11/04/2022
☑ بعض النصائح في تقلاب عداد السيارات
حاذروا و قلبوا مليح سياراتكم خاوتي :
👌ما تستهزاش قلب اي سيارة تحب تشريها و ما تغركش هدرة البايع قلب بنفسك خاصة كي ما تشريش على الثقة ولا من بلادك ..
👌شوف الحالة العامة تاع السيارة ميكانيك ولا امش بيها ممكن تعطيك لمحة على العداد مليح ولا لالا
👌كاين سيارات لازم يتقلبو بزوج مفاتح خاصة الليون تيقوان كادي القولف
👌شوف التاريخ لي خارجه فيها الكارت قريز قادر يقلك كاسبها ولا تاع طبيب و تلقاها مبارية جديدة
👌قلب السيارة مليح جيهة الميكانيك شوف لي ديسك ، لاشان كي تكون مبدلة معناه السيارة ماشية على الاقل 100.000 مثلا .
👌شوف و تأكد من لاسيري تاع العجلات ، قادر يقلك اي جديدة وماش ماشية و هوما مبدلينهم في ربعة ..
👌كاين كل سيارة عندها نوع من العجلات ماركة تجي معاها توله لهاد النقطة تاني .
👌 السيارة لي تلقاها معمرة نيلوات و اوطوكولون و مغلفة بالازرق ولا بالابيض راهي فيها الشك خصوصا في وحد المناطق من الوطن لي معروفين بالغش
👌كاين سكانار معروفين في العلمة و سطيف ننصحكم تقلبو عندهم .
👌تأكد من الوثائق و رقم الشاسية مثلا السانديرو راهم يغرسو فيهم و يبدلولهم رقم الشاسيه يكتبوه ف الهيكل مباشرة رقم 2 الاخير ف الرقم التسلسلي يقلبوه 8 حذار حذار و يبدلوا بلاك بوليس
👌 شوف البولونات تاع العداد إذا محركين ولا مخنتشين خصوصا 308 compus Tepee
👌كاين بلايص معروفين يكنترو فيهم ف الوطن احذر ماتشريش منهم ، تلقاهم يقلبو الطونوبيل تشعل ينظفوها مليح باه تبان جديدة يغلفوها نيلوات و و و و احذر
👌كاين جماعة يديرو كارت قريز 16 يبيعلك و يباريلك ف العاصمة و يخدعك في لاطول ولا الكونتور و هو من بلاصة أخرى... ، و كي تعاود تعيطلو ولا تروح ليه ماتلقاش الريحة تاعو و كاين بزاف صراتلهم 🙏🙏🙏
