24/07/2022
#ибрат
Кўча йўлакчасида бир чол ўтирарди. Унинг ёнида қоғоз қути қўйилган бўлиб, унга "Менга шодлик совға қилинг" деб ёзиб қўйилганди. Кўчадан ўтиб кетаётган болакай чолнинг ёнига яқинлашди. У қўлидаги маҳкам қўчган тангаларини қўти ичига солмоқчи бўлди. Аммо қутидаги ширинликлар, болалар китоблари, ўйинчоқларни кўриб ҳайрон бўлди.
— Ассалому алайкум, болажоним, — дея табассум қилди чол.
— Ассалому алайкум, —деди болакай, — Менда фақат танга бор-да! деб қўшиб қўйди.
— Шундай бўлади, баъзан —деди чол, ширинликларни яхши кўрасанми?
— Йўқ, менга мумкинмас.
— Китоб ўқишничи?
— Ҳали билмайман
— Унда сенга пуфак шишириш ёқар?
- Жудаям! Шунда чол қутидан бир нечта пуфакларни олдида унга берди.
— Мен бу учун СИЗГА нима берай?
— Ҳеч нарса, аксинча мен сендан қарздорман, чунки СЕН менга қувонч совға қилдинг.
Бола ўзида йўқ хурсанд бўлиб пуфакларни қўчоқлаганча югуриб кетди.
Кимгадир қувонч улашиш орқали ҳам инсон ўзини бахтли ҳис қилади. Қувонч улашишдан чарчаманг, азизлар!
