بتتنافس في تقديم عربيات بتكلفة صيانة منخفضة جداً خلال فترة الضمان (أول 3-5 سنوات)، عشان تجذب الشركات اللي بتشتري أساطيل عربيات أو الأفراد
3️⃣ كلمه مدي الحياه كلمه مطاطه و كلمه صديقه للبيئه تسويقيا عشان قوانين البيئه في أوروبا صارمه جدا و منهم قوانين التخلص من الزيوت المستعملة فا لما الشركه تقول الزيت ده مبيتغيرش ده بيديها نقاط بيئيه أفضل

ب اختصار متخليش حد يضحك عليك الشركه المصنعه هي اول حد عاوز يكسب من وراك فا هيفرح لما الفتيس بتاعك يبوظ عادي و تروح التوكيل تشتري غيره برقم خزعبلي
لو زيت الفتيس مش بيتغير مكنش اي عربيه في الدنيا يكون ليها زيت الفتيس بتاعها
اهتم بزيت الفتيس زي ما بتهتم بزيت الموتور ✅️
⚠️⚠️⚠️⬇️⬇️
أعمل لايك و شير كتير عشان ننهي علي خرافه عدم تغيير زيت الفتيس دي و استنوا مننا تدمير خرافات تانيه كتير ياما الناس اللي عامله فنيين و مهندسين بالاسم افتوا فيها ⛔️
⬆️⬆️⬆️
نستحق التفاعل منكم لأننا علي قديمه و أقدم صفحه و مركز صيانه من اكتر من ١٠ سنين بيقدم معلومات هندسيه حقيقيه ببلاش لأجل أفاده الناس 🥰🥰🥰

لو الحظ صادف معاك و إشتغلت في عربيه بورش جيالك فيها مشكله و قاطعه مارش متقولش ايه يعني شغله ساعه زمان و العربيه تكون داي...
23/06/2026

لو الحظ صادف معاك و إشتغلت في عربيه بورش جيالك فيها مشكله و قاطعه مارش متقولش ايه يعني شغله ساعه زمان و العربيه تكون دايره و ماشيه 😂😂😂
عشان هتضطر تفور فتيس او تنزل بموتور و فتيس و تطلع الفتيس بره و بعدين المارش 😒😮😮😮
ايه ؟ زي ما بقولك كده
بعض موديلات بورش و اودي و بنتلي
المارش بتاعهم جوه حله الفتيس زي مانت شايف كده
المارش جوه حله الفتيس او في ال Bell housing
طب ليه يعني انت كمهندس عاوز تفشخ الفني معاك 🤷🤦🙆
قالك و الله مش مشكلتي انا بعمل كده عشان ليا أسبابي 😒
طب ايه اسبابك يا شركه ؟
قالتلك اول حاجه احنا بنعمل سوبر كارز و الحوض بتاعنا من أضيق الاحواض اجيب منين مكان للمارش 🫣 ياعم بس هي دي مشكلتك نرميه هنا ولا هناك قالك لا

سبب رقم 2️⃣ توزيع الوزن
المهندسين بيحاولوا يخلوا اي قطع تقيله زي المارش في أقرب نقطه لمركز العربيه و لتحت و انه يحطه جوه حله الفتيس ده في نظرهم بيساعد علي توزيع الوزن بشكل مثالي ✅️

سبب رقم 3️⃣ عشان انت راجل دافع ملايين في العربيه مينفعش تيجي تدور العربيه تسمع صوت مارش قوي احنا عاوزينك تسمع صوت الشكمان علطول

بس ان جيت للحق ال ٣ أسباب دول مش حوار نيجي للسبب الحقيقي هو سبب تجاري بحت
لأنك لما المارش ده يبوظ حضرتك طبعا مش هتاخدي لأي مركز او فني و كمان هتحاول تختار التوكيل
فا التوكيل بدل ما يحاسبك علي تغيير مارش بس
لا هيحاسبك علي فك موتور و فتيس و صيانه فتيس و المارش و بالمره و احنا بنفك لو لاقينا حاجه في السكه هنعملها و نزودها ع الفاتورة وطبعا المصاريف ترتفع و الشركه و التوكيل يكسبوا

أدينا عرفناك فين مكان المارش في بعض العربيات الرياضية عشان لما تجيلك عربيه رياضيه فيها مارش تعرف تتعامل فيها 😁😇

بقالنا كتير حارمينكم من المعلومات بس غصب عننابس رجعنا لبكم تاني و ان شاء الله كل يوم معلومات جديده من تاني بشكل مبسط و س...
23/06/2026

بقالنا كتير حارمينكم من المعلومات بس غصب عننا
بس رجعنا لبكم تاني و ان شاء الله كل يوم معلومات جديده من تاني بشكل مبسط و سريع و خفيف 🥰🥰🥰

اول حاجه حابب أتكلم عنها هو حساس الشكمان او O2 Sensor

وظيفته ايه الحساس ده و مكانه فين ؟ 🤷🤔

​الحساس ده مكانه بيكون راكب في الشكمان و وظيفته الأساسية هي قياس كمية الأكسجين المتبقية في غازات العادم وبناءً على القرايه دي بيبعت إشارة لكمبيوتر السيارة (ECU):

​إذا كان الأكسجين كتير معناه إن الخليط "فقير" (بنزين قليل وهواء كتير)، فالكمبيوتر يزود ضخ البنزين. ✅️

​إذا كان الأكسجين قليل: معناه إن الخليط "غني" (بنزين كتير وهواء قليل)، فالكمبيوتر يقلل ضخ البنزين ✅️

​الهدف من اللفة دي كلها هو الوصول لأعلى كفاءة للموتور وأقل استهلاك للبنزين

طيب الحساس ده لو باظ او في مشكله أعرف منين ⚠️
١ - هينور لك لمبه اتشيك علطول
٢ - هتلاقي العربيه مكتومه و مفيش سحب كويس
٣ - استهلاك بنزين زياده اوي
٤ - ممكن تلاقي دخنه سوده بتخرج من الشكمان دليل علي ان في بنزين ني متحرقش
٥ - العربيه مش هتبقي مظبوطه ع السلانسيه

⛔️⛔️✅️

دلوقتي معظم العربيات الجديده إذا مكنش كلها بيكون فيها ٢ حساس شكمان
حساس رقم ١ و حساس رقم ٢
رقم واحد ده بيكون قبل علبه البيئه Upstream و ده وظيفته اللي احنا شرحناه ظبط كميه البنزين مع الهوا
حساس رقم ٢ Downstream
بعد علبة البيئة ووظيفته قياس كفاءة علبة البيئة نفسها وتنقية العادم
طيب الحساس ده بيتنضف؟ 🔺️
اه بس له طرق معينه
يعني ولا تروح تصنفره ولا تحطه في بنزين ولا تجيب سبراي Wd-40 و تنضف بيه لانه بيعمل طبقه زيت و مع السخونيه بتبقي صلبه جدا و بتبوظ الحساس اصلا مش بتنضفه
طيب يتنضف ازاي؟
هي فرشه سنان ناعمه جدا و هات علبه منظف جاف و نضف بيه مش اكتر

و بس كده احنا خلصنا 🆗️

يالا أعمل لايك و كومنت و قولنا حابب نكتب بكره عن انهي حساس عاوز تعرف معلومات عنه
🔥🔥🥰

العربيه عطلت وبقت بتعمل حاجه غريبه جدا تديها الD مبتتحركش من مكانها لازم تزودلها بنزين لحد ار بى ام 2.5 وتقوم رازعه وتتح...
14/04/2026

العربيه عطلت وبقت بتعمل حاجه غريبه جدا
تديها الD مبتتحركش من مكانها لازم تزودلها بنزين لحد ار بى ام 2.5 وتقوم رازعه وتتحرك بعد كده

راحت لأحد المراكز اللى برا المتخصصين ف البروتون
اول ما ركبها قال للعميل الفتيس كده اتحرق ومحتاجين مغير فتيس حتى ما تعبش نفسه وقاس الزيت
وأقسم بربى هذا حصل ودمى اتحرق جدا من الموضوع دا خصوصا أن احنا ف ايام صعبه مش مستحمله 😞

المهم العميل شرفنا وقيسنا الزيت لاقيناه ناقص جدا ومحروق وطلبت من العميل يحكيلى القصه بدأت ازاى ف العربيه وايه اللى تم

المهم بعدها طلبت منه وقت وانى افك الفتيس اكشف عليه
وقد كان نزلنا الفتيس وفكيناه حته حته ولاقينا التالى
4 ورقات من بند الطلعه محروقين
الزيت ناقص جدا يكاد يكون الفتيس فيه 1.5 لتر من اصل 5 غير القربه والتخزيين
فلتر الفتيس كان خلاص ع وشك يتسد من الرايش
االڤالف بودى كان فيه رواسب وبساتم محتاجه تتنضف

المهم بعد ما خدنا موفقة العميل ع الإصلاح بعد عرض الأمر عليه وهو اللى قرر الإصلاح بنفسه

جبنا الورق اللى محروق وفلتر زيت جديد
و الفتيس اغتسل كويس بالمسار واتقفل وعلبة البلوف اتنضفت واتقفل ف العربيه واتعمل دورة زيت جديده كامله

وبعد التقفيل جربنا العربيه مع العميل بسم الله ما شاء الله ع الأداء ولا روعه ولاهبدا والتنقلات ناعمه
وكان فى كام ملحوظه عندنا ف الميكانيكا والعفشه شوفناهم وبلغنا بيهم العميل
هو استلم قبل العيد وانا مردتش انزل البوست دا غير بعدما نطمن ع العربيه ويجربها
وشرفنا بعد العيد مبسوط من أداء الفتيس وطالب نكمل باقية الملاحيظ اللى شوفناها

طالما وصلت لحد هنا متنساش تدعى لابويا بالرحمه وتقرا له الفاتحه
للحجز و الاستعلام
01028938208

مش شرط يامعلمين ان العربيه تموت تحت رجلينا وتزحف عشان نفتكر أن ف صيانه لازم تتعمل 😔أنا عارف ان الحاجه غاليه والله بس ترك...
13/04/2026

مش شرط يامعلمين ان العربيه تموت تحت رجلينا وتزحف عشان نفتكر أن ف صيانه لازم تتعمل 😔

أنا عارف ان الحاجه غاليه والله
بس ترك الأمر كده وعدم الالتزام بالصيانه هيزود المشكله
وبدل ما كنا هندفع 1000 جنيه هيبقوا 20000 جنيه 😔😔

عربية انهارده النترا MD دخلت المركز ف قليوب بشكاوى اساسيه وطلب تقرير حاله للعفشه والميكانيكا
الشكاوى
كتمه ف السحب مع استهلاك بنزين زياده
صوت زنه موجود ف العربيه ف الطلعه
اصوات تخبيط ف العفشه

بعد الكشف اتضح الاتى
بالنسبه للكتمه البوجيهات والفلاتر منتهيه وغرف الصبابات كابينه ترسبات كربونيه ومحتاجة برنامج صيانه يظبط الكلام دا كله ☺️☺️

صوت الزنه طالع من الفتيس بسبب انسداد فلتر الفتيس وتفحم الزيت تقريبا 😭😭

اصوات تخبيط العفشه
2 ايش ميزان الله يرحمهم مع بارات داخلى وخارجى مبوشين 😬

خدنا موافقة العميل وابتدينا شغل
نزلنا الفتيس واتفك ورجعنا ع كل بنوده وكان ف ورقه معدن مكسوره اتغيرت مع تغير الفلتر والزيت بالكامل

عملنا برنامج صيانة السحب والاستهلاك بتاعنا اللى بيشملل تنضيف الغرف من الكربون والرشاشات وتغير الفلاتر والتوجيهات
وتنضيف المانفولد والبوابه وتكويدهما بالجهاز مع مراجعة حالة علبة البيئه بالجهاز المخصوص بتاعها
والكشف عليها بالكاميرا 🧐

بالنسبه للعفشه غيرنا كل القطع التالف بجديد

النتيجه
اللهم لك الحمد الفتيس رجع طبيعى ولا صوت ولاهبدات فى النقل
العربيه سحبها اتحسن جدا وصوت الموتور بقى هادى وناعم ومفيش اصوات ف العفشه
مدة الصيانة كان 3 ايام
واتشرفنا بعميل جديد عندنا انضم لأسرة وش سلندر

متنساش ياصديقى لو وصلت لهنا تدعى لابويا بالرحمه وتقرا له الفاتحه
للحجز و الاستعلام
01028938208

تم تأكيد الخبر البنزين زاد رسمياً 🤦‍♂️✅ بنزين 95 اصبح ب 24 ج بدلاً من 21 ✅ بنزين92 اصبح ب 22.25 بدلاً من 19.25 ✅ بنزين 8...
10/03/2026

تم تأكيد الخبر البنزين زاد رسمياً 🤦‍♂️
✅ بنزين 95 اصبح ب 24 ج بدلاً من 21
✅ بنزين92 اصبح ب 22.25 بدلاً من 19.25
✅ بنزين 80 اصبح ب 20.75 بدلاً من 17.75

شوفت ياصاحبى كمية الشقا والتعب والفرق دا وفى الأخر اخواتنا وحبايبنا ولا بيعملوا لايك ولا كومنت ولا شير حتى بس احنا بردوا...
01/02/2026

شوفت ياصاحبى كمية الشقا والتعب والفرق دا
وفى الأخر اخواتنا وحبايبنا ولا بيعملوا لايك ولا كومنت ولا شير حتى بس احنا بردوا صامدين 😂😂💪💪
عشان احنا مش مجرد بنشغل الشغلانه دى عشان فلوسها بس
لا احنا بنحبها ونعشقها وعندنا شغف بيها وشغف بالعلم
ممكن نقعد ٣ ايام متطبقين عشان نوصل لعيب خبيث فات ناس كتير قبلنا وبتبقى قمة الضغط والعصبيه
بس مجرد ما بيتحل بنحس بكمية رضا مش طبيعيه وبنشكر ونحمد ربنا أنه يسر لنا الطريق عشان نوصل المعلومه جديده ونبقى سبب ف حل مشكلة حد تعب بجد
فالله الحمد والشكر
ادعى لابويا بالرحمه وتقرا له الفاتحه احنا ف ايام مفترجه واعتبره ابوك ياجدع 😅

01/02/2026

عندنا ٢ اسبيشال تول اهم من بعض ف تقريط مسامير وش السلندر
لازم نستخدمهم
Torque wrench
ودا بتاع العزم بالقيمه يعنى ٢٠ نيوتن متر بيعمل صوت زى تكه لما بتوصل العزم المطلوبه

Torque angle
ودا بتاع الزوايا
مسسامير زى مسامير وش السلندر بيبقى ليها كذا مرحله ف الربط
مثلا ٢٠ نيوتن متر وزوايه ٩٠ درجه اهو دا بنركبه عشان ف مرحلة الزاويه نكون ربنا ع قداها بالظبط

الاثنين مهمين جدا ياجماعه ف التقريط عشان مفيش مسمار يتقطم أو يسحب أو بتسال سايب

والكلام دا المفروض يطبق ع كل مسمار ف العربيه مش الموتور بس
ودا فيديو لتقريط وش سلندر باستخدامهم الاثنين عندنا ف فرع قليوب
متنساش تدعى لابويا بالرحمه

Address

Alexandria

Opening Hours

Monday 12pm - 10pm
Tuesday 12pm - 10pm
Wednesday 12pm - 10pm
Thursday 12pm - 10pm
Friday 12pm - 12am
Saturday 12pm - 10pm

Telephone

+201028938208

Website

Alerts

Be the first to know and let us send you an email when وش سلندر - Wesh Cylinder posts news and promotions. Your email address will not be used for any other purpose, and you can unsubscribe at any time.

Shortcuts

Share

Category