11/03/2022
في ناس بتشتكي انها لما بتفك البوجيهات بتلاقي عليها بودره بني محمر زي مهو واضح في الصورة رقم 1 😳 و بتلاقي نفس البودره بنفس اللون علي علبة الشكمان او كما يقال علبة البيئة (catalytic converter) و كمان في مواسير الشكان !!🤔
طبعا في آراء كتير ذكرت في الموضوع منها ان البنزين عليه مياه او ان البنزين مغشوش او ان عليه سولار !!!!🤔🤔
مع حترامي لجميع الاراء بس الكلام ده جانبه الصواب 🤓🤓
طب ايه البودره البني دي؟! 🤔
ده السؤال الي هنجاوب علية👇
احب اقولك البودره دي اكسيد المنجنيز 😳!!! طب ايه الي جاب اكسيد المنجنيز ياعم علي البوجيهات و في الكتالتك ؟؟🤔
سؤال جميل 👌👌
في مركب اسمة صعب شوية 🙄🙄
بالعربي
(ميثيل سيكلوبنتادينيل المنغنيز تريكاربونيل) بالانجليزي
(methylcyclopentadienyl manganese tricarbonyl)
وعلشان اسمة صعب اوي قرروا يدلعوه😅 و يسموه MMT اختصارا لاسمة المكلكع ده و نتيجة احتراقة بتنتج اكاسيد المنجنيز 🙄
طب بردوا ايه الي جاب MMT جوه الموتور ؟؟
بص ياسيدي MMT ده مركب بيستخدم كمحفز للاوكتان Octan booster⛽ يعني بيضاف علي الوقود علشان يعلي رقم الاوكتان بتاعه وفعلا بيرفع رقم الاكتان بشكل كبير زي مهو واضح في الصورة 2 رقم الي بتوضح العلاقه بين زيادة نسبة MMT في الوقود و الزيادة في رقم الاوكتان وكمان سعرة رخيص عكس المواد الاخري الي بتستخدم لزيادة رقم الاوكتان علشان كده هتلاقيه متواجد علي الساحه و بكثره سواء علي الوقود التقليدي او في عبوات رفع الاوكتان Octane Booster الي بتتباع في السوق🧐🧐
و طبعا بعد مابيتحرق MMT بيولد اكاسيد المنجنيز الي تقريبا بيترسب منها 20% الي 30% علي البوجيهات و الصبابات و علي الكتلتك catalytic converter و في مواسير العادم و الي بيسبب الحمره الي علي الاجزاء دي 😱😱
طب يعني ده طلع حاجة كويسه و بيزود الاوكتان و رخيص ودنيا حلوه💪💪 ......
كان بودي اطمنك بس هو في شويت مشاكل لازم تعرفها😳😳
📌 اولا : للاسف ان اكاسيد المنجنيز ليها تاثير ضار علي الصحه و في دول كتير منعت استخدام الماده دي نتيجة تاثير الامبعاثات علي البيئه تقريبا تقدر تقول تاثيره مماثل لتاثير اكاسيد الرصاص
📌ثانيا : اكاسيد المنجنيز بتترسب علي البوجيهات زي مهو واضح في الصورة رقم 1 وده بيزود مقومتها و بالتالي بيقلل كفائتها و ده ممكن يعمل Misfire او يقلل من كفاءة الحريق و يزود من استهلاك الوقود وعلشان كده في ابحاث وجدت ان الهيدروكربون HC و اكاسيد النيتروجين NOx بتزيد في العادم مع زيادة نسبة MMT في الوقود 🤯
📌ثالثا : اكاسيد المنجنيز بتترسب علي حساس الاكسوجين زي مهو واضح في الصورة رقم 3 و بتقلل من كفاءة القياس الخاصه بيه و بالتالي بتكون الاشارة المرسله لكنترول المحرك فيها نسبة خطاء🥴🥴
📌رابعا : اخطر حاجة ان اكاسيد المنجنيز بتسد مسام الكتلتك catalytic converter زي مهو واضح في الصورة رقم 4 و صورة رقم 5 الي بتبين الفرق بين الكاتلتك قبل و بعد الانسداد و ده طبعا بينتج عنه تلف الكتلتك 😳 لا و مش كده وبس 🤔 ده ممكن يسبب ضغط عكسي back pressure لعدم قدرة العادم علي الخروج بشكل طبيعي و الضغط العكسي ده طبعا بيخفض من الكفاءة الحجمية للمحرك و كمان بيرفع درجة الحراره عند مسلك العادم و الصبابات و ممكن ينتج عنه انصهار لصبابات العادم Exhoust valve burn ☹️☹️ زي مهو واضح في الصورة رقم 6 و دي مشكله كبيره بتحتاج الي تغيير الصبابات.
🚨🚨 اخيرا انا عارف ان ممكن رأيي ميعجبش ناس كتير بس Octane Booster سواء مضاف الي الوقود عن طريق محطة الوقود او مضاف من خلال عبوات منفصله اضرارة اكتير من مكسبه عكس مابيتم الترويج ليه وعلشان يكون في وقود بيستخدم محفزات اوكتان جيده لازم سعره هيكون عالي لان المواد البديله MMT مكلفه , في الاخر ده رائ علمي يحتمل الصواب و الخطاء 🙏❤️
