Mr. Oil & Mr. Wash

23/02/2021

قادمون وبقوه 💣💥😅🙈

21/02/2021

27/01/2021

الجو ساقع وقعدين فاتحين فيس يبقى نستفاد من بعض🤗

نتكلم في موضوع ⛔ الموتور الخفيف 👈 .. من أول علاماته اللي بتظهر الدخنه البيضاء 💨 .. طب كلمة إن الموتور خفيف - معناها إيه🙋‍♂️؟؟ - وليه بيحصل 🧐؟؟ - طب وإيه العلاج 👨🏻‍🔧🕵🏻‍♂️ ؟؟



⛔ الموتور الخفيف......... معناها إن أجزاء الموتور الداخلية اللي بتحكم عملية عدم تسريب الزيت لـ غرفة الحريق أصبحت خلوصاتها واسعة وبتسرب الزيت لـ غرفة الحريق وتلاقي الزيت بيتحرق مع البنزين والهوا ☠️

وده طبعاّ بيسبب وبيبقى بالفعل خلل وعيب بيأزي في الماتور .. وطبعاّ تسريب الزيت لـ غرفة الحريق بيخلي بخار الزيت يهرب لـ خرطوم الفايظ اللي بيبقي بين كارتيرة الزيت وغرفة البنزين .. وده ممكن نكشف عليه بالنظر وهو إننا بندور العربية وبنشوف الخرطوم ده لو بيخرج منه بخار خفيف جداّ جداّ فـ ده مفيش فيه مشكلة إطلاقاّ وده العادي أصلاّ ✔️✅

أما إنك تبص عليه تلاقي الخرطوم شغال ماشاء الله بيخرج في دخنه بيضا يبقي ده معناه إن شنبر الضغط خفيف❌❎ ..

معلومه مهمة أي موتور عندنا في ٣ شنابر .. واحد فوق خالص⬆️ علي البستم بيحكم علي عملية الحريق نفسها ، والتاني في نص🔛 البستم بيحكم الضغط جوة غرفة الحريق إنه ميهربش ، والتالت بيبقي تحت خالص⬇️ وده بيمنع دخول الزيت لغرفة الحريق فوق ..🆗

⭕ طيب الموتور الخفيف علاماته إيه ؟ 🙄👀

1️⃣▪️بوجيهات عليها زيت بطريقة ملحوظة ودي من أشهر علامات الموتور الخفيف وتلاقي مع الوقت العربية الصبح مش بتدور لأن الزيت علي سن البوجيه عامل عازل

2️⃣▪️دخنه بيضاء مع الكبس علي النقلات... دخنه بيضاء كتير وتخنق كدة وده لأن الزيت عند حضرتك بيتحرق فـبيتبخر ويخرج لونه أبيض

3️⃣▪️لو خرجت مقاس الزيت هتلاقي الزيت ⬇️ناااقص⬇️ وده لانه بيتحرق زيه زي البنزين... وبالفعل في مصانع بتستخدمه كوقود لكن بتستخدم الزيت المتسخ كأعادة تدوير

4️⃣▪️الموتور هتلاقيه علي المطالع ومع الحمل بيسقف "صوته عالي" جامد أوي بشكل ملحوظ ومش قادر يشد العربية .. طبعا غرفة الحريق دلوقتي بقي جواها بنزين وهوا وزيت .. طب الموتور هيخرج كفاءته القصوي إزاااااي

=====================================

🧠 طيب والحل يا هندسة .. نعمل إيه !!! 🤷‍♂️

🏁 قدامنا 3️⃣ حلول 🏁

(١) اول حل مسكن🆘 وليس علاج اصلا ℹ️ .. موتورك خفيف ومحتاج طقم شنبر وخلاص ده بقي أمر واقع والزيت بينقص والبوجيهات خلاص بتستغيث فيكون الحل المسكن هو إننا نشتري ABRO Oil Treatment .. الزيت ده كثافته تقيلة جداّ جداّ لزوجته عالية أوي شبه العسل الابيض .. طب بيعمل إيه الزيت ده ؟؟ بيقلل الإحتكاك وبيقلل دخول الزيت لـ غرفة الحريق وبالتالي تقليل نسبة خروج الدخان الأبيض .. خد بالك🧠 الزيت ده أنت بتحطه مع كل تغييرة زيت جديدة فـ لو عربيتك وليكن بتاخد ٣ لتر زيت يبقي تنقص شوية وتخليه وليكن ٢ لتر ونص والباقي زيت شنبر .. مجرد ما هتجرب الزيت ده هتحس بفرق ملحوووظ ولكن مننساش ده حل مسكن فقط عشان الغرور مياخدكش وتقول العربية رجعت سليمة 🙃

(٢) نعمل عمرة للموتور وهي تشمل خراطة الشمايز وتغيير الشنابر.

(٣) تغيير الموتور باّخر إستيراد ونحاول في اللي جاي نتجنب أخطأ الماضي🤨 ونعمل أخطأ جديده😅

24/01/2021

#عروض2021



⛔ غسيل السجاد آلي 🔌 بمنتاجات اوروبيه 🇪🇺 عالية الجوده 🏅💯

24/01/2021

#عروض2021

18/01/2021

🇩🇪
🇩🇪
🇮🇹
🇮🇹
🇩🇪
💫

16/01/2021

#عروض2021

11/01/2021

معلومات ع الماشي .. مهم اننا نعرفها عن 🚫 زيت الفرامل الباكم 🚫

كلنا بنحتار نشتري 💵 زيت فرامل 👈 DOT3
ولا👈 DOT4

أكيد إحنا بنشوف أنواع زيوت كتير في السوق وناس كتير مننا بتختار الزيت على أساس شكل العلبة !! وأكتر الناس بتشكر في الزيت ( البندكس وخلافه مع انه DOT 3 مش DOT 4 وهو اقل جوده)
طبعاّ ده غلط جداّ ❎و قليلين اللي بياخدوا بالهم 🧐 من حاجة مهمة جداّ وهي كلمة DOT3 أو DOT4

🤔طب ما تيجوا نعرف يعني إيه كلمة DOT أصلاً ؟!
كلمة DOT اللي بتبقي علي علب زيت الفرامل هي إختصار لمنظمة الـ
Department of Transportation

والمنظمة دي عاملة standard لزيت الفرامل ببتقيس عليه الزيوت من حيث الاستخدام والجوده

طيب هو إيه المطلوب أصلاً من زيت الفرامل عشان يؤدي وظيفته ؟!

1️⃣ إنه يحافظ على سيولته في درجات الحرارة المنخفضة لأن الزيوت بوجه عام لما درجة حرارتها بتقل أوي بتبقى لزجة بدرجة عاليه يجعلها صعبة التحرك جوه الأنابيب زي العسل كدة (فـ هتبقى الإستجابة بطيئة أوي).

2️⃣ درجة غليان منخفضة .. إيه ده هو زيت الفرامل بيغلي كمان ؟! أيوة بيغلي وبيبقلل كمان.

3️⃣لا تقل كميته مع التبخر في درجات الحرارة العالية .. لذل في معامل بالفعل بتعمل Regulations وبيختبروا مدى تبخر الزيت عند 100 درجة سيليزية وبيحسبوا المفقود من وزنه مئوياً ٪ .

4️⃣ يكون بيتخلط مع الزيوت التانية ودي ليها حوار هنشوفه بعد شوية.

5️⃣مقاوم للأكسدة يعني مش بتتغير خصائصة الكيميائية وده المهم.

6️⃣مش مؤذي للمطاط ودي حاجة مهمة جداّ جداّ بالنسبة لمنظومة الفرامل ... لان الزيت ممكن يسحب الرطوبة بزيادة من المطاط "ينشفه" أو ساعات في أنواع زيوت بتسبب إن المطاط يحصله swelling " يحصله تورم وانتفاخ " .

👍طيب كدة إحنا عرفنا الخصائص اللي المفروض تكون موجودة .. طب إيه بقي الفرق بين DOT3 و DOT4

الـ DOT3
هو أرخص زيوت الفرامل و"أكثرها" إمتصاصاً للرطوبة وأقلها في درجة الغليان .. طيب في مشكلة .. الرطوبة معناها مياه .. ومياه مع أجزاء معدنية معناها صدأ .. ده كمان بالإضافة لمشكلة الصدأ هو وجود كمية من المياه مع الزيت اللي بيلامس أجزاء الفرامل اللي بترتفع درجات حرارتها يؤدي الي ان المياه دي تغلي وتتبخر ويبقى في فقاعات بخار مياه في مسارات زيت الفرمل ..⬅️ تدوس على الدواسة بس بدل ما الزيت يضغط برجلك يروح يضغط على الفرامل نلاقي الزيت بيضغط شوية بخار المياه اللي موجودين فعلياّ.

غير كدة بقي إن درجة غليانه من غير إمتصاص بخار مياه 205 درجة مئوية عشان الـ DOT3 مذيب قوي للطلاء❎ وصبغة الجلد ☢️يعني تبعده تماماّ عن جزمتك ودهان العربية

الـ DOT4
هو ده النوع الشائع دلوقتي وده درجة غليانه أعلى من اللي قبله وبيضاف عليه مواد بتمنع إنه يكون أحماض لما يمتص شئ من الرطوبة وبرضو هو مذيب للطلاء والصبغات وبيتخلط عادي خالص مع DOT3 .. ودرجة غليانه من غير إمتصاص بخار مياه 230 درجة مئوية .. وسعره ضعف مرتين قد الـ DOT3

الـ DOT 5.1
مبنلقهوش كتير في مصر وهو زيه زي الزيوت اللي فاتت بس درجة غليانه من غير إمتصاص بخار المياه 260 درجة مئوية وإمتصاصه للرطوبة أقل بكتير وقابل للخلط مع الأنواع اللي فاتت.

الـ DOT 5
وده بتاع العربيات النقل الكبيرة "ملناش دعوه بيه😅 "

بـ كدة نقدر نستنتج إن أفضل زيت فرامل للعربيات بتاعتنا هو الـ ☑️✔️ DOT 4 عن الباقيين لإستخداماتنا العادية ✔️☑️


#عروض2021


📳 01032344242

23/12/2020

#عروض2021


🔝 مع كل غيار زيت ⬇️⬇️⬇️
- غسيل ماتور كيماوي ✨
- غسيل خارجي ⭐
- تفحيم كاوتش 🏁

22/12/2020

#عروض2021
🤩
👌
واختار اللي يناسبك
⌛

18/12/2020

شكرا لكل عملائنا على ثقتكم الغاليه وفي إنتظاركم دائم