بوصلة الشباب

بوصلة الشباب My humble This developed especially for the follow-up car news and to find out the last issues and follow-up, please Likes

نادي مالك بن نبي | Dz young leaders
نحن هنا لبناء مسار دراسي ومهني واعٍ للشباب الجزائري. عبر برنامج تأهيل القيادات الشبابية، نرافق المشاركين عملياً في تجربة ميدانية حقيقية لاكتشاف ذواتهم، اختبار قدراتهم، وتحويل مشاريعهم إلى أطر عملية منظمة.

المولد النبوي الشريف ﷺ 🌙🤍أشرق الكون بنوره، وتزيّنت الدنيا بمولد خير البرية، سيدنا محمد ﷺ.صلّوا على من جاءنا بالحق بشيرًا...
25/08/2026

المولد النبوي الشريف ﷺ 🌙🤍
أشرق الكون بنوره، وتزيّنت الدنيا بمولد خير البرية، سيدنا محمد ﷺ.
صلّوا على من جاءنا بالحق بشيرًا ونذيرًا، وعلى آله وصحبه أجمعين. 🤲🏻✨
اللهم صلِّ وسلم وبارك على سيدنا محمد، عدد ما ذكره الذاكرون وغفل عن ذكره الغافلون.
كل عام وأنتم بخير، ومحبّة رسول الله ﷺ تملأ قلوبكم نورًا وسكينة. 🤍🌿

تم اليوم في دار الشباب المجاهد بلعقون محمد عقد لقاء اخوي في مع مؤسس منصة KIVRNori AH (kivrs.pages.dev)، لبحث سبل المرا...
17/08/2026

تم اليوم في دار الشباب المجاهد بلعقون محمد عقد لقاء اخوي في مع مؤسس منصة KIVR
Nori AH
(kivrs.pages.dev)، لبحث سبل المرافقة ودعم هذا المشروع الرقمي الواعد الذي يخدم الحرفيين والمجتمع المحلي.
🌟 ما هي منصة KIVR؟
فضاء حيوي للحرفيين تجمع مختلف المهنيين في مكان واحد.
تبادل الخبرات
واجهة بسيطة وعصرية
📣 نداء لكافة الحرفيين والشباب:
ندعوكم للتسجيل واكتشاف المنصة عبر الرابط: kivrs.pages.dev
ساهموا معنا في نشر المنشور ودعم ابننا لتكبير هذه الشبكة الحرفية! 🚀
دار الشباب المجاهد بلعقون محمد تيميمون
ديوان مؤسسات الشباب لولاية تيميمون
DZ Young leaders
#تيميمون

🖤 بيان تعزية | بوصلة الشباب﴿إِنَّا لِلَّهِ وَإِنَّا إِلَيْهِ رَاجِعُونَ﴾بقلوب مؤمنة بقضاء الله وقدره، تتقدم بوصلة الشباب...
01/08/2026

🖤 بيان تعزية | بوصلة الشباب
﴿إِنَّا لِلَّهِ وَإِنَّا إِلَيْهِ رَاجِعُونَ﴾
بقلوب مؤمنة بقضاء الله وقدره، تتقدم بوصلة الشباب بأحرّ التعازي وأصدق عبارات المواساة إلى عائلات ضحايا حادث المرور الأليم الذي وقع بولاية تيميمون، سائلين المولى عز وجل أن يتغمّد الضحايا بواسع رحمته، ويسكنهم فسيح جناته، وأن يلهم ذويهم جميل الصبر والسلوان.
كما نسأل الله تعالى أن يمنّ على المصابين بالشفاء العاجل، وأن يحفظ الجزائر وأهلها من كل سوء ومكروه.
رحم الله الضحايا، ونسأل الله السلامة للجميع.

#تعزية

#تميمون
#الجزائر

بسم الله الرحمن الرحيم﴿إِنَّا لِلَّهِ وَإِنَّا إِلَيْهِ رَاجِعُونَ﴾بقلوبٍ يعتصرها الحزن والأسى، تتقدم صفحة بوصلة الشباب ...
31/07/2026

بسم الله الرحمن الرحيم
﴿إِنَّا لِلَّهِ وَإِنَّا إِلَيْهِ رَاجِعُونَ﴾
بقلوبٍ يعتصرها الحزن والأسى، تتقدم صفحة بوصلة الشباب بأحرّ التعازي وأصدق عبارات المواساة إلى عائلات ضحايا الحادث الأليم، سائلين المولى عز وجل أن يتغمّدهم بواسع رحمته، ويسكنهم فسيح جناته، وأن يُلهم ذويهم جميل الصبر والسلوان، وأن يمنّ على المصابين بالشفاء العاجل.
رحم الله الضحايا، وحفظ الله الجزائر وأهلها من كل سوء.
إنا لله وإنا إليه راجعون.

خلي يقرب الكونطرول ونراجع .. كفاه تقرا في مسارك الجامعي بأقل جهد وأعلى كفاءة ممكنة؟✅هذا الموضوع الجديد يندرج ضمن سلسلة ا...
29/07/2026

خلي يقرب الكونطرول ونراجع .. كفاه تقرا في مسارك الجامعي بأقل جهد وأعلى كفاءة ممكنة؟✅
هذا الموضوع الجديد يندرج ضمن سلسلة المواضيع التوجيهية الإرشادية لطلبة البكالوريا بالدرجة الاولى، بقية المواضيع تلقاوها في الصفحة لي حاب يستفيد من كل المعلومات والمواضيع المطروحة.

كاين مثل يقول : لي يبني على الرمل، يبقى يبني كل عام من جديد .. وهذي بالضبط حالة اغلبية الطلبة حاسبين رواحهم يقراو وفي الحقيقة حاجة ماراهي تترسخ في عقولهم .. وهذا الموضوع لكل الطلبة باه يعرفو وين راهي مشكلتهم ويعالجوها.

ليلة الامتحان وكيما يسموها الاغلبية ليلة الرعد، الساعة 3:00 تع الصباح، حاط كاس قهوة ثقيلة، عينيك حومر، تعبان، ميت، طابلة معمرة ليبوليكوب وPDFs مفتوحين واليوتيوب، ونتا تحاول تحشي معلومات وقرايو تع 4 شهر في راسك في ظرف 4 سوايع برك.

تدخل لاصال لي تفوت فيها الكونطرول، تعصر مخك، تخدم قيس قيس، تحط الورقة وتخرج، وبعد ساعتين برك كن نجي نسقسيك وش كتبت تلقى روحك نسيت 80% من الموديل اصلا، وهذي يا صديقي عمرها ماكان اسمها قراية، هذي قرصنة مؤقتة للذاكرة RAM Dump، راك غير تفوت في الوقت وتهلك في صحتك، وتخرج في لخر بزيرو معرفية وزيرو قراية.

السؤال لي نطرحوه هنا .. علاه كاين طالب يدخل يلقى روحو فاهم كلش، يدي 16 ولا 17 بلا ما يسهر ليلة الرعد، وفي نفس الوقت عندو حياتو الخاصة ويخدم فريلانس وداخل في النوادي الأكاديمية؟ وعلاه طالب آخر هارد صحتو ويسهر وضغط وفي لخر يدخل للراطراباج ولا يدي 10 تع ذراع؟

هنا الفرق بيناتهم مش في السوايع لي مخصصينهم باه يراجعو، انما في الهندسة الذهنيةMental Architecture، وكفاه قاعدين يتعاملو مع المعلومة.

أكبر غلطة يديرها الطالب الجامعي هي أنو يحكم الـ Polycopie ولا الـ PDF ويقعد يعاود يقرا فيه ويدير Highlighter بليكولار اصفر ولا لموف وهو حاط روحو يقرا، مي في الحقيقة المخ تاعو راه في حالة خمولPassive Mode.
المخ تاعنا يخدم بمنحنى النسيان Ebbinghaus Forgetting Curve، يعني أي معلومة تقراها وما تعاودش تستدعيها تروح منها 70% في ظرف 24 ساعة برك، سما كي راك تلم فالدروس للسمانة لخرة، راك رايح تبدا تقرا في موديل جديد من الزيرو، بلا ماتفوق.

ذرك نحكي. كفاه تقرا وتريفيزي بأقل جهد وأعلى كفاءة؟

في بلاصة ما راك تضيع في 8 سوايع في النقل البصري للدروس، خصص ساعتين برك كل يوم واستعمل زوج تقنيات مثبتة علميا ومجربة في أكبر الجامعات :

🔹1- الاسترجاع النشط Active Recall
ما تقراش الدرس باه تحفظو، اقراه باه تسقسي روحك عليه مبعد.

- كي تجي تطبق في المواد التقنية والعلمية .. كي تكمل شابيتر تع Algorithme ولا Physique، صكر الروجيستر تاعك ولا البدياف، وهز ورقة بيضا وجرب تكتب الفكرة الأساسية ولا الـ Flowchart ولا القوانين من مخك بلا ما تشوف.

- طريقة السؤال والجواب .. في بلاصة ما تلخص الدرس في فقرات، لخصو في أسئلة مثلا في بلاصة ما تكتب تعريف الـ Thread والـ Process، اكتب وش هو الفرق الجوهري في الـ Memory Allocation بين Thread و Process؟ .. كي تجي تراجع حط يدك على الجواب وجاوب من راسك.

🔹2- التكرار المتباعد Spaced Repetition
المعلومة باه تمشي من الذاكرة قصيرة المدى RAM للذاكرة طويلة المدى Hard Drive، خصها تتراجع على فترات متباعدة.

- مثلا المعلومة لي قريتها اليوم، راجعها غدوة في 10 دقايق، زيد راجعها بعد 3 أيام، مبعد بعد سمانة، مبعد بعد شهر، الساعتين لي قلنا خصصهم كل يوم، مش حيفوتو ونتا تحفظ في درس جديد برك، انما نص ساعة منها ديرها كشغل مراجعة خاطفة للمواضيع القديمة.

- ثاني طريقة مليحة انك تجيب زميل ليك وتشرحلو الدرس حتساعدك هذي وكنت انا شخصيا نديرها، ولا تعتمد على تقنية تعليم شخص وهمي Feynman Technique، اشرح الدرس بصوت عالي كشغل تشرح فيه لصاحبك، إذا غلطت في الشرح معناها راك ناقص في هذيك النقطة بالضبط، وعاود صلحها وهي رايحة.

وهذي ادوات ومصادر مليحة حيعاونوك :

- تطبيق Anki .. هذا برنامج مجاني يعتمد بالكامل على الـ Spaced Repetition والـ Active Recall، تقدر تخدم فيه Flashcards للمصطلحات، القوانين، وليكود، وهو في حد ذاتو يحددلك الوقت لي يرجعلك فيه السؤال قبل ما تنساه.

- قناة Ali Abdaal على اليوتيوب، سيرتو ليفيديو لقدم تاعو لي يشرح كفاه كيفاش تخرج الماجور دوبرومو باستعمال Active Recall وEvidence-based revision tactics.

- قناة Justin Sung، متخصص في الهندسة الذهنية والتفكير الهيكلي Mind Mapping & Encoding، ينعتلك كفاه تفهم الامور المعقدة ودير بيناتها روابط منطقية في بلاصة الحفظ الجاف.

ذرك الفرق بين واحد يتخرج بمعدلات متوسطة وكاره وتعبان نفسيا والحياة الجامعية عاطياتو طريحة وبين واحد يتخرج بين الأوائل وعندو مهارات عمل ميدانية .. هو انو لول يخدم بالجهد العضلي العشوائي، والثاني مداير سيستام يمشي عليه ومتقيد بيه ديما.

ساعتين مراجعة تفاعلية كل يوم تكفي باه تخليك ديما مع الأوائل، وتخليلك باقي يومك ملك ليك دير فيه سبور ولا تحوس ولا دير فيه انشطة لي تحبها، يعني كلو يرجع لرغبتك وطموحك وشحال راك مستعد باه تلتزم من لول وتنظم قرايتك ونشاطاتك ومراجعتك وكل التفاصيل لأنو هذا الموضوع هو الاجابة للناس لي كانو يقولولي كفاه نخدمو فريلانس ونقراو في نفس الوقت .. اذا راك حاب صح حاجة اكيد رايح دير كلش باه تحققها وأولها تكريي سيستام وتحط روحك فيه لداخل وتطبقو يوميا وتلتزم بيه حتى تولي نتا هو السيستام وتحقق المطلوب في النهاية ✅

وزيدو خبروني نتوما في التعليقات وش رايكم في الموضوع .. واسكو عندكم استعداد تبطلو الريفيزو في ليلة الرعد وتبداو تطبقو في أساليب المراجعة الذكية؟ وكشما كاين لي جرب تطبيق Anki من قبل؟

▪️ ملاحظة : منشورات السلسلة كاملة تلقاوها تحت الهاشتاغ:
✅
بقى موضوع واحد في السلسلة ننشرو ليومين هذو كذلك.

شاركو الموضوع باه غيركم يستفيد، لي عندو اي انشغال يطرحو فالتعليقات وربي يوفق الجميع ان شاء الله ☑️
___________

تخيل تعمر بطاقة الرغبات مبعد ما يقبلوك في حتى تخصص؟ 👀اذا ماراكش حاب تطيح في هاد السيناريو كما طاحو بزاف ناس 🥲 تبع معانا ...
18/07/2026

تخيل تعمر بطاقة الرغبات مبعد ما يقبلوك في حتى تخصص؟ 👀

اذا ماراكش حاب تطيح في هاد السيناريو كما طاحو بزاف ناس 🥲 تبع معانا كيفاه تعمرها بالطريقة الصحيحة:

👈 أول شي نطلعو على معدلات القبول تاع العام الماضي في الملف الذي تجدونه في التعليقات، ثم نسدد ونقارب، ونحطو التخصصات امامنا لي احتمال كبير تصحلنا ندخلوهم بمعدلنا لي تحصلنا عليه هذا العام، ولي راهي ضمن ميولاتنا.

❌ مثلا متصلحش معدلنا 12 ونحطو طب ضمن رغباتنا ولا تخصصات لي ديما يكون معدلها فوق 12، لأنو مستحيل يقبلونا فيها، وبهذا رح نحرمو انفسنا من مساحة لاختيار تخصص اخر مناسب. ومانبقاوش نعيشو على وهم أنو ممكن راح يهبطو المعدلات هذا العام والشائعات من هذا النوع واذا خاطرنا في تخصص لي يكون قريب من معدلنا مانخاطروش في كامل القائمة.

✅ نرتبو التخصصات حسب معدلنا + رغبتنا +اهدافنا وتطلعاتنا من 1 الى 12.

👈 ونديرو في بالنا بلي احتمال رح نكونو في احدى التخصصات 12 لي حطيناها في قائمة الرغبات لهذا، نركزو جيدا فالترتيب، ونحرصو أنو التخصصات لي رانا حابين ندخلوها جدا تكون مع الأول.

⚠️ وفي نفس الوقت التخصصات الأخيرة، ملازمش نعمروها باه نعمروها، نخممو مليح قبل ما نحطو أي تخصص ضمن القائمة، لأنو قادر تحط تخصص رقم 12 ونتا مكش حاب تدخلو، تلقا روحك فيه في بداية العام 😁

ومننساوش أنو ضروري نضيفو تخصصين lmd تكون ذات تصنيف محلي (في ولايتك) أو جهوي (يعني شرق، غرب..)

الشبيبة،
منتسرعوش في ملء القائمة، ونديو وقتنا في الاختيار، نحاولو نستشيرو طلبة من الميدان تاع التخصص، نستخيرو، ولي فيها خير يكتبهالنا ربي 🌱

🎉 ألف مبروك لكل الناجحين في شهادة البكالوريا! فرحة النجاح تكتمل بحسن الاختيار. 🎓بعد التتويج بالنجاح وحصد ثمار التعب، تبد...
17/07/2026

🎉 ألف مبروك لكل الناجحين في شهادة البكالوريا! فرحة النجاح تكتمل بحسن الاختيار. 🎓

بعد التتويج بالنجاح وحصد ثمار التعب، تبدأ الآن أهم خطوة في مساركم:
اختيار التخصص الجامعي المناسب! 🧭
لأننا نؤمن أن التوجيه الصحيح هو مفتاح التفوق لتجنب الهدر الجامعي،
وتحت مظللة**"برنامج تأهيل القيادات الشبابية" (DZ Young Leaders)**، يُسعد ناد مالك بن نبي أن يعلن عن:
🚀 انطلاق الأيام التوجيهية للحائزين على شهادة البكالوريا 🚀
ماذا ينتظركم في هذه الأيام؟
✅ إرشادات دقيقة حول مختلف التخصصات الجامعية ومطابقتها مع سوق العمل.
✅ مساعدة عملية لاكتشاف الشغف والقدرات لضمان اختيار يتوافق مع طموحاتكم.
✅ لقاءات تفاعلية مع طلبة جامعيين ومختصين لمشاركة تجاربهم الميدانية.
✅ مرافقة تقنية لفهم كيفية التسجيل وترتيب الرغبات بذكاء.
المكان:دار الشباب المجاهد "بلعقون محمد" - تيميمون.
دار الشباب المجاهد بلعقون محمد تيميمون
📅 الموعد: يوم السبت ).
⏰: الساعة 10:00 صباحا.
لا تفوتوا فرصة رسم خارطة طريقكم نحو مستقبل ناجح، لأن مساركم المهني يبدأ باختيار واعٍ، و
بناء الحضارة يبدأ ببناء الإنسان 💡
حضوركم يشرفنا ومستقبلكم يهمنا.. كونوا في الموعد 🤝
#تيميمون

يشرفنا دعوتكم لحضور الحفل الفني المتنوع، في أجواء وطنية مميزة تجمع بين الفرح والاعتزاز بتاريخ الجزائر.بمشاركة ناد بوصلة ...
11/07/2026

يشرفنا دعوتكم لحضور الحفل الفني المتنوع، في أجواء وطنية
مميزة تجمع بين الفرح والاعتزاز بتاريخ الجزائر.
بمشاركة ناد بوصلة الشباب
و نادي سفراء الذاكرة من عبق الواحات إلى فخر الأمجاد تيميمون
📅 السبت 11 جويلية 2026
🕡 الساعة 18:30 مساءً
📍 دار الشباب المجاهد بلقعون محمد
كونوا في الموعد... الجزائر أمانة للأجيال. 🇩🇿✨

💡لماذا أصبح الإرهاق سمةً من سمات عصرنا؟هل السبب كثرة العمل فقط؟ أم أن هناك شيئًا أعمق يحدث في حياتنا؟في هذا الملخص، نستع...
10/07/2026

💡لماذا أصبح الإرهاق سمةً من سمات عصرنا؟
هل السبب كثرة العمل فقط؟ أم أن هناك شيئًا أعمق يحدث في حياتنا؟
في هذا الملخص، نستعرض أبرز أفكار الفيلسوف بيونغ تشول هان، الذي يرى أن الإنسان الحديث لم يعد يُستغل بالقوة، بل أصبح يستغل نفسه بنفسه تحت شعار الإنجاز والنجاح والحرية.
ستتعرف على مفاهيم مثل: • مجتمع الإنجاز. • العبودية الحديثة والعنف الناعم. • مجتمع الشفافية. • تأثير وسائل التواصل الاجتماعي. • أزمة الحب في العصر الرقمي. • وهل أصبحت الحرية عبئًا بدل أن تكون نعمة؟
📖 اقرأ الملخص في الصورة، ثم شاركني: أي فكرة وجدتها الأقرب إلى واقعنا اليوم؟

🧠 حلّ المشكلات والتفكير السليم... مهارة تصنع الفرق.الحياة والعمل مليئان بالتحديات، لكن الناجحين ليسوا من لا يواجهون المش...
08/07/2026

🧠 حلّ المشكلات والتفكير السليم... مهارة تصنع الفرق.
الحياة والعمل مليئان بالتحديات، لكن الناجحين ليسوا من لا يواجهون المشكلات، بل من يعرفون كيف يجدون لها حلولًا.
درّب نفسك على: ✅ التفكير قبل اتخاذ القرار. ✅ تحليل المشكلة بدل التسرع في الحكم. ✅ البحث عن أكثر من حل. ✅ التعلم من الأخطاء وعدم تكرارها.
كل مشكلة تحمل فرصة للتعلم والنمو، والعقل الذي يتدرب على التفكير الصحيح يصبح أقوى مع كل تجربة.
لا تهرب من المشكلات... تعلّم كيف تحلّها.

Adresse

Timimoun
Stuttgart
01001

Telefon

+49664467382

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von بوصلة الشباب erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an بوصلة الشباب senden:

Verknüpfungen

Teilen