مركز الفتح - لخدمات صيانة سيارات رينو

14/09/2024

كل سنة وحضراتكم بالف خير

01/01/2024

03/12/2023

⛔ اعطال خلي بالك منها
١_ صوت طقطقه في الملفات ( كوبلن )
٢_ صوت طقطقه وانت بتلف الدركسيون شمال ويمين وانت واقف ( علبة دركسيون او بارات علبة دركسيون )
٣_ تخبيط وشخلله في الارض المكسره ( جلب مقصات او بيض مقصات )
٤ _ رعشه في الدركسيون وهزة في الموتور وانت واقف علي السانسية او او مدي غيار ودايس فرامل قواعد موتور
٥_ العربية مكتومه والسحب ضعيف معاك ( تنضيف بوابه - فلتر بنزيز - فلتر هوا - قلب طلمبة بنزين ضعيف - بوجيهات )
٦ _ استهلاك البنزين عالي عن الطبيعي ( حساس شكمان - فرن الشكمان مشروخ - بوجيهات - رشاشات )
٧ _ هزة في العربية علي سرعه من ٣٠ ل ٩٠ مثلا ترصيص عجل امامي
٨ _ هزة او رعشه مع دوسة الفرامل طنابير
٩ _ العربية بتعوم معاك علي السرعات او في الملفات وانت علي سرعه ( شدادات خلفيه او مساعدين خلفي )
١٠_ لمبة ال D بتنور وتطفي معاك وانت ماشي ( سوتش نقلات او فيوز )
١١ _ رجه وغربله في العربية في الطالعه في المانوال ( طقم دبرياچ )
١٢ _ صوت تكتكه مستمر من ناحية الموتور كستبانات
١٣ _ العربية بتسقط غيار وال Rpm بيعلي في منازل الكباري او المنحدرات ( ده عادي سيفتي في الفتيس عشان تساعد من تقليل سرعة العربية مساعده مع الفرامل )
١٤ _ العربية بتسخن وترجع لدرجة الحرارة العاديه بسرعه ( تنضيف دورة التبريد او تاخد هوا لدورة الميه )
١٥ _ العربية بتحدف يمين او شمال ( ضبط زوايا او كاوتش )
١٦ _ العربية بتاكل زيت والزيت بينقص باستمرار ودخانه سوده من الشكمان ( طقم شنبر )
١٧ _ خبكه وانت بتدي غيار او بتنقل من p ل r او من n ل d ( قاعدة فتيس )
١٨ _ العربية بتبطل وانت ماشي ومش بتدور علي طول وبعد دقيقتين تدور عادي وتمشي شوية وتبطل ( قلب طلمبة بنزين ) لما بيسخن بتبطل ولما بتقف شوية يبرد بتدور تاني
١٩ _ لما بتلف الدكسيون في الملفات والدركسيون مبيردش لماكنه تاني ( صليبة دركسيون او علبة الدركسيون )
٢٠ _ صوت قطه وانتي بتهدي تاخد مطب او في الطلعه بتروح وتيجي بارات علبه دركسيون
٢١ _ صوت تزييق في المطبات او الطرق المكسره ( لف شكرتون علي مفصلات الشنطه وقفل الكنبه الخلفيه _ او علي الكاسيت )
٢٢ _ صوت تزييق في التاره وتحس بتقل في التاره ( بطاحات )
٢٣ _ لمبة البطارية نورت وانت ماشي والباور فصل والعربية سخنت ( سير مجموعه )
٢٤ _ العربية بطلت وانت ماشي ومش عايزة تدور اول حاجه تعملها تبص علي سير الكاتينه

28/06/2023

كل عام وانتم بخير عيد سعيد على الجميع ❤️

24/01/2023

عرض خاص جدا لاخر الاسبوع
زيت الترا ٥ لترب ١١٥٠
فلتر زيت كورى ووردة ب ١٢٥
وتربيط عفشة ومصنعيةمجاناااااااااااااا
زيت الترا ٤ لتر ب ١٠٥٠

20/01/2023

عرض خاص جدا لعملاء مركز الفتح
تغير زيت ماتور وتربيط عفشة وكشف جهاز ب ١٠٠ جنية فقط
وعمل صيانه ٦٠ الف كاملة ب ٣٠٠ جنية فقط
لفترة محدودة
م فتحى العتى
٠١٠٠٩٦٦٥٦٤٣

01/01/2023

كل عام وانتم بخير

11/12/2022

😊

Mobile app allows you to know where to find a spare part, suitable maintenance center for your car. Book easily through phone and get your service done.

07/09/2022

:(

شوية نصايح عشان تحافظ على عفشة عربيتك وتطول عمرها الافتراضي

- اغسل وشحم عفشة العربية والشاسية كل 10 الاف كيلو متر وخاصة في الشتاء

- قلل سرعتك في الدورانات عشان تحافظ على الكبالن

- اربط وافحص عفشة العربية كل 10 الاف كيلو

- وانت بتركن خلى كوتش عربيتك فى استقامة واحدة وتركن على ارض مستقيمة

- حافظ على كوتشات الكبالن واتاكد ان مفيش تسريب شحم

- ابعد عن الطرق اللى غيرممهدة عشان تحافظ على الكبالن

- افحص الزيت في علبة (الباور) والتأكد من سلامة الخراطيم و(الجوانات)

- كل فترة الاحسن تعمل تدوير عجل ( ×× )

- عشان تحافظ على الاسكاترة اللى هى ماسكة الدريسكيون وتفحصها بنفسك ..

1- تهز الدريسكيون و عينك على العجل لو من اى حركة بسيطة للدريسيكون العجل

بيتحرك معاها يبقى كدة الاسكاترة تمام يعنى لو مش بيحصل كدة يبقى فيها بووش

2- ممكن ميكنش فيها بوش بس العلبة نفسها من جوة بدأت تروسها تتاكل من جوة

ودى بتبقى اسمها حشوة علبة الدريسكيون ودى بتغيرها لما تسمع صوت خبط

مع اى ارض غير ممهدة وغربلة فى الطارة و هتحس بيها اكتر كمان بعد سرعة 80

3- لو الدريسكيون عندك تقيل يبقى الاسكاترة بتسرب زيت الباور

وفى الحالة دى لازم الاسكاترة تتفك وتحل الجوانات والاويل سيلات اللى فيها الداخلية

- ديما فى كل تربيطة كل عفشة ربط على البطاحات ولو سمعت صوت تزيق

يبقي البطاحات شققت ولو اى اهمال فيها ممكن تلاقى المساعد نط من مكانة

- لوبتسمع صوت طقطقة فى الملفات يبقى كبالن عمرها بينتهى

- لو بتلف الدريكسيون فى ملف ومش بيرجع لوضعة الطبيعى معاك بسهولة

يبقى كدة صليبة الدريكسيون عاوزة تتغير

خلى فية Sense بينك و بين عربيتك فى التعامل خليك رومانسى كدة فى الفرامل و فى الطلعة

الجروب الرسمي : https://www.facebook.com/groups/elmekaneki/

#الميكانيكي #كشف #سيارات #مصر

26/08/2022

:)

26/08/2022

:)

أسباب تلف إطارات السيارات
1-الحمولة الزائدة:
يُحذر خبراء السيارات من الضغط الزائد على الإطارات وأساسات السيارة.
2-زيادة ضغط الهواء:
ضغط الهواء الزائد بالإطار بحوالي 20% عن الكمية الطبيعية تشكل خطورة على سلامة الإطارات.
3-السرعات العالية:
القيادة السريعة تزيد من احتكاك سطح الإطار بالطرق، وبالتالي ترتفع درجة حرارة الإطارات وهو ما يسبب تآكل الإطارات.
4-الطرق الوعرة:
القيادة في الطرق غير الممهدة والمنعطفات من أهم الأسباب المؤدية الى تلف الإطارات، وهو ما ينتج عنه شقوق أو قطع بالإطارات.
5-ضبط الزوايا:
عدم الاهتمام بضبط زوايا الإطارات بالشكل الصحيح ينتج عنه صعوبة توجيه السيارة والتحكم بها ويؤثر على اتزانها، ومن ثم تزداد مقاومة دوران الإطارات، ويحدث تآكل لسطح الإطارات.
علامات تلف إطارات السيارات
1- وجود تشققات في جانب الإطار الداخلي أو الخارجي.
2- وجود انتفاخات بالإطار وهو ما يعرضه للانفجار في أي وقت، ولذلك يجب تغييره على وجه السرعة.
3- الشعور بارتجاجات أثناء القيادة يكون سببه في الغالب نقص ضغط الهواء، أو عدم وجود اتزان بين الإطارات.
◄ أنواع تآكل إطارات السيارات...
1- تآكل المنتصف بسبب زيادة ضغط الهواء داخل الإطارات.
2- تآكل الأطراف وسببه ضغط الهواء المنخفض داخل الإطارات.
3- تآكل أحد الأطراف وهو ما يستلزم ضبط الزوايا.
4- تآكل متقطع بسبب الترصيص أو وجود مشاكل بالمساعدين

26/08/2022

👌عايز تحافظ علي مساعدين عربيتك خد مطباتك علي الهادي
👌عايز تحافظ علي الاسكتره امشي علي الهادي في الشوارع ال كلها نقر وتكسير
👌عايز تحافظ علي الكبالن متكسرش الدركسيون للآخر
👌عايز تحافظ علي القواعد خلي طلعتك علي الهادي
👌عايز تحافظ علي السوست متخليش الحمل ذياده عن الزم وخد مطباتك علي الهادي