Matiz-dz

20/10/2026

سلام الله عليكم جميعًا
الواحد راه شويا مبروط و العياء كمل عليا شويا ڨريب يعني مالقيتش روحي أصلا
معليش المهم هاته هي واجهة تطبيق الخاص بسيارة سبارك 2
نفس عداد السيارة اضفت فيه عدد دورات المحرك على اليسار
و دمجت سعة البنزين و درجة الحرارة في اليمين
هاته صورة الخلفية للتطبيق
اما المؤشرات و كتابة عدد الكيلومترات المقطوعة تتخدم بالكود
يعني اشري فيها OBD و طلع التطبيق و مبروك عليك كونتار و مع الوقت أن شاء الله نزيدلو إضافات
اسمحولي برك مارانيش قادر نجاوبكم راني شويا عيان
استسمحكم

13/10/2026

يا جماعة هاذي والله ضرك صراتلي
دخلت نشري في حانوت أيا كي جيت نخلص السيد قالي خصني دوزيام سيراج 🤣🤣🤣🤣
قلتلوا كيفاه ؟ قالي دوزيام سيراج
قلتلو هاذاك فالكيلاص و أنت واش بيك؟
قالي كنت نطلع نهبط فالفيديوهات خرجتلي أنت مقبيل كنت نتفرج فيك 🤣🤣🤣🤣 قالي انا كملت الفيديو أنت دخلت للحانوت قالي قلت ممكن نسيت ندير دوزيام سيراج
ههههه السيد خلعني
قالي مافهمتش كنت نشوف في فيديو حتى طلع عليا لي دار الفيديو ههههه
و الله اعجوبة هههه مينذاك نتوسوس نقول مانزيدش نبين وجهي وخلاص

13/10/2026

13/10/2026

❤️ شكراً لعائلة MATIZDZ على 24,500 متابع! 🇩🇿

الحمد لله صفحتي اليوم تجمع ناس من مختلف الأعمار والبلدان وحبيت نشكر كل واحد يتابعني ويدعمني سواء بتعليق مشاركة كلمة طيبة أو حتى بمجرد مشاهدة فيديوهاتي

والحاجة اللي تفرحني أكثر هي أن متابعيني ماشي من بلد واحد، بل تواصلوا معايا عبر الواتساب إخوة وأصدقاء من:

🇩🇿 الجزائر 🇲🇦 المغرب 🇹🇳 تونس 🇱🇾 ليبيا 🇪🇬 مصر 🇮🇶 العراق 🇸🇾 سوريا 🇯🇴 الأردن 🇵🇸 فلسطين 🇫🇷 فرنسا 🇪🇸 إسبانيا 🇮🇹 إيطاليا 🇵🇪 البيرو.

وشكراً خاصة لكل متابع رجل أو امرأة شاب أو كبير من أي بلد كان لأنني نعرف بلي فيديوهاتي يشوفوها ناس حتى وسط عائلاتهم وهذا الشيء بالنسبة ليا شرف كبير ومسؤولية أكبر
لكن الفرحة الكبيرة بالنسبة ليا هي كي يتواصل معايا شخص ويقولي: «صلّحت سيارتي غير بمشاهدة فيديو تاعك، سواء في الفايسبوك أو اليوتيوب»

صدقوني هاذي من أجمل الحاجات اللي نقدر نسمعها لأن الهدف ماشي غير المشاهدات ولا عدد المتابعين وإنما أن المعلومة اللي نقدمها تفيد إنسان توفر عليه المصاريف وتعاونوا يفهم سيارتو ويصلحها بيديه

24,500 متابع وثقة نعتز بها ومحبة ما عندها حدود ولا تعرف المسافات🤝

ربي يحفظكم كامل ويفرحكم ويبارك فيكم وفي عائلاتكم شكراً لأنكم جزء من عائلة MATIZDZ. ❤️🚗🇩🇿

12/10/2026

من كل الدول معاناة مع الموصيبة هاذي

11/10/2026

سؤال
علاش مين تكونوا تبيعوا في حاجة و غير يقولولكم ندوها لفيصل يتاستيلنا تبطلوا البيع ؟؟؟؟
اذا نيتكم ماكانتش صافية علاش هاذ التهرب ؟؟؟؟
و لا مليح تبيعوا بالخدع ؟
معليش معليش راني جوزتها

11/10/2026

سلام الله عليكم جميعًا
هل تعلمون يا اصحاب الماتيز أن هناك طريقة تقدروا تستغناو عن الدالكو باسعار مختلفة
لكن لا تستطيعوا الاستغناء عنه أبدا 🙃
المشكل الاول هو السينيال الذي تحتاجه الكالكيلتار يعني لي يقلك نهنيك منو غير خراط و كذاب قمت بالتجربة مسبقا و لم تنجح فعاليتها
يعني كاينة طريقة نديرها نهنيك من الزيت و اذا تحب اغسل الدالكو بالماء و السيارة تمشي عادي 🫣
انعم ايه توجد هاته الطريقة تستقام تقريبا مليون ونص
كاين طريقة أخرى تركب كالكيلتار سبارك 2 و تستقاملك حوالي 6 ملاين بدون وضع كلوش سبارك او حتى كل التعقيدات و الفيصو و مشاكله؟
و كاين الطريقة التي تستقاملك بزاف و هي ترجعها سبارك 2 كليا لكن أكثر غلاء و ماتستهلهاش حقيقية تفوت 20 مليون
يعني راح نعطيكم طريقة الارخس أن شاء الله لانو قمت بالتجربة الأولى و مانجحتليش مع الاسف السيارة كان فيها ديراطاج
اما هاته ناجحة 100/100 لكن انا ماراحش نديرها في سيارتي راح ندير كالكيلتار سبارك 2 و لكن تستفاملي حوالي 6 ملاين
تحتاج كالكيلتار سبارك 2
بوبينة سبارك 2
الابقاء على الدالكو لكن بتحويله إلى نبظات مغناطيسية وليست optique
شويا موديفيكاسيون فالفيصو برك نشري فيشة تاع الكالكيلتار فقط
يعني درت حسابي دور في 6 ملاين
و هاته التجربة فعالة و ماتسقامش بزاف و تكون عندك خاصية OBD 2
يعني لي يقلك عندي حل نحيلك الدالكو غير يخرط إلا اذا قلبتها كيما راح ندير فيها فيها مصروف
انا لي يصرف مليون و نص دير فيبالك مادزيدش تشري دالكو لانو عمر الدالكو ليراح يتخدم أكبر بكثيييير من الكاسات
سلام الله عليكم و نتلاقاو في التحويلات على المخلوقة لي عندي قريبا