04/05/2025
الغشة في تونس تمس كل مجالات و كل تونسا و كراهب ماهيش استثناء في ظاهرة مجتمعية هذي ,ف بش نحكي علي فكرة موجودا في عالم و مش جديدا يعني و تبدا بموقع يجمع بيانات من جهات رسمية من دولة ك ( ATTT و CGA الخ..) و حتي اذا دولة ما تحبش تعطي اهمية لانشاء هل موقع تنجم تعطيه لشركة خاصة او تتعاون معاها و تعمل موقع كيف Car vertical او Carfax يعطي معلومات تحاول تحد من ظاهرة غش هذي .
1 • علي سبيل مثال موقع اسمه CarHistoryTunisia يوثق حياة كرهبة لكل ملي بدات تسركيلي في تونس علي سبيل مثال اذا كرهبة تعمل حادث او اي كونستا تتسجل كونستا هاكي في موقع هذا يعني يتحط VIN كرهبة الي هو Xy مع matricule متعها Xy انها مثلا عملت كونستا من جهة امامية متضررة و بدلت bare-prise زادا و كونستا هيا مع كرهبة الاخري مثلا رقم VIN متعها Xy و matricule متعها Xy و هذا كان ب تاريخ و سنة وقتاه .... دونك يولي هذا يفسرلك انه كرهبة تضربت من جهة معينة او بدلت بلورها و هذا يتحط فقط فقط عن طريق شركة تأمين و ما عندو حتي حد الحق انه يدخل او يعدل فيه و فقط الا شركات تأمين و ملزمين ب هذا من CGA زادا , و اذا امكن زادا صور قبل و بعد خاطر بطبيعتها كرهبة بش تتصور من خبير قبل و بعد تصليح ف يحطو تصاور هاكم و يكون بجنب افادة هذي لون أخضر 🟢 .
2 • مثلا كرهبة في كل موعد visite technique يصير الزامي عون متع centre visite technique
مع بقية مراقبة في خدمته انه يقراء الـ Kilométrage متعها و يحط معلومات هذي في موقع بطبيعة بعد ما يحط VIN متعها و matricule متعها و تاريخ وقتاه صارت قرأة هذي مثلا بتاريخ 14/04/2024 قرأ انه كرهبة VIN Xy Plate Xy عداد متعها علي اساس انه فيه 188.924 Klm و هذا زادا يصير في كل معاينة مثلا ان كان اول مرة كرهبة في تونس يعني دخلت ك كرهبة importe من أي بلاد طبيعي بش تعمل معاينة للاجراءات ديوانية و بش يصب carte grise وقتها زادا يتقرا ال KLM متعها خاطر سوق كراهب مستعملة هو حصة كبيرة و هيا سوق مهمة او حتي اذا هيا مثلا كرهبة من وكيل تونسي و 1er main يعني تسجيل اول و كيف بش تتباع كرهبة اول مرة لمالك ثاني الخ... خاطر شاري بش يطلب معاينة سواء قبل شراء او حتي كيف بش يصب carte grise من بعد و ولهنا عون ATTT للمعاينة زادا يقرأ ال Kilométrage و يحطه في موقع و نفس شي زادا في كل visite technique ان كان كل عام او عامين ولا 6 شهور بنسبة للكراهب الـ Commercial و يتحط بجنبها معاينة بتاريخ كذا او visité technique بتاريخ كذا و KLM الي تم قرأته بنفس تاريخ هو مسافة كذا الخ... و هذا الزميا في خدمتهم علي اعوان ATTT ضمن خدمتهم يعني انهم يحطه KLM كل كرهبة قصت عندهم معاينة او visite tech و يكون بجنب افادة هذي لون أخضر 🟢 .
3 • نفس شي اذا كرهبة تعمل في entretien في دار متعها يلزم دار تحط شنوة عملت حتي و لو vidange عادي فيه huile / filtre عندها الحق تدخل للموقع او منصة هذي و تحطه بتاريخ شنوة بدلت و زادا kilométrage لي تقرأ وقتها و تكون بجنب الي حطته في افادتها نقطة باللون أصفر 🟡 .
4 • يحق لأي Garage عندو باتيندا ك Mecencien / Electrician / Diagnostic أو أي ڨراج صيانة كراهب او طولة و دهينة و غيرو من بقية خدمات يحط انه عمل صيانة كذا للكرهبة هذي في تاريخ كذا و يحط ممشي KLM فيها وقتها كذا و يحق زادا لـ ڨراج طولة و دهينة و غيرو... يحط انه كرهبة هذي بـ matricule و VIN هذا دهن او صلح فيها كذا و كذا و ما يحل موقع او plateforme هذا كان ما يحط رقم معرف متاعه قبل اي اضافة علي اي كرهبة و بعد هذا لكل يبقي بجنب افادة متاعه لون برتقالي 🟠 خاطرو جهة وجودها قانوني مش عشوائي اما يديرها شخص او مواطنون مش شركة معتمدا من دولة بتخريص او جهة حكومية و نفس شي زادا ملاك كرهبة نفسه ينجم يحط كل شي في كرهبته ب نظام بش بعد عند بيوع يستعمل تقرير هاكا بش يثبت بيه صيانته دورية لكرهبته مثلا و الي بش يقول ماهو ينجم يحط كيف ما يحب تو نجاوبك في الاخر علاه ما ينجمش يحط علي كيفه و كيف ما يحب .
4 • البنوك و leasing و قباضة الخ.. برشا ناس تشري كرهبة و ما تكونش تعرف انه كرهبة recherche عند المرور او كرهبة فيها قرار عقلة او مرهومة الخ.. خاطر الادارات تونسية مش مربوطا ببعضها آليا و في تحيين معلومات بين بعضهم دونك هذم لكل لزم يكون عندهم نفس نافذة و هيا اذا كرهبة مزالت عليها ديون او رهنية من هذم الخ.. تتحط بضيط ا فيها ف مثلا لو كرهبة كملت في كل خلاصها او مزال فيها حتي شهر مش خلاص او اذا كرهبة عليها خطايا تعرضها لعقلة او اي كان تطلع ,و اذا كل شي فيها مريڨل تعطيك لون الأخضر بجنب رقم VIN كرهبة و matricule متعها 🟢 و هذم هوما اصلا إما قباضة الي هيا وزارة المالية يعني جهة حكومية أو البنوك جهات قانونية معتمدا عند دولة و اذا فيها رهنية او ديون يكون لون الأحمر 🔴 حتي و لو مزال فيها شهر واحد مش خالص او حتي خطية ب دينار .
5 • في مرحلة متقدمة مع update تصير فيه موقع هذا / platform الي افترضنا اسمه CarHistoryTunisia مثلا يولي فما تكامل في قواعد بيانات يعني يتربط زادا مع أكثر ما يمكن من مواقع تشبهله في اوروبا كيف CarVertical و امريكا كيف Carfax و الاخري من مناطق في خليج كيف VehicleReport الخ.. بطريقة هذي مثلا حتي كان فرضا Golf 8 importé من المانيا مثلا و تهبط لـ تونس و في أول معاينة يتم تسجيلها ب كيلمتراج 50 الف كلمتر (نقولو مولاها ما يخافش ربي و طيحلها في KLM قبل اول معاينة بش تبدا رحلتها في تونس ب 50 الف كلمتر) عوض اصلي كانت فيه 130 الف كلم و فإنه كيف بش تحطها ب VIN هاكا و تسجلها كيف ما شافها عون معاينة بـ 50 ألف مثلا هيا في كل احوال بش تطلعلك في موقع الاخر كرهبة هذي بنفس VIN هذا عندها تسجيل قديم في موقع اوروبي والا أي موقع غيره انها عملت فيدونج في دار VW مثلا في 100 الف كلمتر مثلا لهنا تفهم انه تم تلاعب بيها حتي قبل ما تهبط لـ تونس و حتي اذا مش تونسي تلاعب ب عداد ينجم يكون زادا مالكها قديم غشه البرا مهم كيف يكون مربوط ب اش تسجل في تونس و اش كان البرا في الآخر تسجيل لـ KLM تبدا فاهم صار تلاعب بغض نظر شكونه .
6 • يلزم زادا ما يكونش فما حتي جهة مخولة ليها تعدل علي الي قبلها يعني كان كرهبة عاملة Visite technique و مسجلينها ك 100 الف كلم و بعد دار عملت Vidange و قرأت انه فيها كان 70 ألف كلم هيا فقط تسجل كيف ما قرات و اكهو و و هذا في حد ذاته يثبت فما تلاعب في كيلمتراج ف كل جهة جاية تضيف جديد و اكهو و حتي اذا مثلا كرهبة عملت اول معاينة في تونس بش صبت carte grise ب كيلمتراج 100 الف كلمتر و كانت قبلها مسجلة في موقع مشابه في خارج متع check ب 150 الف و بعد عامين في visite technique تولي ماشية كان 80 الف علي سبيل مثلا لا يحق لل ATTT او أي جهة تحاسبه او تقولو شبيك خاطر ينجم يكون هو نفسه شراها من خارج طيحت KLM من عند اجنبي و ينجم يكون في عامين لي كسبها تبدل فيها compteur او تبدا فيهم Engine مع ECU يعني ما ينجم حد يتهم حد خاطر اثبات صعيب الا في حالة قليلة و اذا اثبتا فعلا لهنا يولي خطيئة كبيرة و احنا فكرة قبل ما نركزو علي خطايا و فلوس لدولة منصة تعملت بهدف تقليل الغش و قطع معاها و يلزم نركزو علي وضع حد لظاهرة غش اولا و تو بعد تدريجيا تتبعها عقلية متع كل شي كيف ما هو بصراحة وصولا للخطايا و الحق قانوني ف لسبب او الأخر ما يحقش حد يحاسبه الا اذا حد مواطن تضرر قدم شكاية ب شخص و نجم فعلا يثبت انه فلان بذاته غشه بدلالات قوية و في كل احوال الموقع كيف هاكا هو يتوجد بش يقلل بنسبة كبييييرة من ممرسات هذي و تبقي مجرد حالة خاصة او حد ابله عملها .
• في نهاية كل كرهبة استوفات ب انها ما عندها حتي history متع اي كونستا مع assurance مثلا (تبديل bare-prise) ينجم يكون مش حتي ب حادث و لكن يتحط بش شاري او الي بش يأخذ يعرف و اكهو و كل visite technique تعملها ال kilométrage متعها منطيقيا يطلع و ما يهطبش بداية من اول معاينة وصولا لكل visite و تكون ما عليها حتي ديون تكون سجل نظيف يكون بحذي VIN متعها ثلاثة نقاط خضر ... نقطة للمعاينة أولي اذا مستوردا 🟢 نقطة لأنه خالية من اي حادث 🟢 نقطة لانه ما عليها حتي مشكل قانوني 🟢 .
• اذا مثلا كل شي فيها ريڨلو منطيقيا KLM متمشي مريڨل و حتي دار كاتبة كل service عملته للكرهبة و ما عليها حتي اشعار من شركة تأمين و لكن عليها مثلا رهنية تكون هاكا نقطة خضراء و حمراء 🟢🔴 خضرا ل سجلها ك كرهبة نظيفة و الأحمر ل سجلها ك دين او شي قانوني عليها مش عادي .
• بطريقة هذي الي بش يشري يكون ضامن بنسبة كبيرة انه كرهبة الي بش يتفاهم مع مولاها يمشي يشوفها يبدا عندو عليها فكرة مسبقا علي أقل 20% او 30% تاريخها كم من ملاك كسبها و كيفاه رحلتها في كل عام و مع هو يحل عينيه و يقلب مليح انه ما عليهاش حتي اشعار لا من شركات تأمين الي الأمنوها لا من مصالح دولة الي كل ما يتم معاملة مع كرهبة هذي تسجل كيلمتراجها صحيح يكون منع روحو بأكثر طريقة ممكنة انه شراء كرهبة نظيفة بطبيعة راهو كرهبة نظيفة مش kilométrage كهو و مش zéro كونستا مع assurance كهو و انما كرهبة نظيفة هيا الي لزم تثبت فيها مليح من دهن و خاصة خاصة ماستيك و accident لي عملو واحدو و لحام متع طولـي و موتار يأكل في زيت و boite مش صالحة و airbag مطرشق و مصلح و قطاع غيار الي مبدلا في سلعة مذرحة و الخ.. هذم لكل ما يطلعوش في site هذم تعمل علي روحك بش تحاول تفيق بيهم اذا لا يقدر موجودين و تشري كرهبة نظيقة اما علي أقل عندك فكرة أولية بنسبة 20% علي كرهبة لي بش تشوفها شنوة .
• يبقي 3 نقاط الاخرين ناس بش تعقب عليهم ...
اولي • لهنا فما حاجة لزمها تكون موجودة هو انك عندك قدرة توصل لكل شي في كرهبة الا اذا بش تعرف كرهبة خالصة او مزالت ما تنجمش تعرفها الا في حالة إنك تحط VIN كرهبة و لزم معاها CIN مالك متعها و هذا اذا وصلتلو راك اصلا يا مالك نفسه يا مع بعضكم بش تطلبه في حالة اتفقته بش تشري كرهبة و هذا من حقك كيف معاينة و هيا الأخر مرحلة تتعمل كونك تشيك علي ديونها اذا فيها قرار عقلة او رهنية الخ.. اذا وجدت و هاكا معطيات شخصية مع البنك او ليزينع او قباضة او جهة تهم صاحبها و كرهبته بذاته محفوظة .
ثانية • بش يقول حد اذا عادي حد يعرف كرهبتك هل عاملة حادث او عندها Visite او غيرو الخ.. طبعا عادي و هذا معمول بيه في عالم لكل فما مواقع كيف تحط VIN او matricule كرهبة تعطيك تاريخ كرهبة لكل و في حالة تونس يطلب matricule كهو يعني من اول ما تشوفها في annoncé تنجم تشيك عليها او تعرف كم مالك كسبها و تاريخها دخولها و حتي رقم تسجيل سابق ex matricule اذا كرهبة مستوردا و هذا مش معطيات شخصية خاطر ما عندك حتي وصول للاسماء ملاك كرهبة او مالكها حالي انت فقط تقرا في معطيات كرهبة و هيا مش معطيات شخص بحد ذاته يعني هذي معطيات كرهبة مش شخص .
ثالثة • ناس الي بش تقول او تفرضا مثلا مثلا انه يقلك فما اصحاب ڨراجات تنجم تحط كيلمتراج غالط مثلا لكرهبته بعد ما عملت maintenance او يطلع او يهبط في KLM بش يضر مولا كرهبة للغاية معينة او مالك نفسه بش يبيع كرهبته يدخل ل VIN و CIN متاعه و يحط كيلمتراج غالط وقت هيا بالاسمه او حتي دار مثلا فيها ناس بدافع مغالطة او الله و اعلم شنوا نيته ينجم يحط كيلمتراج غالط و لهنا هاكا علاها بجنب تأكيد متع كيلمتراج لي كتابه تلقا نقطة صفراء 🟡 او برتقالية 🟠 يعني أقل مصدقية من ما هو من مصالح دولة ف اذا معلومات جهات هذي لقيتهم متناسقين مع بقية معطيات لي قبلهم انتي رابح و اذا لقيتهم غالطين ف بش يكون واضح انه فما غلطة خاطر بتأكيد بش يكون فما قريب منهم ديما يا Visite technique او معاينة صارت في وسط و هيا أصح و بتالي ما تاخوش عليهم .
= يعني موقع مهمته يعطيك
• عدد مالكين كرهبة الي هو حاليا ATTT تقدمها ك خدمة
• يعطيك اذا كرهبة كانت Location أو TAXI أو Auto-école او غيرو من كراهب الي تخدم و هذي زادا خدمة تقدمها ATTT .
• يعطيك كل kilométrage تسجل في كرهبة ب تاريخ مسترسل انه قاعد يزيد طبيعي .
• يعطيك اذا كرهبة عملت كونستا في شركة تأمين سواء وحدو او مع كرهبة الاخري و شنوة بضبط كونستا هاكي اي جهة و اذا لزم تصاور .
• يعطيك اذا فما اي تقرير متع سرقة تم في كرهبة قبل خاطر محضر الأمني هو .
• يعطيك اذا فما اي تقرير متع حالة حريقة تمت في كرهبة لا يقدر و طفاتها حماية و صار قبل و بعد يعني تصلحت و ما فقتش بيها يولي تقرير مرفق يعطيك فكرة .
• اذا ڨرجات أو ديار منظمة تنجم تعرف حتي نظام صاحبها في entretien متعها و زيت لي كان يستعمل فيه .
✅ شنوة ربحت سوق كراهب لهنا كل كرهبة تأخذ حقها في سوم يعني ما فماش هذي واحدة ماشية 400 الف و الاخري ماشية 180 الف صحاح و يتباعه زوز علي اساس 180 الف .
✅ كل كرهبة مصلحة و عاملة كونستا يتبدل فيها av كامل من capot / phare /pare-choc الخ.. و مش معنها يبدلهم origine معنها يبيع كيف نفس الاخري كيفها قال شنوة دورجين كيف الاخري كيفاها الي طول عمرها ما دخلتش garage تصليح ف كونستا تكشفه .
✅ كرهبة ماشية برشااا او عاملة حادث و مصلحة او location او صيانة مهملة مش يعني ما تتباعش اما تسعيرها يتم علي حسب نظافتها و تاريخ استعمالها كيفاه كان كل كراهب تتباع اما تسعير يصير منطيقي .
🚫 فما ناس بش تقلك كيفاه مانيش لا حطط كرهبتي للبيع لا شي يجي حد و يدخل لـ site / plateform هذا و يحط matricule كرهبتي و يطلعله history متع كرهبتي من visite technique و KLM و الاخر معاينة وقتاه و اذا عملتش حادث قبل و الخ.. و كان لزم حتي vidange و الخ.. مش معقول حد يمشي ورايا يقرا matricule يقوم يدخل لـ site يعرف تاريخ كرهبتي علي أقل خليوها بال VIN مش ب matricule ,طيب هذا منطيقي لهنا فقط تنجم تعمل حاجة واحدة تمنع بيها هذا لكل تدخل للموقع تحط VIN كرهبة و matricule كرهبة و CIN متاعك ك مالك كرهبة و تسكر امكاينة وصول للمعلومات هذي 🔛 عبارة bouton ON / OFF و تخليها ديما OFF حتي لي يدخل ما يشوف شي فماش ك الاسم كرهبة او يطلعله Not available و ربما منطيقي عند برشا ناس هو علاه يشوف و كرهبة مش معروضة للبيع ولا للشي ف ما تحطها ON كان كيف بش تحطها للبيع و اذا ما حليتهاش و حطيت ON وقت حطيتها في اي نوقع او غيرو للبيع يعني انتي تخبي في حاجة دونك صعيب تبيع و انتي تخبي في حاجة مفروض تسهل بيها علي شاري اذا نيتك صادقة في بيوع .
🔄 راهو زادا الفكرة ماهيش جديدا ولا ما فماش منها ,لا فما و ما أقوي منها في برشاااا دول في عالم لكل و راهو بناء المنصة او موقع هاكا ساهل نسبيا و يقول قايل علاه ساهل خاطر ما يطلبش حتي استثمارات جديدا ولا ضخمة في جمع بيانات و فقط إنشاء نظام يقوم بربط البيانات ببعضها الي هيا أصلا المتوفرة مسبقا عند الأطراف المختلفة كيف مالية القباضة و ديوانة و مثل شركات التأمين و مراكز الفحص الفني والإدارة العامة للمرور و حتي كيف بش تربطه في مرحلة متقدمة ب موقع الأخر تشبهله راهي مش حاجة كبيرة ما تصيرش فقط اتفاقيات تبادل معلومات كراهب عن طريق VIN متعها ,الي حاشتنا بيه مش شي كبير و عملاق و ذكي هو فقط منصة موحدة تعرض هذه البيانات بشكل شفاف وآمن و أكهو و حتي دولة تنجم تستعملها ك مصدر متع فلوس يعني علي كل check تعمله بش تشوف history كرهبة تخلص دينار ولا 10 دينارات الي هوما اي حد يحب يشري كرهبا يدفع اضعافهم بش يوصل يلقاها اتعس ما توقع دونك عادي مجرد موقع او منصة تلم كل بيانات و ما ترجعش للقديم أصلا ابدا من جديد و انتي ماشي القديم سماح فيه ميسالش مهم تحاول تعمل حد لظاهرة غش هذي و مش مكلف موقع خاطر اصلا بيانات متع عدد مالكين موجود في ATTT و بيانات متع كونستا الكراهب موجودة عند شركات تأمين و بيانات متع خلاص و رهنية كرهبة موجود مؤسسات مالية بمختلف اساميها في يعني بيانات بش تتصب في موقع او منصة مشتركة هذي و تدريجيا يتحسن .
⚖️ دولة تصرف في برشاااا فلوس علي الالة رادار مش لسلامة مواطن خاطر سلامة مواطن مش رادار و انما طريق معبد و انارة و حتي مخافضات سرعة تتبني بطريقة مدروسة و الخ... و لكن رادار و خاصة متع 50 كلم / س او حتي 70 كم/ س هو في طريق من ستينات و وزارة تجهيز ما حينت فيه حتي بلاكة و حتي شي ف فكرة متاع رادار لكل خطايا في قباضة كهو و قدام برشاااا فلوس دولة تستثمر فيها علي خاطر الخطايا و برشااا فلوس الي تفرض فيها ك اداءات و ديوانة بش كرهبة في تونس تولي من أغلي في عالم علي اقل ابسط شي انها تعمل منصة بش تحد من ظاهرة غش و اسوام متع كراهب الي كلها مغشوشة تولي تتسعر حسب قيمتها حقيقة مش حسب اش يحط بايع و اكهو .
