13/04/2024
الشخص الجزائري كي يحب يفوت البرمي. يروح يسأل غير على السعر فقط و يختار الأرخص ثم بعدها لما يجد ان صاحب المدرسة هو لي راه يتعلم فيه المهنة و يلقى أنه تعلم 4 ساعات مقسمة على 15 دقيقة في الحصة، و متعلمش مليح ويوم الامتحان يخسر و يزيد يخلص دراهم و يبقى يخسر ويخلص .
يعاود يرجع يسأل شحال حقو يتعلم
حقك شحال تتعلم مرتبط بشحال خلصت.
سعر رخيص يعني إما:
عدد حصص قليلة أو لي راه يعلم فيك هو لي راه يتعلم
.
لهذا تلقاه يستدرجك بسعر رخيص و يمرمدك وفالاخير
راح يزيد يقلك خلص فالامتحان خاطر هو ما يخدمش بالخسارة
@ لما تريد اجتياز رخصة سياقة عليك بالاسئلة التالية بالترتيب :
1- صاحب مدرسة تعليم السياقة
- اخلاقه,مستواه الدراسي, سنه ٫عدد سنوات الخبرة٫ اذا هو لي يعلمك أما إذا كان عندو ممرن زيد شوف هذا الشروط فالممرن.
2- الحجم الساعي لي راح يخصو لك تتعلم فيه، و هل المدة متقاربة بين الحصص، و كيفية اخيار الوقت اي ساعة التعلم هل من المدرسة ام لك حرية اختيار.
3- السيارة لي راح تتعلم فيها بنزين و لا ديزل. لانو اذا تعلمت فالديزل سيارة بنزين اجيك شويا صعيبة، وهل هي جديدة فيها les options تتعلمهم ولا ما فيهاش يعني تكمل و انت ما تعرفش تضبط طروفيزور و لا نشعل كليماتيزور .
4- الامتحان هل المستوى لي راه يوصلك ليه احتمال كبير تربح فالامتحان و لا تروح ناقص و تزيد اتخلص
4- اذا كاين تكاليف اخرى فالامتحان
5- أخيرا هو السعر. و لما تسأل عن السعر اسئل عن السعر الاجمالي. و ليس السعر وتسكت.
@رخصة السياقة تجتازها مرة في حياتك و تبقى لك ذكرى.
الدراهم لي راح تخلصهم راح تسوقهم خاص مليح و تعلم مليح. تحافظ على حياتك و حياة الآخرين و سيارتك.
مجرد نصيحة
و بالتوفيق للجميع.
