Auto ecole zobir 2

25/12/2025

27/10/2025

مع الوقوف

28/09/2025

خطوات_ومراحل امتحان_السياقة
اليكم بعض النصائح خاصة بإمتحان السياقة:(السيركوي)

1 كي تركب نهار الإمتحان في السيارة أول حاجة تعدل المقعد (الكرسي). ودير حزام الأمان وتعدل المرايا "les Retroviseurs" ( إذا كانوا معدولين خليهم).

2 ومباعد ما دير والو حتى يقلك المفتش انطلق (ديماري).
طبق V.I.F ومعناها:
1) V: Vitesse.
2) I: Indicateur.
3) F: Frein à main.
3 اضغط على لمبرياج كامل ودير الفيتاس في الوضعية الأولى بروميار1

2) I : Indicateur
4 شغل الغمازة ( المؤشر الضوئي) إلى الجهة اليسرى.
3) F: Frein à main
5 أطلق المكبح اليدوي "لفراناما"
6 ومباعد لازمك تنظر في المرآة الداخلية والخارجية اليسرى.
7 لمبرياج دائما ترفع غير بشويه (تحبس من الرفع على لمبرياج في اللحظة انتاع الانطلاق باه ما ترقدش" تكالي" بيك وما تهربش بيك وتبقى متحكم في السيارة) ( أحسن حاجة يوم الإمتحان هي كي يكون الانطلاق مليح).

8 تمشي حوالي 4 أمتار باه ترفع كامل على لمبرياج باه ما ترقدش وتبقى متحكم في السيارة.

9 ومباعد كي تمشي السيارة وتلحق 20 كلم /سا دير دوزيام 2.
10 تمشي غير بدوزيام2 يوم الإمتحان (إلا إذا قالك المفتش عڨب تروازيام 3؛ عڨب إذا ما قالكش ما تعڤبش ابقى بدوزيام 2).

11 كي يقلك توقف دائما أول حاجة تنظر في المرأة الداخلية والخارجية.
12 ومباعد دير الإشارة (الغمازة) على اليمين وأحبس في مكان مسموح.

13 إذا كنت بالسرعة الثالثة تروازيام 3. نقص بلفران برك كي تنقص السرعة أقل من 40كلم/سا (تكون في مستوى السرعة الثانية) أضغط على لمبرياج ودير السرعة الثانية دوزيام 2.

14 كي تخرج العجلة الأولى من الطريق اضغط على لمبرياج كامل وافريني غير بشويه حتى تتوقف خلاص.

15 اعكس الكلمة لي قلنا عليها قبيل. F.I.V
(Vitesse. Indicateur. Frein à main)
16طلع لفرانما هي الأولى ومباعد طفي الإشارة ( الغمازة). ومباعد رجع الفيتاس إلى نقطة الحياد "بامور".

17 كي تهبط من السيارة افتح الباب باليد اليمنى دون أن تنسىى النظر في المرآة الارتدادية الخارجية اليسرى
18 دون أن تنسى الوقوف يكون في وضعية مسموحة.

19 وضعية المقود"الفولان" 9 سا و 15 دقيقة (التاسعة والربع) أو 10 سا و10 دقيقة (العاشرة وعشر دقائق)

24/09/2025