Karim Nexus

29/12/2024

عرض تصفيات اخر السنه لكل قاطني الموتوسيكلات الرياضية من 🎁🎊🎊🎉✨
Karim Nexus Motor Sport 🏁

و العرض ساري لمده 3 ايام فقط 🤚🏼⚔️

بس طبعا عشان احنا اخر الشهر 🫰 فلو ممعكش فلوس كفاية او لسه ماقبضتش ❎ ممكن تطلب بتعليق او رسالة اللي انت عايزه في خلال 3 ايام دول _ وبكده العرض هيبقى ساري معاك لاول 10 ايام في السنه الجديده 🎊✨

بس شرط تطلب او تحجز بالتعليق او الرساله 💬📬📩

الحق اكتب كومنت او ابعت دلوقتي قبل ما ال3 ايام يعدددو 🕑🕓🕣🕦
او قبل ما الاسعار ترجع او تعلى تاني 💹

بنبيع جودة ✔️ بأقل سعر في السوق + سعر الخصم _ يعني انت كده معانا هتلاقي نفسك كسبان كسبان 🫰👌
العرض معانا على :

- جوانتي brace Pro Biker
- خوز LS2 Rapid
- غطاء رأس و رقبة Thermal Hood Ski
- ستيكارات Tank Pad

الحق العرض بتعليقك او رسالتك دلوقتي و هيوصلك كل التفاصيل ⬇️

متاح توصيل لحد بيتك داخل منطقتنا 📍 ( دقي - عجوزة - مهندسين )

متاح جميع انواع الزيوت من الشركات مباشرة _ ⛴ 🛳

متاح جميع انواع قطع غيار و مستلزمات و كماليات و صيانة الموتوسيكلات الرياضية
"موتوسيكلات السباقات"

12/12/2024

لما آجي اشطب حمام بيتي

11/11/2023

امبارح الصبح بتاريخ 10 نوفمبر 2023 هوندا نزلت اول فيديو اعلان الشكل الجديد بتاع 600RR موديل 2024 🎇🎆 والشكل ده اصلا نازل برا من 2022 لكن قليل جدا قد يكاد يكون معدوم و ماتعملوش اي اعلانات ولا دعايه ولا كأنه نزل زي مايكونو كانه منزلينو تجربه
الفيديو نزل على اليوتيوب قناة HondaVideo بتاعت هوندا جلوبال العالمية
و نزل على Honda Motorcycles Europe القناة بتاعت هوندا اوروبا
و نازل بي اسم Awaken The Race 🏁
يعتبر بنفس القوه فرق حصان واحد كان 118 حصان بقى 119 لكن الفرق الواضح في التكنولوچيا بتاعته
الموقع الرسمي لعالمي لهوندا منزله ومحتفل بيه هو و
و الموقع الرسمي لهوندا اليابان
موقع الرسمي لهوندا اوروبا
انما الموقع هوندا الامريكي لسه نايم ما صحيش و هو الي بيبقى عليه الأسعار بالدولار
و المفاجأة في موضوع الأسعار دا
الموتوسيكل نازل ارخص حوالي 2000 دولار من السنين الي فاتو
و مفيش اي موقع اعلن السعر غير موقع هوندا اليابان 🎌 لأنه اكيد لسه مانزلش في الدول التانيه
و سعر البايك 1,606,000 ين ياباني
بما يعادل 10,598 دولار
و بالمصري يبقى 326,646
يعني سعر الموتوسيكل في مصر بالشحن حوالي 356 الف جنيه و دا سعر البايك صافي بسعر الدولار في البنك مش سوق سوداء و كمان من غير جمارك
يعني لو جيت حسبتها بقى بعد السوق السوداء و المارك الجمارك هتلاقي ان على الدنيا السلانكتيه
و كمان كل السنين الي فاتت كان بينزل
ال1000RR ب18,000 دولار و كسور
و ال600RR ب12,000 دولار و كسور
و قيس على السعر دا باقي الشركات الي بتصنع 600 و 1000 سوزوكي و كوازاكي و ياماها
و السنه دي كده بقى هوندا منزله ال600 ب 10,600 بدل 12 كسور ، ف دي حاجه تخليا تخش تكتسح سعر السوق في الستوميات
و بكده بقى هنودع الشكل الجميل اكتر شكل بحبه من ال600RR لأنه كان صاحب اجمل خطوط في لون الHRC و انجح موديل من هوندا في عدد السنين الي فضل ينزل فيها بنفس الشكل 10 سنين كاملين و ممكن يكمل كمان تاني مايوقفوش تصنيعه بس الي يشكك في كده ان سعره اغلى من الموديل الجديد الي فيه تكنولوچيا اعلى
و بكده ال3 موتوسيكلات الي فضلو ينزلو 10 سنين ورا بعض بنفس الشكل :
HONDA CBR-600RR ___ 2013 »» 2023
YAMAHA YZF-R6 ______ 2006 »» 2016
SUZUKI GSX-1300R ____ 2008 »» 2020 Hayabusa




#2024

02/09/2023

الناس الي كانت بتسأل ليه الS1000RR مابيتسابقش
لسه شايفه في راوند في SBK و موجود في سباقات تانيه هو موتوسيكلات تانيه ممكن تكون فاكر انك مابتشوفهاش
بس الفكره ان اغلب الي بتشوفه بيبقى Moto GP و بيبقى ليه شروط و مقاييس معينه لدرجة انهم خلوا الهوندا الي كان بيتسابق بيها ماركيز و كذا حد تنزل بماتور V4 و هي اصلآ ماتورها inline-4 و بيعملو تعديلات مخصوص في الموتوسيكلات عشان السباق دا فتحسه سباق معقد و انك مابتشوفش اغلب الحاجات الي بتحبها مع ان في منها موجود
فلو انت غاوي فكك من Moto GP و اتفرج على World SBK هتلاقي فيه كل الموتوسيكلات الي انت بتحبها بنفس مواتيرها و اصواتها و كمان من غير ما يحصل تغيير نهائي في معالمها
طبعآ في قواعد و شروط لكن مش مبالغ فيها نهائي
سباق ممتع موتوسيكلك زي مانت عاوز و انت و شطارتك

08/08/2023

من ٣ سنين في اوائل 2020 هوندا اطلقت موتوسيكل في فئه السوبر سبورت او ال 1000CC مختلف تمامآ , كان كل موتوسيكلات بتاعه الفئه دي و حتى الآن سعرهم 18,000 دولار و هو كان الوحيد الي ب 28,000 دولار ، اغلى ب 10 الاف دولار يعني اغلى بشويه اكتر من ثلث سعر الباقي
الي هم ال GSX-1000R بتاع SUZUKI
و الZX10R بتاع KAWASAKI
و الS-1000RR بتاع BMW
و الCBR 1000RR بتاع HONDA
من الآخر كل الريسات ال ١٠٠٠ بتاعت كل الماركات
كلهم ب ١٨ و هو ب ٢٨ ، طب ايه هو بقى الموتوسيكل دا ؟
دا HONDA CBR 1000 RR-R SP
: ايه دا طب ما انت لسه قايل فوق انه ال 1000RR بتاع هوندا ب ١٨
تمام دا صح و دا الي انا قلته الي ب ١٨ دا 1000RR
انما الي ب ٢٨ دا 1000RR-R و خد بالك من ال -R
دي عشان دا الفرق
و من ساعتها الموتوسيكل دا كان عامل ضجه كبيرة جدآ و لسه عاملها لحد دلوقتي
و هوندا جابت ماركيز عملولو فيديو زي تريلير او إعلان قوي و طويل
طب ليه بقى كل الموتوسيكلات دي ب ١٨ و ال-R الي ب٢٨
عشان كل التعديلات الي الناس بتروح تعملها عشان تعلي الكفائه او الآداء او حتى الشكل
و بيدفعوا فيها مبالغ مش قليله
هوندا بقى نزلت الموتوسيكل دا في كل التعديلات دي من المصنع جاهز
طب ازاي ؟
اتفقت مع كل الشركات الي كل شركة فيهم متخصصه في حاجه انها تصنع للموتوسكل دا حاجه تعديل مخصوص و جاهزه يطلع بيها من هوندا ستوك المصنع و هو راكب فيه
يعني مثلآ Brembo بتاعت الفرامل Akrapovic بتاعت الشكمانات و غيرهم
فبدل ما تشتريه و تشتريله الحاجات دي عشان تعدله بيهم ، هو نازلك متعدل جاهز و هو زيرو
دا بالنسبه للتعديلات
غير بقى الفيبر و الشكل و التصميم الخارجي
شكل هجومي اكتر فوانيس اصغر و اشيك و تصميم تحفه للهوايات الأماميه ماتعملتش في موتوسيكل بالجمال دا و الشكل الرياضي التحفه دا
موتويسكل تاني خالص غير ال1000RR
غير بقى ان فيه ٣ مستويات صوت للشكمان و ٣ انظمة تعليق و ٩ انظمة سواقه و الغيار الرابع بيجيب لحد 299 kmph. ⁦🛩️
مواقع من كام يوم نزلو مفاجآه و اعلنت بصور عن تصميم لاسطورة الجديدة موديل 2024 و كان فيه كلام انها هتظهر لأول يوم بكره بتاريخ ٩ / ٨
و لو حصل فعلآ هتبقى مفاجأة قوية جدآ من هوندا
لكن انا توقعي الشخصي لو نزل مش هيبقى قبل أوائل السنه الجديدة او قبلها بحوالي شهرين مثلآ
دا هيبقى اول موديل لل CBR 600RR-R 🔥✨
بالطريقه دي و ب الي معمول في 1000RR-R
دا كده هيبقى اول موتوسيكل سبورت ٦٠٠ cc يجيب سرعة 300 kmph.
الألفات بيبقى سعرها ١٨ الف في كل الشركات زي ما قلت و الستوميات سعرها بيبقى ١٢ الف

تفتكرو ال600RR-R دا بقى هيبقى ب ٢٢ و اغلى ١٠ الاف من الRR العادي بكل الفرق دا ولا ايه ....

29/07/2023

بعد ما تفتح الصورتين و تشوفهم هتلاقي ناقص ال1000RR العادي 183 حصان و الداش R الي حطينو دا مانزلش منه اصلآ اسود مافيش غير اللونين الHRC الأحمر الي نزل بيه في ٢٠٢٠ و الابيض السكراتش بتاع ٢٠٢٢ و ال٢ الوان سباقات و فيهم حياة و بينطقوه و الأسود بيظلمو و بيضيع ملامحو و تفاصيلو هو و اي موتوسيكل سبورت

05/07/2023

1000RR-R و هو لابس لبس الطقم الجديد 🏁✨
لمحبي لون الTiffany Blue ❤️
WorldSBK 2023

13/06/2023

1000RR-R SP
بيجيب ٣٠٠ على الغيار الرابع ، مابالك بقى الخامس و السادس عاملين ايه ... و انت عامل ايه 😂

30/05/2023

01/01/2023

لو جيت هنا من جروبات الموتوسيكلات ، اه‍لآ بيك ⁦✌🏻⁩ تابع عشان هنزل محتوى هيعجبك زي ما عجبك الكلام ✨ محتوى عن الموتوسيكلات الرياضية ( الريس ) ⁦❤️⁩🔥 لو انت بتحبهم او بايكر او بتركب جديد و مبتدئ او حتى بقالك كتير و مهتم و عايز تعرف معلومات اكتر عن كل الفئات و الموديلات و عندك اسئله او استفسارات .......

- اعمل Follow او Like للصفحه ⁦👉🏼 Karim Nexus 👈🏼

اللينك دا فيه لينك الINSTAGRAM و الYouTube
https://linktr.ee/Karim_Nexus ⬅️

* انشاء الله هينزل ask على الinstagram و هيبقى في هنا على الFacebook لايف⁦⁦ اسبوعي للرد على الاسفسارات و الأسئله و كل ما يخص جميع انواع
🏁 ___ الموتوسيكلات الرياضية او الريسات فقط ___ 🏁
من اقل فئه للأعلى حتى الصيني منها و كل عام و أنتم بخير و سنه سعيده على الجميع 💟 2023 🎆🎄🎊✨✨✨